御品·千之味 (深水埗) (已結業)

之前見到電視賣過有專食三文魚既放題位於深心步，聽到依個消息 第一時間同三文魚腔既媽媽聽。相約左日子就食了！前排就去左深水步分店，入面空間不太大，所以建議訂定位比較方便。入面除左提供任食吾同既三文魚之外，仲可以加錢食下啲熟食。刺身：三文魚厚度剛剛好，所以食落有足夠既口感，溫度還是凍冰冰的；魚油味較少，但味道比爭鮮為好。花之戀：花之戀既三文魚吾系平時系街見到用三文魚啲頭頭尾尾整食，三文魚為薄身將整個飯包上。另外，中間放上不少既蟹籽，食落增加口感！冷麵：三文魚冷麵刀系第一次聽，所以order左黎食。原來系一粒粒既三文魚粒粒加上冷麵和芝麻醬一同食用；同樣地加入左大量蟹籽、青瓜絲、蟹柳絲食用，用左芝麻醬整成，味道香口。火灸三文魚壽司：口感入口即溶，經火灸之後三文魚特別香口啊！三文魚籽冷豆腐：豆腐好滑身，加入芝麻醬十分香口；三文魚籽大大粒，食落卜卜的。另外，飲品方面是自取形式，種類繁多