御名軒

營業中

休息中

就黎到新年, 由於屋企人比較忙, 所以提早食團年飯, 一黎唔洗咁難book (一行9人) , 二黎唔洗咁貴今次由大舅父揀既呢間酒樓, 佢話比較方便, 天后地鐵站一出就係, 而且食物水準ok! 咁岩做緊優惠呢個晚市三寶, 好抵食, 所以叫左個魚頭湯同沙巴龍躉片皮鴨亦都好大隻, 夠晒我地9個人食, 每人都食到2-3片! 咬落去都好juicy! 川芎魚頭湯, 我本身已經好鐘意d藥材湯, 而呢個湯唔算太重藥材味, 個湯好甜!! 飲左2大碗沙巴龍躉 - 我地叫左一條大既, 5位以上, 真係好大條!! 而且肉好滑, 咁大條既魚都蒸得好好食!! 公公係食魚愛好者, 對呢條魚讚不絕口海鮮雜菜煲就沒有太大驚喜生菜蠔豉大利 - 鮑魚好大隻, 而且好彈牙有咬口! 好食到呢個梨山醬手爪骨係我最鐘意既一道菜, 個汁好好食, 肉夠嫩滑, 而且好大舊!!! 忍唔住食左2隻天氣太凍, 叫左個臘味煲仔飯, 上菜既時候嚇親, 因為可能我地9個人份量, 個煲好大, 真係未見過咁大個煲"仔"飯! 充滿飯焦既煲仔飯, 好正! 而且D臘味好足料, 份量好多!!! 最重點係個豉油汁, 真係正到冇朋友, 係經煮過既甜豉油!! 送左兩

一提到新年呢，我成個腦都係食。咁食咩好呢，唔洗問緊係食盆菜啦，因為入面咩都有滿足哂我所有願望。所以今次就約足一班人黎試下御名軒既金尊鮑魚盆菜，除左盆菜之外而到仲一大特色－就係巨型西米布甸，有成18寸架😍 第一輪先黎個6人份既足料煲老火湯，成煲野都係雞腳、海底椰，十分足料味道清甜，飲完湯仲可以食埋的湯渣 再黎個臘味煲仔飯－臘腸，潤腸同臘肉。個人本身係唔好潤腸同臘肉所以其實我係冇試過架，但同枱友人唔洗幾分鐘就將其消滅可想而知應該有幾好食而好彩就因為咁冇人同我爭最愛既臘腸，由於佢唔會太咸仲要甜甜地送飯一流👍🏻 主菜黎啦－鮑魚盆菜牙，𥚃面有鮑魚，燒肉，雞，冬菇，鴨掌，大蝦，髮菜，鯪魚球，蓮藕，枝竹，豬皮，生菜，蘿蔔等等⋯⋯的料多到呢⋯⋯又入味喎所以的蓮蓬、枝竹同豬皮都勁正 到最後不能錯過既甜品黎啦－就係18寸巨型布甸，而個布甸要預先訂架，就咁去食係食唔到架，大家要留意牙。 熱辣辣出爐，好鬼香食落唔會太溜𥚃面仲有蓮蓉，好好味值得一試😋

今晚同屋企人去了天后的御名軒食晚飯，新年將至當提早做節。酒樓小菜款式都很多，價錢屬中價，在這區算合理。天寒地凍，我們決定叫個天麻川弓白芷魚頭湯，這個燉湯對女士來說簡直一流，可以去濕及減經痛，燉湯用料十足，一大碟湯料煲到只有5-6碗湯，所以湯味濃郁且鮮甜。之後媽媽話要食片皮鴨，所以叫了個一食，片皮鴨皮脆帶了一點肉，用餅皮包著連青瓜及大蒜一起，點些海鮮醬食，餅皮吸引了多餘的油份，青瓜則減輕油膩感，海鮮醬提高味䁷效果，最主要都係塊皮夠好味。沙巴龍躉很大條，蒸得剛熟，魚肉剛好離骨，外皮很彈充滿膠質，魚肉雪白，肉質嫩滑且鮮甜，而且骨不多，啱哂我這個怕食魚的人。冬天凍冰冰，臘味煲仔飯是冬天不能缺少的，天寒地冰食返飯熱辣辣的有味飯，成身都暖哂，臘味的油份全部滲落去飯內，飯粒爽口有油份，臘腸肥瘦適中，非常香口。最後食埋碗紅豆沙，有淡淡的果皮香，紅豆又大粒又腍，而且不會過甜，非常滿足的一餐。

光陰似箭 , 日月如梭 , 眨眼之間 2018年 又差不多過了一個月 , 但一月仍然是新一年的新開始 , 有很多朋友在 2017年 之後都未見過面 ....當晚 , 我們八人眾就約齊 , 在 天后 - 電氣道 御名軒 來個飯局 , 聚一聚頭 ~八個人 , 點半圍酒席又不夠吃 , 點上一圍又吃不下 , 所以我們預早就訂了一個盆菜 ~ 吃盆菜 , 最開心的 , 莫過於一班認識的人圍住來吃 , 有講有笑 , 盡情爆粗 , 講盡人間是非 , 謾罵身邊鼠輩小人 , 七嘴八舌 , 九唔搭八 , 這樣才開心盡興 ~這家店的盆菜 , 賣相實在是氣勢磅礡 , 食材非常豐富 , 鮑魚、瑤柱、冬菇、海蝦、蠔豉、燒肉、雞件、鴨腳、支竹、蘿蔔、豬皮、蓮藕、芋頭 etc .... 可以用豪華版盆菜來形容 , 而且排得整整齊齊 , 真正可以上得大枱 , 有圖有真相 .... 鮑魚大大隻又厚肉 , 鮑魚有鮑魚味 , 親友食飯或請客都不會失禮 ~ 燒肉件都刧得工工整整 , 肥瘦均勻 , 燒肉有肉味 , 不是 hea 給你的那種 , 這就是誠意 ~ 還有大大粒的蠔豉、支竹、蘿蔔、豬皮、蓮藕、芋頭 等等 , 全都煮得入味

來到一月中旬，仲有不夠一個月，很快就到年尾收爐飯或家人團年飯既時候，今晚先同朋友們覓食盆菜，呢間要介紹俾公司或帶家人來食，有矜貴鮑魚盆菜，仲有超巨形甜品，足足18吋既西米焗布甸，咁有氣勢，真係未食先興奮啦。足料煲老火湯 $128，份量夠6人享用，材料同湯水都足夠，而且價錢吸引。先點個老火湯潤一下，海底椰煲雞，仲有雞腳同豬肉等材料，仲幫我地分好湯，湯料另上。雞腳煲得軟綿，骨膠原都跑到湯水中。保持溫熱飲得好舒服，金黃色湯水上看似好多雞油，但入口不膩，比一般雞湯更濃郁，用海底椰煲多份清香甜潤。金尊鮑魚盆菜 $998（6位用），另外仲有（12位用）的份量，價錢 $1888。主角出場，有貴價的鮑魚令盆菜升級，當然有燒肉、雞、大蝦、髮菜、蠔鼓、貝乾、冬菇、鴨掌，還有中層的鯪魚球、豬手、枝竹、豬皮，底層有吸味的生菜、蘿蔔、芋頭、蓮藕等等，材料齊全又多，食完都飽到上頸。燒肉切得工整美觀，要讚一下燒肉層皮仲超脆口，肥瘦相間，彈口得來有咬感，不會太咸也不膩。貝乾完整一粒粒，要浸係炆汁滾熱食最正。冬菇用貴價的大冬菇，肥大肉厚好有口感。大蝦經炸過，蝦殻都炸透變得脆口，蝦肉非常肥厚爽彈，食完一定笑「蝦」「蝦」。

入冬以來除左打邊爐就係打邊爐，一係就雞煲，就黎新年喇都係時候開始食盤菜喇掛～年年新年前呀媽都會叫我搵下邊到既盤菜好食然後帶佢去食，好啦我今年就決定帶佢去呢到食，因為…有巨型西米布甸！老火湯夠火候。好啦其實主角係盤菜，佢好搞笑人地盤菜係一盤上架嘛，但因為個盤菜既料實在太多，所以雞件同腩仔就開上，咁都好因為腩仔煮得奈個皮會淋晒，而分開上就可以食到個脆皮，嗯！真係好脆！而且調咪非常好，你知出面有好多腩仔都咸到死架嘛，所以我食左好多舊～講返個盤菜，一黎就比鮑魚吸引左，煮得好入味好稔，入面所有材料都好入味，特別係蘿白、豬皮同肉丸，當然仲唔少得髮菜蠔屎、瑤柱冬菇、鴨掌呢啲好意頭既餸，好豐富食到好滿足～之外仲叫左個煲仔飯，大家一致對潤腸大好評，但因為我唔係好食呢類野所以淨係食左個飯底，都好入味～中意食既人可以一試！最後當然係我最期待既重點－－西米布甸！由細到大都好中意食，今次仲要咁大個，勁興奮！西米布甸本身唔甜，加埋入面蓮蓉食就剛剛好～最愛係上面焗到脆脆地既表面～好正！一野食左2大碗～yummy！

每次家庭聚餐，都會首選中菜，因為中菜最穩陣，適合大部人的口味。之前在御名軒食過午市點心，質素都不錯，所以今次試下晚市。花旗蔘燉竹絲雞湯看！一整鍋湯非常足料。表層泛起薄薄的雞油，未算油膩。湯底夠火喉，竹絲雞與花旗蔘的味道同樣香郁，喝落有微少花旗蔘的甘味，感覺非常滋補，為寒冷的天氣暖暖胃。燒汁京蔥爆海參帶子帶子大大粒，而海參炆得耐夠軟腍，但又帶少少彈。金沙脆涼瓜第1次試到苦瓜用這個方法去烹調！涼瓜用粉漿炸過，再用咸蛋黃炒，咸香中滲出涼瓜苦味。涼瓜並非每個人都喜歡，但我本身喜歡涼瓜甘苦味，所以覺得好正。梨山醬手抓骨手抓骨即是豬脾仔，有一條粗骨連住，方便大家拿着進食。啖啖肉，不妨蘸多少少梨山醬，甜甜地，更惹味。皇者燒鵝(半隻) 燒鵝皮脆肉厚，皮下脂肪較少，肉質較煙韌，而且鵝味重，值得一試。游水沙巴龍躉蒸魚最著重火喉，這條沙巴龍躉就蒸得剛剛好，龍躉肉質鮮嫩味美。

最近大閘蟹季節又到 太湖大閘蟹又來御名軒先試試好出名的燒鵝本人最愛吃皇者燒鵝（例）- $98燒鵝外皮香脆,好多肉汁,又香又滑,必試主角到了好期待!大閘蟹（約4両） - $48（每隻）必食的大閘蟹! 不時不食! 當造的蟹好多膏!金黃色的膏,好肥美的蟹必食之選!很好吃!兩個人每人食兩隻,飽飽之後飲返個滋補靚湯足料煲老火湯 - $128估唔到真係好足料半煲都係料!!太誇張!但是廣東菜一定要有個靚湯!!滋潤太補湯!!秋風起!當然唔少得一個羊腩煲!古法羊腩煲 - $198羊腩煲好香滑!羊肉軟化,入口半融化!配料有香荀,馬蹄爽滑!加少少腐乳!! 更香醇最後更係唔少得一蔬菜類!!芥蘭炒臘味 - $98芥蘭炒臘味 可以一試!! 臘味好香,肥美! 喜歡吃臘味的人一定喜歡!芥蘭好新鮮! !!!!!真心推介!!!廣東菜大閘蟹迷千祈唔好錯過！

今晚約了朋友食飯 地點超方便 天后A２出囗－分鐘就到下雨也不怕去食今年第一隻大閘蟹啦大閘蟹（約4両） - $48（每隻）好多膏呀~等左成年啦 ｄ膏好香呀~＂張＂住個口呀食完仲有薑茶飲 好貼心呀皇者燒鵝（例）- $98碟燒鵝真係無改錯名—＂皇者＂皮係又暖又翠 又無肥膏又有汁架超香超好味鵝同鴨的香氣真的不同足料煲老火湯 - $128我地真係湯怪黎架平日無時間煲湯就出去飲今晚係天麻川芎白芷魚頭湯 有頭痛頭風飲就最啱 飲完好 疏肝 芥蘭炒臘味 - $98冬天食臘肉 腸真係－流ｄ芥蘭又吸唒ｄ油香肥就肥啦古法羊腩煲 - $198仲送油菜－起滾呀滚 加埋碟腐乳獎 食完全身和暖唒冬天食羊點解會暖呢今晚３個朋友仔係酒樓傾下食下就幾個鍾 酒樓坐得舒服又無時間限制地點又超方便下次再黎過

在兩個月前，我們一行3人，下午 2:30 出席一個酒樓的下午茶聚！選址位於天后電氣道的 <御名軒>！當日，大會包場並安排了好幾款點心及菜色讓大家品嚐，來一個輕鬆歡聚！上菜大約一小時便上齊所有菜色！燒味拼盤 首先送上桌是燒味拼盤，略嫌整碟拼盤攤凍了！影響質感及口味！食落麻麻地！每樣試一件都夠喉！御名蝦餃皇蝦肉大隻爽口，蝦餃皮晶瑩煙韌，不過不失！原隻大蝦燒賣蝦餃大大件，勝在蝦夠大隻爽口卻是稍欠鮮味！ 可能大隻蝦的關係，顯得整體鬆散！蜜汁叉燒包我個人覺得叉燒包是點心當中最差的一款，包質鬆軟程度一般！而且很糊口又黏牙，實在難以討好！叉燒餡不算多！其包質及水準比坊間的蒸包店貨色還要遜色！口感令我難忘，事隔兩個月都好記得！乾炒牛河河粉夠味但稍欠鑊氣！怕皮膚敏感，淺嚐一件牛肉，牛肉質感軟腍腍，似是被梳打粉醃至肉質軟腍！毫無口感可言！全枱人食一碗就夠！鮑汁炆伊麵又濕又腍，不見驚喜！瑤柱蛋白炒飯口味略淡，最適合食得較淡的食客！特色糕點: 薑汁糕散發薑的辛香，口感煙韌！剛剛夠甜！是整餐較為好的甜品作結！食後感，我不是第一次來到 <御名軒>，以前嚐過其出品的小菜！算是不錯，卻

上次同屋企人第一次係御名軒食飯，估唔到質素都幾好，菜式既份量真係大件夾低食！事不宜遲，即刻去相！！！首先，打頭陣既就係花旗參燉竹絲雞湯🐓🍲一飲落去就已經感受到個湯既火侯好夠！而且濃度啱啱好，雞味帶甜，花旗參就帶甘，真係perfect match!!😋記住千其唔好忽視個湯渣！雖然煲左好耐，但雞既甜味依然仲有，點一下豉油又帶翻起雞既鮮味！加上d 料都用得好足！下次飲湯一定會嗌翻哩個！🍲茄汁焗海虎蝦哩道餸最令我驚喜嘅係個蝦真係好大隻！而個汁除咗茄汁之外仲加咗蔥入去炒，一上菜已經香味撲鼻皇者燒鵝（半隻）！十分推介既燒鵝！不但皮脆肉嫩，肉亦醃得好入味，一咬已經成口都係肉汁！而且燒鵝唔會太肥，瘦既部分都唔會太“鞋”，恰到好處，所以真心推介😍游水沙巴龍躉🐟今次既龍躉就不過不失，條魚蒸得幾滑，而最緊要係夠大條，哩個價錢黎講，CP值都算高！京蔥彩椒鮮淮山係幾特別既一道菜，無諗過原來淮山拎黎炒都咁好味！加埋京蔥同紅綠椒，清淡得黎又幾野味！！

同一班朋友去食飯，但又太多人唔知食咩好嘅時候，中菜就係最好嘅選擇啦！因為我哋大家都港島，其中一個朋友又介紹依間中菜幾好食，於是好快就揀咗依間～花旗參燉竹絲雞湯一開始梗係飲個靚湯暖下個胃先啦！花旗參補氣、健脾益胃，最啱就係喺轉季依啲會容易病嘅時候飲㗎啦~個湯飲落味道好濃，但又唔會好油膩，竹絲雞嘅肉質好嫩又滑，真係好好味!睇下! 真係夠晒足料，個湯先可以咁濃咁好味!茄汁焗海虎蝦一見到隻虎蝦就流晒口水🤤🤤 因為佢好大隻!!! 咬落去蝦肉嘅味道吸收晒茄汁嘅濃味，酸酸甜甜咁，真係夠晒開胃!京蔥彩椒鮮淮山我本身唔係太鍾意食淮山，覺得佢好"諧"但依道菜真係令我對淮山改觀!我一直都以為淮山只係會拎嚟煲湯，原來淮山仲可以拎嚟炒~依道菜我好推薦大家食，淮山咬落去係好爽口，我真係一舊接一舊唔想停口呀~皇者燒鵝（半隻）重點推薦 - 皇者燒鵝!!!終於都嚟到重點主菜啦，未叫之前我朋友話依喥嘅燒鵝好好食，食完發現果然「名」不虛傳!燒鵝嘅肉質好嫩，皮同肉嘅口感好均勻好夾，完全係啱啱好~再配上䄂子醬，將燒鵝嘅味道再推上一個層次，佢中融咗燒鵝本身嘅油膩感，所以食落唔會話驚太油~瑤柱蛋白炒飯當然唔少得飽肚嘅炒飯啦! 咁大

皇牌燒鵝半隻238~燒到皮脆而且肉質嫩滑鬆化！！特別最正係脾位。啖啖肉又有質感！多食幾件都唔會覺油膩。我現在還十分回味燒鵝香的那種感覺。。。太好味了新鮮沙巴龍躉，清蒸加上魚豉油最能表現魚既鮮味魚肉索哂味夠哂軟滑！咁大條沙巴龍躉都係238!! 相當抵食！而且真係夠哂新鮮，沒有 over steam既情況！真係齒頰留香葱花亦不得不提，夠哂清香竹翠銀杏88蚊~銀杏本身的甜來得自然鮮味加上百合，雲耳，西芹這種配搭。非常爽口清甜。

食得多多國菜，間唔中都會想食下中菜，今次陪屋企人去左天后既御明軒食晚飯，先上左椒鹽腰果鮮魷 - $88，腰果好香好脆，魷魚唔會炸到太多粉； 梨山醬手抓骨 - $98又係勁香，但要點多啲汁先夠味！海鮮什菜煲 - $98，帶子同蝦都大大粒，清清地，不錯，很喜歡皇者燒鵝（半隻）- $238惹味，多肉；足料煲老火湯 - $128，有烏雞，清甜甘味仲有好大條，魚肉好滑既游水沙巴龍躉 - $238 （必試！）最後個甜品楊枝甘露奶既成份較重，個人麻麻地，少左芒果味，下次都係叫返中式甜品穩陣d!

是日聚餐因為要方便各方好友，就揀左係天后地鐵站隔離的御名軒，一岀站就見到酒樓個招牌喇朋友話午巿晚巿都旺，所以訂定位先入秋嗌個老火湯飲下先，好多料好大煲，成圍 share 就差不多濃郁嘅花旗參雞湯，飲左兩碗補一補等齊人的時候見到好多枱都嗌左呢碟金沙脆涼瓜，所以我地都跟隊嗌碟黎食下😂炸得金金黃黃，好脆口。涼瓜每一舊都沾滿炒香的金沙，蛋黃咸香中和左涼瓜嘅微苦，又真係幾好吃！難得大家都鐘意食香口野，當然唔少得呢碟椒鹽腰果鮮魷無論係腰果定鮮魷都炸得非常脆口，送啤酒一流🍻半份嘅皇者燒鵝，多汁味濃。燒鵝燒得恰度好處，肉質鮮嫩帶點酥香游水沙巴龍躉，鮮濃魚味非常好食！ ！蒸得岩岩好，魚肉好滑最後食埋呢個海鮮雜菜煲作結～個煲都好足料，粉絲索晒啲精華好入味