御千丼 (已結業)

成日經過呢間小店 , 但一直都無行入去 , 今日終於黎試試 !店鋪大約有 10 個座位 , 平日晚飯時間坐滿客人 , 都有好多人選擇買外賣 ~餐牌 : 壽司拼盤 B ($98)三文魚 x 2 , 馬刀貝 , 甜蝦 , 赤身 , 吞拿魚碎 , 帆立貝 , 魚子 , 共 8 件每件都好新鮮 ! 帆立貝超大件 !特盛角切丼 ($98)有三文魚腩 , 赤身 , 帆立貝 , 魚子 , 海膽 , 蛋粒 , 青瓜粒海膽新鮮又甜 !! 魚生同飯份量合理 , 正常食量女生夠飽 ! 雪糕泡芙贈送 ge 飯後甜品 ~ 食完覺得晚餐好完滿 ~小店雖然較逼 , 但店員服務有禮及細心 , 食物質素亦屬中上 , 價錢合理 ! 絕對會回頭 😀

朋友帶路黎食呢間日本料理店，位於小巷既小店好似日本既居酒屋，細細間但係食物有好多款式。消費滿100蚊就可以優惠價叫幾款刺身/小食，好抵食呀！咁我地就叫左一個三文魚帆立貝海膽丼~$128海膽好鮮甜，帆立貝好厚肉，口感彈牙蟹肉蟹子沙津~$58沙津份量好大碟，鋪滿左蟹子壽司拼盤-8件~$98吞拿魚壽司既刺身好厚呀！叫滿左$100就可以特價$28一份三文魚刺身通常優惠價份量較少，但小店既三文魚刺身係有5片，每片都係厚切，有口感充滿油香最後值得一讚既係服務好，不停為我地加茶，小店真係有人情味啲，好飽好滿足既日本料理餐！

大埔可以吃到刺身飯的地方不多，最近這邊開了不少小店，今天上openrice search到這間，是專門吃刺身飯的！！🤩位置其實不難找，過左停車場轉左便是。門口已放有不同推介刺身😚坐下後店員遞上餐牌，整牌都是不同款式的刺身飯，當然仲有熟食，在後面果頁。店內的牆上也貼滿了照片，可以當參考，睇下有咩岩食🤗跟餐會有前菜，有沙律，螺肉，蜆湯都真材實料👍另外叫左一客壽司，三文魚厚身。壽司都可以一件件叫👍朋友叫左個鰻魚飯！！有驚喜，鰻魚燒得非常香！推介👏自己叫左刺身飯吃，有刺身，三文魚，帆立貝，牡丹蝦及海膽！！這個刺身飯的三文魚其實是三文魚腩來的！色澤新鮮，而且份量也不少，價錢合理。最後我們叫了一個小食，燒三文魚餃，這個除了三文魚餃外，還有幾塊厚厚的三文魚👍

早幾日同屋企人落樓下附近食飯，細佬話想食日本野，唔想去到大埔中心度食爭鮮D 連鎖餐廳，原來樓下都有間小店，一於就去試下。 間舖位就唔多，大約十個左右，見到都有唔少優惠，堂食同外賣都有。 咁我同細佬坐低就睇睇menu， 選擇都幾多，價錢街坊價。見到佢地有海膽優惠，不過兩個人都食唔哂成板既海膽，所以我地就一人叫一個魚生飯，都有海膽既。 我就叫左個三文魚甜蝦海膽丼，108蚊, 我細佬就叫左個三文魚帆立貝海膽丼，128蚊，百零蚊有個海膽既魚生飯都幾抵。 碗魚生飯都幾大碗，一碗有四片三文魚，三隻甜蝦同埋海膽。海膽係有驚喜，鮮甜唔腥。三文魚都有三文魚味，依個價錢我覺得係物有所值。 另外就叫左個雞皮餃子試下，我覺得幾特別，不過如果皮再脆d 就好啦。總括黎講，絕對值得encore, 下次可以試下叫外賣。

大埔區這一類型主打丼飯的，好像只有這一間，小舖經營，一睇餐牌估唔到選擇有咁多，睇左好耐，因為樣樣都想試吓，落單好快食物就嚟啦～我哋叫左一個丼飯係三文魚帶子海膽丼，一個鰻魚飯加左18元做套餐有湯有沙律有前菜都幾好食，芝麻雞翼，同兩件三文魚壽司，食刺身首要條件一定要新鮮，個當飯上面嘅所有刺身真係好新鮮，平時出街食海膽都好怕有浸木板味，佢哋海膽好鮮甜一啲板味都冇，搞到我好想叫多份海膽食，而份量都非常之足夠，而且平時食連鎖店嘅壽司飯都會覺得好甜，不過呢一間嘅壽司飯真係好好食！仲有佢條鰻魚超級厚～好耐好耐都未見過咁樣嘅鰻魚飯啦，依家食到嘅鰻魚飯一般都係海鰻，以前食日式餐廳比較容易食到真正嘅鰻魚飯不過依家啲日式餐廳，唔係間間都會俾捉料，真心推介可以叫一叫佢個鰻魚飯食，老闆都非常親切，價錢相當合理有陣時仲會有啲優惠，平均來講，鋪頭雖小，不過食物質素一點都不受影響，真心值得支持的小店。

唔好以為大埔冇咩嘢食啊，其實好多嘢食！其實行遠少少就已經有好多唔同風格嘅嘢食，我今日食既依間日本野好容易搵到，入面嘅裝修都好特別，播住日本歌食完日本野又真係幾有感覺！呢度嘅價錢一啲都唔貴，而且學生仲有學生價，係我進餐嘅時候都陸陸續續有人嚟買外賣，我揀咗個M2餐，呢個價錢絕對唔貴，因為佢真係份量超級足夠，一定夠食，而且每一件刺身都好高質素，食得出佢好新鮮٩(˃̶͈̀௰˂̶͈́)و依碗飯有三文魚，吞拿魚，魚子，玉子，海膽，帶子等等！食飯既時候落少少豉油加少少wasabi就ok 啦！其實碗飯好大碗，份量真係好夠，cp值好高！☆彡食落口真係讚不絕口~雖然只係$98，但質素確實比得上岀面三百幾蚊既質素！(*☻-☻*)

抵食有驚喜平民日式料理小店去大埔探朋友仔,我地都想食日本野,就係太和火車站行過黎新食街美豐花園度覓食啦,見到呢間御千丼,就二話不說入去試下啦.入面地方較為細,裝修簡單,但有濃厚既日本氣氛,播住濱崎步既歌,職員態度友善,食野都特別開心,更適合情侶用餐.餐牌非常多選擇,應有盡有,最鐘意食三文魚海膽既我當然叫左個三文魚甜蝦同海膽丼啦.而友人就選左個壽司拼盤A,除此之外,因為太想食刺身所以再叫多個刺身拼盤(三文魚,甜蝦,馬刀貝,帆立貝).落單時候職員仲好貼心咁問洗唔洗轉做定食包含一碗有蜆肉豆腐海帶嘅麵豉湯加一份小食以及一份沙律.都係加多$18當然就要啦.落左單一陣就已經黎啦,而小食亦頗具份量,沙律菜亦新鮮爽口.接住落黎有壽司拼盤,每款用料都新鮮,最鐘意佢個蟹膏壽司,味道濃郁而不膩,食多十舊都仲得.爽!最後精美既刺身拼盤,一個小筲箕載住甜蝦甚為有特色,而三文魚厚度足夠口感十足,馬刀貝非常爽口.蔗渣既價錢,燒鵝既味道,抵!結論三個字:正,爽,抵小店咁既質素已非常難得,仲要有300蚊免費送上門外賣,以後可以足不出戶就可以品嘗到新鮮刺身啦.

放工翻到大埔周圍搵野食，見到一間非常隱蔽嘅日本野小店，一於去食下！.🍱溫泉蛋鰻魚丼$98 (4/5)十分大碗嘅鰻魚飯，有起碼四小碗飯，兩個女仔share啱啱好😍鰻魚濃味啖啖肉，加上溫泉蛋飯、紫菜、蛋絲！正👍🏻👍🏻👍🏻👍🏻.🍣刺身拼盤B $118 (4.5/5)拼盤咪睇佢細細，每片都好厚身，啖啖肉😚個set包括有三文魚、三文魚腩、赤身、帆立貝、甜蝦(各2片)，非常新鮮！本人特別加叫三文魚腩壽司一件($11)，好滿足啊！.同場加影, 蟹肉蟹膏壽司($20）蟹膏好香口加埋蟹肉😝放工有咁嘅享受~~happy 🤪

夜晚9點幾收工想靜靜地揾個地方食日本餐即時就諗起呢到由於得我一個人就叫左個壽司🍣B 餐一共有八件壽司店員好細心問我需唔需要加$18轉為定食定食包含一碗有蜆肉豆腐海帶嘅麵豉湯另外有一個小食螺肉，份量都幾多以及包一份沙律，加$18有多三樣嘢都唔錯壽司🍣每款都好新鮮尤其係吞拿魚壽司完全無筋$9x 就有魚子壽司，吞拿魚壽司呢個價算抵食好過外面大公司成日要排隊，無甘平之餘唔好食呢間小店若果住附近仲可以叫外賣完全適合夏天唔想岀街嘅人

朋友都說大埔多隱藏美食店, 今日終於畀我搵到一間😎😎入到去見到好多日式嘅裝飾,感覺似去咗日本嘅小店..... 好有氣氛！而且播著流行的日文歌，氣紛甚具和風🍣🍣.貝。  丼特大帆立貝 海膽 馬刀貝, 用料好足好大塊，鮮甜¬¬.海膽更加係新鮮甜口！仲可以加$18轉定食添， 有味噌湯 前菜 沙律😋!!壽司拼盤三文魚 馬刀貝 甜蝦 赤身 吞拿魚碎 帆立貝 魚子海膽手卷最後都係唔夠喉再叫咗海膽手卷， 味道真係好正😋😋😋

呢間位於大埔區嘅日式小店，好近火車站，行過嚟都唔使10分鐘，店舖細細，簡簡單單嘅裝修，充滿着日本嘅風味，佢Menu上面嘅菜式都唔少，除咗主打丼飯之外，都仲有壽司刺身同啲小食。而除咗Menu之外，佢隔離仲有塊細黑板仔寫住應該係比較特色嘅嘢食or當日新鮮貨。今日嗌咗呢個$98嘅特盛火炙丼，上到黎好吸引，大碗得嚟，有齊三文魚，帆立貝，蟹籽玉子等配料，全部都用火槍嘻嘻炙燒過，香氣十足而且賣相一流。2大片帆立貝燒完更香口鮮甜，三文魚亦夠大塊！🤤每個丼飯加18蚊可以轉定食，有湯前菜同沙律，幾抵食。總括而言，係一間用心經營嘅鋪頭仔，這個價錢適中，最平50幾蚊就有個丼飯食👍🏻

最鐘意試小店今次同朋友試咗呢間刺身飯座位數目不多，只有幾張枱，容納10個人以內店內什有日本風三文魚、帶子同海膽刺身飯帶子好厚切，滿足我果腹之欲呀三文魚有4塊，口感油脂豐富海膽都幾鮮甜嫁好多吞拿魚魚蓉現海膽😍 用黎撈飯食一流海膽鮮甜味美飯既份量好夠，醋飯唔會太酸呢個係雞皮餃子入面係無骨嫁！仲有小小肉而且滿口雞皮油花，感覺非常邪惡呀

📸#tagnshare大埔篇.介紹下呢間位於大埔既日式小店先.. 舖頭仔唔算大，但就有份家庭式既感覺🏠價錢算是平民價格，呢個豪華版壽司拼盤，有三文魚腩、海膽、魚子仲有埋拖羅⋯🤤🤤🤤🤤都係$188！特式既小食- 免治雞肉丸（$38），配埋蛋漿&醬油，外脆內軟！同場即刻Encore $68/3隻珍寶赤蝦😍爆哂膏~ 係小店食野，最好就係可以試好多好多款都唔會太貴，瘋狂單點～豪氣耶!! 💪🏻. 🙋🏻‍♀️高妹小編.- 👇🏻地址👇🏻.御千丼 (大埔)大埔翠樂街11號美豐花園地下15號舖……………………

話說有一去拎公仔去洗衣鋪洗。 見到有間壽司店。 今日下午一個人就落去食。 估唔既係。 高質👍🏻👍🏻位置係幾唔顯眼。 係停車場隔離條行仔到 好隱世既食店。 岩岩掛住食唔記得相機食先。 份量好夠。 海膽好食。 價錢合理好多刺身可以簡。 除左丼之外仲有好多選擇 我見到仲有外賣。 不過對於一個海膽狂黎講 真係好食。 平時出面食果d好多都係苦。一係就無咩味 有質素。地點都方便（因我我住係附近）😉估唔到大埔有咁高質既丼👍🏻👍🏻👍🏻

跟住太和站附近最近開咗好多小店 各式各樣都有 今日就去食呢間食壽司丼飯嘅御千丼店仔細細剩係放到四張枱 廚師侍應都好友善 可以閒談幾句 由於可以接待嘅客人好少 所以有一種度身訂做嘅感覺 建議嚟之前要book位鍾意食魚生嘅我叫咗個三文魚帶子海膽丼 三文魚勁肥美 呈鮮橙色 感覺上新鮮 而且食落鮮甜 油份十足帶子比較清淡 但係非常厚肉 而且圓潤飽滿鮮甜無比 海膽係用咗細細粒嘅海膽 數量唔少 甘香味美 丼飯分量唔大 女士嚟講啱啱好 跟餐仲已經有麵豉湯沙律同埋螺肉 麵豉湯冇乜特別 沙律有啲驚喜因為沙律菜好新鮮 螺肉唔係度度跟餐都會有 而且分量都算大出手闊綽另外叫咗個芝麻雞翼做小食 外皮炸到脆卜卜 入面嘅肉汁仲可以保留到 加上芝麻嘅香口 真係想食多幾隻