御千丼 (已結業)

與同事喺太和做完事，就在附近搵嘢食，佢帶路由地鐵站經商場行過去，大概十分鐘路程，去到御千丼，店舖細細間，大概容納十個人，裝修別緻，幾有日本feel，牆上貼滿美味菜式相片。侍應有禮，叫了一碗三文魚海膽丼，再加 $18 轉定食，定食有麵豉湯，裏面有一隻蜆和昆布，湯味濃郁，還有一份螺肉，不辣，味道適中。至於沙律菜，夠新鮮。嘩！份量好足，有五大片三文魚，夠肥味又鲜甜，三片海膽，入口即溶，新鲜，冇腥味，配有黃瓜、青瓜、薑，可以清清味蕾。另一碗是三文魚帆立貝海膽丼，基本上是一樣，只是多了帆立貝，有2大隻開边，又新鮮又彈牙，好味。再叫多一客油甘魚刺身，共有5片，厚切，新鮮甜美。整體環境雖然細，但簡單整潔，食物雖然冇花巧，但魚生食嘅係新鲜，夠鲜甜，就好味啦，2个平均$180。

今日屋企無飯食, 就約埋好姊妹去附近食個飯, 傾下計😊👭🏻 日系嘅裝修加埋日文歌好有日本街頭小店嘅感覺🤔 由於我地都極肚餓, 所以就叫左兩個海鮮丼🍱, 一個小食同兩件壽司🍣😋😋特盛火炙丼🔥🍣🍱火炙丼材料幾豐富, 有三文魚, 帆立貝, 蟹柳, 蟹籽同玉子, 半熟嘅海鮮鮮甜味美, 加埋沙律醬均勻咁分怖係成碗飯到, 正!😋 玉子通常都係被遺忘嘅小角色, 但我同朋友都覺得燒得幾好味😊三文魚甜蝦海膽丼🐟🦐🍱海鮮丼幾足料, 三文魚幾大塊, 甜蝦新鮮, 海膽唔腥仲幾甜添👍🏻飯量亦不少呢, 岩哂小妹e d飯桶😂雞皮餃子🐔🥟餃子🥟熱辣辣, 外皮香脆, 入面juicy, 唔錯!蟹膏蟹肉壽司🦀🍣蟹膏同蟹肉都算多, 蟹膏唔腥而且味道濃郁, 兩樣加埋幾有口感😊吞拿魚碎壽司🐟🍣吞拿魚碎幾多, 而且幾滑, 口感唔錯!總結: 食物味道唔錯, 煮得幾有心機, 而且價錢屬平民價!

大埔區高質的日本料理確實不多，今日來到太和這間小店十分有驚喜。地點近太和港鐵站，行幾分鐘就到，好方便。雖然店鋪小小，但食物選擇一點都不少，刺身、壽司、燒物、便當等，款式好多。特盛火灸丼($98）賣相好吸引 ，火灸三文魚、帶子，玉子、蟹肉鋪滿整碗飯，份量十足。刺身拼盤($118)有5款，每款2件，切的好厚身，三文魚超級肥美，吞拿魚好鮮味，這個假錢能夠吃到這個質素真係好難得。鲭魚便當($58)👍👍一上檯就聞到好香的味道，難得的是普普通通的鯖魚都可以燒得咁好味，這就是用心製作。滿$200還可以用優惠價加配其它食物，我們就要了一份焗三文魚鳍，魚皮應該用火槍燒過，皮很脆，一口咬落去有汁滲出，超級正！全間小店由老闆主理，好用心製作每一份食物，老闆娘就負責招呼，兩人都十分nice。雖然地方細細，但由食材、食物出品、服務可以看得出店主的用心經營。

小店食刺身丼飯，有點似日本小小居酒居感覺。舊報紙配光亮玻璃瓶，背景音樂日文歌。焗三文魚鮫 $38大店都有，但相對貴點。見$38就毫不猶豫點了一客。焗三文魚既魚皮脆口，大大件橙色亮點。三文魚鮫有層微膠質係上面咁，魚肉多肉脹，有相睇無誇大！得閒食下小店。海膽蟹肉丼 $128海膽色澤明亮，海膽配青瓜食口大，微甜。混飯時專登唔混海膽依part，想原口海膽入口才好。芥末少少加落蟹肉都ok，個人感受唔加好食d。蟹肉一口接一口好爽，自己拆蟹肉就辛苦。蟹膏濃蟹鮮味過蟹肉，小小地提味。飯唔係珍珠米，不過都強痴加長圓滾滾飯。特大帆立貝海膽馬刀貝丼 $138兩色飯一白一橙，添點綠葉。馬刀貝一路爽口咬一路覺得有汁出，有多兩塊就好。特大帆立貝有普通帆立貝兩倍大。

早一個星期先食完魚生飯，點知今日又癮起，上網見到大埔有間專食魚生丼飯既，就即刻衝過去食，8點幾黎到，餐廳 唔算好多人 ，我同我個朋友分別叫咗兩個魚生飯 ，叫完兩個魚生飯之後都睇下呢度有冇壽司食 ，後來畀我發現咗有一款出面唔係周圍有得食嘅壽司， 魚鮨壽司 。我就點咗兩件嚟食 ，呢度個壽司飯嘅魚生都好充足， 仲好新鮮 ， 角切魚生飯仲砌得好大粒， 食落去都感覺到有大約四至五種唔同嘅魚生喺入面， 不過我落多咗豉油， 搞到鹹咗少少， 佢個魚鮨壽司非常之新鮮， 喺魚之上面仲簡單咁用火烘在一烘， 外表有啲脆又鎖住咗魚汁喺入面， 食到咁滿足兩個人埋單都唔駛三舊水， 抵食！

平時都會黎以頭附近食野，今日同呀囡去完上堂就行過黎睇有咩食，呀女話指明要食壽司，所以我地Lunch 去御千丼食。小店店鋪細細，餐牌有定食、丼飯、刺身、壽司、小食、沙律刺身壽司定食有麵豉湯、沙律、小食壽司有三文魚、蟹棒、甜蝦、馬刀貝、油甘魚、白玉豚、魚子，有我至愛既甜蝦，好鮮甜，魚子最怕食到勁腥，以到既魚子夠新鮮，粒粒多汁，而白玉豚第一次食，有驚喜，甘香爽嫩刺身有三文魚、白玉豚、赤蝦、八爪魚、墨魚，八爪魚好爽脆，一點都唔韌，赤蝦大大隻，刺身新鮮玉子壽司、蟹籽壽司飯和醋比例剛剛好，不會太酸唐揚炸雞炸雞不會炸得太乾，食落還有肉汁，雞肉夠嫩滑，但沙律醬少一點會更好完熟水蜜桃梳打汽水

在Openrice見到此店很多好評，而且價錢實惠，於是與友人到此一試。小店位於大埔美豐花園，由港鐵太和站步行只需幾分鐘，店內面積不大，只有十餘個座位，感覺是做街坊生意，所以食物價錢都很實惠。我們點了刺身拼盤，包括三文魚、甜蝦、馬刀貝、及帆立貝各兩件。貝の丼: 內有特大帆立貝、海膽、及馬刀貝刺身。刺身都很新鮮，每片魚生片都厚切。刺身拼盤及魚生丼都可加$18轉為定食: 包括麵豉湯、沙律、及小食。麵豉湯很足料，有豆腐粒，海帶，及很大粒的蜆。另外亦點了一份咖喱豬軟骨便當，豬軟骨煮得很淋很入味。咖喱汁是分開上的，咖哩汁味道濃郁，有層次感，可先嚐嚐豬軟骨的味道，再加上咖哩汁一起吃又是另一番美味。

大埔區嘅日式食店都有好多，但呢間店有好多傳聞話好抵食，咁我梗係同我位摯友嚟食吓感受D傳聞有無得反駁啦！呢度舖仔細細，但食物種類真係多的是，睇到我咩都想食，既然咁，我地決定叫個便當套餐、刺身拼盤另加兩款小食。角切鰻魚玉子便當：有味噌湯、蟹子沙律、醬汁螺肉，至於個粒粒鰻魚飯，唔會太黏口，撈埋D鰻魚汁，一口有汁飯、一口鰻魚粒、一口玉子蛋粒，好滋味！刺身拼盤：有三文魚、赤身、帆立貝、三文魚腩、甜虾、帶子各兩件，食刺身都係想食其鮮甜新鮮啦，有呀好新鮮爽口呀。 甜虾有蝦膏，三文魚腩就好肥美、稔滑、有魚油香，呢個魚腩簡直為我呢排納悶嘅胃口加持一下了🤪。如果下面加啲冰保持溫度會更好！芝麻雞翼：又係另一驚喜，脆口嘅外皮帶有微微辣感，入面嘅雞肉汁又保留到，唔係乾柴柴，正到吖！👍🏻焗三文魚鰭：焗到冇過火，魚皮脆魚肉嫩嫩、滑溜溜，啱食喎。呢度眼見得一位店面服務員同一位廚師，你咪理，水凖完全我意料之外，價錢仲一D都唔過份又冇收加一，去到咁質素，唔係傳聞，係事實的抵食！

唔行過去都唔知, 緊鄰太和邨一帶私人屋苑地鋪餐廳原來咁多野食, 由於好大雨隨意行一圈見到門口menu幾吸引就li間吧, 店內面積雖少, 但都放到一張4-6人枱, 一張4人枱同兩張2人枱. Lunch定食送沙律, 小食, 味噌湯十分抵食.>味噌湯味道豐富, 昆布, 豆腐粒, 仲有一隻蜆.>蟹肉, 甜蝦, 墨魚丼 (HKD108)拆碎哂蟹肉誇張地鋪滿半碗飯而且有返咁上下厚度, 伴隨住一大啖蟹膏, 濃濃嘅味道送飯一流. 兩隻肥美甜蝦橫跨整個碗, 味道鮮甜, 墨魚片厚肉, 啖啖蟹籽尤其爽脆, 飯量同剌身比例好好, 唔會話食哂啲料要齋食飯咁Dry, wasabi都好高質.>唐揚炸雞 (追加HKD38)定食加多HKD38就有多個小食///剌身, 啱哂兩個人Share. 炸雞juicy肉嫩, 炸嘅皮薄薄的真心大件夾抵食😋.

最近心情唔好，所以唯有化悲憤為食量😌就算一個人食好，都要對自己好啲！呢到主打丼飯，不過見佢個午餐set, 刺身壽司定食都好吸引，所以二話不說就叫左啦先嚟沙律同前菜，沙律菜新鮮，帶子裙邊惹味開胃，唔錯！等左10分鐘到，我個set lunch 就出嚟啦！一上枱已經超級吸引壽司一共有8件，包括三文魚、蟹棒、甜蝦、馬刀貝、白玉豚同帶子！全部都係厚切，咬落有口感之餘，仲好鮮味😚刺身方面，就有赤蝦、三文魚、白玉豚、墨魚同八爪魚！又係超級厚切，每一啖都超級滿足最後飲埋個麵豉湯，成餐飯食得超滿足😊據說丼飯都好唔錯，下次一於試埋

🚲呢間小店係黃昏踩單車時經過發現嘅，覺得門口好有日本隱世小店嘅感覺，就放低部單車，好奇地入左去幫襯～🔆北海丼 - 三文魚、三文魚籽、蟹肉蟹膏🦀、勁大隻帶子，睇到令人流口水嘅賣相。三文魚同帶子成塊扒咁又厚又大，滿口帶子油潤嘅口感同三文魚嘅鮮甜魚味，大滿足～🔆蒜香一口牛丼🐮 - 雖然奇怪蒜片唔多，但成碗飯都好香蒜味；牛肉size適中，咬落去嘅時候，牛肉汁爆出黎，好juicy嘅口感。飯汁味道甜甜地有d惹味，伴飯一流，結果一粒飯都無剩。😋🔆焗三文魚鮫 - 特價只係$38，有4大件，滿口魚油骨膠原，焗得皮香肉嫩，抵食！👍🏻🥢小店似乎係兩口子（唔確定😜）經營，好溫馨啊～我食到一半嘅時候，門外已經有人等位，又有人等外賣。見到餐紙寫住滿$300有免費送上門服務，如果多人食又係附近街坊，送上門都幾好喎～

阿女在大埔上完跳舞班，她等我放工一起吃晚餐，之前路過這間在民居的御千丼，阿女已經很想試，今日就陪她一起吃！入到店內是充滿著日本的風味，小店內可坐10-12位客人左右，但有很客人是點外賣的！店舖雖然小，但丼飯種類很好，總有一款適合自己口味啊！海膽蟹肉丼$128大大碗的，很多鮮味蟹肉碎，又有很爽口的蟹子，又有濃郁味的蟹糕，還有很新鮮的海膽加一些配菜，再配上軟綿綿的日本珍珠飯，非常豐富的一碗丼飯！丼飯加$18有：味噌湯 ～ 有蜆肉，豆腐，湯唔會太咸！螺肉 ～ 彈牙！沙律 ～ 新鮮！海膽壽司、蟹捧壽司、帆立貝壽司、三文魚腩壽司每款都十分新鮮，吃日本料理最重要的！還有來自日本的波子汽水和蜜瓜梳打，好味！結脹時才發現沒有加一服務費，兩母女的晚餐不同$300，很平宜啊！

突然好想吃日本菜，和朋友去到太和附近搜尋美食。原來近國際學校附近一條巷仔入面都有好多美食，當中見到一間小店，見到佢門口擺放嘅食物圖片咁吸引，隨即吸引左入去。小店裝修好有日本feel，而且牆壁上面貼上多款食物圖片，餐牌有兩版、圖文並茂，很吸引呢。另外還有大割引優惠餐牌，仲可以以優惠價錢換購餐牌上的刺身食物。先點了一些壽司，包括大拖羅、鰻魚及三文魚腩壽司。當中的大拖羅壽司很肥美，而且條紋好平均，食落去有入口即溶的口感。因為我們都是吞拿魚控，所以我們叫了一個定食-T3 藍鰭吞拿魚丼 價值$268，當中有吞拿魚蓉、赤身、中拖羅及大拖羅。先來了一杯麵鼓湯及沙律，湯很清甜，還有一些細細粒的豆腐，幾有咬口。藍鰭吞拿魚丼賣相與餐牌的圖片一樣，刺身望落去很新鮮，點少少豉油Wasabi一齊食更加滋味。最後埋單都只係$470有找，平均消費$240就可以食到咁高質素嘅日本菜，感覺值回票價。

近太和站開咗間有誠意嘅日式小店😆Menu都有五六張，好多款！揀食咩都揀咗好耐😂.火炙三文魚帆立貝丼 $80估唔到份量都幾多！四塊三文魚同五至六片帆立貝經火炙處理後依然不失鮮味。丼飯嘅醋味比海膽丼嘅飯重，又唔會太酸，非常抵食👍🏻.吞拿魚碎拖羅海膽丼 $188海膽比想像中鮮甜，一啲都唔腥🤩吞拿魚碎撈飯又係好正 ，拖羅鮮嫩甘香😋加$18 好似可以轉定食，會有小食、湯同沙律不過我同友人冇加都已經夠哂飽！.消費滿$200可以優惠價$48叫珍寶赤蝦刺身🥳仲有其他野可以揀。赤蝦食落都係好新鮮，蝦頭好大好多膏，$48有三大隻真係好抵😆.舖內座位唔多，大約十個左右。雖然坐得唔算太舒服，但環境同餐具都好整潔。而且店員非常細心有禮，會經常主動加熱茶。整體性價比高，住係附近嘅話不仿去試吓！

位置在一條小巷子入面，不算太顯眼，不過也可避免太多人等位的狀況。我在平日下午進餐，人流較少，環境舒適餐牌以刺身飯為主，也有壽司刺身及熟食可加錢有小食，不過今日只有我一個，食唔哂，下次有朋友一齊可點，都幾抵！今次選左食呢個K2貝之丼，有特大帆立貝，海膽及馬刀貝，全部都係我最喜愛的魚生！加$18就有埋湯，前菜及沙律！前菜有帶子群邊，好開胃！首先要讚讚呢個湯，用杯盛起方便飲用，而且入面材料豐富，唔計海帶，豆腐，仲有峴！沙律都唔輸蝕，平時最怕唔夠醋，成日慳住點醋，呢到係十分足夠！好喜歡正式食丼！已經被特大帆立貝吸引眼球！好厚身，食落鮮味海膽也絕對新鮮！而且大大啖放落口，童叟無欺！馬刀貝就個人認為少少咸左啲