御千丼 (已結業)

跟住太和站附近最近開咗好多小店 各式各樣都有 今日就去食呢間食壽司丼飯嘅御千丼店仔細細剩係放到四張枱 廚師侍應都好友善 可以閒談幾句 由於可以接待嘅客人好少 所以有一種度身訂做嘅感覺 建議嚟之前要book位鍾意食魚生嘅我叫咗個三文魚帶子海膽丼 三文魚勁肥美 呈鮮橙色 感覺上新鮮 而且食落鮮甜 油份十足帶子比較清淡 但係非常厚肉 而且圓潤飽滿鮮甜無比 海膽係用咗細細粒嘅海膽 數量唔少 甘香味美 丼飯分量唔大 女士嚟講啱啱好 跟餐仲已經有麵豉湯沙律同埋螺肉 麵豉湯冇乜特別 沙律有啲驚喜因為沙律菜好新鮮 螺肉唔係度度跟餐都會有 而且分量都算大出手闊綽另外叫咗個芝麻雞翼做小食 外皮炸到脆卜卜 入面嘅肉汁仲可以保留到 加上芝麻嘅香口 真係想食多幾隻