御千丼 (已結業)

早一個星期先食完魚生飯，點知今日又癮起，上網見到大埔有間專食魚生丼飯既，就即刻衝過去食，8點幾黎到，餐廳 唔算好多人 ，我同我個朋友分別叫咗兩個魚生飯 ，叫完兩個魚生飯之後都睇下呢度有冇壽司食 ，後來畀我發現咗有一款出面唔係周圍有得食嘅壽司， 魚鮨壽司 。我就點咗兩件嚟食 ，呢度個壽司飯嘅魚生都好充足， 仲好新鮮 ， 角切魚生飯仲砌得好大粒， 食落去都感覺到有大約四至五種唔同嘅魚生喺入面， 不過我落多咗豉油， 搞到鹹咗少少， 佢個魚鮨壽司非常之新鮮， 喺魚之上面仲簡單咁用火烘在一烘， 外表有啲脆又鎖住咗魚汁喺入面， 食到咁滿足兩個人埋單都唔駛三舊水， 抵食！