彩

營業中

休息中

話說小MEAN子唔係太喜歡吃拉麵覺得味精多，食完Ｄ腸胃唔係好舒服（玻璃肚冇計）拉麵王話帶我去試下彩，包我食完容光煥發喎好啦。。俾次機會啦。。蝦味噌湯Ｘ黑胡椒麵Ｘ溏心蛋一上檯已經聞到香噴噴忍唔住開動，湯入口香濃蝦味重，唔算太過咸。雖然粗身麵，但我覺得掛湯力爭少少。麵質彈牙，有淡淡黑胡椒味。溏心蛋入味夠流心。叉燒軟滑唔鞋口，脂香不膩。好似慢煮個種口感。完成碗麵，係時候麻煩店家加湯。加既湯底有肉碎粒，蝦味噌湯遜間變左龍蝦湯咁香濃。本來飽到冇位既我明明話飲一啖，最後飲哂一碗。希望下次來既時侯，水準依舊。

其實彩都食過好多次，由2年前開始，食物水準仍舊。在我而言，暫時食過既沾麵，彩係香港數一數二好食。彩位於元朗較隱匿的位置，相信並非元朗人都未必熟悉。以往星期六、日晚都會排長龍，等待是值得的！ 幸好，有次是星期日下午時間不用等待，今次是星期五晚上等候也不需很久，客人們都很配合呢！門口的彩字也換了，現在比較方便側面的客人進出。是日Special 檸檬，但檸檬味不太突出，配蝦湯，湯底濃厚！$88黑胡椒一如以往～另加蜜瓜味汽水，很重蜜瓜味！P.S. 日本師傅不在店，可能是在香港大學店？

正唸緊今日試咩新野好, 睇到soko介紹日本人在香港開的沾麵店~講到好吸引, 就即刻親身來試試晚餐時段係6點至9點, 舖內得11個位, 睇到食評話要排45分鐘, 我地決定6點左右去食6點15分去到, 舖內已經滿坐, 出面亦坐左3個人等緊今日有3種麵揀 - 麥麵, 黑胡椒, 羅勒(day special) 湯底有3種 - 豬骨, 黑蒜油, 蝦味等左30分鐘, 終於可以入座由於排隊時, 侍應已經問左我地食咩, 好快就有得食~不過一入去, 成間舖都有陣好重好重嘅腥味, 唔知以為自己去左魚市場食麵~我揀左羅勒麵配蝦湯朋友揀左羅勒麵配黑蒜油湯+半份黑胡椒麵第一次食用羅勒整嘅麵, 食果時有淡淡的香草味, 蝦湯好鮮好濃黑蒜油湯都好重蒜味~但比蝦湯淡味食左蝦湯再食黑蒜油湯~會覺得唔夠味不過朋友喜歡食蒜味, 正合佢心意黑胡椒麵都幾特別, 但唔夠羅勒麵好食店內仲有日本出產的碳酸飲品, 唔係度度都有得賣, 我地試左蜜瓜味, 真係好蜜瓜

元朗區內有名既沾麵店，想試好耐，果然無令我失望，但未有太大既驚喜。今次點左味噌蝦湯底非常濃郁，並不油膩，麵底我選了是日精選甘筍麵，麵既口感好彈牙，不過沒有特別強烈既甘筍味，麵既份量非常多。配料方面叉燒就無咩特別，糖心蛋味道標準吧。曾經在日本吃沾麵，湯都是熱鍋上的，食既過程湯全程是熱騰騰，食完麵餘下既熱湯還可以加飯吃清光。小店沾麵湯底選用了玻璃碗確實有點美中不足，相信如果用熱鍋上應該更美味，唯有同自己講要食快d.

Taste and portion was great , couldn’t have asked for better. Downside was there is always a line and limited amount sold each day! Lucky I read the reviews before and we went there early on ! Service was decent and expect a quick in and quick out kind of lunch or dinner !

琴日同左我個friend係yoho 睇完戲 就諗下食咩好 雖然yoho 有好多野食揀 有好多正正子嘅高級野食 但我地今次決定去食小店經營 位於千色後面附近 小巷裏面嘅沾麵店 - 彩佢依間店仔有啲似係日本築地嘅壽司店咁 裏面只有一排位置圍住師父同煮食嘅地方 所以每次只可以容納十幾人 七點幾去到店出面已經排哂長龍 依間餐廳得一個餐牌 你只需要揀一隻湯底同麵底 佢個麵本身已包一塊海苔 荀 一隻溏心蛋 同數塊叉燒 小麥我地平時食得多啦 我今次要左黑胡椒麵 同埋黑蒜油湯底 個黑蒜油湯底幾濃味 唔會太咸 而裏面啲料都幾足 叉燒唔會好快食哂淨返啲麵 個溏心蛋煮得好好 不過最特別嘅地方都係個麵 佢啲麵咬落去你會感覺到有一粒粒嘅黑椒係小麥面裏面 不過我覺得點左黑蒜油湯之後個啲黑椒味被豉油味蓋過左 如配豬骨湯會比較好 不過依間餐廳睇得出係用心製作 最近佢地推出左橙嘅麵 咬落去真係食得出裏面有橙 橙皮粒 幾清新 （試左少少因爲我個friend 叫左）值得支持！

週末睡到自然醒，看一下鐘，11點30分前一定能到達<彩>，馬上翻身梳洗出門！<彩>剛開業時，我是和友人於晚餐時段嘗鮮的，那時足足站了一小時才到我們呢！現在重開業後名氣更勝從前，不想呆站太久的話，選頭輪的午餐時段光顧會比較好呢！畢竟大家都是快快吃完，下午逛街去。麵條有三款口味，小麥/黑胡椒/當天special (通常是蘿勒/檸檬)，配以沾麵$78/蝦沾麵$83/黑油沾麵$80的湯底。個人偏好重口味的蝦沾麵，配以今天特別供應的檸檬麵。湯一端上來，那股蝦鮮味直衝鼻腔，匆匆拍了一張照片，便急不及待的開動起來。麵是粗身的，因此掛湯能力良好，Q彈清新的檸檬麵配上濃稠的蝦湯，令人一口接一口的進食，咬下一口半肥瘦叉燒，豚肉的油脂香湧入口腔，再夾開半熟蛋，看那糖心蛋液流出，不自覺地吞嚥一下口水，真的是太誘人了！！！最後一定要把紫菜沾滿湯才一口吃下，為這頓美味午餐畫下完美句點。

黎到元朗…呢間沾麵已經出咗名好耐… 一直都未有機會去試… (有朋友試過等個幾鐘…因為店頭得七八個位)就到你嘅時候店員會先叫你揀咗湯底同麵底先今日嘅湯底有蝦同埋黑蒜油揀麵呢就有柚子,黑椒同埋香草揀聽店員麵既味周不時都會有唔同…同埋有時會賣晒其中一兩款由於本人對蝦敏感…對於佢既極濃蝦湯可以話係死路一條…所以揀左黑蒜油湯底配黑椒麵黑蒜油配上叉燒香味十足…十足日本風味…麵條只係有淡淡既黑椒味…沾上湯底時並唔會搶走晒啲味…好正湯底因為本身係沾麵嘅關係所以就咁飲係會鹹咗少少…配麵食就啱啱好喇老闆係日本人但係都識咗好多句廣東話打招呼…成日喺你面前笑笑口好親切一定會再黎！

入到元朗，朋友介紹下，知道有間好難先食得到既沾麵，聽講好多時都會賣哂，反正得自己一個，就行過去睇下仲有無機會可以試到。因為門外無咩人加無招牌，完全唔知自己經過咗，打比朋友問多次先知自己已經行過龍。門外只有兩三個人，等咗5分鐘左右就可以入去，朋友話我好好運，第一次去兼無準備既情況下就可以食到。入到去店員問我食咩，但當時個腦完全一片空白，完全唔知可以點落單，同佢講左聲，我係第一次嚟，佢先介紹比我知。最後要咗原味豚骨湯底加今日Special麵底。有好幾年無食過沾麵，依稀記得個沾麵湯底應該係好濃，而呢到既湯底好似無咁濃，但我都幾鐘意個味道。個筍幾好食，無啲奇怪味，叉燒中規中矩，雖然溏心蛋個流心效果好好，但覺得蛋個調味醬唔夠入味。而個麵，我又食唔出係咩特別味，好似同正常無咩分別，偏淋同會痴住一舊舊，但整體都算係好食。十分鐘都唔洗已經食完起身走人，出到門口先見到係伯爵茶味麵底，可能無食過原味，所以真係食唔出有咩分別。有機會會想食多次，但如果要排隊加就時間，就應該唔會考慮。

聽身邊同事，朋友話成日幫襯，以為有幾特別好食，是日一樣係要排隊入座，到我地，打開門，一股重 " 臭押 " 迎鼻撲上，以為係外面傳入嚟，坐底那股臭押味仍然間歇傳出來，很是反胃，我望吓係咪有個廁所在室內，因為地方細，坐得嗰十個八個人，見倒有道小門，但唔肯定係唔係廁所😣又 order 咗，唯有同自己講，盡量唔好諗，實在太難頂。另一唔明係淥麵嗰位好似要洗埋碗，好似怪怪哋，講翻佢個麵，係蝦湯沾小麥麵，都算合格嘅，但嗰陣臭押令我唔會去食第二次

店內有異味，麵是碎的，沾麵的湯過淡，完全不能用食沾麵的方法來吃，味道也很普通，跟759買的拉麵差不多，為何要付80元吃這些拉麵？店外排隊位置很多蒼蠅不明白為什麼有人會給好評

普普通通，未致於要排隊嘅味道，班港女侍應唔好咁嘈咁傾計會好D，大聲講大聲笑，嘈到拆天，如果以沾麵嚟講味道偏淡身。鋪頭細細，容納10個客左右，反而覺得個炸蒜有幾好味。

🦉業餘食評🍜02 Feb 2018👌🏻 
🏮畢加索的美學，畢加索的畫功🏮
在香港的網上平台，彩一直是出現度挺高的沾麵店，有別一般網上的熱店教科書式的網上宣傳（大量運用KOL，食評，不用媒體的Newsletter）不同，彩是以一種Word of mouth感想式加小眾貼地式的方法，不論兩登論壇的極軟性推銷或分店事件前的合夥人醜聞都成為熱話，加上每日以不同創新口味的自家製麵，成功地傳出了一種大隱于市的口碑小店之感。 「彩可能是香港最好的沾麵店。」之說一直在拉麵愛好者界別有著別樣的魅力。首先要說彩的位置確實相當隱，曾在元朗住過幾年的我也找了一會，一步入店便聞到一陣極為濃烈的鮮荀味，說實話鮮荀就像榴連一樣，愛吃的會說吃著香但少帶說聞著香的，這”滿室芬芳”的環境也是此店最為令人垢病之處。此外，彩的食客也如想像中大多是拉麵愛好者或上網做過功課的，耳聽所及盡是「一燈如知如何，日本某店又如何如何」的交談。//原味豚骨湯 小麥麵底//💰78—————————————————————————湯: 🌕🌕🌗🌑🌑
說是豚骨為主，看起來也是豚骨為主，吃起來偏偏魚介味及蝦味更重，尤其是蝦味幾乎到了淋些櫻花蝦油後說是

新年假期無乜人排隊，我自己一個更加唔駛排，其實佢重開後第一次黎，門口大大塊藍色布換作一小塊好唔顯眼。蝦湯底🍜+ 檸檬沾麵隻蛋真係不得了，D蛋汁好想一口食哂佢，好少講提叉燒，因為本身唔鍾意食，唔比我都得😂習慣食左1/3 + 檸檬醋，檸檬麵真係有粒粒檸檬皮痴住，成碗都好fresh,日本老細唔係度就覺得成件事好唔日本🤣🤣🤣 ，店員見我大肚，唔駛我行到最入埋單，佢自己行出黎做拎定散銀找比我，（你去過都知果條路帶幾窄）好細心呀

肚餓經過見到正正常常就入去食。點知一打開門，撲鼻而黎既係一陣好天然好有機既味道，令我即刻回憶起細個陪家人由上水搭火車上羅湖既情境，如果有係十年前左右搭過東鐵返大陸應該都會係門邊聞過果陣味。十分清新。💩💩💩💩💩💩💩💩💩💩💩💩💩💩💩💩*由於審批機制，以上為朱古力雪糕表情符號分隔線，與內文無關，切勿誤會。坐低叫野食，但餐牌選擇唔多。湯底好濃，但無豬骨湯味。麵，由於佢得3款，而3款都唔係我想食既，所以不予置評。環境一般般，氣味唔再多講。坐位係典型日本拉麵店style，但好頂腳，唔好坐。題外話，食緊野既時候有位師傅就係我正前面做緊野。抬高頭望一望，@@?，條友洗緊碗。不過算啦，新聞都無聽過人去食拉麵食到洗潔精食死，咁就由佢啦。😊