彩

營業中

休息中

黎到元朗…呢間沾麵已經出咗名好耐… 一直都未有機會去試… (有朋友試過等個幾鐘…因為店頭得七八個位)就到你嘅時候店員會先叫你揀咗湯底同麵底先今日嘅湯底有蝦同埋黑蒜油揀麵呢就有柚子,黑椒同埋香草揀聽店員麵既味周不時都會有唔同…同埋有時會賣晒其中一兩款由於本人對蝦敏感…對於佢既極濃蝦湯可以話係死路一條…所以揀左黑蒜油湯底配黑椒麵黑蒜油配上叉燒香味十足…十足日本風味…麵條只係有淡淡既黑椒味…沾上湯底時並唔會搶走晒啲味…好正湯底因為本身係沾麵嘅關係所以就咁飲係會鹹咗少少…配麵食就啱啱好喇老闆係日本人但係都識咗好多句廣東話打招呼…成日喺你面前笑笑口好親切一定會再黎！