彩龍茶樓

營業中

休息中

隱世茶寮山水茗茶 自助茶居感覺幾有詩意，我相信行山人士對彩龍都唔陌生，佢哋主要做屋村嘅客人，而且全自助形式，反正飲開茶其實都唔陌生，有陣時要嗌人都幾麻煩，對於呢類型自助形式嘅經營方法，我覺得都幾適合喺呢度出現 所有嘢都標示得好清楚，大大隻字話俾你知，佢係豉油呀！ 🤣 相當可愛介紹咗甜品先，我覺得佢哋嘅甜品都幾好食，我哋叫咗芝麻卷同埋椰汁馬豆糕，唔知係咪因為水源唔同呢，幾清新個喎，佢哋嘅甜品！ nice 😘之後再嚟就叫咗春卷，粉果，西洋菜，排骨飯，特別需要提及嘅係佢哋嗰碟西洋菜，真係有啲太大碟 🤣 , 一次過補充返晒幾日嘅份量， 而西洋菜係呢一間酒樓嘅特色嚟，所以如果經開不妨試一試

嚟緊五月份就到母親節，大家又會點慶祝。我屋企由細到大對任何節日，不論係做冬團年定係父親節母親節都冇特別去慶祝／齊人食餐飯，直到今年成為新手媽媽就想好好孝敬自己媽咪，近日睇到網上好多人介紹依度，雖然今朝仲落緊大雨但難得夾到時間就算的士來回都想帶媽媽去行下。鄉郊地方一落車就有蚊，好彩有準備如果唔係我地都未食飽已經成為佢地既大餐啦，如果唔係搭的士過黎，就需要係荃灣轉小巴，但連續落咁多日大雨又行雷想食餐好又唔狼狽都係使多少少錢好過啦唔知大家有冇去過舊茶樓，依種茶樓大多都係自助形式既，出面有d個地下仲係油笠笠行起黎勁線，依度既廚房係開放式望落都乾淨冇乜油煙，中意食乜自己攞。我去飲茶通常都會叫可樂，一來未到識茗茶既年齡，二來成日覺得飲可樂配點心最配，冇諗到依度竟然提供玻璃瓶裝可樂，飲起黎更爽更有汽。我媽就中意點心配辣椒醬沾黎食，攞左兩份鯪魚肉釀既野，茄子出奇地唔油膩再加上厚厚一層既鯪魚肉食落好滿足，而尖椒帶點微辣不是我杯茶。因為依度既鯪魚肉菜式實在出色，又拎多左碟鯪魚球，有魚肉香味之餘又夠彈牙，依家就算係街市都未必買得岩心水既鯪魚肉。炸豆腐外脆肉軟又係最夾可樂既小食點心雖然唔係試左好多款，但有鵪鶉

鑒於嚟緊要出差，所以唯有提前幫媽媽慶祝母親節，佢哋老人家最鍾意去飲茶，所以同咗媽媽去佢最鍾意嘅茶樓，嘢食唔係話非常特別，而係就非常特色，人情味濃，環境相當簡樸，亦都好有大排檔嘅感覺，就係呢種感覺而家買少見少～ 嚟飲茶叫嘅都係王牌，蝦餃燒賣一定走唔甩，再嚟就係我最愛嘅鳳爪排骨, 老人家就會覺得鳳爪排骨飯係最抵，而我都係編好淨係食餸，哈哈，佢哋嘅排骨唔會太肥，而且好鬆軟，呢個我覺得係做得唔錯，最後仲叫多咗碟鯪魚球。鍾意佢哋呢度懷舊嘅感覺，淨係睇呢堆嘅可樂，都已經相當值得打卡，希望你哋可以開分店啦，加油😘

食出香港舊情懷 放假來休閑下, 約左個friend 一齊行山, 時間尚早, 飲個茶填包肚再出發～ go go go 彩龍我都幫襯左好多年啦～ 賣既除左係蝦餃，燒賣腸粉，仲有情懷好多附近既鄰居都會喺度打吓牙骹，飲個茶傾吓偈。 假日又會有唔少嘅年輕人陪同家中嘅長輩一齊飲茶，畫面好溫馨我地叫左牛肚，牛柏葉，鵪鶉蛋燒賣，鳳爪排骨蒸飯同叉燒包～ 佢地既牛肚同牛柏葉, 都整得唔錯，好爽口，唔會太韌, 呢個我覺得值得一試鵪鶉蛋燒賣同埋鳳爪排骨飯，保持水準。至於叉燒包，佢哋嘅叉燒包嘅餡料勁多🤣 好抵食！ 另外佢哋成個設計都係自助形式，所以大家想食啲咩就出去自己拎，唔洗等～ 非常方便。

太喜歡香港的老店了！我認為老店才能吃到當地真正的地道風味～這間茶樓是自助模式，洗碗、選茶、沖茶、拿點心都是自助模式，想吃什麽拿什麽，全部都是當天製作的！好吃推薦😋：沙翁：外皮酥香，裏面軟嫩，蛋香濃郁，一點也不油！奶黃流沙包：趁熱吃，一口下去奶香十足，不會特別甜，吃完一整個也不膩。黑芝麻卷：一入口就滿滿的芝麻香，口感柔軟細膩。腐乳西洋菜：去了必須點來試試！真的好吃😋鳳爪：輕輕一抿，骨肉輕輕松松分離！一個人吃完一籠！這裏點心味道都挺不錯的，而且真的很便宜，基本上都是20-30一籠的點心，價格親民👍🏻茶樓的姨姨也都很熱情，保留了地道的人情味和煙火氣息！

哪幾款懷舊點心是你杯茶？豬肚燒賣、鵪鶉蛋燒賣、燒腩卷還是雞球大包定通通都滿足唔到你，上兩個星期師奶朋友冇啦啦腥幾張圖黎，問我知唔知有個咁嘅地方，話喺荃灣有條村叫川龍村，位於大帽山山腰有間叫彩龍嘅茶樓，而家喺內地網紅平台有人介紹。話茶樓用山水茗茶及製作點心，更自家種植西洋菜出名。趁今個星期放假，佢拉埋我一齊過嚟嘆吓茶行吓山。仲係有紙媒既年代，原來呢度都被唔少報章雜誌介紹過。介紹飲早茶既樂趣在於享受四周寧靜的環境，與世無爭的脱俗感覺，的確入到黎川龍呢個地方，講究既係用山水做到水滾茶靚的品茗學問，而環境絕對係潔靜心靈的最佳時刻。聽聞早上霧氣剛剛消散嘅時候，空氣最清新，但因為我們中午先到就感受唔到個氣氛。茶樓係自助形式，攞位 沖茶 攞點心都係自己黎，我仲陶醉緊係個環境當中，朋友已經攞到一枱點心，大包入邊餡料多，有鵪鶉蛋 臘腸 肉餡等等，味道雖然唔錯，但食晒一隻已經好飽差啲食唔到其他點心。鵪鶉蛋燒賣大粒飽滿而粒鵪鶉蛋加埋一齊食既邪惡又滿足相比之下普通嘅燒賣就遜色少少，炸雲吞油膩咗少少但入面粒蝦都算爽口。即灼嘅西洋菜最驚喜，菜味香濃無渣比平時街市買到嘅好食好多，難怪點心姐姐不停向我哋推介呢碟係川龍

v 好有風味的一間茶樓如果你係一個好鍾意有特色，而且好有戶外風味嘅茶樓，未去過可以去下，要自己洗茶壺，要自己洗茶葉，茶都要自己沖呢樣嘢都幾有趣，本人覺得係好值得因為佢嘅環境好清幽，但係衛生真係好差，而旦佢嘅食物質素都唔好食，不過老實講我哋行完山，當然想食一啲唔同嘅餐廳，所以我覺得呢個喺戶外係有另外一番風味，呢倜餐廳係專係食風味，並唔係食食物嘅質素不過我們一班朋友都點了一些點心牛肉，鳳爪，馬拉糕，腸粉，鳳爪排骨飯，真心有一樣好食，我覺得唐記嘅質素仲好過佢，但係點解我哋都堅持食呢？係因為真係覺得個風味好特別，環境其他餐廳做唔到，見識一下，我覺得都可以去一次，但係唔好有

終於攞到架新車，攞車之前一早問咗車友推薦有咩秘境必去，佢哋都話早前去完車會活動大家揸架車過嚟飲茶，貪呢度有個露天大停車場泊車夠方便，趁未去過今日就帶埋老婆過黎啦，順便試車Ed村落乜鄉乜鄉係市區已經少見，點知一入到黎最驚喜既係仲有人耕田種西洋菜同其他瓜菜，村入面有兩間茶樓都唔難搵，今日黎依間叫彩龍 乜都係自助自己黎，冇所謂啦，我地又唔係食服務既炸爐入面有鯪魚球 饅頭 雲吞，中意食炸野既我攞左炸饅頭同炸雲吞，即炸既饅頭外脆內鬆軟，點練奶真係絕配，炸雲吞就算唔點野都好食，入面有大大隻蝦仲幾爽甜，老婆驚我熱氣仲攞左羅漢果水，味道都幾濃唔好以為舊茶樓出品就馬虎，依度既蒸排骨份量比出面既多半倍，仲要大細適中 肥同瘦既比例黎得岩岩好，山竹牛肉球同鵪鶉蛋燒賣又係大大粒 用料扎實，唯一既缺點咪係令我地食到太飽試唔到多幾款囉已經食到好飽，老婆仲攞多兩碟糕返黎都整得幾滑又唔太甜，杞子果個入面好多料d杞子又大粒幾甜冇諗過傳統舊式茶樓除左點心之外，都仲有咁多出品，我地連即灼既西洋菜 豆腐花 芒果布甸等等既都未試曬，兩個人黎真係會眼濶肚窄，下次啦 總有機會再黎既

行山途經川龍都會經過彩龍同端記，但就從未試過。朋友仔話想一試山上茶樓，所以就一齊去體驗下。諗住去端記但好多點心售罄，所以轉戰彩龍。基本上搵位，開茶，拎點心都係自助形式。簡單分開幾個區：點心，腸粉，煎炸物，西洋菜，沖茶。搵到個室外位對住馬路，空氣流通；然後去洗茶葉去開茶，感覺幾得意！點心咭，見咩想食就拎拎拎，圈圈圈，經過幾次衝峰陷陣後，終於有啖 ”安樂茶飯”即淥自種西洋菜，真係新鮮，唔點腐乳豉油，個菜已經甜到笑蒸點心唔夠熱，口感味道大打折扣；排骨鳳爪腌味唔夠，底層嘅飯太油，有點糊口；煎炸物即場做，但人多場面有D亂，其中一條較厚嘅虎尖椒，因煎時間唔夠，魚肉未熟透食物期望有落差，但個人覺得呢度係食個氣氛，特色地道，有記憶點嘅，啱打卡。如果經過，坐低飲啖茶食個包，係一個唔錯嘅歇腳點同不錯嘅本地體驗。

靚景懷舊茶樓 ·彩龍茶樓～ 地址：荃灣荃錦公路川龍村2號上大帽山必去傳統茶樓嘆一嘆茶罕有懷舊茶館，傳統點心體驗，可免費泊車望住地圖都好易搵路，由嗌點心到叫茶都係自助既形式，方便快捷懷舊茶樓嚟講，佢都算係有好多點心選擇，其中仲有依家好難搵到既紙包雞，呢個令我諗起麥兜嘅紙包雞 雞包紙 紙包雞包子，原來都幾好食喎，真係第一次食紙包雞其他特色野食仲有 雞球大包，炸沙翁，芝麻卷等等 ～ 而家個人最愛係馬拉糕，佢哋整得都幾鬆軟，而且唔會太甜 😛

有兩個北京朋友來香港玩，想試吓香港嘅特色美食，我就諗起大帽山川龍嘅舊式茶樓，見到彩龍酒樓有位我們就坐低了。這舊式茶樓都是自助的，自行到茶水區拿茶壺、水杯及餐具，選擇自己喜歡的茶葉及沖茶。拿點心就要到樓下排隊拿。北京朋友點了馬拉糕、牛肉球、春卷、牛柏葉、鳳爪、鮮竹卷、釀青椒，仲有唔少得嘅就係腐乳西洋菜，真係好大碟，又新鮮又好味😋北京朋友都讚不絕口！飲完早茶就同北京朋友再上大帽山行山了。

見到openrice 有篇文介紹：支持本地菜！5大Farm-to-Table 餐廳推介内文大致係講菜價急升，令唔少人開始關注本地農業。原來係香港仲有班農友默默耕耘緊，唔講真係唔知仲有唔少餐廳向農友們引入本地菜，即係我地係出街食既同時都可以留意下自己食緊既係邊度出產既菜啦！其實當我地知道碟菜係係香港度種仲可以即摘即送到，甚至乎係自家種植既，食落都覺得安心d又健康啦！如果自己人都唔撐本地農業又要到消失左先覺得可惜就咁太遲啦文章內容見到頭兩間茶樓都係係同一條村入面，要係荃灣再轉車入去，雖然有d唔方便但趁今星期放假冇野做就入去行下啦。順便試下本地菜原來依度係大帽山山腰既川龍村，村內有兩間老字號茶樓，覺得最得意既係由行入村內已經見到有唔少農田係種植緊西洋菜。即灼既西洋菜清甜無渣，比起平時係街市買到既西洋菜更濃味！茶樓係採取自助形式，點心一蒸好就擺出嚟，地方唔算大但睇落都乾淨。茶樓景觀開揚，d座位都算多除左賣少見少嘅芝麻卷之外，仲拎左d厚皮既粉果，雖然皮厚但總算滑既同埋餡夠多。係依度仲見到有好多款傳統點心，但因為手工繁複出面既酒樓茶樓已經冇再整如果唔係住得遠，得閒為左棵西洋菜入黎都幾好

通常舊式既茶樓都好有驚喜，仲可以保留到依家既實力一定有返咁上下，依度同平時一般酒樓飲茶唔同，佢係全自助既形式，由攞位 拎茶壺 拎茶葉 到沖茶 拎點心都全部係自己一腳踢。幾得意既係咁杯茶要飲幾濃幾淡都係由自己話事岀去拎點心，放點心區既位置有好多熱辣辣既點心俾你揀，即叫即拉既布拉腸粉、懷舊點心、一盎盎既飯同埋自家種既西洋菜等等即叫即炸既鯪魚球係我食過最滿意既鯪魚球，大大粒好彈牙配埋蜆蚧汁去增添鮮味，平時既蜆蚧醬會死鹹但依度既唔會，味道仲岩岩好最估唔到既係有沙翁同埋豆腐花食，平時既酒樓邊有嫁！新鮮即炸既大大粒沙翁，每粒都有濃濃既蛋香味，熱辣辣新鮮岩岩炸好，咬落仲食得到個層次外面酥脆入面軟綿綿，個漿較得好好，好邪惡但又令人好想食在懷舊熱搜榜中，烏卒卒的菲林卷（芝麻卷）必定榜上有名。整芝麻卷的材料，不外乎黑白芝麻、馬蹄粉、糖等，看起來沒什麼特別亦0難度般的製作，但要做出入口軟滑、煙韌、充滿芝麻香的糕品，一點不易。而依度既出品雖說不上完美但入口亦合格好耐冇食過真材實料既點心，根本同平時食品工廠既冇得比，如果唔係今次一大班人黎，邊試到咁多款，仲記得以前我地好中意掃餐牌，冇諗過連飲茶食點心都可以做到。

第一次去川龍村，黎到彩龍茶樓當然必點懷舊點心。 來這裡週末你必須排隊才能吃點心，好在這天是平日，無需排隊，隨便找個位置就可以坐下，這是一個令人放鬆的茶館。這家茶樓是自助式的，找好位置然後去買點心。店內瀰漫着一種懷舊特色香港情懷，傳統的大竹籃裡裝著雞包、菜肉包與蒸飯之類的東西 著名的炒西洋菜份量相當有驚喜，最後將一半帶回家🤣 為晚餐加餸斬料。附近的環境也相當不錯，建議飲茶後可以在附近行多陣，打下卡影相 📸 應該可以影到唔少文青嘅題材 😘

不想消失了才後悔，有好多事物若不是發了結業通告，大家才感可惜，到最後階段先大力支持 ，大概亦改變不了什麼。趁舊式茶樓仍未消失一定要好好支持，保留下來才能讓下一代認識得到，而且那風味是取代 不到的。舊茶樓沒有服務員招呼食客，全程由食客自行取桌位，自行取碗筷杯盤，自行冲茶，全 自助式。找到位置後我們分工 ，一人負責守座位，一人取杯碗 茶葉，一人取點心點心可到茶樓裡自行選取，門口一側是煎炸點心，裡面是腸粉檔另一則是蒸點心。食客 都非常遵守跌序，不會爭先恐後其實，除了開揚寛敞的用餐環境外，茶樓的點心並没有給人太大驚喜，唯獨裝横 取點心 的方式，以及自家種菜都已非常少見更顯風味！