彩龍茶樓

營業中

休息中

其實，小弟已經知道川龍有一間非常著名的彩龍茶樓了，該處的自助式開茶及取點心，非常之有特色，可惜小弟一直沒有機會到該處品茶。趁著今日去遠足走到城門水塘，就前往彩龍，來一個初體驗吧！因為小弟是第一次光顧彩龍，有不少程序都不大了解，要詢問該處的職員才知道，例如要先向職員取點心紙，才可以取東西吃及開茶。取完點心紙之後，小弟就去取山竹牛肉，煎腸粉及熱豆腐花。既然來到這一類的山水茶樓，當然要開一壼真普洱來喝了。取完點心開完茶之後，見到附近檯頭，有位仁兄正在吃碟肉醬會意粉，該碟意粉賣相又十分吸引，於是最後叫了一碟來試試。山竹牛肉蒸得十分熱，牛肉又非常嫩滑；腸粉煎得又好賣相，又香氣四溢，配上香濃的麻醬一併吃，就更加相得益彰了。 至於肉醬會意粉，賣相就與平時吃的相當不同，而且所謂的肉醬，像肉碎多過肉醬，而蕃茄也煮得像水一般，總之就不像肉醬啦！不過，味道都算是不錯的。接著到豆腐花，味道就淡了一點，沒有甚麼甜味。最後就喝普洱，茶味就帶甘，不算太苦澀。吃了這麼多的東西，盛惠88大元！總括來說，該處的點心都算是有質素的；但是其他食品，就真要想清楚才好了！

之前聽朋友講向大帽山飲茶好地道，今日天氣好好所以特登去試下。十二點左右去到，人山人海！呢度連搵位都係自己黎，不過好彩剛有人走，所以都係等左五分鐘就可以坐低。除左搵位，茶啦、攞點心卡啦、攞野食啦、全部都係自己黎，真係比食自助餐更自助XD野食方面，攞左燒賣、雞扎，燒包，全部都好熱好好味！個西洋菜就人人都會叫，都幾好食而且大大碟，但係又唔係大家講到甘鮮甜。必食既，就係呢知山水豆腐花！真係好好好好好滑！值得一提既係，個豆腐花係新鮮即刻整！賣曬就要等下一桶。如果唔係食點心食到甘飽，食完一碗真係想再食多碗！食左一個鐘左右就食到超飽甘走！好滿足亦好有特色！有機會會再黎！

話晒系港島人就算有GPS導航一樣會miss左條路正系錯有錯著其中部份團友去左陳記買燒鵝.因為早一日已訂位留左兩大台兼落住雨酒樓真系好幫手引導我地去佢個免費停車場.上左樓上好開揚自助沖茶拎杯碟.成十二點鐘真系個肚打鼓開左卡就落樓下揀點心因為d菜佢話系自己種食過後真系超正總共叫左六碟尤其西洋菜難怪咁多人推介.炸鯪魚球幾香口諗唔到炸芋絲餅都好好味又有懷舊鵪鶉蛋燒賣其他鳳瓜牛肉球鮮竹卷..........總之大部份點心都試過晒.見到wall上寫住五柳魚飯我地又叫左兩條淨五柳魚由於其中一部車迷路特別問准茶樓可否堂食燒鵝靚姐話無問題香港依家真系好少咁有人情味茶樓雖然話自助其實好好招呼.坐系樓上歎茶確系好悠閒呢d咪香港飲食文化囉唔洗等西九至欣賞到.周圍顧客覺得我地好似剛經歷完大饑荒佢地就一盎兩件歎慢板不過大家一樣咁happy而且實在食得好滋味下次一定再幫襯.惟一有樣酒樓要改善下就系個電熱水爐無任何標明有d人當左凍水想洗手呢個希望佢可以加番中英文警告好d因為真系好少機會沖茶要自助.總數$1800.

其實香港有很多郊區值得遠足，但礙於經驗，還是找些難度較低的行程。這一天，與太座往川龍行山，從荃灣西乘巴士到川龍，下車後便見到這間茶居，一間簡單的平房，樓高兩層，我們還是先吃些東西才上路。上到二樓，食客頗多，找個地方坐下，似乎不見有工作人員，見其他食客都是自己開茶，入鄉隨俗，自己開茶、取杯碗筷，然後到地下點心檔取點心。選了叉燒腸粉，燒賣，腐皮卷和雞扎。論份量是頗大的，尤其是雞扎，一碟兩大件，腐皮包著雞件，芋頭，豬皮和火腿，芋頭很粉，也很香，雞件亦蒸得軟滑，很喜歡腐皮夠大塊，吃得很滿足。燒賣肥肉與瘦肉比例恰當，頗油潤，可惜無冬菇粒，少了份菇香。叉燒腸粉的粉皮拉得軟滑，叉燒切成薄片，腸粉有米香。四款點心中，質素較差的是腐皮卷，餡料是一些煑得過腍的菜蔬，入口感覺模糊，不喜歡。吃飽後到樓下付賬，四款點心，兩位茶，$88。

今日終於去到川龍嘆茶，天氣涼涼地，揀左二樓露台位，即叫了糯米雞，大隻又足料，凰爪味道一般，叉燒腸粉牛肉腸粉，因為唔係即拉，一早整定，唔熱，燒賣蝦餃，都係凍凍地，叉燒包，ok啦，灼生菜，阿姐推薦點腐乳，不龍我不太喜歡腐乳味，試左小小，最後都係放棄左，炸雲吞，呢個係即炸，夠熱夠脆，點埋酸汁好味，茶揀左香片，佢地話係用山水，D茶又真係好好飲

成日聽人講彩龍吾差。終於有時間去。早上7點到達冇咩人。但入面舖冇開。唯有坐出面舖茶既味道好足。夠熱d水。地下都乾淨吾污糟。蘿蔔糕真係超好味。夠脆口。包夠中大個。味道都好夠。肉都吾少牛柏葉都好好味。夠熱又入味其他就熱度不足。希望下次如果平日黎應該好d....因為佢預大太多點心。所以凍左少少

同女人出街咬野有時都傷腦根！我喜歡周圍行，咬地道些，女人就喜歡舒服D。今次帶在個女人去川龍飲下山水茶，等佢試下大自然。感受下陽光！坐完地鐵又轉綠VAN，幾經辛苦才來到。女人個樣開始臉露不悅。入到去完全冇冷氣，冇服務，乜野都要自己出手。搵位也如此。好不容易才找到個位。今次女人冇發揮佢個本能，由我發揮。壽眉茶：不知是否話是山水泡的，好像份外清甜。而壽眉也格外清香豉汁排骨肥瘦適中：味道可以的，點了紅黃辣混醬，覺得很正。山竹牛肉：點了GAP汁，再加上紅黃辣混醬，感覺番左舊時個度。义燒包：就一般喇，不太夠熱，包皮覺得很濕。义燒內的汁也很變得很干。蝦餃燒買：都不般LA，不過有紅黃辣混醬，頂住，都可以的。油菜：我最喜歡的，簡單直接，純天然菜味，是否用山水自己種，我不知道，但真的味道特別清甜。這裡的醬油、辣椒油……等調味料，也任由客人自行加添，愛下多少就下多少吧！最後個女人話都幾好，不過留番冬天先黎。起碼冇咁熱。

新春行大運，去川龍飲茶，由荃灣坐小巴一陣就到，算方便。推介 新鮮腸粉, 新鮮即製即食，西洋菜，非常鮮嫩，肯定是本地供應，可能就在鄰近田園種，燒肉，廚房即時燒烤，出爐香味四溢, 鳳爪，大包，很少酒樓製作了，用料傳統，但包粉比較粗糙, 味道都非常好。

好好味，自助形式，食物味道質素高，燒賣蝦餃，牛肉球味道好新鮮真材實料。山水豆腐花名不虛傳，好滑好有豆味，蘿蔔糕真係食到有蘿蔔粒，全部點心都吾會味精重。大包大大個好特別。仲有炒米粉好家鄉味，正，又有風味。好食過酒樓好多倍。3個人食到飽飽埋單205蚊。

咁岩撞正放假就約埋班朋友一早去飲茶 之後再去行下街呢個彩龍茶樓都好特別,係自助茶樓黎嫁, 有D早餐就食buffet咁,好搞笑。因為係自助既關係,所以所有茶都係你自己沖既,比較親力親為既一餐,不過就要小心D,唔夠力就好易比滾水淥到,所以千萬要小心,而所有野食都係自己拎既,成班怪獸實拎得多。至於飲茶個環境真係好清新,一早起身唔會覺得累,仲令人好relax既感覺,心情靚到爆登。我就食左佢個春卷,味道唔差,不過好脆口,好岩key,如果唔係朝早食我實食多D, 入面d肉夠哂咸又唔會好死既感覺,仲有少少蝦米粒,唔會同一個質感,係正既。至於咖哩魷魚就真係正到你唔信,唔係咖哩味咁簡單,唔似普通咖哩粉開出黎既味道,睇得出係有心落個心思去整個汁,D魷魚都幾大塊,食落唔太方便,不過就真係抵食。 其他野食都有正常發揮。係遠左少少, 如果佢開係市區應該都幾受歡迎, 因為個環境真係超班,就算加埋正常水準既野食都變得特別好食。

一直想試川龍既西洋菜,今日有幸晌朋友帶路下黎到彩龍飲早茶。舊式村屋茶樓,地下雖近廚得食,但環境侷促,還是樓上境觀開揚。是日豔陽高照,只好棄露台位而坐室內。這裏由揾位到開茶攞野食都係自己黎,好似自己屋企甘~落樓揾野食,即點返碟白灼西洋菜,見到對面熱氣騰騰,原來有師傅即場拉腸粉,緊係要叫返碟叉燒腸啦~家下幾難揾到即製腸粉~ 再去另一邊攞點心,分別係鵪鶉蛋燒賣同菜苗餃。見姐姐剛搯出熱辣辣既豆腐花,緊係要試試啦!西洋菜爽口無渣無苦味,只係簡單地用鼓油同熟油調味,已經很可口。即拉叉燒腸,叉燒鬆軟有鮮味,腸粉皮滑。鵪鶉蛋燒賣,蛋甘香,肉鮮美,肥瘦比例恰到好處。菜苗餃普通,菜唔夠。豆腐花勁滑,只可惜豆味不足。下次如果能再早點來,可以試埋出名既大包~

我路過川龍村好幾次，是次決定先品茶後行山。這兒有兩間茶樓，另一間有朋友曾試覺得一般；所以決定去另一間。假日人流眾多，有村內客，行山客，單車客。內外上下走了一輪，才有客離座，但等人清理枱面，也等了八分鐘。點心算不錯，粉果皮不算厚，鳳爪幾入味，蒸飯軟了一點，鵪鶉蛋燒賣有蝦，用料算不錯。   舊式茶居，自然不可缺少懷舊食物，如﹕雞球大包和芝麻卷。這是我平生第一客雞球大包，有蝦有鵪鶉蛋，絕不欺場。如果再惹味點幾好!芝麻卷，皮薄，層次分明，口感好好，只是稍甜了一些。即撞豆腐花，雖然要等，也是值得。不是木筒撞出來，也很滑。

在十二月放補假的一天，跟老公安排了一整天的節目，而第一站就是到大帽山的川龍飲茶。駕車從荃灣駛上一段山路就會到達川龍，以前經常就取笑愛好頭文字D的老公沒有跑過真正的山路，不過我們才剛去完紐西蘭跑山路，現在已是飽經試練的山路好手了。我們光顧的是彩龍茶樓，可能因為是平日的關係，停車場沒有開放，好不容易才找到一個路邊的位置泊車。我們走上二樓，可以看到跟平日很不一樣的景觀。這酒樓基本上是SELF-SERVED，我負責洗杯沖茶預備碗筷，老公則到樓下拿點心。食物叫老公決定，但唯一要求的是西洋菜，這兒的西洋菜又清甜又嫰，聽說是從附近的農家取貨，非常新鮮，絕對不可以錯過。燒賣、叉燒包以及糯米雞都是傳統的味道，特別是叉燒包的那陣麵粉香甜的味道，在外面的酒樓已經消失得無影無踪。

講左咁耐, 終於都黎左食啦, 今日天朗氣清, 行山好日子, 行甲龍徑, 所以沿途都有樹遮蔭. 因為聽人講9點好多點心會無, 所以8:15am搭車入黎, 但有人遲到, 所以最後都係早左少少黎到.點解唔係端記? 因為…都係聽人講彩龍好味D, 雖則未試過端記, 等有機會試再自己比較下~坐出面, 其實入面仲有位, 但出面都唔係好熱~ 於是分工合作, 有人去拿點心, 有人沖茶, 有人拎餐具, 有人洗餐具, 九人用兩枱食~我地點左好多野食, 叉燒包, 馬拉糕, 燒賣, 蛋燒賣, 蝦餃, 紙包雞, 奶黃包, 腸粉, 通菜…… 不能盡錄.特別印象深刻既係炒米粉, 唔油條條爽, 好田園風味但夠滋味. 仲有紅豆桂花糕, 好濃好青新既桂花味, 唔會過甜好自然既味道 咬落去唔太LUM唔太硬, 口感好好~ 仲有就係豆漿, 凍凍的, 唔太甜, 唔係超級滑但係飲落去好舒服.62一個人, 算係貴. 下次行多幾十米試試第二間.

今日又上山飲茶 今次去左另外一間 兩間都係自助形式，自己沖菜，自己攞點心既 (好食指數: 8/10) 特別推介 豬潤燒賣$20，鵪春蛋燒賣$2x同 有機西洋菜$40 豬潤燒賣係爽滑蝦膠，係我今次嚟既目的、 真係好好食 😋去完兩間，下次我都係去翻呢度