彩福皇宴 (安達中心)

營業中

休息中

今晚同屋企人食飯，當然要搵間好少少的酒樓啦！彩福皇宴位於尖東位置都幾方便，酒樓裝修挺新穎，燈光光猛，空間又大，座位舒適。孖寶優惠$368有上湯焗加拿大龍蝦🦞+大紅脆皮乳豬拼盆。三寶套餐$418我地選左懷舊金獎叉燒，原盅豐料燉靚湯和清蒸龍躉斑頭腩。上湯龍蝦伊麵麵質彈牙，龍蝦肉鮮甜爽口彈牙，麵又不會太咸。大紅脆皮脆豬拼盆，乳豬皮好鬆脆又不油膩，肉質又嫩又香口，海蜇又名味又爽脆。清蒸龍躉斑頭腩，蒸到火喉剛剛好魚肉嫩滑又鮮甜。懷舊金牌叉燒燒到好香口又好夠味。原盅燉湯湯好鮮甜好足料好好飲。

今日約了舊同事飲茶，地點在尖沙咀東部彩福皇宴。大家工作時間彈性，所以寧願早一點吃午飯，避免繁忙時間擠迫。中午十二時到達，原來酒樓已坐了不少食客，幸好還可安排我們二人入座。打開點心紙便看到一系列榮獲香港旅發局美食之最大賞得獎點心，當然要品嚐一下啦。原隻鮑魚燒賣皇非常吸睛，鮑魚大小差不多與燒賣相同，入味彈牙， 真的不可錯過。素鵝拼腩仔，一次過滿足大家的要求，燒腩仔皮脆肉滑，非常美味；素鵝皮脆夾着爽口的紅蘿蔔和西芹，口感一流。潮州鹹菜胡椒豬肚：舊同事是潮州人，她也讚賞這道菜調味合適、胡椒香濃，鹹菜和豬肚烹調得軟淋，美味可口。蟲草花素粉果皮薄多餡料。港式街頭蝦米豬腸粉分量十足，廚師有心思地放上甜醬、麻醬和辣醬，懷舊得來又色香味俱全。黑糖蒸紅棗糕甜度適中，熱騰騰又軟綿綿非常美味。

最近轉了去尖沙咀上班，午餐時段當然要去搵下食。今日同同事出外工作回公司之前我們經過尖東順便食埋午餐，同事提議飲茶再睇附近有什麼酒樓，看見安達中心有間彩福便去了嘆茶。酒樓樓底很高坐得都好舒服和整潔，再看看有什麼好吃有一張榮獲點心大獎點心紙，於是便點了幾個來試試，吃完真的不錯。原隻鮑魚燒賣皇鮑魚加在燒賣上幾有特色。原隻鮑魚係面，燒賣的蝦肉很彈牙港式街頭蝦米豬腸粉把醬汁吱在腸粉上賣相不錯，醬汁的份量平均，腸粉都好滑煎得好香口海皇太子餃鮮蝦和石斑肉一齊做餡料，都算很有創意，滲出了啖啖的鮮味，鮮蝦爽口旋風黃金流沙包咬開之後奶黃流心湧出來，奶黃蛋黃味香濃，熱辣辣食好好味龍皇野菌腸 腸粉包住脆卜卜春卷餡料有香菇同魚肉，魚肉香滑帶點香菇濃味，這個組合有新鮮感香煎上素腐皮卷 腐皮很薄剛剛炸起，非常脆口鼓汁蒸鳳爪鼓汁味好惹味，鳳爪好軟身兩個人食了7款點心真的很滿足。

近日碰巧都外出到這中餐廳晚飯都不約而同選了這裡。這裡應該多作飲宴場地，所以一進去裝修都很高雅，環境很整潔。這裡的菜式份量很大，不但一定夠食，而且值回票價。我們點了陳皮蒸鮑魚，使用了南非鮑魚，味道鮮甜，陳皮的豉油汁不會蓋過鮑魚的味道，而且新鮮爽口，十分好吃。另外，我們點了燒雞和龍躉頭腩煲。燒雞皮脆，而且較滑，味道適宜，相信是婚宴場地的拿手菜式。龍躉頭腩煲份量很多，這個就較為濃味，但冬天吃下還是感到溫暖。最後連兩份甜品，芝麻卷芝麻味濃郁，桂花糕清甜，都是水準之上。兩個人吃了三個人的份量，都是400元，值得推薦。另一次來吃的東西差不多，但就試了推薦餐牌上的菜式，吃了黑松露秋葵帶子炒蛋，帶子毫不吝惜，而且炒強香濃幼滑，令人回味，其他菜式就差不多，就不多介紹。總括來說，份量充足，搭配淡淡松露香，味道可口，又比酒樓舒服乾淨，是中餐一個好選擇。

又約埋两個老友出來啤一啤 傾下偈，就大家地點喺尖東嘅彩福皇宴，出名經濟抵食！ 集團酒樓以 辦婚為主嘅，估唔到晚飯小菜都做得好唔錯！內部環境清雅，好坐又唔嘈，啲食客都好 斯文 ，最啱係邊食邊 傾計！ 好多優惠套餐同經濟小菜，我地揀左個孖寶同一條魚148元 [ 一斤二両〕…… 清蒸沙巴龍躉班上枱好好睇！蒸得好靚！魚身好滑，真唔錯！ 跟住上枱嘅孖寶之一 大紅乳豬拼盆乳豬皮鬆脆，叉燒軟熟唔會死實實，海哲夠爽脆！餸酒一流！我地叫左两枝啤酒，因為揸車唔可以多飲，〈有兩小時免費泊車〉。孖寶之二；上湯焗加拿大龍蝦配伊麵成個麵好清爽，麵好入味，龍蝦肉爽口彈牙，冇得彈！大家都好享受！孖寶餐係368元埋單酒水加埋一每人25O元都唔使，坐成晚，唔止抵食，重要係好味！

今日弟弟生日找個環境舒服，兼抵食的酒樓慶祝一番！當然首選平日愛去的了！ 位於尖沙咀麽地道65號安達中心十三樓的彩福裝修很高貴優雅，這晚因為有婚宴酒席，晚飯客人都安排到房間内，每個房間约3~4張枱，所以很舒服请静。最爱這裡的抵食套餐！在多款孖寶優惠套餐中選了乳豬拼盆+龍蝦伊依麵 $ 368皮脆肉嫩，叉燒蜜味又鬆化！龍蝦伊麵份量也足夠，伊麵爽滑，龍蝦鲜甜，肉爽彈牙！這個孖寳非常抵食！臘味炒芥蘭细佬最爱的！臘肉甘香肥美，炒蘭炒得翠綠爽脆！另一個抵食的;清蒸沙巴龍躉班 ( 一斤二 )很有瞄頭！蒸得火候剛剛好，鱼肉细緻爽滑鲜甜！脆皮南乳燒鷄( 半隻 )皮脆肉嫩甘香！佐啤酒超滋味！北菇红燒豆腐滑滑豆腐很清淡！今晚的菜式味味都很出色！近年都愛到彩福集團飲茶食飯，因為實在好食，抵食！整晚的暢食大家都亨受！最後自携生日蛋糕也不收切餅費！完美！

星期日瞓醒起身，出尖沙咀諗住買嘢，行過安達中心，見到樓下有個彩福招牌，仲有個廣告牌寫住有得獎點心，賣相幾得意，搭Lift上13樓試吓先得獎點心好多款都想試，但今日得兩個人，試住三款先啦。原隻鮑魚燒賣王（$37）每粒燒賣都有一隻原隻鮑魚，鮑魚本身好入味，燒賣裏邊嘅蝦肉好爽口彈牙。蝦，豬肉，冬菇嘅比例啱啱好海皇太子餃（$30）海皇太子餃中有大蝦同石斑肉做餡料，第一次食石斑做嘅點心，蒸石斑肉同蝦肉一齊蒸，滲出了啖啖嘅鮮味旋風黃金流沙包（$32）外貌有趣，小朋友見到一定愛不釋手，咬開之後嘅奶黃，非常流心，奶同蛋黃味香濃鮮蝦腐皮卷（$31）腐皮卷煎得好香脆，內裏嘅蝦肉好彈牙同好爽口，配上酸尾尾嘅喼汁，非常滋味叉燒腸粉（$31）腸粉晶瑩通透，叉燒餡料夠飽滿原個椰皇燉燕窩燕窩份量絕對唔少，$45呢個價錢，連街邊嘅糖水舖都買唔到，蛋白唔太甜，燉得好滑，椰味香氣四溢，連椰子肉食埋係最佳嘅食法彩福嘅服務真係好好，又打電話嚟訂位，到攞位，落單，上點心，到埋單，服務都好細心周到。例如部長哥哥會幫我地留起個椰皇，等食晒點心嘅時候先至上，咁就唔怕凍哂啦兩個人食咗二百幾蚊，食得多西餐，飲下茶別有一番風味最後一個正嘅

今日做嘢有少少遲，同啲同事約好咗喺呢間酒樓度食嘢，真係要搵左一陣先搵到呢個地方，到達後發現大家到齊啦，我最遲，不過都有個好處，就係唔使我諗食乜嘢，大家已經落左單，而且嚟到就有得食港式街頭蝦米豬腸粉（隻）係豬腸粉個名以為係普通野，但係原來可以用醬汁將佢點綴得咁美輪美奐，而且唔係得個靚字，呢啲醬汁嘅份量，同豬腸粉嘅比例我覺得剛剛好，豬腸粉都幾滑，不錯！蝦蝦霸霸 一隻$8 好大隻，好飽滿原隻鮑魚燒賣皇咁矜貴嘅燒賣真係第一次食，竟然燒賣之上係原隻鮑魚！金奬旋風流沙包芝心呢個旋風真係睇多兩眼我都眼花，一於一口咬下去啦！裏邊係熱熱的奶黃令人十分之滿足海皇千絲春卷 呢個真係超級正，外皮勁酥脆脆皮燒腩仔燒腩仔嘅魅力真係沒法擋！皮脆，肥瘦分布都幾平均！陳皮聖女茄好開胃金粟紅米肉碎炒飯又健康又好味嘅炒飯！

之前在紅磡吃了彩福皇宴，價錢對相便宜，份量大而小菜出色過人，這次在尖沙咀看到分店，二話不說直接在那解決晚飯。菜單每間分店會有些許分別，不過一定有魚蝦蟹，豬雞牛等選擇，兩人行最後我們揀了一款孖寶套餐及兩清淡小菜。食家孖寶A餐燒味雙拼師傅會按照當日食材安排兩款燒味，今日幸運地安排到我最想試的店舖主打叉燒及鼓油雞。叉燒油光潤澤，入口肥瘦相間，咬下香口富肉汁。油雞雞肉香出位，雞皮彈牙而沒什麼肥膏。鼓油皇煎海蝦海蝦每隻大大隻擺滿整碟，蝦殻香脆能整隻脫頭吃掉，肉質爽口彈牙，蝦肉帶鼓油咸香，味道鮮香味俱全。金湯淮山茄粒泡時蔬店家以蕃茄熬製上湯再泡白菜仔，味道帶蕃茄香甜富蛋黃咸鮮，喝下鮮甜濃郁。白菜仔泡至軟腍，咬下吸附湯底，味道極佳。酒香腰蝦蒸蛋上桌帶有粉嫩粉嫩感，蝦左晶瑩剔透配上豔麗櫻花蝦，蒸蛋滑溜水潤，配上新鮮鮮蝦，蒸蛋再配上各式配料，增加豐富口感。

今日同身邊人屋企人去食飯，係尖沙咀想搵一間靚靚地既中菜餐廳，我第一時間就諗起彩福皇宴，皆因之前朋友係度搞婚禮，覺得呢度好grand,。風味臘味炒芥蘭係未來外母指定要食既，臘味炒得香口，加埋芥蘭清清地，好岩食得健康既老人家，味道又唔會太寡。麻香牛蒡金錢絲，見呢個前菜都係40幾蚊，咪嗌黎食下，點知佢又撈得幾入味，好有四川麻香味，辣又唔係話好辣，老人家都食到。燒味拼盤係油雞拼燒腩仔，雞好嫩！叫多份叉燒試下，又幾好味喎，原來得過獎架！鼓油皇蝦，都幾多隻，大大隻每人可以食到2-3隻！最後叫埋甜品，老人家喜歡金箔芝麻卷，話佢好香口芝麻味夠呢！呢餐最緊要老人家食到滿意，我就開心了！

尋日同個同事收工已經八點，喺尖東附近唔知食乜嘢，喺樓下見到呢間茶樓就醒起好耐冇試過喺茶樓食小菜晚飯，於是就上去上到去原來甘啱有人搞緊婚宴，但係佢哋都揀左幾間房俾我哋依啲街客入去，反而私隱度仲高環境更舒適佢哋菜式選擇其實不比大排檔少，佢今晚做緊椒鹽九肚魚小菜優惠，價錢唔貴分量合理，而且食落非常熱同脆口，真係同大排檔冇分別本身同朋友諗住兩個人share個乾燒伊面，想到枱先知原來個分量足夠四個人食，結果要打包返屋企味道非常一流，酒樓水準確係唔錯我夠膽講呢個腐乳唐生菜比起大排檔嘅更有鑊氣，同埋佢嘅份量都唔少，都只係$68呢個京蔥牛仔骨同樣份量都非常多，起碼有十份牛仔骨以上，而且都係非常新鮮熱辣辣結果我同朋友叫咗碗白飯送，一流！結果兩個大男人食到飽晒仲有嘢拎走都只係四百幾蚊，睇嚟下次朋友聚會都唔一定要去大排檔，反而黎呢一類型酒樓感覺仲舒適傾計仲舒服

上星期尖沙咀放工，約埋屋企人一齊食飯。同老人家食飯離不開中菜，老媽子話朋友同佢講尖沙咀彩福晚市好抵食，就聽佢話去食啦！入到去見到好光鮮，平時係婚宴場所既彩福裝飾都靚過一般酒家。孖寶A餐有燒味拼盤加鼓油皇炒蝦都係$188，真心抵喎！燒味好香，燒腩仔勁脆，正啊！鼓油皇炒蝦好入味，蝦殻都可以一齊食！$148有條清蒸沙巴龍躉班，足1斤2；自己出去買都幾十蚊啦，呢度有人蒸埋擺靚靚，真係唔叫過意唔去自己！懷舊金獎叉燒好惹味，半肥瘦勁香口！仲叫咗幾樣野食，埋單唔洗$800，好開心

今日和友人來尖沙咀, 順便飲茶。友人建議到彩福皇宴。見到Menu,有多款點心獲點心大奬,覺得好吸引。於是我們叫了兩款得奬點心。得奬點心:原隻鮑魚燒賣皇通常出面吃的都是蟹籽燒賣, 好少見有鮑魚燒賣。這裡的鮑魚燒皇有特色和有創意。燒賣的蝦肉彈牙, 原隻鮑魚更是爽口。另一款得奬點心海皇太子餃海皇太子餃亦美味, 得奬點心真是名不虛傳。叫了幾款點奬點心以外的點心, 亦絶不遜色。彩福蝦餃皇彩福蝦餃皇有四隻,每隻都好飽滿。滿滿的蝦肉, 好正~香茜牛肉腸粉牛肉腸粉又香又滑, 好食, 只是略嫌牛肉不夠多。原個椰皇燉燕窩這個一定要叫! 好好吃。燕窩在椰皇面,都不少。蛋白十分香滑,甜度適中。

放工後同D同事去咗尖沙咀行街同式晚飯，行完街就經過尖東見到有間彩福皇宴就上去試試，好耐未去過酒樓了。我地點咗幾樣推介餸菜。杞子濃湯花膠泡勝瓜，清清的很好味又養顔。彩椒菠蘿咕嚕肉，咕嚕肉肉質外脆肉軟多汁，汁醬酸甜醒胃，其選用豬肉中最鬆化的位置脢頭肉入饌，甜酸汁的味道加入山楂提味，可大大增加味覺享受。黑松露秋葵帶子炒蛋，黑松露秋葵帶子炒蛋，炒滑蛋好吃，加了黑松露醬的就更加美味，偶爾豪一豪。帶子配秋葵食落韌度，但味道一樣鮮甜，帶子厚肉爽口。海皇櫻花蝦炒飯，炒飯好夠乾身，大大粒既櫻花蝦並非急涷，超級新鮮爽甜，讚！原個椰皇燉燕窩好食到我想叫多一個外賣返屋企再食，可惜我太飽喇，下次一定要再嚟！！

今日和媽咪去尖沙咀逛街, Lunch就和媽咪去彩福皇宴先嘆個靚茶食點心。睇menu, 得知彩福皇宴連續5年榮獲點心大奬。未食已對這裡的點心有信心。要了得奬點心的原隻鮑魚燒賣和海皇太子餃原隻鮑魚燒賣$35鮑魚燒賣賣相靚,蝦肉彈牙鮮嫩,燒賣面頭是一隻原隻鮑魚仔,未食已經覺得矜貴, 食落爽口,正~海皇太子餃$30海皇太子餃皮薄餡靚, 美味!彩福蝦餃皇$35蝦餃大粒, 皮薄通透,裡面是满满的蝦肉,真材實料~香茜牛肉腸粉$30牛肉腸粉又香又爽滑。香芋西米焗布甸$16布甸細細碗,食落似奶黃,都幾香滑,中間有香芋,唔錯。埋單$266，每人承惠$133。