彩明海鮮火鍋酒家 (已結業)

快到農曆新年， 同事們提議大家一起到酒家吃一頓飯慶祝新年。 這家酒家位於藍田某一間商場裏， 離地鐵站大約5至10分鐘路程。店內裝修和一般酒家無異， 都是傳統的感覺。 一行大約十人每人點了一個餸， 放滿圓桌上就是九大簋。主菜點了福建炒飯 ，炸子雞和梅菜扣肉煲。 炒飯雖然未算粒粒分明， 但芡汁非常入味。 炸子雞 正常水準， 皮脆肉嫩鹹鹹地， 送飯一流。 梅菜扣肉煲， 扣肉入口即溶， 梅菜入味。點心炸物有 煎薄撐， 春捲，炸雲吞 ，炸蝦角，鳳爪， 鮮蝦腸粉和蝦餃燒賣等等。 煎炸食物雖然熱氣， 但入口不會太油膩， 而且每一件都炸得金黃鬆脆。 點心蒸得剛剛好， 每一件點心嚟到仍是溫熱， 每一件造型精緻， 確實是華麗與味道俱全。

這間酒樓在晚市可以選擇小菜和打邊爐，每款小菜的價錢非常優惠，豉汁蒸大鱔只是$98，帶有果皮的香味，味道不錯，不過全碟只得9件，份量比較少，但可以接受。酥炸美國桶蠔$165大大隻，外脆內軟。而馬蹄吊片蒸肉餅$65，非常底食，肉質嫰滑但可惜比較鹹！廣東片皮鴨$68！超級平，必食！菜丸牛肉$70，有鑊氣。紅燒北菇豆腐煲$68，香味撲鼻。最後奉送甜品，芝麻糊過分甜，最後食咗一啖就放棄。整體來說，可能主要是做街坊生意，價錢比外面大部份酒樓便宜，我可以多點來食！

呢排啲天氣真係頂唔順，假期條街水靜河飛，好多人縮晒有冷氣地方，我都唔例外，行行吓都係入左酒樓嘆冷氣假期人比較多，所以坐低都要等等才有服務menu無乜優惠，都係叫番自己想吃，蝦餃4粒大大粒，不過有一粒穿左今次有啲驚喜，蘑菇飽好大粒又好味，入面有料嘅我至愛鳳爪和豬手都有水準好入味最後叫埋紅棗糕，夠甜彈牙大粒總括屋村酒樓已有水準

今日同老婆連埋另外一個住附近嘅朋友，諗住去屋企附近嘅酒樓食，隨隨便便就算所以只係叫咗幾個餸。荷香籠仔蒸豆腐，沒有說好的荷香，只係一pat芡汁撈埋啲雪藏雞粒同蝦粒仲有少少菜頭菜尾撈埋就淋上個豆腐度，所以真係冇乜味，唔算好食，得個鹹字。薑汁炒芥蘭就幾好，真係食到有薑味而且有大量嘅薑粒，芥蘭亦唔苦，不過就略嫌多油左少少。呢個千層糕老婆同女友人都非常欣賞。有薑味唔算太甜而且口感Q彈。屋村仔酒樓，幾十蚊一個小菜價錢合理，但係就唔好期望有好好嘅服務囉。

平時都有黎開呢間酒樓既、平時都無咩野、但係每次一到節日前就咪黎呢間酒樓、佢地會迫你買咩卷咩卷 、由其係新年之前 就會成堆人堆埋黎迫你買野、然後放低哂張卷、係前迫你買、你一同一個買左就大獲、成班人衝埋黎、唔會再黎囉 唔買就有說話聽 唔信自己去試下、我都唔會再黎、好似入左火坑甘、個感覺勁差、佢既野食價錢一般、味道其實唔錯、但係的阿姐就真係好恐怖、同埋黎親就千其唔好3點之後入座 因為佢地4點鐘落場、你過左3點鐘之後去 黑面黑足你成餐茶、比錢飲茶飲到背隻骨落👎🏻

原本去開啟田打邊爐，但唸起朋友之前講過，彩明酒家，之前聽朋友講打邊爐任飲任食都都唔錯，可以去試。但去到就覺得中伏了。酒樓都好大，但就感覺好污穢。因為筷子黐泣泣，個穿窿"學"有好多污漬。食物方面，牛肉雖然好大塊，但就非常"鞋"，只叫咗一次就冇叫了。還叫了其他食物，雞件，炸枝竹，脆肉鯇，蠔，豆卜。以上食物就亂糟糟放在一碟。但要讚一下蠔，的確好鮮味。蝦丸，墨魚丸都爽口。飲品，䉀汁有苦味，最後都係飲罐裝汽水比較安全。雪糕，話就話任食。我地6:00到的。由於我超鐘意食雪糕，所以一去到立即望望有咩雪糕味道。只見草莓及朱古力。但朱古力是尾聲，見晒底，到差不多7:30再行過去唸住攞雪糕，點知朱古力都係冇添加。於是問職員，她只回應就是這些了。時間尚早，就已經冇得添加，那麼再晏d其他食客都冇得食啦！這餐打邊爐雖然冇限時，但質素太差了。相都沒有心機影

本身阿媽星期一生日，但因要就成家人放工時間，所以貪就腳試下呢間野預祝佢生日快樂。坐低叫左一條蒸班，半隻燒雞，一個芝士焗大蝦伊麵，二個煲仔菜，一籠壽包（叫左佢最後先黎），本身諗住睇下份量多唔多先考慮再嗌其他上菜時間就係惡夢嘅開始，第一個係雜菜煲再等多成十分鐘先再黎第二個海皇豆腐煲同五個白飯，已經心知不妙，唔通逐個餸等十分鐘點知呢個時候好戲先黎，究然黎壽包點呀大佬，全家人已經等到唔知點咁，唔通放低筷子食包先呀，阿媽話算啦黎左就放低，咁生日大晒就唔同個待應講咁多，繼續等。呢個時候兩個煲已經俾我地五個人食得七七八八，隻炸乳鴿先黎唔係嗌雞咩.........冇錯到，原來係大過隻乳鴿小小嘅雞，我呢個時候唯有叫佢快d黎埋其他野，同攞個菜牌黎，預左頭先嗌果d實唔夠食個焗大蝦伊麵都係預期中失望，d蝦焗到燶晒之餘仲要冇芝士味點呀條魚，成枱野都食到八八九九了蒸足成九個字嘅斑仔黎嘅時候。一向細食但好鍾意食魚嘅阿媽話，已經飽飽地，話食多兩談魚就算唔好再嗌其他了，費事再等。我都灰晒了，撈魚汁食埋碗飯。d包凍晒但大家未飽，唯有一人一個食埋佢，埋單6舊水度，都唔知食左d咩我知好很多人喺隔離打緊邊爐要你地招呼，但咁我地

實在火滾！！！！！！ 1|1 打算陪家人飲早茶開心下。本來一直都無乜特別，食物雖然吾系話好食，但也吾系難食，酒樓表面衛生也吾系差，雖然廁所要走出去商場，對老人家吾方便都算就臨走果下，家人去收銀就勞氣！！！家人找錢後，見有個$10銀仔（老人家吾方便袋甘多），甘就好有禮貌甘話：”吾該幫我換張紙幣啊！”（當時無乜人賣單，吾會忙）個女收銀阿姐竟然明顯黑面，彩都吾彩，我家人就講多次話：“$10銀吾方便，吾該你換左紙幣畀我”個女收銀阿姐好無禮貌（噴火甘）換左張$10紙幣，我見到果種態度實在怒到極點，好似區找既錢系區既甘！！！！我即刻問：“換張$10紙幣者！！吾使甘啊？！！！”個女收銀阿姐仲要好惡劣甘話：“個個都系甘伽啦！！！！”我話：“使吾使甘惡啊？！！”之後區無出聲。。。。。。我吾知呢個收銀阿姐系生活上或者工作上有幾大壓力，但神早一家來開心飲茶，憑乜野我家人要畀錢受你氣？！！我幾乎想要發火叫區經理出來，不過我家人話算數，甘就算了！！我就當新年做一單善事 ，吾直接甘投數你！！！！我以後都吾會去呢家酒樓！！！！！！！

難得闔家一聚，地點選擇在屋企樓下的彩明。一行五人，老爸最近的口味變了，竟然常大讚彩明的食物味道出眾，既然如此不來這兒吃飯是會被批鬥的﹗星期一的時間，對比起上兩個月同老爸來吃，人多了很多，老爸話這兒近期多了捧場客，原因在食物做得好，價錢亦便宜。平日有特價菜，三選一有冬瓜盅、片皮鴨及蒸石班，全部$48，人多我地當然叫片皮鴨，再加$38可以兩食炒埋鴨絲。老弟點了茄子斑腩煲$68，加多斤白灼蝦($8兩)、白銀蛋莧菜($48)及啫啫通菜煲($48)。老爸最愛吃蝦，一吃便停不了，須是廉價的草蝦，但蝦新鮮，爽口亦有蝦味，大半碟由佢老人家清哂﹗片皮鴨雖是特價菜但質量真不錯，大大碟有廿來片，上枱時皮還熱又脆，薄薄的鴨皮夾著肉及油脂，配上薄餅、大蒜及海鮮醬，很好吃﹗炒鴨絲份量也不少，用來送飯很好。斑腩煲無我份因我不吃魚，但老弟同食家就係咁夾，看來味道也不錯﹗蔬菜不用怎樣點評，再說燕京$16支，一家人聚會最好就係飲番兩杯，暢談懷古，快樂一聚。埋單一人$100，抵吃好味，怪不得平日的晚上這小小的屋村酒樓也半爆，老豆至愛就要多多幫趁了﹗

同波友係附近打完波 今日見四人行 於是捨茶記去茶樓歎茶時間三點鬆 茶客不算太多 易找位地方幾大 冷氣又足 侍應不多但自動走來添水食左大概10款點心 蒸點心水準都合格炸點心~沙律明蝦角 蝦肉餡勁多 係欠皮不夠脆口炸餛飩~炸得脆卜卜 蝦肉餡爽茶樓較少出現既'蜂巢芋角' 亦值得一吃 鬆化無比 餡料懷舊味美

周日放假諗住可以睡到日上三杆，那知6:30am就給老豆起身嘈醒﹗既然起左身，就做下乖仔陪佢飲餐茶﹗德田商場這個酒樓位近十年都不知換過幾多間酒家，保守估計兩年一換﹗今次這間叫彩明﹗之前吃過的幾間師傅手勢真係麻麻地，食物難食得不得了，今次反而有點點驚喜﹗特別是其招牌蝦餃，飽滿，餃皮是半透明的，蝦肉爽脆，確不錯呢﹗其他點心也挺好，五個點心加茶錢埋單$100有找，值得再來﹗

今日來到這裡跟舅公飲茶，點了叉燒瀨 切雞瀨切 燒肉飯蝦餃 鳳爪 排骨味道都ok 上菜速度快點心即叫即做就15~20分鐘但問題在於賣單時佢電腦系統根本就亂我幫襯3次 3次都一樣每次都要背番點心出黎一係就同隔離台溝單原本一件好簡單比錢找錢變成背書加減數每次比錢 個收銀反而問我食過咩…真係無奈

家人過黎幫手裝野之後一齊出去食飯揀左地點較近的彩明酒樓黎依度食晚飯都係第一次菜式選擇不多5個人食只係揀左4個小菜 加3個白飯1 ) 京都焗肉排2 ) 彩椒菌皇炒象拔蚌3 ) 翡翠花枝炒玉帶4 ) 椒鹽鮮魷球椒鹽鮮魷球冇咩椒鹽的味道不過魷魚好新鮮有某幾舊好重炸粉彩椒菌皇炒象拔蚌唔見有象拔蚌蹤影只見到一大堆西芹係底下有少少煙煙韌韌的東西可能係象拔蚌京都焗肉排的數量比上次係明星食的多不過都比較細件依個小菜我同妹妹都好中意貪佢夠惹味翡翠花枝炒玉帶底下有好多西蘭花花枝比較韌不過勝在帶子好食下次都係試第2間依間的款式比較少

今日同外公去杯茶啦,,,咁就去佢屋企附近間新酒樓...酒樓唔算大,,,但等位唔算耐吧,,,但係上菜就真係耐左D啦咸水角就幾OK啦金錢肚,燒賣,蝦蛟都幾好啦...叉燒腸粉D皮唔簿=_=,,,粉果呢,,,可能我係潮州人掛... 覺得好難食...水準好唔夠,,, 皮厚,,, 料少...奶皇包放得耐左D...所以都唔流出黎了...整體黎講... 算係咁啦,,,有好食既野,,, 有唔好食既野...by woody

屋企附近早排開左呢間任食火鍋!$88 1位唔洗加一, 有埋氣水任飲! 雪糕任食!呢到係用食物紙落單, 佢會自己計返你個枱人數ga分量!野食款式都算足夠!而且都係衛生的!肥牛都好ok !可能任食!!又唔會太肥得d脂肪!除左呢d打邊爐,仲有d熱食, 炒飯/面, 咕嚕肉,曼頭,連容飽,仲有d 涼茶.糖水tim!烏do,出前一丁,菜,雞蛋,生根呢d都可以任拎tim係出面!食完野就係雪糕! 第1次去都6隻味...!cookie,chocolate,vanilia,strawberry,mango,wu頭!係牛奶公司的!但第2次打後去佢收埋d 好好味ga 雪糕..得返mango,wu頭味.....咁好差呀..點可以收起嫁.....咁我點會黎下次呢...呢到要改下.但價錢係抵食..