彌敦左岸

營業中

休息中

今晚再黎到M1嘅餐廳，今次好好采可以坐近個stage欣賞live band表演，啱哂我玩音樂嘅朋友。餐廳店員都有同我地介紹食物，服務唔錯。Salmon mango quinoa salad三文魚肉質軟滑，入口充滿魚油香，配藜麥同香甜芒果，食落好清新。Suckling pig本身怕會肥膩，但食落都ok，加上有蘋果醋汁，可以解膩。外皮烤得香脆，內裏juicy。Crab meat and Uni angel hair海膽同意粉醬汁好似兩樣嘢咁，冇融合到，較為一般。Breaking up again 朋友點嘅，賣相同味道都唔錯。Oolong tea with cheese有啲似最近大熱奶蓋茶，不過茶底混合乳酪同果汁，飲落更香甜解渴，芝士味道唔夠出。

諗住搵間餐廳同朋友可以chill d咁食野+傾計，見到呢間餐廳評價好似唔錯，所以就book左。黎到既時候見到環境好暗，真係好適合放工同朋友happy hour～仲有live band表演，令到成個環境更加relax～見到menu有個蟹肉蟹粉天使面伴海膽即刻眼前一亮即刻點，真係見到個名都覺得好食～味道我覺得都算唔錯既，不過個汁太稀所以d天使麵唔係好依附到落個汁度，如果個汁杰身d會好食好多，而且雖然有蟹肉蟹粉，但係味道唔算特別出～好味指數：🌕🌕🌕🌗

男友上次試過酒吧菜，話出色想再食，所以今次就黎到尖咀既<<彌敦左岸>>。呢間酒吧既賣點就係佢可以邊食邊聽live show，好有氣氛。 <<簿切北海道鮮帶子及鮮三文魚伴三文魚籽配柚子醋汁>>呢碟野真係好邪惡，滿滿的三文魚，帶子及三文魚米，好鮮呀。加埋柚子醋汁，真係不得了，減去了腥味，食到我停唔到口。 小食點左半份<<脆香雞翼配泰式辣醬>>，有四隻。外層炸得脆脆，略嫌多左少少粉，但內層有驚喜，肉質十分鮮嫩。配上泰式辣醬就更加惹味。 <<Black Ink Tagliatelle Crab Meat>>呢個墨魚汁闊條麵加左鮮蟹肉蟹粉、西班牙辣肉腸、半乾車厘茄、三文魚籽及鮮蟹汁。闊條麵入口勁嚼勁，加上三文魚籽及鮮蟹肉蟹粉，令到入口口感更有層次。 食西餐慣左一定要食埋個甜品，今次就點左<<檸檬馬林撻伴自家製雲呢拿雪糕>>。馬林撻入口酸酸的又有檸檬，幫助消化，加埋個雲呢拿雪糕就清哂口腔既油膩感喇。 飲品點左<<Crazy

今日同男朋友去尖沙咀行街行到咁上下就想食嘢男朋友話想食西餐又咁岩行經赫德道見到有間酒吧西餐廳終於有波睇 啱晒鍾意睇波嘅男朋友所以我哋二話不說就入咗去上到去2樓嗰層 見到座無虛席已經心諗唉 好似要等位點知經理帶我地去一個更入嘅位置入面有個勁大嘅位置 仲有桌球枱添真係啱晒一班人來玩一坐低就叫左杯野飲先男朋友叫咗啤酒我就叫咗杯雞尾酒之後我哋叫咗個香芒三文魚藜麥沙律因為呢個係經理推薦話女仔多數食呢個沙律因為夠晒健康 藜麥好有咬口啲芒果令到成個沙律好清新而三文魚亦都係慢煮 所以生熟煮得啱啱好之後就叫咗個威靈頓牛扒一切落去件牛扒度 有豐富嘅肉汁酥皮包圍主令到佢肉汁保留着係入面令到味道更加豐富 呢個真係好正之後就叫咗個 海膽三文魚子墨魚汁麵墨魚汁麵係自家制 所以好有口感好彈牙而且咬落去啲三文魚子爆果下真係好正 成個菜式層次更豐富呢間真係值回票價又有feel啲嘢食又好食

愉快的一晚，和朋友食美食聽live band 傾心事，野食很好食，環境很好👍🏻服務很好。點了一個黑毛豬火腿蜜桃沙律🥗和一個一個牛油果🥑莎莎，最愛左支德國🇩🇪白酒，埋單兩人$741！最緊要兩個女仔過了愉快聚會下次有一大班朋友聚會都會再嚟！其實兩年前都嚟過嗰陣時冇依家咁多人可能而家多人鍾意有live Band靜靜地傾計嘅地方！上次你食咗一個pizza同埋帶咗意粉同埋飲咗Cocktail,飲過佢哋推介的紅酒🍷都ok

因為係好朋友生日, 所以訂左呢間有氣氛的餐廳慶祝。我地叫左個墨魚忌廉汁意粉，意粉彈牙軟硬度適中，忌廉汁加上芝士，仲有啲火腿。而威靈頓牛柳好好味，好少餐廳有得食，而我自己都係第一次食，用酥皮包住牛柳，本身幻想唔到個口感，但竟然意想不到地夾，牛柳好淋好香濃，加咗啲粗鹽粒，令牛柳嘅味道層次提升，醬汁我感覺係用菇同埋黑松露造成，佢用酥皮包住嚟焗，而個牛柳keep住起五至七成熟，酥皮同牛柳之間夾住一層黑松露嘅醬料，令每一啖都有黑松露既香味，所有嘅食物都係即叫即製好新鮮。飲品方面分別叫咗一杯Sour Jam(藍莓沙冰)同埋Peachy Coco(荔枝特飲)，藍莓沙冰同預期嘅味道一樣，普通。而荔枝特飲就係紅茶，加蜜糖加椰果，就算啲冰融左，味道都唔會變淡。值得一提嘅就係飲品上面有支竹籤穿着兩粒荔枝果肉，嗰兩粒荔枝去咗核，荔枝幾新鮮，一啲都唔酸，表面落咗一啲砂糖同蜜糖，再用火槍將砂糖燒成焦糖，令到粒荔枝表面脆，同飲品嘅味道非常之夾。甜品方面，我哋叫咗榴槤芝士撻，個撻就啱啱焗起，所以係熱嘅，撻皮脆脆地，芝士香濃有小小酸，切落去芝士會溜出嚟，所以個質感做得好好，配合有榴槤果肉嘅榴槤雪糕，感覺好香濃，$68黎

好久沒約的一個舊同事約我去尖沙咀吃晚飯。一行入去地下個層的位置差不多坐滿了！伙計就叫們到樓上座。上到去黑媽媽的,我也沒多留意周圍有些什麼擺設，只見一個大螢幕播住足球。坐低冇幾奈,我同事就點左兩杯大啤酒、一個pizza同一個大子意粉。我心諗果然今晚是要不醉無歸了吧！一心諗住飲酒為主，食物是其次。點知當開餐時我先知道它食物十分有水準，大子意粉啲大子大大粒，咬落好鮮好爽口！薄pizza焗到非常脆！就在食下食下嘅時條突然有spot lights亮起！Boom一聲！Band隊show up! Wow! 原來我同事說有這band隊一邊夾音樂，一邊食一邊飲先夠氣氛！朋友真沒介紹錯，好彩我一早醫飽個肚先，咪掛着睇唔記得食la🤣

今日收工約左舊同事係尖沙咀食飯分享下近況 想食Nathan Left好耐 終於都比我食到！黃金龍蝦粟米法邊豆意大利飯龍蝦用咸蛋黃鋪面煎到金黃食落咸香野味得嚟龍蝦肉又鮮甜意大利飯啲水收得好好成個飯好creamy入味加埋法邊豆口感好好燒原隻法國黃油春雞釀西班牙辣肉腸及意大利白豆伴薯條春雞外皮燒到香脆雞肉好嫩滑好juicy 釀喺入面嘅意大利白豆燜到好淋加埋西班牙辣肉腸好野味朋友叫左杯mock-tail Peachy Coco係桃茶底再加荔枝同椰子果肉幾特別！我就要左杯Summer punch 有芒果、橙、蜜糖同梳打水飲落好清新好滋潤呢到環境真係好啱聚舊傾計 今日我地早左嚟 Live band都未開始希望下次可以欣賞到live band！

休息、工作再工作，係做地球人生活的規條。休息嘅時候最開心就係對着喜歡嘅人、做喜歡的事，長假期可以去吓外地旅遊，平時在香港都係離唔開食野、唱K 、BBQ。「彌敦左岸」名字有趣，一望而知充滿玩味，旨在引領我們鬆一鬆，放工休息幾粒鐘😍彌敦左岸在赫德道，半開放式的酒吧一望而知，眼見有條古堡式樓梯，沒想到樓上原來是別有洞天的西餐廳🍴🍸🍻。餐廳好大走型格路線，除了酒吧以㚈，餐枱組合亦多，無論情侶拍拖、好朋友傾計、大伙兒聚會都好適合🎂🍾️🥂最正係有現埸有Live Band 🎤🎸演唱，一入場就是悠揚樂聲，好有氣氛，Menu 仿製報紙效果、又係好型，枱面小照燈可隨意調控光暗，實用又浪漫💕食物種類有好多選擇，扒類、意粉、pizza 、 炸物串燒....真係總有一款啱你的乳豬件端上枱時，帶著BBQ的氣味，店長蠻有信心的介紹，乳豬要客人自行切件，是刻意讓我們感受當中的脆皮效果，加上用慢煮嘅方式，肉質流汁嫩滑，輕易就可以撕開，🐷真正㚈脆內軟乳鴨是另一慢煮菜式,釀入鵝肝及栗子蓉，中西合壁，可以想像鴨肉吸收了鵝肝及栗子的味道，互相融洽，乳鴿帶着鵝肝香，栗子蓉平衡了鵝肝的油脂，呢個fusion組合，配搭新頴，由內㚈到

今日和老婆往尖沙咀彌敦左岸食晚餐慶祝, 我們點了烤西班牙黑毛朱配薯菜及燒汁, 西班牙黑毛朱蜜桃菠菜沙律配芥末籽蜜糖、牛肝菌意大利飯伴63度溫泉蛋、半熟芝士撻配開心果雪糕、banner stick和oolong with cheese。西班牙黑毛朱火腿蜜桃菠菜沙律配芥末籽蜜糖賣相豐富蜜桃食落新鮮清甜, 菠菜沙律食落爽口,配上芥末籽蜜糖甜度適中, 食落開胃, 西班牙黑毛朱火腿鹹度適中, 食落惹味, 整份西班牙黑毛朱蜜桃菠菜沙律配芥末籽蜜糖食落開胃, 很美味的新菜；烤西班牙黑毛朱配薯菜及燒汁黑毛朱是七成熟, 烤黑毛朱烤得剛剛好,食落肉質鮮甜味美, 黑毛朱肉質均勻, 口感食落去有油花, 層次豐富, 黑毛朱配上燒汁算芥辣醬一起食, 能提昇肉味層次, 口感美味十足, 薯菜這裡是手切薯條而且不是炸的手指薯, 可以食到薯仔的爽脆, 配菜有法邊豆, 紅蘿蔔和小粟米條, 食落新鮮爽口, 能中和只食黑毛朱的油膩感,整份烤西班牙黑毛朱配薯菜及燒汁口感十足, 食落啖啖肉, 美味十足；牛肝菌意大利飯伴63度溫泉蛋賣相吸引,牛肝菌食落口感爽口, 溫泉蛋很有蛋香, 63度蛋汁配上意大利飯一起食, 食落惹味十足, 大利

對上一次到來彌敦左岸已經係一年前的事，近日再到二樓餐廳區中央已經由放空變為放滿了枱，坐滿時感覺頗為擠擁。餐廳裝修依然有點昏暗，帶有英倫風格。Oolong with Cheese每次到彌敦左岸mocktail與cocktail餐牌均已轉款。今次點了mocktail Oolong with Cheese，上面有一層接骨花忌廉芝士，味道淡淡的不太杰身，下面以烏龍茶為主，再混合蘋果汁、乳酪及烏龍茶糖漿，味道就好像微甜中國茶，與一般偏甜的mocktail很不同。Peachy Coco此杯桃味黑茶加入荔枝糖漿及椰子奶油，味道比芝士烏龍茶甜，但亦不算很甜。兩杯cocktail均很解喝味道又清新，很適合夏日飲用。低溫慢煮三文魚藜麥香芒沙律彌敦左岸除了有一般酒吧餐廳熱賣的香口菜式外，亦有慢煮及海鮮菜色。慢煮三文魚幼滑感猶如三文魚刺身，但入口又似煙三文魚。三色藜麥本身有咬口但味道較淡，芒果粒的酸甜豐富了藜麥的味道，整道菜配搭很出色。西班牙辣肉腸白酒忌廉汁煮馬拉蜆是夜沒有刀貝蜆，此菜改為馬拉蜆，馬拉蜆雖然較細但亦肉質鮮甜嫩滑。白酒忌廉汁不太杰身，感覺像飲忌廉湯般的甜美滿足，用蒜蓉包點汁，外面牛油味香濃酥脆，

幾年前響一個西餐到會派對上嚐過威靈頓牛，一直念念不忘，但食過後，再沒遇上過... 今晚原打算出嚟飲嘢、聽歌，竟然又再遇上，仲可以話俾朋友知，香港真係有呢道菜，唔係我作出嚟...呢個威靈頓美國特級牛柳，香脆嘅酥皮包住鹹火腿及鵝肝蘑菇醬、及煎封咗嘅牛柳... 切開嚟，係3成熟，但完全熱透嘅牛柳，恰到好處... 唔冼點牛肉汁都已經足夠好食～呢個黑松露菌醬烤海鱸魚柳配煙肉、燒南瓜、半乾車厘茄、芥蘭苗、巴馬臣芝士汁捲紙通粉... 響我等待牛柳期間先來... 手工通粉，配煎脆魚皮嘅海鱸，好食到停唔到口～見到佢哋做嘅西餐咁好，忍唔住要試埋佢哋做嘅西點... 法式芒果拿破崙伴自家製雪糕，酥皮做甜品，係酥皮牛柳以外嘅第二個美食層次，甜食配鮮果忌廉，有另一番風味～呢個係咪叫做酥皮二食呢... 😆值得一提佢哋自家製雪糕，都係好好味～約好要嚟飲嘢嘅，嚟到已俾佢嘅西餐及甜品吸引咗，叫咗嘅Sour Jam 菠蘿青檸雜雜莓及Earl Grey On Top，都失色咗，被比下去咯～🤭😅

餐廳分上下兩層，從左邊樓梯上去，上層比下層大得多，多數座位都係上面，裝修格局都幾有懷舊香港feel。未坐定店員已經好熱心咁介紹食物，會根據食客口味推薦佢地認為好食的食物再幫手落單。首先來的是西班牙黑毛豬火腿蜜桃嫩菠菜沙律，沙律的菠菜葉的確好嫩好滑冇乜莖，黑毛豬火腿有別於一般火腿，肉香味特別濃郁，肉質好滑唔會咬唔開，蜜桃係鮮水蜜桃切片，非常新鮮，連皮食仲好健康。牛肝菌意大利飯配63度溫泉蛋賣相吸引，火箭菜帶出不一樣的鮮味，牛肝菌味濃煮得好唸，飯好多汁，撈埋蛋又多左陣蛋香味。原隻黃油燒春雞入面釀左白豆同辣肉腸，一切開就見到真係有好多豆。隻雞細細隻但好多肉，2個人食差d食唔晒。薯條炸得外脆內軟，慢慢食都唔會好快唸。沙律伴著雞肉食口感更佳。Cha cha係signature cocktail當然要試下，好重薄荷味，個樣幾靚，底仲有d珍珠。如果想飲d飲開的classic cocktail, 可以直接向店落單，mojito用左好多薄荷葉調，清新又解渴。

平日星期二晚上,鐘意西式餐,又熱愛live band的我,去尖沙咀食飯。當日去到呢間彌敦左岸,一到樓下我就知 佢之前係M1,好熟悉,原來已經轉營左餐廳好耐了.進入主題,一上到去餐員帶位,笑容好親切,好有禮貌,仲即時話比地知 10鐘鐘後就8:30pm 就開始live band,建議我地先點野飲,再慢慢聽歌選食物,一點都唔會似出面餐廳咁 劈頭第一句就話(入座計限時90分鐘)個啲!對彌敦左岸第一感覺已經好好。我本身好鐘意伯爵茶,一見到cocktail有款伯爵茶味的cocktail特飲,我諗到唔洗諗啦,就呢個。友人點左杯 綠茶chacha 1)Drink-Earl Grey on top   好香好清新我earl gery香味,加上酒味調配得恰到好處,野飲既冰粒係earl grey茶做的冰粒.冰都食埋,而且一邊吃飯一邊慢慢飲 冰粒溶左都唔會越飲越淡家~~成晚叫一杯野飲都夠曬2) Drink-Cha Cha     綠茶味比較淡香 加左淡淡薄荷同酒,同樣清新,配濃味西餐好夾亦消暑。3)前菜-煙三文魚藜麥沙律一黎到見到好一塊三文魚,藜麥都份量超足,擺盤亦好有心思,藜麥沙律入而加左新解芒果肉,非常開

Nathan Left (彌敦左岸) 系一間好Top既酒吧餐廳，環境寬敞、裝潢有外國酒廊味道、食物高質，而(指定日子)九時後更有Live Brand把氣氛推至高點，非常讚！Oolong with Cheese ($70/HH): 系一款Mocktail無酒精飲品，主要以芝士、烏龍茶、乳酪及蘋果汁製，頂層既芝士奶泡宜先享用，香滑而帶淡芝士香，而Mocktail既味道主要為烏龍茶mixed蘋果汁，兩者幾夾，幾好飲。香烤腸拼盤 ($198): 共有肉腸七條，包括雞肉腸、辣肉腸、芝士豬肉腸及紐倫堡腸等等，亦有香脆炸薯角on side。肉腸好夠肉汁，每款口味各有特色，真心幾好食，特別系辣肉腸同紐倫堡腸，夠香口惹味；而雞肉腸較light，但配芥末食一流。烤西班牙黑毛豬扒 ($178): 建議七成熟，不宜煮太熟。肉質帶微微粉嫩，又滑又多肉汁，而且黑毛豬本身既肉味較為濃郁，整體非常balanced，真心推介！北海道鮮帶子煙肉，半乾車厘茄，蘆筍，香辣蒜片汁扁意粉 ($178): 醬汁煮得唔錯，具蒜香但又鮮甜，辣味唔突出，但整體非常香口，至於大大粒既帶子既肥美又鮮甜，好好食。