彌敦左岸

營業中

休息中

今晚同小 b 可以去浦，當然要揀高質數的餐廳。彌敦左岸是間可以一次過滿足3個願望的餐廳。因為有野食，有酒飲，仲有 live band show 添。😍 所以彌敦左岸是個很好的餐廳選擇。我們今晚 order 2杯 mocktail 飲品, 1個 snack express, 1個 pasta， 仲有1個甜品添。Mocktail 都有幾款選擇，我們叫了 Peachy Coco, Sour Jam。Peachy Coco其實是杯桃茶加荔枝。兩粒荔枝波波加上海鹽，令甜味更加突出，餐廳好有心思，客人飲得開心。Sour Jam 其實是杯菠蘿汁，青檸汁同藍莓粒粒。菠蘿同青檸混合一起，非常配合，又可以令你甜入心。😍串燒拼盤，你看到都會 "嘩" 一聲出來。因為份量非常澎湃，好鬼多串，又虎蝦，又牛肉。非常新鮮，薯條仲好脆 bo bo 添。Skewer Platter 有海虎大蝦，鮮三文魚，北海道鮮帶子，澳洲牛肉，西班牙黑毛豬五花腩，雞翼，美式辣肉腸串，粟米，同脆玉瓜。每樣一串，你都見到開心。🥰只是牛肉串，我覺得比較燒得過了火，有點失準。黑松露醬烤海鱸魚配手工粉，我覺得味道很好，魚又煎得香，有檸檬汁加黑松露

係尖咀見到呢間酒吧，原來有兩層，好大間。仲有live band唱歌，仲可能打桌球。氣氛好有情調，無論一班人又或者兩個人都好適合黎呢間餐廳。，岩哂坐低飲住酒，慢慢傾計食野！唔好以為只係得酒飲，原來食物選擇都好多，而且質素都唔差！12小時低溫慢煮烤乳豬乳豬好大份，個乳豬皮燒得香脆，唔好以為好難切開。乳豬經過12小時低溫慢煮，所以乳豬好軟嫩！真係意想不到的驚喜！燒汁配搭芥末籽蘋果汁，味道不會好鹹，更帶點甜味清新。伴菜能解解油膩感，好開胃！😬脆香雞翼配泰式酸辣醬🐣雞翼炸到好香脆，不會好厚炸粉！食落唔會話好油膩。雞翼好大隻，肉質非常之嫩滑再沾上泰式辣醬，酸酸辣辣，好惹味開胃🙂香烤腸拼盤🤩大大盤，有四款唔同口味既腸仔。每款口感都各有不同。滿足哂唔同既口味。🤭熱辣辣好滋味。襯酒飲就一流喇！仲配埋粗薯條🍟，真係好正。叫左兩款飲品🍹都好有特色。crazy juice 🍹椰香味幾濃，甜甜地。幾好飲cocktail stick🍌香蕉 桃 橙味既cocktail 🍸 幾特別，仲有支香蕉冰配埋🙂

今日是星期二，仍有數天才可放假喔，因此今日約個最愛的朋友，吃一個晚餐支持對方。朋友公司就在尖沙咀，故也特意選尖沙咀這個地方。整個街道一到七時左右，便燈火通明起來～地點方面選擇後，為令大家都可以開懷地說話，尖沙咀Nathan Left彌敦左岸便是我們的首選喔。朋友說這個店很好，每日亦有band來表演的，令氣氛高漲起～每一晚也為客人預備不同主題的音樂，邀請包括獨立音樂人、Rapper、南非樂隊上台表演，同時亦會有本地藝術團體的合作炮製，總之每一晚去也有新鮮感呢！再次感激今天出席晚餐的朋友，明天再一起玩喔!一進去後，朋友和我選了２個特飲 great三文魚帶子薄片配黑魚子伴青檸除了刺身之外，帶子非常新鮮喔，好像為今夜的快樂掀起opening songs 不可不說，這店的貝殼意粉（Cavatelli），是非常的好吃，意大利南部Puglia的一種傳統意粉，在這吃到。但它是注定不會大紅大紫的，因為獨特的造型，不用機器做呢，粒粒 獨一，fine dining tgt一個好的氣氛，一個好朋友～工作之壓力也因為有這些而消失喔～加上一個細心的調酒員，happy呢

今晚去左一間集西餐 & 酒吧於一身嘅餐廳, 一上到去就見到個放滿樂器嘅 Live Band 舞台｡美式芝士煙肉焗薯皮焗到非常乾身, 薯仔中間釀滿芝士, 表面鋪左煙肉碎｡ 一啖咬落去個薯皮, 會感受到軟綿綿嘅溶化芝士 & 脆卜卜嘅煙肉碎, 口感好有層次, 係唔錯嘅餐前小食｡美式煙燻醬燒西班牙黑毛豬肋骨豬肋骨肉質又滑又嫩, 加上惹味十足嘅煙燻醬汁, 味道層次豐富, 非常入味｡威靈頓美國特級黑安格斯牛柳係傳統嘅英國菜, 做法比較複雜, 唔係太多餐廳有提供呢道菜色｡牛柳嘅生熟度剛剛好, 大概做到 Medium, 肉汁豐富, 鮮嫩粉紅｡ 酥皮焗至金黃色, 乾爽鬆脆, 而且散發陣陣牛油香味｡ 牛柳與酥皮之間釀入 Parma Ham 及鵝肝 (or鴨肝) 醬, 味道帶點鹹香, 同時可減低肉汁整濕酥皮嘅機會｡朱古力心太軟伴自家製雲呢嗱雪糕女士必點嘅甜品, 即叫即焗心嘅太軟, 外層當然做到脆皮嘅效果, 一切開入面嘅朱古力漿就慢慢流出, 朱古力味濃厚, 但又唔會太甜, 係絕對不能錯過嘅甜品｡Crazy Juice 用左菠蘿汁 mix 橙汁, 再加入椰奶 & 椰子味糖漿, 味道酸酸甜甜, 夠晒開胃｡Peac

Happy Friday 想飲返兩杯但係又想食飯嘅質素好啲，其實除咗酒店之外依家仲有好多選擇，呢間餐廳已經去過幾次我覺得食物質素都唔錯，而且價錢合理，所以今日帶同事嚟試吓，腌尖同事都一致讚好，好彩，hahaaa叫左2杯酒，我地都鐘意飲甜甜地的 cocktail ，賣相又靚，相都影多幾張。除咗叫飲品之外，放工特別餓，一定要叫返兩碟粉填飽個肚，叫咗碟龍蝦尾海鮮意粉，海鮮好鮮甜，用XO醬煮，辣辣地好惹味，龍蝦好彈牙，好正喎。另外，我哋叫咗份牛膝加手掣意大利粉，一張枱真係嚇親因為超級大份，有得有四至五舊牛膝，估唔到意粉另外上，仲要係大大碟，首先講吓牛膝真係好林好入味，醬汁好香濃，最正係牛骨髓，雖然有少少油膩不過真係好好味，意粉係手制所以口感特別好，軟硬度適中，同普通意粉真係相差太遠，呢碟真係必點，實物竟然比menu內相片仲要好，真係非常難得，同事話下次要叫曬成team同事一齊來happy hour relax下。

今晚同約左好姊妹黎到呢間酒吧餐廳摸下杯底談談情呢到環境裝修都十分裝潢有情調，係到傾計係一個不錯的選擇！「法式龍蝦湯」$68龍蝦湯濃郁幼滑更十分入味「Earl Grey On Top」$148淡淡既蘋果香味，同奶蓋搞勻一齊飲，令口感更加滑身更帶出鮮奶既味道！「串燒拼盤」$358呢個拼盤真係又大份又多又好食，呢個真係值得推薦俾大家食！拼盤包括：海虎大蝦、鮮三文魚、北海道帶子、澳洲牛、西班牙黑毛豬五花腩、雞翼、美式辣肉腸、粟米、脆肉瓜、薯條。更配上4款口味既醬汁（沙嗲、泰式、泰式生蝦醬同茄汁）三文肉同帶子串燒燒得剛剛好唔會太生唔會太老，肉質都十分鮮嫩香口。西班牙黑毛豬五花腩超級好食，肉質多汁加上沙嗲醬一齊食超正。仲有個兩美式辣肉腸有辣有唔辣，多汁有口感，唔會太肥膩，送酒一流。兩個女仔叫一盤都已經食得好飽飽，飲返杯吹下水超正

Nathan left 依間餐廳真係超正 諗諗下夾夾埋埋都去左四五次～今次同同事收左工想relax下黎左歎個晚餐 叫左次次都一定會叫既威靈頓牛 睇開lemon chef既應該都對依個dish唔陌生 哈～ Nathan left 整得好好味 尤其要讚個皮係超出色 又脆又香 肉質方面好滑好軟 岩哂我依個牛魔王 特別影多幾張相 大推！另外要介紹下依個帶子意粉 （因為有bandshow既關係燈光有變影得麻麻） 但其實好好味 我會形容有少少fusion既 應該因為加左翠玉瓜 所以個汁似似地中菜既味 但配合埋意粉又幾夾最欣賞就當然係live band show!!! 次次聽到都唔捨得走 一黎唱d英文歌都係好hit or classics 好好聽 成日掛著聽唔記得食野！ 所以記得留低聽show

到尖沙咀飲吓野、輕鬆一下。走到此酒吧食店，我倆也感到意料之外的美味。我們較早來，坐了一會兒後已很多客人了！我很愛吃Nachos，而這裡的Beef Nachos Bite$98,熱騰騰脆卜卜，配上肉碎、牛油果、忌廉芝士及芝士，十分美味。另外，Grilled Whole Squid $158,魷魚內釀了蝦膠及辣肉腸😍必食Sweet Potato Chips Bite $58也不錯很愛吃Ribs, Spare Rib Full $248，味道好，大大份，薯條也十分美味Angel Hair Crab Meat $228,用料十足，麵質軟硬度適中很美味至於飲品方面點了Banana Stick $70十分烈的Breaking Up Again$138還有，這餐廳服務員很有禮貌喔！

星期二夜晚， 又係時候放慢腳步搵嘢食嚟到呢度尖沙咀，有一間live band嘅酒吧餐廳現場環境幾大又寬敞，食下野傾下計enjoy係唔錯嘅選擇兩個女仔嗌咗兩個主菜，一個小食德國咸豬手😍Pork Knuckle豬皮好脆，肉嫩， 切嘅時候 ，筋同埋肉分離好容易切， 雖然之前喺大埔嗰間分店食過-但係今晚再食，都覺得唔會膩同樣覺得脆卜卜，Baked potoato Skin bite 🥔 烤薯皮有三件烤薯皮,烤得薯仔肉好鬆軟,而且皮脆卜卜我真係可以連皮食㗎， 隨碟附送一個沙律醬配搭薯食感覺更易入口。Cavatelli Sea Bass 🍝海鱸魚柳 覺得皮脆,配埋黑松露醬同手工貝殼粉味道新鮮，第一次食， 不過個人就麻麻地因為唔係食慣硬粉🍹Summer PunchMango ,syrup,mango puree, home made Honey 同 soda water酸酸甜甜帶點芒果同埋橙汁嘅清甜,感覺嘅清新🍹Sour Jam呢一杯嘢飲係有泡喺面，所以佢係冇飲管㗎主要係由 莓類 製成嘅， 有一種酸酸地嘅感覺我鍾意甜品：心太軟🍫外面脆， 用叉吉心太軟嘅時候，入面啲朱古力係慢慢流出嚟， 重點係暖笠笠熱

佐敦有個唔錯嘅地方，可以去飲酒食飯再加埋聽下歌，仲要全部質素都唔錯。入面環境都幾大，係要上一層樓，不過真係座無虛席，差啲無位要等位。薄切北海道鮮帶子及鮮三文魚伴三文魚子配柚子醋汁$178呢個沙律係比想像中有啲唔同，本身以為會有啲沙律菜但係原來裏面全部都係海鮮，如果鍾意食海鮮嘅不妨一試！因為帶子同埋三文魚都好鮮甜，特別我最鍾意係帶子，好滑好新鮮。而且有相關調味，三文魚子爆出黎亦都鮮味十足。如果多人食嘅話每人食少少會更加好。野菌濃湯$58意大利雜菜湯$58因為口痕嘅關係除咗叫嘢飲之外每人都叫咗一款湯，湯嘅感覺就普普通通不過不失，雜菜湯同平時飲嘅味道有啲唔同；野菌湯就感覺比較多乾野菌喺裏面。所以比較建議叫其他特色菜式啦！12小時低溫慢煮烤乳豬件伴椰菜仔及手指薯配芥末籽蘋果燒汁$248忽然間想食乳豬，原來12小時低溫慢煮乳豬啲香味出晒嚟，感覺可以鎖住肉汁喺裏面，鎖住啲水份就唔會咁乾身，但係表面同時可以做到香脆嘅效果，仲有好多特色嘅配菜一路食就冇咁飽膩啦。Banana stick$70 H.H. Left Ice$70 H.H.兩杯飲品各有特色，第一杯就直情有條香蕉喺裏面，另外一杯就主要係沙冰。

Happy Friday! 今日專登搵左一間有live band嘅餐廳同朋友食飯，店名都好特別，叫彌敦左岸，係M1集團旗下嘅餐廳之一。餐廳環境比較幽暗，好好feel，而且裝修擺設各方面都做得好靚！Live band隊員見我影相，仲專登俾你勝利手勢我，好鬼馬🤪。講返嘢食：低溫慢煮三文魚藜麥香芒沙律份量超級多，先講講慢煮三文魚，肉質超鬆軟，而且慢煮完仲keep到三文魚嘅油香。 第一次試藜麥同芒果嘅配搭，幾香幾清新，但沙律醋有點過酸。烤西班牙黑毛豬扒伴輕蔬(七成熟)店員非常推薦我地試七成，因為佢話西班牙嘅黑毛豬都確保過質量可以七成熟咁食，即管一試！ 切開時肉色好靚，pink pink的，而且油同肉汁不停滲出，超級juicy，豬肉味超香濃。至尊比薩超大嘅hand made pizza，有蝦、雞肉、辣肉腸，食材非常豐富。 即叫即做，餅底都夠脆。Cocktail stick & Breaking up again兩杯signature嘅vodka味都好重，而且果香味好夠，鍾意vodka又鍾意生果嘅人一定會鍾意。

很久之前都已經黎過這裏，不過最主要都是飲嘢為主，最多到時是同佐酒小食例如薯條、洋蔥圈等。這次來的感覺已經和以前完全不一樣了，就當他是一間新餐廳來嘗試。餐牌都是偏向大路的。不過最特別是他有威靈頓牛柳供應，因為這個菜式不是常常會在香港西餐廳入邊會見到的，因為工序比較麻煩和難掌握。連Gordon Ramsey 間餐廳近來都俾人批評水準不穩定。這樣更加刺激我的好奇心去點這個菜色，另外再加一份意大利飯就是今晚的菜單了。一個看似普通的海鮮意大利飯，但嘗過第一口之後就發覺這裏的水準應該是非常之高的意大利飯帶咬勁醬汁香濃，帶子煎得剛剛好，最重要是所有配料都帶來不同的口感和味道，菠菜，栗子和辣腸配合得天衣無縫主角威靈頓牛柳來了，一切開是帶粉紅色的牛肉，肉質不錯，中心位置是帶粉紅色但不是血的質感。包着牛肉的應該是磨菇醬，雖然缺少了帕爾馬火腿，但味道還是夠濃的酥皮亦做得鬆脆，吃威靈頓牛柳最重要是做到鬆脆的酥皮和嫰滑的牛肉混在一起那一種感覺，這個絕對是達標了另外還飲了兩杯mocktail, 一杯應該是模仿芝士奶蓋茶的，在酒吧裏喝到也是比較少有的，另外一杯就比較果味重。總括兩杯都是易入口，好快會飲完的。

同朋友行完街係附近搵嘢食，俾我哋搵到一個好地方。餐廳有兩層，最低嗰層有好多人喺度睇波，一上到去就化身成氣氛浪漫嘅餐廳。除咗氣氛同燈光浪漫，我哋食食下野中間仲有Live Band，令到氣氛更加完美😆我哋叫咗兩杯嘢飲，兩個main dish👍全部都好有水準！！首先叫咗威靈頓牛柳粒，一切開真係非常之鬆軟，而且牛柳粒唔使點汁都夠晒味，牛味十足❤另外叫咗個三文魚藜麥香芒沙律。以前成日聽人講藜麥嘅營養價值好高，可以代替米飯，之前成日都會擔心藜麥會唔夠飽肚，點知唔係，好味得來又有口感。而且好香麥味，我覺得我以後都可以用藜麥代替米飯了。而且佢個三文魚配上芒果，味道非常之新鮮，配合得非常好。另外又叫咗兩杯cocktail👍可以一路飲野一路傾計，正！

朋友約我去晚飯和聽歌。印象中，近幾晚無咩勁人開演唱會噃，係咪搞錯咗呀? 原來佢係約我去一間有Live Music 的酒吧餐廳。明白晒! 來到赫德道，這個傳統尖沙咀的酒吧街，附近有好多鬼佬出沒，經過實同你say hi，不過我哋無鬼睬佢哋，便直上我哋訂咗位的酒吧餐廳。樓下有幾張檯，有個大電視機播緊足球比賽。樓上是酒吧和餐廳，座位都坐得七七八八，好彩我哋有訂位。開咗場喇，兩位俊男美女已經唱緊歌，唱嘅係Eason、Joey的舊歌，幾好聽呀，氣氛又好，唔使錢，一路聽一路dinner都幾好。可惜朋友唔好生蠔，呢度半打生蠔加一支白酒都只係$498乍，下次搵個愛食生蠔嘅friend再上來奉場先得。今晚飲品我哋叫咗【Crazy Juice】和【Left Ice】，嘢食就叫咗【烤澳洲羊架及芝麻燒羊柳伴薯蓉，炒嫩菠菜配馬莎拉酒燒汁】和【鮮海膽，手拆鮮蟹肉，蟹粉，半乾車厘茄，鮮蟹汁天使幼麵】。【Crazy Juice】飲落有清香的菠蘿和橙味，味道不錯。【Left Ice】顏色幾靚，草莓味道很突出。【鮮海膽，手拆鮮蟹肉，蟹粉，半乾車厘茄，鮮蟹汁天使幼麵】賣相幾OK，食落仲OK。尤其是有很大份的鮮海膽，味道濃郁又

首先餐廳的環境及情調不錯，燈光及裝修也調較得很好。主菜有威靈頓安格斯牛柳，塊牛柳都幾juicy, 熟成程度剛剛好，配上酥皮感覺一流。另外仲叫咗一份低溫三文魚藜麥香芒沙律，口感粒粒分明，三文魚配上香芒沙律，感覺多汁有層次，味道亦調教得宜，值得一試。飲品方面，叫左杯left Ice 同埋Earl Grey on top, 兩杯嘢飲都唔會太甜，口感唔錯。最後最值得一讚嘅係成間餐廳嘅環境都好舒服，有live Band唱歌，好似置身於外國餐廳之中，絕對係週末假日食飯Relax嘅好地方。