彌敦左岸

營業中

休息中

作為一個七八十後既香港人，對於以前的年代總是有一份情懷 以前的夜夜笙歌，飲到天光 現在回看，彷彿係上個世紀的事 當年在寶勒巷，赫德道都留下了不少足跡 但足印往往會被時間磨滅，只剩下淡炎的印記這裏，曾經係飲酒地標M1，搖身變成了一間懷舊的LIVE BAND 餐廳 懷舊 LIVE ，配上英式裝潢，就係華麗轉身~舊香港人，對於英式的設計，總有一份莫名的好感 代表著高貴，代表著矜貴，代表著一切美好的情懷英式大書櫃，係香港呢個彈丸之地係可望而不可及的 但夢想一下，還是不錯的~是日有點早，香港人還未收工，餐廳只得小貓2, 3隻日(其中一隻係我啦) 順手拈來一份英式小報~ 餐廳的MENU 是也~PIZZA, STEAK, RIB，PASTA都有供應 APPETIZER掙扎了很久 要薯皮好，還是NACHO 好？ 最後，點了這款墨西哥香辣牛肉芝士焗粟米片 這裏的APPETIZER有半份和全份點的 2人，要半份夠了~  但估唔到呢個半份都幾有份量，疊到山咁高的粟米片，2個女仔，都飽左一半~@@  粟米片除左有辣牛肉醬 (其實不太辣，但味道幾濃) 還有3色醬係上面 我愛酸忌廉 M

最近工作真係好支力啊, 未到happy Friday都要出黎chill下~要chill就點少得飲2杯呢, 加埋live Band冇得輸啦~~~彌敦左岸的確係一個唔錯既CHOICE~我地今次坐既位置非常好啊, 就係正對係表演台, 可以一邊食一邊欣賞~食到好似8點鍾左右, 就開SHOW啦,估唔到佢地係搵左超級巨星既歌手黎表演呢!講返食物先, 我地就點左慢煮三文魚藜麥沙拉, 香蒜大蝦同埋龍躉義大利飯慢煮三文魚好滑, 配合藜麥非常健康有營香蒜大蝦配埋個法包好香口, 送酒一流啊~而個義大利飯呢, 我就覺得係不過不失啦~

放工黎飲野同同frd吹水，原來呢度係直播Bxg Bxg Chanxel 既地方，live band係度唱歌，唱得好好聽，今晚有Sunset or Rise同RT，佢地都唱得好好聽! 即刻follow埋佢地IG。不過呢度啲價錢都真係唔平，但就都好好味。# 威靈頓美國特級牛柳 # ***** *** 8/10出面個酥皮香脆得黎入面係有啲mushroom醬，所以好香，而且入面係濕濕地，感覺無咁熱氣。入面既牛扒有少少似慢煮果種鬆化既感覺，唔係超tender而係鬆化，而且超鮮甜! # 黃金龍蝦意大利飯 # ***** ***** 10/10無得彈。啲飯有咬口但係已經係全熟，而且超吸汁，好鮮甜! 龍蝦我地以為係用芝士焗，但原來係蛋黃，所以都好香，好惹味，但重點係好少食到焗既龍蝦可以焗得咁滑而夠熟，好難得! # Cocktail - Marry Me # ***** ** 7.5/10唔開心一定要飲返杯! 有一陣花香味，飲落好舒服，最緊要係唔太甜!# Cocktail - Fall in Love # ***** ** 7.5/10好多cream，我frd一黎就筆走啲cream，下面既rock (i

彌敦左岸餐廳幾高質, 有野飲、野食仲有live band整體食物很不錯.Risotto Nduja Scallops hkd 188意大利飯煮得幾好, 每粒飯都掛汁 而且飯粒軟硬適中帶子幾新鮮 食落甜甜地又彈牙 唔會煮到硬邦邦 汁有少辣 食落層次豐富.Beef Nachos hkd 128 也很好 好大碟芝士滿滿的 配sour cream一流, 佢仲有牛油果莎莎醬都唔錯.Truffle Fries hkd 78 都幾有驚喜, 本身期望唔太高松露味幾香 每條薯條都有松露味 唔呃你XD.Suckling Pig hkd 248 豬仔肉質好嫩又滑 皮都幾脆唔會過咸.另外腸拼都算幾多又大分意粉味道都幾好pizza就有點普通.飲返幾杯傾下計 氣氛都幾好不過飲品杯Oolong with Cheese就唔好order啦, 叫返有酒精的正常一點到某時段餐廳有live band，音響唔會令人覺得辛苦

朋友仔生日想搵間有氣氛的又可以慢慢食慢慢傾的餐廳就諗起＂彌敦左岸＂如果撞啱時間還有live Band🥁可惜那天沒有，但在柔和的音樂襯底下，跟朋友傾計都幾舒服西班牙火腿，蜜桃，嫩菠菜沙律，芥末籽蜜糖油醋汁 $148西班牙火腿鹹鹹鹹鮮鮮，配上香甜新鮮的蜜桃味道出眾，菠菜柔嫩沒有渣👍🏻酸味味的醋汁零舍醒胃紐西蘭刀貝蛽$188這碟紐西蘭刀貝蛽，醬汁是粉橙色的很特別，味道較清淡加了刀貝蛽，鮮味馬上提升，刀貝蛽7，8成熟口感鮮嫩無比，最重要係一啲沙都冇👏🏻👏🏻兩片牛油蒜蓉包，唔點醬料一樣咁好味😋燒西班牙黑毛豬肋骨，美式煙燻醬，捲心菜沙律，薯條🍟 $138吃完前菜，才會送上主食，唔會搭住，真的可以跟朋友慢慢欣賞食物和談天。西班牙黑毛豬肋骨，燒得剛好肉質緊緻，又夠入味，薯條粗身熱辣辣。緬因州龍蝦尾扁意粉（腰果，雲耳，荷蘭豆，乾辣椒，蒜片）$218這個扁意粉既有中國風味又有異色風味😆很少會在扁意粉內加上雲耳，增加口感爽脆，龍蝦彈牙鮮味，兩者有幾夾喎Earl Grey On Top $148啱女仔飲👍🏻有芝士在面上，芝士奶混合在酒微微甜，容易入口🥳Peachy Coco $70自己就叫了杯沒有酒精的飲品😛

呢間其實都幾爆, 質素算係高, 野食黎講唔算去到好貴, 但味道又好好,呢到9點就會請左band 過黎唱歌, 如果可以就慢慢食, 食到9點質賞音樂!黑毛豬, 口感好食, 7成熟, 同時靚既西班牙黑毛豬,一般都可以7成熟咁煮,口感就唔會過硬, 爽口彈牙, 味道方面有2種醬點, 芥辣同青胡椒燒汁~黑毛豬黎講呢到算係整得好top, 價錢200有找, 好過食牛ribs呢到又係好食, 第一味好濃, 係咁多間餐廳黎講算係數一數二濃, d ribs算係好切, 直接咬肉當然都可以,呢到用刀切d肉出黎食都得, 薯條方面, 口感個心好軟, 佢應該想做到外脆內軟既感覺, 外皮有小小脆,基本上薯條都係整得唔錯, 老實講呢到食物質素好高下.pizza就烤既, 係薄脆邊同底, 佢芝士心同餅底之間夾住d菠蘿, 出面有d黑毛豬既火腿片, 將呢d野溝埋一口食落口既感覺就係表面芝士既鬆軟, 咬到中心就會有酸甜既菠蘿味, 咬到最後就係脆香既批底,值得一提係自家制雪糕同出面既好唔同, 呢款vanilla 雪糕色方面比較啡, 食落去比較甜,我估係落左d牛奶or 奶味比較重既野入去, 我覺得好食過普通出面既vanilla呢到服務好

放下工作後就想找個地方食下野放鬆一點，約18:00pm與同事來到尖沙咀的彌敦左岸消遣下，由店員帶領安排座位，我們被安排坐近舞台位置，一陣到了九時可以欣賞駐場歌手唱歌，先點了兩杯mocktail 都是Peachy coco($70)，有陣陣荔枝及蜜桃的香甜，茶味清新，好似飲緊蜜桃茶般，啜了兩啖還吃到細細粒的椰果，咬落煙煙韌韌，又不會太甜膩。先來吃份一份63度溫泉蛋.八爪魚.鷹咀豆黃車厘茄.冰菜沙律.日式芝麻汁（$148），平時較少吃冰菜沙律，在香港的西式餐廳都不太常見，簡簡單單的冰菜的表面好多水珠狀般透明物，真是好美,先攪拌隻溫泉蛋配八爪魚來食，八爪魚沾滿了蛋汁的香味，而八爪魚肉質都爽口，接下來再吃一口冰菜，爽脆口感配上惹味的日式芝麻汁，已教人一食傾心。飲緊杯mocktail就想些脆口的薄餅，友人想吃西班牙黑毛豬火腿菠蘿薄餅($158)，所以選擇了它，配料不少得有西班牙火腿，還有mozzarella cheese,Parmasan cheese,pineapple,mushrooms ，rocket&oregano,個pizza 即叫即焗，pizza是自家製約有12吋薄批，烤得非常脆口，

今日係本少奶嘅生日， 老公決定要揼低個寶貝女同我出去食好嘢 老公揀左 Nathan Left 彌敦左岸，佢話佢同同事係到食野睇波，話呢到d野食一定啱我口味Nathan Left 樓下係洒吧，啱哂一大班人飲野睇波。樓上就係餐廳，可能前身係洒吧嘅關係，裝修隱約還保留有吧嘅味道上到一樓，嘩！齊全嘅 live band "架生"，可惜今晚無 live band, 唯有專心食好嘢先嚟2杯特飲我揀左 Oolong with Cheese， 對我呢個"芝士控"又唔鍾意飲太高糖分飲品嘅人， 呢杯真係啱曬口味。 濃濃嘅芝士加上淡淡蘋果味嘅烏龍茶， 濃沃嘅芝士味過後有烏龍茶中和 ，入口層次分明， 同街邊台式飲品店嗰啲甜死人嘅奶茶好唔同。老公就揀左Peachy Coco, 荔枝蜜桃茶，同我呢個唔飲野既人呢杯都好ok, 唔太甜，飲落又有桃香味，最正兩粒大荔枝果肉，好fresh。再黎一個小食， 墨西哥香辣牛肉芝士焗粟米片， 餐牌上有芝士兩個字嘅野，我呢個芝士控當然唔會放過。爆脆栗米片mix 芝士再加辣牛肉, 配上sour cream，牛油梨醬同蕃茄莎莎三種唔同口味嘅醬汁， 真係好食到唔停到口前菜係低溫慢煮三文魚

放工想搵個無限時食飯既地方食飯放鬆下黎到赫徳道飲野食野都多選擇朋友推薦就選擇左呢間有live band,又有情調既酒吧餐廳👏🏻 環境氣氛都好正。坐低後就揀野飲野食我地揀左Signature mocktailOolong with cheese烏龍茶底上面鋪左層芝士仲有少少蘋果味同乳酪飲落夠清新又夠香北海道鮮帶子扁意粉，味道不錯，蒜片辣汁自家製意大利粉伴鮮帶子，意粉真係好幼又彈牙，麵如其名。重點北海道帶子煎的熟度適中軟棉棉，味道夾得好好，仲好有鮮味加上乾車厘茄同埋勝瓜，味道一試難忘。烤原隻魷魚筒，全隻大大條燒魷魚上碟，燒得恰到好處，魷魚入面仲夾住蝦膠同辣肉腸，彈牙得黎又帶點泡菜辣，加上泰式辣汁，辣得黎醒胃，做法特別彷如置身泰國熱騰騰既感覺。黑松露菌醬野菌Pizza由於係薄身pizza，所以餅底食落勁脆口卜卜聲，加上超香既芝士同埋黑松露醬與野菌味道很合適，非常香口，配上火箭菜成個package 係好食得黎又健康。整體而言，侍應們服務態度良好。食物大大份的，味道不錯，都是可預想到的，餐廳氣氛也好，除左地方夠大之外，仲有k房，波枱同埋適合大伙兒聚會的睇波地方，下次要約大班fds黎至得。

朋友仔話帶我食好嘢，第一次嚟呢度，感覺幾舒服，環境唔錯，初時未有live band唱歌，傾計都ok, live band 一開始，基本上就好難傾計，所以都係專心食嘢!首先當然叫嘢飲先，我叫咗Summer Punch, 橙味加芒果味，感覺好清新!鵝肝多士~鵝肝入口即溶，多士脆卜卜，正!帶子大大粒好有鮮味，塊墨魚脆片好特別，味道好得意!牛柳好嫩好林，生熟程度剛好，外層酥皮鬆脆，非常好味! 鱈魚柳勁滑，係味道較淡，如果有特色汁點會較好!Live Band 獻唱!

上星期有一晚收工過左黎呢度chill下放鬆下好耐無黎啦，呢度分開上下層，下層係酒吧咁for飲野為主，而上層就可以for埋食飯既呢度差唔多每晚都會有駐場既樂隊表演，氣氛相當唔錯食物都係西式食先為主，由前菜沙律、小食、主菜至甜品都有唔少選擇個晚飯癮起既我order左個黑松露鮮帶子既risottoHKd$238+10%呢度既ristto做得唔錯，唔會淋之一pat野咁，保持返ristto應有既硬度佈係面鮮帶子煎得岩岩好，食落嫩而鮮，而個sourse加入左咸蛋黃，令成個飯多左重咸香朋友就要左份Home-made Tagliatelle HKd$168+10%朋友既寬條麵望落都唔差，有魷魚菠菜同煙肉係面，見到平日好細食既朋友好快就食清光，味道都應該幾好點解呢晚唔叫小食？？因為我地一早諗定要留肚食甜品xppp由於我地兩個都係甜品怪，所以我地早已決定要order呢度既creme brulee HKd$88+10%表層糖面夠焦脆，而燉蛋部份濃而細滑！加上伴有果莓既果香同微酸，食完都會覺得唔漏，吃多一兩個都仲得呀，但朋友叫我唔好顛，極力阻止左我xpp-話明想chill返晚，咁又點會唔order返杯drin

附近一帶有不少酒吧，餐廳下層是酒吧，供顧客喝酒看球賽。樓上是餐廳，燈光幽暗，餐廳中央有一處小舞台，供食客看live show。翻開餐牌，有前菜、海鮮、主食和甜品。選擇不少，甜品也很吸引。⭐️Left Ice$70藍莓加上覆盆子果蓉沙冰，入口很清爽，甜味很低，比較健康。⭐️earl grey on top$148頂層有一層厚厚的接木骨花忌廉芝士，入口淡淡薄薄的鹹香，底下是伯爵茶酒製成的冰塊，隨溫度慢慢溶解在杯裡，入口酒味鮮明，茶酒交集。⭐️烤西班牙黑毛豬扒$188黑毛豬扒的表面煎得很好，表面微微薄脆。嚐一口，肉質鬆脆彈牙，肉味突出不乾柴，配上芥末醬，味道清新。⭐️龍躉義大利飯$208這道菜有新意，龍躉配搭玉子豆腐和花椒，炮製成一道多國料理。米飯有嚼勁，微微的香辣調味，香而不辣，入口惹味，味道很特別呢！⭐️法式芒果拿破崙$68酥皮入口鬆化，夾層是忌廉，入口非常酥脆可口，配搭雪糕，清涼口感令我一口接一口。

呢間餐廳環境好，坐得舒服。一入到去我地先叫左個小食拼盤（$300幾），侍應好好人，叫我地食住個拼盤先，食完再叫其他，一上個拼盤，擺盤好吸引，入面有好多種唔同既食物，有炸雞、三文魚⋯每樣都好好食，個拼盤有齊酸、辣、香、甜既口味，2個人食剛剛好。之後我地再叫左個牛既意粉，好大碟，牛既肉質好嫩好入味，我同朋友都換讚。最後，我幫我朋友慶祝生日，一早係open rice落左要係甜品加生日名，間餐廳好有誠意，會用煙花蠟燭，仲會所有員工拍手祝賀，其他顧客都會忍唔住一齊拍掌，氣氛好好。

經朋友同同事推介下，嚟試吓啲嘢食同聽live band. Chill第一次食 Beef Wellington, 終於食到喇！！！！但係，呢間嘅beef wellington 麻麻耶。肉太熟，酥皮唔脆，仲要離罩，牛味又唔岀眾，總之成舊由切開到食落肚都好唔satisfied, 唔知係咪因為唔係signature dish, 所以有啲失準。但係，個串燒就好食喇，燒得又入味。嘢飲方面又係得我個香蕉薄荷mocktail 中伏，有啲似藥水味🤔🤔。其他朋友叫嘅飲品好正常總括嚟講就係我叫嘅嘢都中伏🤮唔同嘅frds 同openrice 都話呢間好食，或者我真係應該叫其他嘢食的。仲有個我唔食嘅天使麵。順帶一題，佢夜晚9點後會有live band, 都幾正嘅，想去嘅話就book 晏啲嘅位，因為佢有限時，每枱只可食2個鐘。我哋聽咗唔夠15分鐘就要走嚕。所以真係要預返個時間book 枱呀不過其實我覺得如果無live band, 都係偏貴同唔抵食。

呢間Nathan Left 係面積好大同埋好多人去既一間酒吧餐廳我去果日仲有live band show 😮 （圖五）氣氛就唔錯既，睇下d 野食點👇🏻.個西班牙海鮮飯（圖一）要等半個鐘，係二至三人份量既味道唔係正宗既 但改良到好適合香港人既口味而上面仲要係有好多海鮮架！個龍蝦超大隻影完相想食呢 就會有店員幫你另外放好d 海鮮（圖三）其實呢道菜既難度都幾高 因為所有野都喺同一個pan 度煮而佢既飯煮得剛好 外面有d 飯焦 好食 👍🏻.鵝肝多士（圖二）上面有無花果醬 無花果醬可以落少d, 多士個底既balsamic vinegar 都係因為會overpower 左主角鵝肝既味道鵝肝未算入口即溶 同有少少渣但味道唔錯的.我杯野飲等左超過九個字係mocktail 叫Summer Punch係橙汁加汽水杯酒好酸不過店員話法國酒係咁既經理就話因為未breathe 夠雖然支酒果時已經得返四分一應該係我孤陋寡聞先提出無理訴求 😔因為佢地強調所有員工都係經過training 既其中一位店員全程gup 實我地 一舉一動都好留意令我餐飯食得好有安全感 😊 .- Lobster Seafood Spanish