張公子

營業中

休息中

🍮公子特色凍豆腐呢個凍豆腐啲口感真係幾滑，啲豆味都好足。上面加咗啲秘製調料，睇落似豆瓣醬，但食落有少少似豬腳薑嘅味道。🦐秋霧鹵醉蝦上枱好大霧，好有儀式感。蝦都幾新鮮，幾大隻，比較重口味。🥩張公子叉燒見到好多人介紹呢個叉燒，真係幾唔錯。偏肥，燒得啱啱好，好香蜜糖味。切得好大塊，好大嚿，食咗四嚿左右已經好飽。🥩張公子牛肋排燉得好淋，啲肉好嫩，配埋嗰啲醬汁一齊食真係好夾，味稍微偏重，偏鹹。佢連埋條牛肋骨上嚟，我都係第一次見，不過啲牛肉真係好淋。

【觀塘•張公子】@ππππππππππππππππππππππππππππππ觀塘貴氣中菜廳豔影蝦球（六件）秋霧鹵醉蝦（五隻）張公子牛肋排生煎蓮藕餅豔影蝦球（六件）這道蝦球運用了新鮮的食材，外皮炸得金黃酥脆，內裡的蝦仁鮮嫩多汁。搭配獨特的醬汁，口感鮮明，讓人回味無窮。每一口都散發著海的鮮味。秋霧鹵醉蝦（五隻）鹵醉蝦的香氣濃郁，蝦肉鮮甜，鹵汁的味道恰到好處，對蝦的鮮味有很好的襯托。張公子牛肋排牛肋排的肉質軟嫩，經過慢火烹調，味道醇厚，肉汁充分釋放。搭配的醬料增添了香氣，食用時簡直是滿足。生煎蓮藕餅這道餅外皮香脆，內裡軟嫩，蓮藕的清甜和豐富的口感相輔相成。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️✨✨✨✨✨✨✨✨✨✨✨✨✨#觀塘美食 #張公子 #web3觀塘張公子觀塘駿業街58號3樓

家人都是偏好西餐🤣不過久久未訪，就有點想念中菜了想慢慢吃，就選擇了環境舒適的這家地方寬敞，即是食客多也不覺嘈吵👍 ✿ 秋霧鹵醉蝦 $128挺有驚喜的一道😋 附有乾冰，仙霧瀰漫🤣醉蝦入味，帶少少香麻味道質地彈牙新鮮，蝦頭的膏更是十分甘甜🤤 ✿ 龍躉酸菜魚 $268價錢與一般酸菜魚相若，但這裡用上龍躉，感覺更划算😳魚肉分量不少，大大塊，肉感十足🤤湯底酸、辣、麻，但係level不高，適合一家大小😋(不過也許對於小朋友還是有點挑戰🤣) ✿ 咕嚕咕嚕 $148咕嚕肉外皮脆，不太厚，酸甜適中特別一提配菜的菠蘿都很多汁好吃! ✿ 鮮腐竹蕃茄浸菜苗 $138當然要碟蔬菜平衡😝 加了番茄就是好吃 欣賞沒有芡汁，個人更喜歡👍✿ 糟鹵鳳爪 $78肉質爽彈，帶少許麻，偏鹹一點 ✿ 茶位 $18/位有龍井可選😆 🍴加一服務費：✔️

金網香芒鮮蝦卷係好費工夫的一味點心，外層金網炸得香脆，蝦仁爽口彈牙，仲有新鮮香甜芒果肉，令到口感同味道更豐富，最出色係芒果醬，酸酸甜甜，好開胃。蟹子蒸燒賣燒賣好飽滿，豬肉同蝦肉都新鮮爽口，食到粒粒蝦仁，真材實料。X.O. 醬煎腸粉XO醬香口惹味得黎又唔會過辣，咸度亦岩岩好。腸粉煎得好靚，唔會散開哂，外層酥脆但內裏仍滑溜可口，完全唔油膩。蟹粉小籠包小籠包漲卜卜，一咬開已經爆哂汁，皮薄餡靚，蟹粉香味濃郁。鮮菇棉花雞識食緊係食魚肚啦，有成3大塊，仲要好厚身，口感彈牙，雞肉完全無雪味，亦都好嫩滑。

歡塘區飲茶，環境靚，高級，位置闊落，坐得舒服嘅，目前覺得張公子最好。呢日帶家中老人家再訪。蝦餃、燒賣、叉燒包、腸粉、鳳爪係每次都會必點，張公子點心有別於一般嘅酒樓，不會鹹，食得出用心做，用料新鮮，厚實彈牙口感。另外都有其他特別創作點心，金網香芒鮮蝦巻就好好食，一定要沾上芒果醬汁，甜甜酸酸外脆內軟。鹹水角都做到造型好靚，係一個啤梨形狀，食落更加有趣，裏面有鮑粒同肉粒。🌟生拆蝦餃皇🌟蟹子蒸燒賣🌟蠔皇叉燒包🌟金網香芒鮮蝦巻🌟鮑粒啤梨鹹水角🌟張公子叉燒腸粉🌟豉汁蒸鳳爪推薦的觀塘高級酒樓，價錢正常，員工服務都好友善。

張公子呢間中菜館已經係第三次到訪，平日想食中菜都會諗起佢！真係好值得推介俾大家！🫧坐低咗之後，首先上枱嘅係熱氣騰騰嘅鐵觀音茶，底盤上燃燒著微火，維持著茶湯嘅溫熱～🫧然後就係張公子叉燒登場！每一片都切得厚實，入口即化，肉質鮮嫩多汁，肥厚適中！🫧（打卡ready!）秋霧鹵醉蝦有五隻新鮮大蝦，不停有煙飄出嚟，好似置身仙境咁～🫧奶湯雲吞煲散發住濃濃奶香，雲吞滑嫩，湯汁清甜！🫧張公子牛肋排份量十足，肉質鮮嫩多汁，烤得恰到好處，每一口都是滿滿的幸福感。🫧八味豆腐擺盤精美，外脆內軟，好特別！🫧最後係鮮腐竹蕃茄浸菜苗，清爽嘅蕃茄同嫩滑嘅腐竹，好健康！

一家大細 最愛中菜🥰張公子叉燒，每件厚切🤤肥瘦適中，肉質嫩滑外皮焦香，汁醬美味，配合白飯真係一流❤️酥炸蝦球，外皮鬆脆，裏面的蝦非常大隻，肉質爽滑，口感好豐富，醬汁清新酸甜，夏日開胃之選。紅燒乳鴿好有驚喜，肉質嫩滑，保持咗好多肉汁，大人小朋友都好喜歡。瑤柱扒節瓜脯，瑤柱汁醬鮮味，配合節瓜味道好夾，瑤柱汁醬撈飯好正。秋霧鹵醉蝦，非常有睇頭，打卡able😍觀塘中菜好選擇，環境舒適，餐廳店員服務殷勤，適合一家大細或者朋友相聚。

Yum Cha 餐廳裝潢雅致，闊落舒服，服務殷勤，是與家人飲茶的不錯選擇。中國茗茶 $9/位普洱茶配點心很消滯，會有熱爐令熱水保持溫度。金網香芒鮮蝦卷 $48味道出色，外層的金網酥脆香口，配上彈牙鮮蝦及香甜芒果，沾點酸甜醬汁，味道更清爽。張公子招牌腸 $50腸粉滑身，中間是有脆脆、香菇粒、西芹、馬蹄粒及紅蘿蔔等蔬菜，口感豐富，淋上甜豉油更加美味。蟹子蒸燒賣 $52燒賣熱辣辣，除了有豬肉及鮮蝦做成內餡，更加入了蟹子增加香氣及口感。流心奶皇包 $40麵包鬆軟，中間流沙奶黃口感綿密。鮑粒啤梨鹹水角 $48可愛的啤梨造型，外皮香脆又煙靭，帶點微甜，中間餡料加入了鮑魚粒粒，味道更不錯。X.O. 醬蘿蔔糕 $50蘿蔔糕加入香辣鮮味的X.O. 醬，香口惹味。

🥰 早前同事 “范閒” 推介觀塘 “孔夫子” 嘅酸菜魚, 等唔到機會食. 後嚟相同位置開咗 “張公子”, 聽講味道一樣出色, 甚至可能係同一個廚師, 今日慕名而來.🥢 餐廳入口有個標誌性嘅石造大櫃檯, 右轉係長方形大廳, 一眼睇晒, 座位闊落, 但滿座嘅時候都幾嘈.今日點咗幾款點心, 蟹籽蒸燒賣, 蟹粉小籠包, 蠔皇叉燒包, 鮮菇棉花雞, 帶子芋蓉盒, 整體質素優質.🤗 主角係 酸菜桂魚片湯銀針粉, 魚肉嫩滑, 酸湯椒味緩緩滲出, 味道平衡, 絕配銀針粉, 一滴不留, 值得推介.

以前呢個位置係孔夫子，經歷過疫情後期既結業潮，宜家又重新開張改名叫張公子。雖然佢以前最出名既巨型拿破崙呢道菜冇咗，但都仲有好多人氣菜式保留咗喺度，亦都加咗好多新既菜式味道同以前一樣咁好食，值得讚既係佢宜家多咗新品推介菜單同本月特價推介，可以用特惠價錢食到好多唔同既新款菜式，抵食咗又有新意！星期五晚嚟到食都差唔多滿位，侍應做到冇停手，證明呢度同以往一樣咁好旺一樣咁好食👍🏻🍽️藥膳醉乳鴿🍽️薑蔥生蠔煲🍽️黑毛豬叉燒🍽️ 瑤柱扒節瓜脯

昨晚我哋去咗一間新派中菜館試吓佢哋幾款特色小菜，一試之下真係驚喜連連。先講張公子叉燒，一上枱就已經聞到陣陣香味，色澤鮮紅，表面閃爍著蜜汁嘅光澤。入口即化，肉汁豐富，甜而不膩，外層微微焦香，非常有層次感。秋霧鹵醉蝦係另一道驚喜，呢道菜用上鮮活嘅大蝦，經過鹵水同酒嘅細心浸泡，味道十分豐富。蝦肉爽口彈牙，酒香濃郁但唔會過火，保留咗蝦本身嘅甜味，食落非常清爽。奶湯雲吞煲係一道好暖胃嘅菜式，尤其適合寒冷天氣。奶湯濃郁香滑，每一啖都充滿咗豬骨同雞肉嘅精華。雲吞皮薄餡多，內裡嘅蝦好爽口。公子特色凍豆腐，最特別係面上淋嘅薑醋汁，味道酸酸甜甜，帶有一絲薑嘅辛辣，令到豆腐更加有味道。最後一款係XO醬翡翠海參片，呢道菜色香味俱全。海參片厚身，煮得啱啱好，保持咗彈牙嘅口感。XO醬味道濃郁，帶有微辣，配上西芹。

前排約朋友去觀塘工廠區食一間隱世中菜館，位置喺駿業熟食中心對面，當日平日夜晚去食，都頗多人幫襯，餐廳環境舒服， 空間寬敞，檯與檯之間都有保持一定嘅距離，唔會好似平時嘅茶樓咁逼埋一齊。餐廳都好貼心，會預備小蠟燭俾茶壺保溫，職員亦都好主動幫手添水。🥢公子特色凍豆腐呢個前菜係一人分量，豆腐口感非常嫩滑，再淋上薑醋汁，味道酸甜，好似食緊豬腳薑，非常開胃。
🥢秋霧鹵醉蝦（五隻)👍呢個菜式非常適合打卡，擺盤非常有心思，利用底部嘅乾冰營造出煙霧效果。鹵醉蝦肉質非常爽彈鮮甜，味道帶淡淡嘅酒香味，同時會食到花椒麻香味，味道豐富。🥢口水雲吞皮蛋雲吞餡料豐富，入面有多隻蝦仁，而皮蛋口感滑溜，配上香辣嘅口水醬汁，味道非常惹味。
🥢張公子叉燒👍呢個係餐廳嘅招牌菜，份量非常多，叉燒肥瘦適中，外層淋上蜜汁，經過爐火燒製後，表面色澤晶瑩剔透，內裡鬆軟多汁，味道鹹中帶點甘甜。
🥢酸菜桂花魚片酸菜魚嘅份量適中，桂花魚片肉質嫩滑，無腥味，又唔會食到有骨，味道偏酸帶小辣，好岩我呢啲鍾意食魚但唔鍾意骨嘅人。

食物方面：黑毛豬叉燒：差唔多$300一份！雖然好貴，但真係超好食😋😋😋肉質嫩滑，好夠味😆海鮮炒飯：炒得好好，飯係一粒粒既，唔會痴埋一舊！好香好好味😋😋淮山豆苗：$150一碟菜，堅貴！但真係好新鮮好味😆😆😆甜品：兩分甜品都ok，唔錯👍🏼服務方面：ok環境方面：舒服性價比方面：真係貴，但好味，建議有大節日先去食～如果覺得我寫既食評幫到你既話，記得follow，like，同埋share俾你身邊鍾意食好味嘢既朋友，感謝！😋😋😋😆😆😆

好鍾意食中菜嘅我好耐都冇食過，最近見人哋介紹呢間好似幾唔錯就去試試茶位$18一個，用蠟燭燒住保持溫度幾值得稱讚，見無左火店員又即時點返著，係幾值得稱讚公子特色凍豆腐凍食既豆腐好新奇，薑醋汁豆腐，凍食薑味濃店長仲叫我快啲食左先，唔凍就唔好食🤭🤭紅燒BB乳鴿一開4食得方便，仲有手套供應唔怕食到手污糟邋遢仲有喼汁同埋淮鹽，就咁食就原汁原味，如果重口味嘅就可以配搭鹽/喼汁口水雲吞皮蛋雲吞啖啖蝦肉，食落爽口皮蛋食落香，仲會喺個口回甘張公子叉燒必定必定嚟到一定要食，絕對係全場賣點，難怪我睇到咁多人都叫佢嘅叉燒又大件又厚，最重要嘅係肥瘦均勻，叉燒汁仲好多，真係食到舔舔脷唔知係咪我嗰碟特別靚，吸引到啲店員都行過嚟話要影相係咁話好靚🤭🤭叉燒炒飯中國人傳統叫餸食要有飯，但我又唔想食白飯咁單調店員就推介咗我呢個炒飯話好食，果然我真係要食飯先滿足😅最後仲送左個桃膠糖水比我地，真係甜入心

呢間中菜館真係一流，環境優美，招呼周到，無論你係想同朋友聚餐定係家庭聚會都係一個幾唔錯嘅選擇。首先呢個張公子叉燒絕對係必點，佢厚切得黎一d 都唔韌，真係入口即溶。叉燒外層略帶焦香，內裡嫩滑多汁，肥瘦適中，味道教得岩岩好，配埋啲微甜嘅蜜汁醬，真係無可挑剔😍張公子招牌腸粉亦係不容錯過嘅。呢個腸粉材料豐富，有蘿蔔絲、冬菇、紅蘿蔔，口感多層次，外皮薄而滑，d餡夠哂鮮甜😀奶湯雲吞煲係我嘅私心推介。奶湯濃郁香滑，雲吞皮薄餡多，鮮蝦同豬肉嘅完美結合，湯底嘅清甜同雲吞嘅鮮美真係冇得輸。😊蟹籽蒸燒賣外觀精緻，味道亦唔錯。燒賣肉質鮮嫩，味道鮮美，飲茶唔少得既點心😉藥膳醉乳鴿係一道非常特別嘅菜式。乳鴿肉質嫩滑，藥膳香味濃郁，食落去幾重酒香味，平時係其他中餐館好少見😃最後，特色凍豆腐係個幾特別既開胃小點。凍豆腐口感嫩滑，配埋薑醋汁，酸甜適中，食落去非常開胃，坊間少見既菜式，值得一試😌呢間中菜館真係無論食物質素定係服務態度都非常出色。每一道菜都充滿心思，味道一流，想品嚐高級中菜依間絕對係我既to eat list 當中！