張公子

營業中

休息中

這是家中菜餐廳，由經驗豐富的大廚主理，炮製傳統各式和點心和高質的粵菜。招牌菜張公子叉燒：厚切大大塊，肥瘦相夾，肉質軟腍，口感豐富而有層次。艷影蝦球：有金黃色檸檬墊底，翠綠色蘆筍點綴，色澤靚麗，擺盤精緻，令我食慾大增。秋葵芥末炒帶子：買相十足，帶子鮮甜嫩滑，口感一流。生煎蓮藕餅：香口夠水準。主菜奶湯雲吞煲：奶白色湯底清甜暖胃，大大粒鮮蝦雲吞，蝦鮮彈牙，真材實料，分量十足。餐廳環境舒適，裝飾光線充足，具有中國風氛圍，是親朋好友相聚吃飯的理想場所。

同屋企人嚟觀塘辦年貨，正所謂「三軍未動，糧草先行」，咁就一於醫咗肚先。有人想嘆茶，揀咗駿業街呢間「張公子」，餐廳裝潢典雅，以中式圓鼓作設計主題，配襯工業風鎢絲燈泡，富時尚韻味。餐廳主打精緻粵菜，午市有點心供應，我哋點咗👇生拆蝦餃皇：蝦餃賣相很漂亮，唔單止外形飽滿、摺紋清晰，而且內裡放了全蝦肉，食落爽口彈牙，鮮味十足。蠔皇叉燒包：叉燒包送上時仍熱辣辣，包身雪白鬆軟，入面嘅叉燒粒粒有咬口，醬汁比例亦啱啱好，入口鹹甜適中。蠔皇鮮竹卷：呢客鮮竹卷嘅味道唔錯，表皮薄滑，芡汁不糊，餡料有蔬菜，無全肉餡咁膩，入口有蠔油香。帶子芋蓉盒：芋蓉盒嘅造型好精美，荔芋炸至外酥內軟，入口細滑粉腍，啖啖芋香，加上內裡鮮嫩多汁嘅帶子，滋味滿分！另外呢客金網香芒鮮蝦卷亦值得畀個 like，入口外脆內爽彈，蝦肉鮮嫩多汁，同微酸微甜嘅香芒好夾，點埋旁邊嘅芒果醬汁，多重口感，清香醒胃。

張公館飲食集團既張公子，位於觀塘電訊數碼大樓🏢星期日去到估唔到都咁多人，樓上舖黎講假日唔開工既觀塘區人氣都幾旺。🌟生拆蝦餃皇🌟D蝦饀多到呢！！🥟勁大隻，實實正，點少少辣椒油提下味👍🌟張公子叉燒腸粉🌟馳名既黑毛豬叉燒，午市就點個叉燒腸粉試下，叉燒腸粉唔算肥，肉質新鮮🐖🌟百花釀魚肚🌟其中我最愛既點心之一，蝦膠好大件，魚肚好正，軟綿綿咁~😋🌟金網香芒鮮蝦卷🌟香芒酸味味，零舍開胃🥭🌟鵝肝金荀咸水角🌟賣相好盞鬼，原來放扎芫茜上去咸水角即刻變左甘筍🥕➡️我地點左鐵觀音，茶壺KEEP住用蠟燭點住，D茶就可以保暖了📝門面氣派十足，空間感充足

此餐廳book VIP房需另收加一及每位客人另收茶錢HKD18.00, 因我們共有28人共2圍， 當我們入房時已經覺得不夠冷氣亦好焗， 當時已向職員投訴及了解，職員只是說由於間了房間所以冷氣未能足夠，職員亦只回覆已開冷氣等一下，但一路食飯一值都很熱很焗， 老實說我們 book vip房前已經知道要另外收費亦都同意的，但現在给我們的vip房根本不是vip, 連坐大廳不需另外收費的客人都好過我們，直到尾聲再找經理投訴如果沒有冷氣而室內空氣又不佳就不應該提供這間房我們， 應該安排我們坐大廳，因為我們有老人家亦有小朋友根本坐得不舒服， 但經理只是一直向我們say sorry說對不起及不收取3罐可樂费用，但堅持都要收取vip加一服務费及每位客人茶錢，合共2仟多元是另外vip收费, 只想講生意不是這樣做的， 最重要的是這日天氣都非常寒冷我們都覺得很焗很熱， 如果是夏天沒有冷氣怎樣是vip房呢？ 要收取客人服務費必須先有服務，客人才會比得舒服， 但現在只能說一肚氣😡😤😡😤

本人和家人一起訂了兩圍晚飯，房間是需要特別加茶芥和圍餐再加一的，如果是服務好是應該的，但房間內完全沒有冷氣流通，我們到達未開餐時已投訴2-3次，侍應告知由於是間房，冷氣無法進入，但房間內是有冷氣風口？ 最後結帳時再投訴及請他們經理到我們房間感受焗及熱的情況，只是不停講對不起及會檢討，我問他這種情況你還要收茶芥及加一？你只是提供房間而沒有提供舒服的環境給客人？這是什麼服務？酒樓還是堅持要付😡😡，希望洒家老板能看到這篇文章而檢討。這些價錢是有很多選擇的。

1. 張公子招牌腸 腸粉皮好薄好滑，入面有一層薄薄既脆皮裹住啲爽甜嘅茜芹香菇，同埋有啲生洋蔥絲，口感好豐富入面有好多重口感。🌟 評分: 7.5/102. 帶子芋蓉盒 (3件)每一個芋蓉盒入面都有大大隻鮮嫩的帶子，配上芋蓉香滑好香甜，口感綿密，又一驚喜，是一道令人垂涎三尺既功夫點心。🌟 評分: 8/103. 香煎芋絲糕 (3件)外層鋪滿芝麻，金黃香脆，內裡係滿滿嘅香滑芋絲，口感豊富。🌟 評分: 7/104. 生拆蝦餃皇 (4件)蝦餃皮好彈牙咬落煙煙韌韌，皮好薄，入面蝦肉好飽滿，有大約3隻蝦左右，每一粒蝦仁都好大粒，蝦肉好爽口，食落幾新鮮。🌟 評分: 8/105. 蠔皇叉燒包包子皮蓬鬆柔軟，同樣餡多，入面嘅叉燒餡好多，食到一片片叉燒，蠔皇醬提升了整體風味。🌟 評分: 7.5/10🎖️整體評分🎖️❤️ 味道: 7/10🧡 環境: 8/10💛 服務: 8/10💙 性價比: 7/10 📍 張公子 (觀塘)觀塘駿業街58號3樓#hkoverfood_觀塘

今日去左觀塘覓食，去左張公子食晚飯，呢度啲小菜全部都整得好精緻又好食。🥩張公子牛肋條 $398招牌牛肋條原條骨咁上，上面放滿滿滿嘅牛肋條，加上大量蔥蒜，夾埋一齊食非常惹味，而家牛肉選材優質，有勁濃郁嘅牛肉味，而家煮得夠腍，相信老人家食都冇問題。🐷張公子叉燒 $258我都鍾意就係食呢啲燶邊嘅叉燒，肥瘦均勻，蜜汁叉燒食落香甜，用黎餸飯一流，而且仲要有蠟燭保持溫度，真係好細心。🦐花雕醉蝦（5隻） $128呢隻花雕比起平時食嘅香十倍，唔會苦而家好清香咁為鮮蝦提味，啲花雕酒好味到我用黎餸飯，而且蝦都勁多膏，全隻蝦都可以食到黃色嘅膏，最正係吸蝦嘅膏，又夠鮮同埋充滿花雕香味一流。🥬鮮腐竹蕃茄浸菜苗 $138新鮮豆苗吸收哂鮮腐竹同蕃茄嘅香味，食落非常清新，而且腐竹豆味都好香濃，食完濃味嘅餸再食呢個菜好舒服清新。

最近發現觀塘有間好精緻嘅中餐廳，呢到嘅裝修好有氣派，門面都好有feel，又有落地玻璃，採光一流，座位都相當闊落，整個feel都好正，真係同個名好夾！今次我地中午來，所以係食點心，不過下次一定要再來食晚餐！呢到d點心質數都幾好，加埋店員服務態度好好，所以整個體驗都好優質！鵝肝金荀咸水角炸得好飽滿好乾爽，入面有好多鵝肝，外型更加好受小朋友歡迎。蟹子蒸燒賣超級大粒，呢個好抵食。帶子豆苗餃有好多豆苗，d蝦都好爽口，餃皮口感都好正。百花釀魚肚都好好食，口感煙靭。金網香芒鮮蝦卷俾我想像中大份好多，用上超級多嘅蝦，外面炸得好酥脆。流心奶皇包好軟熟，入面嘅餡亦都好creamy。

放假有時會上茶樓吃點心相反很少與朋友聚會吃中菜😂今次找到這家中菜館菜式吸引就來試試😋精心炮製各款粵式風味的中菜環境雅致 座位寬敞舒適 張公子叉燒🐷每塊半肥瘦超厚切的叉燒，塗上蜜汁燒得出色焦香(超喜歡燶邊叉)，油亮焦紅的外表，一口咬下非常軟嫩多汁，最貼心的是用器皿加熱以保持食物溫度🌡️，果然不愧是招牌菜之一，色香味俱全，值得推薦👍鮮腐竹蕃茄浸菜苗🍅🥬平常外出吃飯少不了多肉少菜，打開餐牌見到有我愛吃的腐竹蕃茄當然要點來吃，當作開胃小菜，湯底以香甜濃郁蕃茄🍅為基礎，配上新鮮嫩綠的菜苗及腐竹，健康之選👍翡翠桂魚球🐟桂魚煎至微微金黃色，肉緊厚實，啖啖肉且沒有骨，底層舖滿大量西蘭花🥦，因這道菜式難得吃多了蔬菜😂海味桂花粉絲煲🍲用大量蛋黃碎混入粉絲煲裡面，視覺上好像是桂花一樣🌼，海味方面是因應當天廚房存有的食材煮出來，而這道粉絲煲的食材有海参，鮑魚及金華火腿切成一絲絲，口感層次豐富，因份量多，還吃剩些打包帶回家🫢整體食物質素好好👍，份量十足💯，店員服務態度很友善，是與親朋戚友一起聚會的好選擇👪👯

上次同同事係呢到係左lunch冬至飯覺得好好食環境又好坐 座位與座位之間唔會太逼今次就帶埋屋企人過黎食試下幾樣新野都唔錯呀🔸美味蜜汁叉燒叉燒的肉質非常嫩滑 入口即化它的外皮則經過燒烤呈現出金黃色和略帶焦糖的香脆口感搞到我地一上枱就垂涎欲滴咁呢道叉燒的特別之處在於它的蜜汁醬汁這個醬汁非常獨特完美地融合在叉燒的肉質中帶有少少肥 好食~🔸秋葵芥末炒帶子帶子的鮮甜和嫩滑口感好出眾炒帶子的技巧都重要而這道菜明顯展示了廚師的烹飪功力秋葵的脆爽加芥末既一絲絲微辣的風味好豐富既口感健康又好好味🔸鮮腐竹蕃茄浸菜苗菜苗保持了它的嫩綠色入口時帶來清爽的口感而蕃茄的酸甜味好出 好新鮮~🔸張公子炒米粉配料方面唔算太多如果加入豬肉、雞肉、蝦仁等等會更加豐富多樣但係呢碟炒米粉其實超大碟 我地3個人都食唔哂呀~清清地其實都唔錯呀📍張公子📍觀塘駿業街58號3樓

放工去一間觀塘中菜餐廳用膳，餐廳裝潢充滿中國風，環境寛敞，公司食飯，朋友聚會都係唔錯選擇，菜式相對有特色而且質素高，唔會食嚟食去都係嗰幾道菜。 黑毛豬叉燒 （$258）💕上枱時下面仲有蠟燭保持溫度，叉燒大大舊又厚切，肉質又林，肥瘦均勻，好多肉汁，完全唔乾艷影蝦球（$100）💕這個是餐廳招牌菜，必食小菜之一外層係黃色甜甜地嘅汁，包住脆炸蝦球，好好食呀鮮腐竹蕃茄浸菜苗（$122）鮮腐竹配蕃茄湯幾特別，酸酸甜甜，開胃生津，菜苗新鮮雲南野菌蒸滑雞 ($198)幾種野菌一齊蒸雞，食完成個人暖哂

不論環境、食物質素我都大推張公子！首先，餐館環境非常好， 有大窗設計採光十足，餐卓以至餐具都很大體，感覺幾高尚。服務都係非常之周到，係酒店級質素我同朋友過嚟食點心，發現點心質素好高質！雖然我哋食嘅點心都係好普通但係呢度就整得非常之不普通！真係有驚喜！不是說笑，呢度嘅蝦餃係我食過最好食嘅蝦餃。非常足料之餘，成個蝦餃做得好實心，而且蝦餃皮十分Q彈，口感又爽口，又彈牙👍🏻必試之選！叉燒包叉燒包餡料好豐富，絕對唔係平時食開好多醬汁嗰種！露筍鮮蝦腸粉呢個人好經驗，個腸粉質感做得非常好，好爽口一啲都唔黏口，配上露筍同埋爽口彈牙嘅鮮蝦實在太好食！總括來講，呢度食點心真係好有驚喜！大家不妨去試吓

朋友經常嚟飲茶，表示食物質素好好，今次帶我去食晚飯小菜，又估唔到觀塘有間咁高質嘅中菜。餐廳有單點小菜之餘，亦有唔少套餐選擇。食物種類選擇多，我哋人少少，所以點咗幾個小菜試吓。張公子叉燒（$258）- 叉燒係招牌菜之一，外皮焦脆，內裡肉質鮮嫩多汁，入口即化。肉質好香，同蜜汁味道非常夾，真心好味。特別要讚餐廳提供咗個熱盤keep住叉燒嘅溫度，令叉燒入口熱辣辣，特別好食。艷影蝦球（$108）- 賣相非常吸引，蝦球的外層炸得酥脆，內裡的蝦肉超大，肉質鮮嫩彈牙，入口唔會過份油膩，非常美味。鮮腐竹蕃茄浸菜苗（$138）- 呢道絕對係清爽嘅素食之選，腐竹同菜苗，再加上蕃茄的酸甜味，好味又健康。翡翠筍殼魚球（$268）- 荀殼魚為主要材料，肉質鮮結實，入口啖啖肉，配以西芹及青紅蘿黃椒，口感多重。餐廳幾道小菜味道都相當唔錯，環境亦舒適好坐，枱與枱之間寬落，啱晒同屋企人或朋友晚飯傾偈。

從前是孔夫子，最初也做得不錯，待別係個义燒同點心，但只維持一年左右，食物及服務水平急速下降，結果唯持5年要重新包裝及改名為張公子，今次經OpenRice book，要 1:45才有位，無所謂，係公司做多陣先落去，三人叫咗5個點心一個飯，其中一個點心賣晒，嚟得好快但點心唔太掂，蝦腸夠爽但豉油冇味，失敗！燒賣肉太實太硬，失敗! 炸尤魚又硬又無味，冇人食，唯有個义燒麭好的，個泡飯不過不失，咁就$580，1:45食到2:30要埋單，其實都未飽，如果咁早收，咪叫人1:45嚟，最差係埋單後，的阿姐不停問你仲要唔要，其實只有三個杯加兩壺茶，不停問你4，5次，咁趕時間加上食物質素，無下次，我去買唐記可能好過佢。

I would strongly advise against visiting this restaurant, as it is both overpriced and below average.Located in the middle of Kwun Tong, this establishment charges prices comparable to those of a hotel, but disappoints in terms of both the quality of the food and the level of service provided.The cha siu was average at best, and certainly not worth the high price tag. Additionally, the deep-fried squid was a complete letdown. It bore no resemblance to the appetizing dish depicted in their promot