張公子

營業中

休息中

同屋企人嚟觀塘辦年貨，正所謂「三軍未動，糧草先行」，咁就一於醫咗肚先。有人想嘆茶，揀咗駿業街呢間「張公子」，餐廳裝潢典雅，以中式圓鼓作設計主題，配襯工業風鎢絲燈泡，富時尚韻味。餐廳主打精緻粵菜，午市有點心供應，我哋點咗👇生拆蝦餃皇：蝦餃賣相很漂亮，唔單止外形飽滿、摺紋清晰，而且內裡放了全蝦肉，食落爽口彈牙，鮮味十足。蠔皇叉燒包：叉燒包送上時仍熱辣辣，包身雪白鬆軟，入面嘅叉燒粒粒有咬口，醬汁比例亦啱啱好，入口鹹甜適中。蠔皇鮮竹卷：呢客鮮竹卷嘅味道唔錯，表皮薄滑，芡汁不糊，餡料有蔬菜，無全肉餡咁膩，入口有蠔油香。帶子芋蓉盒：芋蓉盒嘅造型好精美，荔芋炸至外酥內軟，入口細滑粉腍，啖啖芋香，加上內裡鮮嫩多汁嘅帶子，滋味滿分！另外呢客金網香芒鮮蝦卷亦值得畀個 like，入口外脆內爽彈，蝦肉鮮嫩多汁，同微酸微甜嘅香芒好夾，點埋旁邊嘅芒果醬汁，多重口感，清香醒胃。