廣成冰室

營業中

休息中

這間冰室無論什麼時間都大排長龍，所以我每次都一定叫外賣，不過叫外賣等的時間都不短。指定茶餐，蛋治配牛肉通粉，熱奶茶。 蛋治，雞蛋非常多，好大份，吃時還有蛋汁溜出, 不過可能我是叫外賣，吃時麵包皮已吸滿油 。 牛肉通粉，一定要叫多胡椒粉，普普通通的一碗牛通，但都令人再三回味，牛肉用鮮滑牛，份量亦算多，好味。通粉焗住咁耐都仲未淋。飲品叫了熱奶茶, 茶味夠, 不錯不錯另外這間冰室的紅豆冰，都是堂食時必叫菜式。

上水最出名的莫過於是「廣成冰室」，而當中最出名的就是那個紅豆冰，冰是店舖自己刨的，一大杯冰柱是非常壯觀的套餐主要得早餐同茶餐，而紅豆冰是要散叫的。今日來到都是跟平常一樣叫了一份茶餐，茶餐包了一個牛肉通粉，蛋治，熱飲。牛肉通粉：牛肉份量算是多的，肉質新鮮軟嫩，湯奉上的時候是熱滕滕的，但通粉不會因此變得腍身，湯底充滿牛肉味。如果不吃牛的朋友是可以轉做火腿通粉及清湯的。蛋治：食了五年，都竟然覺得很讚的 麵包入面夾住厚厚的煎蛋，蛋熱滕滕的，口感非常幼滑，會感覺到有蛋漿流出來的。舊式的冰室，一直保留著那種舊式的味道，多年來也沒有更改餐牌，客似雲來，充滿性格的侍應就是舊式的冰室的元素。

返工之後唔係成日食，因為星期六日太多人等位！但係呢度既蛋治，麵包軟熟煙韌，熱辣辣脹卜卜既煎蛋仲有蛋汁流出黎！嫌得包味同蛋味好寡既可以加少少鹽同胡椒粉，鍾意食辣可以滴兩滴辣椒油，完美呀茶底靚，必飲檸檬茶／奶茶

小女出生於九十後，對冰室的認識不多，一直聽聞過的，只有是在家附近的嘉樂冰室。直至近年，被港人再次熱捧的冰室多不勝數，而其中有一間，人氣雖不比其他高，但卻是令我有三度的回頭率----廣成冰室。這間位於上水石湖新墟的老字號，門口常常都擠滿了排隊的食客。我去的那天是星期日，當然比平日更多人，等了45分鐘多才有位。內裡的空間很擠迫，但美食卻會容易令人忘記這個坐得一點也不舒服的位置。這間冰室沒有太多選擇，但就勝在有的都是最好的。我點了兩個我最愛的牛肉通粉早餐，菠蘿油給我，蛋治給男朋友。菠蘿油是老店那些大大個而且很鬆軟的麵包，但因為我實在太餓了，所以都忘記了拍照。它的牛通(老店都是這樣叫的)用了燉牛肉的湯做湯底，非常有鮮味，而且加了少許薑絲，更令牛肉的肉味更明顯。蛋治也是非常出色，啊！這麼厚的蛋啊！我想這裡大概用了2隻雞蛋(?)其實也真的有點吃不完。另外，早餐還包括了一杯飲品，保證你在廣成有一頓完美豐盛的早餐。我喝光那杯熱華田，嚥下最後一口牛通，和男友滿足地離開廣成，繼續我們那天的旅程。

放假入來上水找朋友， 竟然路過見到間咁舊式既茶餐廳， 係市區已經買少見少了， 所以諗都冇諗就決定試下呢間呢個時間其實已經好多人， 一支公坐邊都冇咩所謂茶餐廳都唔會有太多選擇， 來來去去都係早餐茶餐個d, 試試佢地既牛肉通粉， 就叫個早餐啦餐包都好大個， 夾左塊好大片牛油， 嘩一咬落去， 正d牛油融融地， 為左食好野人可以幾盡， 明知唔係健康既食物， 都係食完先講到碗牛肉通， 比起出面茶餐廳d牛肉算幾多下， 味道同d通粉好夾， 牛都算幾滑，同帶有薑去煮， 都幾好味， 通粉唔會煮通龍淋晒， 所以呢餐都幾滿意有機會會再來試試個蛋治， 我見都頗多人叫既食品之一

廣成其實我地都食左幾十年, 食開有感情, 所以又黎食多次佢地既牛肉通粉夠稔又有上世紀既味道, 再叫杯疊得超高既紅豆冰, 紅豆多奶又濃, 勁正!蛋治又係經典, 一份最少有成4隻蛋! 不過淡左少少, 鐘意濃味就要自己加鹽服務呢就唔好要求啦, 呢間餐廳完全0服務, 果個太子女當自己係皇后添如果唔係D野食好懷舊, 我都唔想再黎啦

要數上水冰室，當然係廣成冰室紅豆冰,牛通, 菠蘿油 係廣成招牌菜呀! 小妹係風和日麗的早上唔洗等位就可以嘆冰室,事關今日係平日呀!!黎到冰室梗係點早餐啦, 係人都知早餐得兩個選擇! 都係33蚊,小妹都略嫌貴, 而且小妹並唔覺得牛通係特別好味! 冰室坐位太迫啦, 好似為左坐到最多客, 賺最多的錢咁迫到太誇張, 食客坐得唔太舒服, 當然服務員態度亦係唔太好, 可能皇帝女唔憂嫁啦!牛通都可以, 多料, 湯都好飲, 係比起普通餐廳好的, 但唔係下下大排長龍咁誇張蛋治係大份既! 蛋亦唔差, 小妹估應該有落牛油炒, 所以好滑, 但唔sure一份早餐絕對可以飽到下午茶, 因為算大份但小妹對餐廳環境同服務不敢讚賞呀事關賣復古唔係得個殼架, 要個餡同份人情味係度先係頂呱呱!如果為錢而塞塞塞, 個服務態度又咁, 小妹不敢苟同

來到梗係要點杯「愛美神」，點解，因為紅豆冰上面既尖尖地咪就係愛美神胸口個兩枝，用長羹將碎冰混入奶，冰夠碎，甜度我就覺得麻麻，不過紅豆煮到起沙，一流。另外叫左個牛肉通粉，湯用牛肉即滾的，熱辣辣牛肉又嫩滑，最正係佢D通粉煮得有小小糊，個湯只有小小鹹味，但牛肉鮮味多多，正！

舖頭得早餐同茶餐叫雖然凍飲只要加一蚊，但如果飲紅豆冰仲要無得跟餐，當然要試下今次茶餐叫左牛肉通+蛋治門口放左好多菠蘿油，點解唔揀好多人叫嘅菠蘿油呢？放出面即係個包唔夠熱，牛油唔夠凍……邊有咁複雜啊？純粹係因為小弟早餐食左個菠蘿包（所以下次再去試下個菠蘿油）傳統冰室格局，只係多左部冷氣紅豆冰無得跟餐，大家認為呢杯紅豆冰幾錢味道都算好甜，不過杯紅豆冰咁多大粒紅豆，仲要用返傳統碎冰，真係唔話得牛肉通，咪又係普普通通，牛肉加通？D牛肉唔得，舖頭會夠膽唔大手落沙爹？D牛肉有牛肉味，林得來唔會散曬，應該都唔會落（太多）鬆肉粉。湯底門口張介紹話用牛湯+雞湯煲出來，我就唔係好分到，不過知道湯底鹹得來，好順喉，有薑絲都唔會好辣，反而有鮮味。說好的蛋治呢？唔好意思，已經食左，不過蛋算滑

人愈大 愈懷念細細個同屋企人落茶餐廳食早餐／下午茶的日子 但而家香港的懷舊冰室愈黎愈少 好難得比我係上水搵到一間不論食物質素 環境 都好好的“廣成冰室“常餐（牛肉通）跟波蘿油 凍奶茶 盛惠$34蚊 抵啊！！！！波蘿油 中規中矩 無咩好介紹牛肉醃過之後個味道幾好 通粉的分量適中 （一碟牛肉通粉 竟然搵得番以前幫襯冰室的感覺）呢度的奶茶十分之好飲 奶同茶的分量配合得好好 用的茶唔會有苦澀味 奶亦唔會多到成杯野變左白色 搶左茶的香味 一個字“正呀“！！！！ps (杯野原本好滿 但掛住飲得太開心 到影的時候已經比我飲左一大截）

懷舊冰廰每年一間少過一間(因為租金關係),所以間唔中都會去廣成,點解間唔中,因為我星期日先放假,但等候時間真係太耐了,今次又45分鐘,最慘係附近冇野行,入返正題先,呢度嘅牛肉通真係冇得輸,好香牛肉味,旦治又厚又滑,原本佢有個餐都好抵下,但因為我一定要飲我至愛嘅紅豆冰(好足料架,紅豆佔左大半杯)所以唯有散叫,加多個波羅油,張單差不多7,8十蚊@@,不過間唔中一餐半餐冇所謂啦.

自從光復上水一役之後…明顯d街道暢通左好多…但今次黎到呢度…依然大排長龍…呢度係要拎飛同搭枱既…下午茶時間都等左成半個鐘呢…只因呢度地方細細…得50個座位左右…等得咁辛苦…其實都只係為左食個茶餐…only one choice...奶茶～有茶味…奶味亦不少…但好似唔多夠滑…旦治～旦好厚…算滑…但無味…要自己落鹽…牛肉通～牛肉剛剛熟…唔韌…應該無醃粉…湯底清清地…見人地係落胡椒粉或辣醬食…另外有菠蘿油放左係個門口個櫃度…唔知幾時出爐…係咪新鮮…所以無叫到…又見到隔離枱既紅豆冰…刨冰整成雪糕筒咁…加左淡奶倒插在杯上…好似好特別…呢度勝在簡簡單單…無味精…只是想坐耐d都唔得…^^！！

今日放假, 阿妹突然說想吃廣成, 於是由火車站走了10多分鐘的路前去。和以往一樣, 門前總有一批食客在等位, 大約等了10分鐘就有位了。我們都點了常餐, 包括一份雞蛋三文治、牛肉通粉和一杯熬飲。牛肉通粉用了薑絲一起煮, 不過牛肉有點韌, 味道還是不錯的。雞蛋三文治的雞蛋大大件, 用了牛油一起煎, 本人喜歡加點點胡椒和點點鹽一起吃。奶茶呢, 阿妹覺得其他茶記沖得比較好喝。

這間餐廳較為熱鬧 門口長期有堆人 等候時間約15-20分鐘 上菜時間就多過20分鐘 但服務態度尚可牛肉通粉夠爽口 蛋治料多有蛋香 奶茶香滑夠地道 紅冰飲管不夠闊冰室環境夠懷舊 其實好耐冇裝修 （有些椅子要用牛皮膠紙痴實）

門口維持十幾個人等, 都係4~6張台, 等廿分鐘左右, 都冇問題啦. 終於入座由叫了餐到送到也要20分鐘, 呢度就唔係好滿意, 實在太內. 牛肉通不是太突出, 反而蛋治真係唔錯, 蛋香面包軟又大份, 奶茶亦唔錯. 希望老版廚房請多D人幫手, 起菜時間10分鐘都可接受.