廣成冰室

營業中

休息中

住在上水既朋友今日帶左我去一間都幾出名既廣成冰室,終於都黎到啦餐廳格局雖然係一間好普通既茶餐廳,但係咁先有歷史同感情,好鍾意依度呀食左個菠羅油,菠羅包好脆,超好咬口包皮都烘得好好味,加埋牛油食雖然好肥但係好正另外飲左杯奶茶,依度既茶底好濃但係唔澀,奶撞得好靚色澤鮮明,所以飲落好純好好味我最鍾意就係依D小店

門口既黑板已經有好多歷史,有叮噹(宜家叫多啦A萝)貼紙!紅豆冰,D豆大粒,又夠沙宜個細細沙冰雪山😋😋！童年回憶返來咯! 係一份份烹嘅鮮牛肉通粉(係D湯度見到啦),有彊絲呀！😋加D辣油同胡椒粉😋，跟餐,烘底蛋治D蛋汁流出囄(好似食緊流沙包嘅感覺)👍🏻😋😆！杯凍奶茶👍🏻😋(回到魂呀)烘底午餐肉厚切蛋治👍🏻😋出面已經買小見小啦！門口黑板紅豆冰回魂奶茶同牛肉通粉跟餐烘底蛋治厚切午餐肉蛋治烘底

耐不耐都會去食，以前蛋治真係真材實料，通粉真係滑，但係今次去真係大失所望，蛋治縮水，通粉'妹'，牛肉湯好似清湯，我要加大量胡椒粉。仲要未飲野就叫我食完好走。食物水準一路下降，服務跌到負數。

在剛過去的清明節遠遠的去到上水，當然要去地道懷舊的廣成冰室 。這冰室相信在上水是無人不曉的，若假日來，要有排隊的心理準備。我和妹妹就是預了要等所以先到明記腸粉外賣打底。說回廣成冰室，店內裝修非常懷舊是其中一個使人前來的原因。今次等了20分鐘在邊吃邊等的情況下是可以接受的。在差不多有位的時候，老闆娘會叫你落定ORDER並告訴你食物要差不多20-30分鐘才有。我們點了兩個茶餐，一個跟蛋治一個跟菠蘿油。其實你不一定要點茶餐，簡單的茶記食物是有供應的只是不在餐牌上。蛋治 – 軟軟蛋配軟軟方包，永沒有錯，值得一提的是厚身蛋和沒有太多調味，吃到淡淡的味道，挻好!菠蘿油 – 依舊鬆軟的麵包，味道口感也好，因為有很大件的牛油，只是不夠熱和脆(其實這兩點很重要)。牛肉通粉 - 軟身牛肉，沒有過度腌製。湯底有薑味無味精，可能有人會覺得好淡但我喜歡在這裡的樸實。妹妹便加了桌上的辣油，吃起來其實更香更有味。奶茶 - 奶茶很滑，很香濃，我只放了一匙糖已十分夠味。其實在這裡是應該點 紅荳冰的，造型特別有心思，紅荳和奶配合得好，很好喝的。只是我上次已經喝過加上要少喝凍飲的原則所以沒點但若果第一次來真的不可錯過。

因為每天都見人龍等位，放假先試一試這間冰室，餐牌只有2款揀(全日)試左牛肉通粉，蛋治(厚身蛋)蛋治厚身，但味道偏淡(需加鹽)牛肉通粉(需要等成十分鐘)牛肉嫩口，湯只係一般反而桌上的辣椒油(吸引)，因為夠辣因為要等位(坐位較迫)，餐牌選擇少，味道一般，試過一次就足夠ps 紅荳冰不能加錢當餐茶(需另計一杯)無試到😅

與朋友來到上水，必須到此區特色食肆試試，朋友推介了此店。到達時已過中午時飯時間，但店內仍擠滿客人。店內裝修非常懷舊，估計是六十年代裝修，非常特色。我們選了2個套餐，包括波羅油、蛋治、牛肉通粉、奶茶、好立克。由落單至第一樣食品送來，也要10分鐘。先送到的是波羅油，很可惜，波羅包凍了，吃起來有點失望，但脆皮仍然是脆的。反而蛋治非常不錯，厚厚的滑蛋，方包新鲜軟軟的。奶茶很滑，香濃茶香，不錯!牛肉通粉加上羌絲，牛肉吃來是新鮮牛肉，份量亦多，通粉略冧，湯味略淡，後加了香濃辣椒油，更添美味。此類特色食肆已絕無僅有，值得推介!

生平踏進上水的次數簡直單手已數完，今次要不是為了和月巴去羅湖並在上水出閘可節省幾個錢也幾乎不會踏足此地…冰室離地鐵站也有一段距離，不過幸好天氣不太冷也適逢新年間沒有過多的水貨客，7-8分鐘的路程便到了。懷舊冰室旁邊的是五金店及寵物用品店，雖然好像顯得有點格格不入，但別小看它的威力，因為即使是兩點多也有不少人在門外排隊等候，幸而人流量都算快，十分鐘左右已可入座。踏進店內，妨如回到八十年代，風扇、餐牌、坐位都變得古色古香，十分懷舊。基本上每個食客都是點了茶餐($35)：牛肉通粉配蛋治加飲品；奈可我今天完全不想吃白麵包，因此轉了其中一個配菠蘿油，而且奶茶可謂是等於一家餐廳的水準，但好甜的我總是愛喝茶走 (經常有餐廳制作馬虎或忙中有錯把奶茶當成茶走，所以這測試絕不隨便！我說的！)菠蘿油很快便來到，我和月巴一人一半，麵包皮脆內凍，牛油的厚度不偏不倚，即使是獨自吃了一整個也不會感到內疚！但個人更喜麵包帶微暖，這樣牛油會慢慢溶化，更為好吃！看著細小的廚房和水吧，兩個人一人顧著一邊分身不暇地做單，唯有喝著茶走靜心等待，大約等了二十分鐘完整的茶餐才來到，急性子的朋友可能會受不了。看著滿滿的牛肉通粉，先吃

一天，忽然懷舊，回到我小時候經常去的地方--上水，發覺到處都變了好多，到處都是連鎖店，上水廣場，上水中心，新都廣場都是。而石湖墟許多的小店，如布匹店，雜貨店等都沒有了，變成了一間間藥房，沒有了我小時候的味道。逛著逛著走到了還是有許多傢俱店的街道，也記得附近有間廣成冰室很有名，但我這麼久都未吃過，就撞一撞看看那間冰室是否還在，幸運地，懷舊小店仍在呢我點了套餐：包括牛肉通粉，蛋治和凍奶茶。首先來的是凍奶茶，凍奶茶既香且滑，味道香濃，剛剛好，很適合我這個奶茶怪呢之後來的牛肉通粉，竟然不是我們在普遍茶餐廳吃的沙嗲牛肉通，冰室用上的竟然是新鮮的牛肉片，很鮮味，湯上還有新鮮牛肉的精華。另外，牛肉通上還配上薑絲，吃著還有薑的味道和香氣至於蛋治應是即叫即整的，因為我吃完牛肉通粉都還沒來，蛋治入面的炒蛋滿滿的，厚厚的，放進口中還會掉出來，可見用料很足蛋都是十分香滑，麵包也沾了蛋汁，很是好吃。由於冰室很早關門，也有很多人等候入座，我一吃完就不作久留了，讓期待的人試試這份美味的下午茶

星期六下午係上水行兩分鐘都想爆！勁多人，迫到著火，周圍都係戰車！搵個地方食野躲避一下先，排長龍的冰室！好采一個人唔洗等，即刻有，但坐正大門口，坐低 order 再等。各姐姐侍應服務友善殷勤，good。慕名而來，星期六只賣通粉、三文治及菠蘿油。想食雞髀，姐姐表示併供任何小食供應呢，我怕三文治加通粉唔夠飽啊。鮮牛通粉，坐低耐心等左廿十分鐘終於有野食。牛通樸實不華，牛肉鮮而原味無加工，純天然淡牛味及質感。傳統小通粉結實有咬口，沒有彈性的，可口滿意。對面位熟客阿姐話今日湯底有點淡，我都覺，所以試左幾啖都要整羹辣椒油，桂林黎架喎，都幾辣。蛋治焊底，即炒厚滑蛋熱騰騰堅鮮嫩，蛋味突出又甘香，加上多士鬆化非常香口，讚。

偶爾上早班都會往上水逛逛，廣成冰室大約在4點半關門，正好趕得上尾班車。可能是懷舊feel，平日都會有好多區外人士朝聖，自己都見慣不怪。隨意找個位坐低，餐牌上的食物品種不多，大多數人都是食茶餐。鮮牛肉通粉佈滿血絲，牛肉鬆軟但有肉味，下點胡椒粉增添辛勁，多年來水準不變。雞蛋治餡料差不多比白麵包還要厚，蛋香而有蛋汁。凍檸檬茶用上大大粒冰塊，不過太甜了，把檸檬粉碎都不覺酸，可惜，下次都是改要奶茶。P.S : 始終都係紅豆冰出名同好食

假日好天氣去新界踩單車，原來上水除左出名食豆腐花，仲有呢間懷舊冰室入到去真係多人到不得了，好彩早d到，唔洗等位餐廳係好懷舊，連餐牌都有特色，但空間十分迫叫左碗牛肉通，蛋治，同凍檸茶($34)牛肉通d湯多到瀉咁濟，湯裏有d薑絲辟味，好清並不油膩，牛肉熟度岩岩好，唔會韌身，份量都好足，通粉唔會浸到冧哂，味道挺不錯蛋治d蛋炒到好滑 而且係好足料，咬落d蛋汁仲漏緊出黎👍👍👍，好大份，一個人食哂就岩岩好33蚊價錢黎講唔貴，係一個不錯的嘗試，凍飲只係加一蚊咋！！！！係餐廳絕少見到

上水廣成冰室相信是本區幾乎無人不識的舊式冰室，位於舊墟那邊，人流偏少; 可是在其名氣底下，往往也吸引極多人慕名而來，大排長龍。廣成冰室所賣的都是一般冰室茶檔所出售的食品，包括波蘿油、奄列、牛肉通粉、火腿通粉、紅豆冰等。今天吃了一個牛肉通，雖然簡單，但味道還真的有其出色之處，可是卻有點被誇大了。牛肉嫩滑，肉味郁香但未及濃厚，而通粉熟度剛好，還保留半點爽彈不會太淋。奄列半幼滑，唯欠缺蛋香。

冰室 - 呢種食肆喺香港可謂買少見少。有唔少香港人將冰室同茶餐廳歸類為同一食肆，但對我嚟講冰室比茶記多左一份專注，賣野貴精不貴多，傳統冰室食物選擇可能只有二十零種，所以佢地可以好專注咁做好呢啲食物，同時亦因為用料集中，所以食材流轉速度快，啲材料保証新鮮。今日我特登揀左上水口碑好好，開左估計最少五十年嘅廣成冰室試下！室內裝修懷舊風味十足，無論室內裝修，餐牌設計，以至汽水柜呢啲室內應用物品都帶有濃厚六七十年代嘅懷舊色彩！請注意，我當日幫趁時間係中午兩點，室內爆滿之餘外面仲不斷有人等位，以一間開喺橫街頭尾嘅冰室嚟講係超好生意！人氣真係爆燈！我亦偷偷慶幸，我只係喺門口等左五分鐘就入倒去。望住餐牌，數數手指連食品種類包括早餐及茶餐都只有二十一款！選擇少但食客多，即係質素好。我成日覺得食肆貪多務得，會影響質素，專注先能夠確保出品質素。九成食客都叫茶餐，我都唔例外，睇下有乜野咁正，咁多人食先。茶餐 HK$33有牛肉通粉、蛋治同埋熱飲牛肉通粉賣相唔錯，牛肉擺哂通粉上面。有兩條薑絲放面，好似靚仔左好多！聞一下，好重薑味，亦有牛肉香味。湯面有熟牛血，即係話湯係同生牛肉同煮，飲啖先！湯底好鮮甜，有牛肉同薑味

工作中午餐，實在唸唔到食乜，博下呢間上水人氣餐廳有無車位，調到北區做嘢都未食過！去到門口居然有個位，泊好車，門面舊，門旁有個玻璃櫃放麵包，終於入內了，推開有紗罩嘅門，好似入了另一個時代，樓底超高，所以唔焗促，當時爆場亦唔嘈！湖水綠天花板清新，上面有幾把吊扇（雖然已經有冷氣）桌椅加裝飾都可以攞去拍懷舊片！門口收銀伯伯好有笑容，問咗我兩位比了最近收銀嘅一邊卡位我哋！坐低見到牆上陳年餐牌，我散叫了兩樣最想試嘅！食物要耐心等候！菠蘿包（$7）脹卜卜，脆皮甜膩！麵包鬆軟！壓扁了容易食，不過唔係新鮮出爐，麵包唔係店內焗，因為聽到伯伯打電話訂方包！紅豆冰（$23）只可以散叫，賣相一流！冰碎柱慢慢拆解！紅豆好多，紅豆稔身！部分起晒沙，部分又有啲咬口（唔係硬）味道當然甜，奶水好濃，撈埋一齊！好味！牛肉通粉：朋友分了一小碗比我試，講真賣相好恐怖，湯面上全部淨滿了啲濁汁，牛肉上枱時粉紅色，浸入熱湯就變淺啡色，牛肉有喇過，好在唔算過分，仲有牛味，薑絲可以僻腥，唔會辣，通粉少許彈牙，湯底幾濃！整體ok!蛋治：朋友食，蛋餡厚到離譜，一路食一路跌！店員比想像中有禮，上菠蘿包時會叫我壓扁食，收碟又會問一句，伯伯對食客

小時候的美食 … 紅豆冰, 廣成做得出色 , 味道就係小時候的食的一樣. 今次試多了廣成公司冶, 同西餐廳及一般茶餐廳食的完全唔同, 幾得意, 不過, 都係較喜歡西餐廳的.  紅豆軟硬度適中廣成公司冶 - 係兩塊多士夾了不同的餸再切十字兩刀, 幾得意