廣成冰室

營業中

休息中

從未試過如此差劣的服務，話說今早兩公婆去食早餐，我的食飽但老婆的只來杯餐飲，等足一小時還未來，開始不耐煩了，問了三個侍應，只回答來緊來緊，永不去問問，終於忍不住，走人！相信是太多人光顧了，沒服務、質素持續下降也沒有怕，那怕你永不再來！

假日2點幾食個下午茶，預左要等位。結果等左大概15分鐘，接受到👌🏻入到去叫左菠蘿油，紅豆冰，常餐配蛋治，熱奶茶。菠蘿油($12) 先到: 無特別，唔夠熱，因為係整好哂擺出去鋪面。所以不用試都得。紅豆冰($24) : 多紅豆，好味道，但相對少少貴。常餐-牛肉通粉配蛋治 加熱奶茶 ($35) : 等左大概20-25分鐘先到通粉加左辣醬，惹味的(不過搞到之後食蛋治時無乜味道，所以奉勸唔好加太多haha) 但個牛又好似無乜味🤔。蛋治夠滑多多汁，蛋香味....可能我食太辣搞到無味😭PS:辣醬無匙在內，建議可放小匙在內方便食家

有日我問上水朋友，有咩係上水食，又有特色，又唔會係出面食到？因為好似快餐店果D咁，全香港幾乎都食到，一D特色都無她就二話不說，叫我明天下午去搵她，她同男朋友一早坐的士係門口排緊，我們排左都過30分鐘，終於入到去！後面仲大把人等緊。一入到去，真係好OLD SCHOOL 的冰室裝潢，座位都會有點逼。冰室顧名思義係黎飲冰，佢呢D出名沙嗲牛肉麵、蛋治、紅豆冰，今次唔太餓所以只點蛋治同紅豆冰，她們超級推介，就真係要試試。蛋治一睇就知好厚底，蛋未完全熟，還是半生熟的狀態，好多人都愛半生蛋可惜...我就有點怕生，成個包都好濕，蛋都算好滑，不算太重蛋腥味，應該好多人都愛不過我最欣賞係杯紅豆冰！哇！差不多30CM高(估計)！有點不知從何入手，又怕佢D冰會跌下來，裡面的紅豆煮得好"林"又多，奶又香又滑，比例沖得剛剛好，呢杯野真係抵飲。

今次慕名而來尼到上水，想飲下好多人講既紅豆冰山 尼間冰室離火車站幾遠下都搵左陣，大熱天時真系行到身水身汗，三點幾去到個到拎兩個人位大概等左十分鐘左右 門口有櫈仔坐住等都還可以入面冇乜冷氣，風扇多 尼排氣溫咁高都真系要嗌杯冰餐牌要睇牆上面，價錢牌有D襟住左個名，我諗應該轉左幾次價 今次坐得遠貼近佢地個水吧，眼力冇咁好都幾辛苦，最後冇睇到就咁嗌左最出名既紅豆冰同蛋治第一次飲紅豆冰山系幾爽既，加上座冰山下面真系堆哂紅豆，賣相都幾特別，D冰一邊飲一邊融感覺杯野大杯左我覺得用粗飲管會好D，成日又飲唔到紅豆又要塞住左，下下用匙羹畢都幾煩幾無癮至於蛋治都系第一次食左咁多料多到爆出尼咁制，雖然好普通既野但系咁大啖食D蛋都幾滿足因為索性冇睇餐牌嗌，個價錢接受到但都覺得有DD貴 蛋治18蚊紅豆冰24蚊我諗都應該加左價關係，比我下次應該都唔會走咁遠食多次

2372016 山長上水遠通常舊冰室嘅嘢都唔太好食，去親都係預咗食個景就算。除咗上環海安，上水呢間嘅景加嘢食都唔錯，總算冇嘥腳骨力👍 閒日tea time黎到即刻有位。茶餐($35，凍飲+$1)：①牛肉通，啲牛冇根，軟硬適中，清清地。 ②蛋治(右)，超！多！蛋！ 記得自己加鹽啊。③凍朱古力，好滑，甜度岩岩好。茶餐抵食👍公司三文治($32，左)：底至頂👉碎牛、叉燒、火腿、蕃茄、蛋。足料到爆哂出黎！雖然好味，但咁嘅size好似唔太值32蚊🤔Ps. Dowhatgood 1歲生快🎂沿途請小心水貨蝗：8/10-點去：上水站Exit A3，出站後沿馬路車頭方向步行約8分鐘。

一直未有專程去上水呢個地方搵食，今日就碌入去飲個紅豆冰先。廣成冰室，老舊既門面，牆上掛著老舊的餐牌，食物款式不多，受歡迎既主要係蛋治、菠蘿油、牛肉通、紅豆冰。而今日既目標只係紅豆冰同菠蘿油。紅豆冰賣相的確係特別，好多紅豆，不過由於係冰塔既關係，剛送來既時候唔夠凍，要攪多幾攪先開始凍。菠蘿油口感實在，但因為有比較，只覺得一般，假如新鮮熱辣可能會高分少少。下次還是試蛋治+牛肉通粉好了。

我們由官塘出發來到上水正正是午飯時間，我們雙重好運先搵到車位，輪候時間唔使 10分鐘。內裡環境一個字形容「迫」好彩我夠瘦坐係相當窄既卡位都未致於被夾死。冰室只賣兩款套餐，絕對系吾休做嗰隻，串絕全港。而且餐茶吾可以轉紅豆冰，我們山長水遠黎上水都系為呢杯紅豆冰，所以連餐茶都吾 要，直接點多杯紅豆冰。有選擇是最好的, 有plan A 自然有plan B。Plan B 是一般茶餐廳吃到的食物配搭大致相同。牛肉通心粉 因為如入薑絲令味道多點層次，牛肉保留咬口，通粉也有QQ 感，唯獨湯底味道欠奉。一拎起件「雞蛋三文治」已經知道相當對板，麵包鬆軟綿密，炒蛋金黃蛋香味濃，最重要是炒至半凝固狀態，超正。散叫兩杯「紅豆冰 」當耀眼的冰柱紅豆冰奉上時，我開心程度就如兒時爸爸帶我地幾兄弟姊妹去茶餐廳一樣，當時有得去茶餐廳食野, 我已經好滿足, 雖然唔可以任叫, 但我就人細鬼大, 喜歡喝大人飲品「熱奶茶」。爸爸為免我喝過奶茶後晚上會失眠，所以通常會直接點杯紅豆冰比我, 而我對「紅豆」的熱情亦由當時燃起來。廣城的紅豆冰是我見過在本土最有誠意的作品。無論外形和味道也是一絕舊式冰室的高身冰杯內以是圓錐三角形冰柱蓋頂，

作為北區街坊既我，偶爾會黎廣成開餐，大大話話都食左成十年，水準都依然KEEP到，每逢假日必定大排長龍，坐無虛席，茶餐由之前廿幾蚊賣到現在要$35，但比起茶餐廳一個早餐都$30，呢度既全日茶餐仍算物有所值。全日茶餐，可選菠蘿油/蛋治/奶油醬多+牛肉/火腿通+冷熱飲。 我既鐵膽係，蛋治+牛肉通，蛋治既雞蛋超厚身，蛋味濃，加上軟熟既方包，可以加少少鹽調味，正~ 牛肉通既湯頭夠清，有少許薑絲，牛肉唔靭，亦無鬆肉粉拿過，加上少少胡椒粉，更能帶出牛肉味。區外人多數會來飲冰柱紅豆冰，無得跟餐，只可散叫，$24，造型夠呃Like，但味道與一般紅豆冰無大分別，未試過一試無妨。

熱得好緊要...但經過開上水.又見到有人話好味...所以點都要行去食!一去到勁多人等左差不多15分鐘之後入到去我嗌左杯COT同埋蛋治...但個姐姐好攪笑....唔比我嗌COT好似想..一定要我嗌紅豆冰..仲同我講【我地紅豆冰咁出名你真係唔嗌呀】我答佢【我唔飲得奶呀...你比COT我得喇..】【真係唔飲?】【我真係唔飲得呀..你比杯COT我好冇?】之後等左差不多15分鐘先有個蛋冶...嗯,究竟用左幾多隻蛋？但,不過不失 啦~~~我一食就只係覺得只不過用左幾隻蛋去整既蛋冶....蛋好油....基本上麵包都比油整到腍哂=.=好似KEEP住連埋D油食落肚咁濟...

冰室，即販賣雪糕，冷飲的場所，後來逐漸轉型，就成為現在的茶餐廳。走進廣成冰室，只係路過想搵野醫肚既無心之舉，但入到黎，就不期然想食番啲茶餐廳既必食之選。包括並不限於，蛋治，菠蘿油，奶茶。蛋治是茶餐廳必備的，雖然我自己較喜歡炒蛋多士，今次食的蛋治，蛋並不算炒得很滑，但有份量，白麵包亦柔軟香甜，算是還可以。飲一啖茶餐廳奶茶，滑而香濃，幾有驚喜! 至於菠蘿油，包體比較結實，牛油略薄，咬下去時香甜而脆，軟而溫熱，然後有冰涼的牛油融化其中....嗯形容得好好食，其實實際上，有七分啦。未算係最好食既，因為個包唔夠熱。

早一排入左上水，去朋友新居睇睇，雖然係新樓，不過好細，買樓都係唔岩我嫁啦之後佢帶左我去食野，去食冰室，估唔到要拎飛排隊嫁排左成３０分鐘，終於入到一黎就試左佢個菠羅油，個包係幾脆，牛油都幾香，又夠熱，不過無驚喜紅豆冰就好正啦，唔多冰之餘，鍊奶同紅豆份量仲好成正比又滑又香，到最後我食曬ｄ紅豆，第一次咁激動咋

沒有明仔還有成仔，星期一明記腸粉無啦啦無開門，唯有轉場廣成呢，我仲專程行到老遠想試炒麵同魚肉燒賣添，失望而回。火腿通粉，唔知點解口快快叫左腿通，其實想叫牛通，可能由細到大食腿通最多，已經深深烙入潛意識中。傳統通粉不是即食通粉類，依舊不怎有彈性，質地粉口而厚身，原始懷舊風格。侍應嬸嬸話係牛湯低，但清湯底淡如水，完全食唔出有牛肉味道，所以立即要加辣椒油救命。嘩，依隻桂林辣椒油咁辣既？什麼牌子來的？額頭有少少冒汗，但夠晒惹味刺激，爽乎。蛋治焊底，多士香脆聽得到扯開時既聲音，非常美妙動聽！厚蛋熱辣辣滲著微微蛋汁，可以再生少少再嫩滑少少。清爽蛋味併上香口多士，滿意！如果牛油能夠添多一點點就更香更美味啦。其實 menu 真係好細，無咩選擇，對廣成自己當然好做又易控制成本啦。只有通粉、火腿、雞蛋、鮮牛、菠蘿油、三文治。無即食麵、無意粉、無餐肉、無咸牛、無雞髀、無雞翼、無沙律。但不知為何會受到大眾追棒，人氣急升！可能大家都想懷緬一下惜日香港既繁榮，實而不華既光境。

四年前黎過一次，今日心血來潮，再試下其實已經唔記得四年前覺得點中午去到，好多人排緊隊，都等左廿分鐘到....環境就一定逼既啦，動作都唔敢太大幅度兩個人叫左一個常餐+菠蘿油+菠蘿冰1）菠蘿油：牛油不是好厚的那種，菠蘿包唔會輕飄飄，比較實，都算係有誠意既2）菠蘿冰：菠蘿份量真係好多，而且舊冰整到好高，幾得意。味道就.....只係將罐頭菠蘿既菠蘿切細佢，然後加埋罐頭入面個d汁3）蛋冶係成餐既主角： 個包好軟，加左薄薄一層既牛油，仲有厚厚既雞蛋，雞蛋炒得好好食，好滑，係好足料好好食既蛋冶4）牛肉通粉：正常既通粉，牛肉煮到岩岩好，見到粉粉地，加左少量既薑絲，味道幾特別，有種食牛肉羹既感覺

去上水做嘢，搵地方食lunch ,搵到呢間勁正嘅冰室！火車站行過去少少遠，不過都值得熱奶茶好夠熱，有茶香又夠滑，真係好正！蛋治有厚厚的蛋，滑嘟嘟，仲有好香蛋味，熱辣辣，面包又軟熟牛肉好新鮮，嫩口唔會韌，最香係d薑絲味，去腥味之餘又香，通粉好實淨，唔會浸到又軟又爛最正係菠蘿油，簡直冇得彈，食到細個果陣味！個包密度好高，唔會好似而家d包食落好似食空氣咁，個脆皮脆得來實淨好多，加埋我勁鑽意食牛油，令我回味無窮！

入黎廣成冰室就係為左呢杯紅豆冰!裝修非常懷舊!呢杯紅豆冰賣相不得了,個樣同我想當年飲既一模一樣!有支三角錐形既冰插喺杯,D紅豆份量成個杯咁多,粒粒大大粒,咬落去非常有口感!唔太淋!味道剛剛好!唔太甜,無遮蓋紅豆本身既清甜味道!椰奶同紅豆既份量配合得十分好,椰奶有椰香,與紅豆一齊mix埋後,喺炎炎夏日下歎到呢杯紅豆冰真係非常幸福!