廟街冰室 (已結業)

之前見唔少人盛讚廟街冰室嘅叉燒，就嚟咗試佢哋廚師推介——黯然銷魂飯啦。都唔轉彎抹角，個飯真係唔得。😨 黯然銷魂飯 $58碟飯嚟到我面前嘅時候，真心嚇咗一跳。影呢張相嘅時候我已經執過吓啲食物嘅擺位。一直都好想講，黯然銷魂飯唔係等於叉燒煎蛋飯，黯然銷魂飯之所以黯然同銷魂，係因為會食到家燕姐暈低咗都再流眼淚，流眼淚係因為加咗洋蔥。成碟飯都無洋蔥，又點黯然？點銷魂？好，入正題。啲叉燒真心世界級，厚度平均每塊1-2mm，師傅刀功真係一絕。本身已經係嚡口嘅瘦叉燒，再薄切再燒真係搞唔掂，有幾塊直頭係乾柴到燒燶煙肉咁，以為食緊嘅係豬肉乾同豬肉紙。煎蛋有兩隻，係熱辣辣嘅，但無得篤爆佢流啲蛋黃落啲飯度，已經敗北。幾棵白菜仔好爽口，煮淋啲會更好。最後都有要讚嘅地方，就係個甜豉油幾香口。

在今時今日的香港，茶餐廳也好，冰室也好，都是藍色的居多，黃色的只是少數，好像「龍門」、「光榮」等旗幟鮮明的冰室，不是沒有，而是少有。原來在佐敦這一間冰室，竟難得地是間黃店，實在意外。冰室走懷舊路線，牆上的經典圖案紙皮石牆磚和多幅廟街風貌的照片，一面牆上繪畫的一位穿上了旗袍的女士，都著力營造出懷舊的氣氛。我吃的是下午茶中的「洋蔥豬扒飯」（$42，凍飲+$3）。雖說是下午茶，但份量不少，大大一碟，豬扒也夠大件。橙色的茨汁稠稠的，酸酸的，正是港式茶餐廳和冰室的拿手好戲，味道算不上出色，卻夠開胃。大大碟的港式碟頭飯，加杯冰凍的「凍檸茶」，這頓下午茶，肚皮，得到滿足；心靈，同樣得到滿足。

係佐敦廟街內的懷舊老冰室， 店內好有懷舊feel，有小型霓虹光管做裝飾，有懷舊壁畫，多張老香港照片，感覺好特別!食物質素可以，但店員態度有禮親切， 而且價格合理，可以推介!

LUNCH時間，又是開始在佐敦搵食～沒有目的在廟街上打算隨便找間餐廳解決時，就被這間冰室的裝潢吸引住😍在門口看到下午餐都很想試😫裝潢非常懷舊風-至尊銷魂飯（3/5）看MENU時就已經被銷魂飯吸引了🥺，是餐廳的推介菜式所以一試整體中中等等，最重點的叉燒覺得很乾但醬汁和其他配料搭救了，所以還是OK-叉燒炒滑蛋飯（4/5）雖然外貌用料平常，但整體意外不錯滑蛋也很滑，叉燒不知是否因為蛋的加乘？沒銷魂飯的乾但也沒到很JUICE-瑞士雞翼撈麵（3/5）看到大部份食評都說下午茶不錯下次會再試🥺🥺

下午茶時段嗌咗炸雞翼拼西多士~跟餐有熱飲送，嗌咗杯熱奶茶。整體嘢食唔錯，尤其西多士好香口，厚度同脆度啱啱好。炸雞翼味道正常，唔油膩，如果可以再熱返少少就會更好啦⋯⋯奶茶幾香滑同埋夠濃郁👍🏻見佢下午茶時段人流都好多，幾乎坐滿晒位。個人覺得整體味道同埋環境衛生都唔錯 同埋坐得幾舒服～ 算係同區入面唔錯嘅選擇。

台式肉操大碗飯嘅瑞士雞肉肉操飯極力推介，又抵又好味😋如果大家鍾意台式肉操飯，我哋推介你去食仲有紅酒牛尾飯，超級好食都係好抵,飯有多極力推介服務質素同埋環境都OK， 10分滿意

門口大大個霓虹燈招牌，環境光猛夠大，食物味道方面就中規中矩，正正常常。.🔸皇牌瑞士雞翼撈麵($48)分數: (6.2/10)撈麵睇落冇乜色水，食落唔夠入味，瑞士雞翼夠味，但肉唔嫩，配火腿炒滑蛋，多士，不過不失。有樣好嘅係，佢熱檸蜜唔會當你特飲，唔使專登加錢。.🔸香煎豬扒肉燥飯($57)分數: (6.9/10)味道可以，好大碗，好抵食，豬扒好大塊，肉燥都好好送飯。配幾條菜感覺健康啲咁。.普通食個飯可以，但係唔會專登再嚟多次。

今早（18/10/2020）來佐敦，見這餐廳門面幾特別及多人食，便一行三人來食個早餐。餐廳入面，唔係幾大，剛有一枱客走，唔駛等，就有位，坐下時差不多十一點，早餐至十一點，多次催促侍應都未能落單，因只得一位女侍應，除堂食，亦有外賣，落單、執枱、上菜及收銀，只有佢一個，接近十一點二至落單，侍應講已過早餐時間，做埋比我哋。早餐款式唔多點了例牌雪菜肉絲米粉，不過不失沙爹牛肉麵，睇相都見，麵未熟透，好硬，唯有浸下，先食多士及火腿煎蛋。腸仔煎蛋配芝士火腿飛碟，賣相麻麻，還可以啦

行下行下見到呢間小店幾新淨，就入去試試。估唔到熱辣辣嘅廟街，都竟然有甘舒服嘅茶記，又有闊落卡位，應該係新開的。黎得茶記當然幫襯下小炒啦！叫左2個小菜套餐，西蘭花蝦球同椒鹽鮮魷。啲份量好足，湯大大碗，幾好飲。白飯直情一碟上，大男人都一定夠飽。而且上菜好快，全部都係即炒熱辣辣上枱的，唔係翻煮，味道都岩岩好，唔會食完好口渴，個蝦球好爽好惹味，魷魚都好新鮮，唔會un，啲炸粉又唔會太厚，剛剛好，價錢又唔算貴，值得推介。

在佐敦廟街做餐館，開門容易，但係要站得住，就唔簡單了。今日偶然發現了一個裝修不一般的廟街冰室小時候細細粒階磚仔砌成牆壁灰色溝墨綠是非常古典風格的現在灣仔都唔易搵的霓虹光管燈飾仲有忌廉溝鮮奶疫情影響下古董餐牌畫框加上一塊隔離膠板怪怪地卻有種風格。這裏設最低消費19$一個人早餐最平35$一個麥皮加西煎雙蛋牛油多士的早餐則收38$煎蛋普通過普通無什麼地方特別靚油多也是用人造牛油不是鮮牛油我最喜歡牛奶麥皮在廟街食到麥皮簡直係天堂煎蛋外觀雖唔靚仔然而我最中意放隻生熟蛋黃落麥皮上混著這樣吃滋味無得彈是小時候的神秘口味。檸檬茶色水可以，都夠濃度 ，連焗飯都係懷舊feel看看周圍，古典浪漫满屋，很難想像的廟街風景！😂

叫咗碟滑蛋叉燒飯佢哋炒蛋真係做得唔錯 食落去幾滑仲要有蛋味最緊要係唔會為咗令到啲蛋滑啲 煮到好生咁佢哋個豉油汁係美極嚟嘅 個浸甜味吊出嚟都好正唯一比較失望係我覺得叉燒有啲太瘦 食落有少少柴口嘅感覺 可能我食得太重口味😟-跟住仲有叫多個邪惡菠蘿包揀咗鹹牛肉炒蛋做餡🤣先講吓菠蘿包做得唔錯 外脆內軟上碟前有再焗熱過 甜甜嘅麵包內裡好鬆軟中間夾住嘅鹹牛肉炒蛋都正正常常一甜一鹹嘅配搭好新鮮 如果鹹牛肉份量多啲會再好啲整體上都好味既但係食到後面會有少少膩 最好就搵個人share啦-另外仲有加左叫咗杯紅豆冰呢個真係有驚喜呀 紅豆有成半杯咁多😍紅豆都唔會煲到爛晒 配埋淡奶真係童年嘅回憶😛

【黃店 💛 】​🉑：外賣自取8折／佐敦區內外送9折​⭐ 評分: 8.5/10 ​ ​———————————————​呢間茶記裝修好肆正，重點：叉燒炒滑蛋真係超有驚喜！​——————————————————
​▪️ ​ 叉燒炒滑蛋飯 ($56)​▪️ ​ 下午茶：豬扒包餐 ($34)​​無諗過係內街，2點去到都要等一陣先有位！見到餐牌有叉燒滑強飯，即叫！嚟到估唔到係超大的碟，估計有2.5隻蛋，無諗過叉燒仲要厚切，上面淋上甜豉油，熱辣辣好吸引。一啖連肉、蛋、飯放入口，甜滋滋嘅豉油加上超嫩滑嘅蛋，叉燒有啲係半肥瘦，有啲係瘦叉，但全部都好鬆化，甜甜鹹鹹咁，唔會乾柴！豉油份量啱啱好夠送飯、唔會過多令到啲飯淋晒、呢個滑蛋程度，以茶記嚟講係超額完成，有蛋汁、入口化開，但略嫌不夠蛋香。Anyway都係好驚喜。​​跟餐叫咗凍檸茶，去到邊撚到都要飲凍檸茶嘅小pin，覺得呢度嘅茶底做得唔錯，帶點微澀，叫少甜真係有少到，呢樣嘢雖然聽落簡單，但飲開檸茶嘅就會知，唔識沖真係可以好撚難飲。​​另外仲叫咗個下午茶，豬扒包大大個、上枱微暖，可惜包身無烘過，唔硬身、唔脆口，呢個位有點失望。包入面搽咗千島醬，一咬落去咇到成塊面

🍴炸脾拼西多士 44 蚊🐥炸脾 炸得好薄脆 皮下既肥膏唔算好多🔥 雞脾肉肉質算幾彈牙 雞肉味一般 整體中上， 多士 外皮幾香脆 入面既包幾軟林 點 d蜜糖同牛油已經好正🍯🍴xo醬豬扒炒公仔麵 44 蚊🐖🍜大大塊豬扒 豬扒口感幾彈牙 豬肉都夠 juicy不過肥膏外左 d . 紅椒芽菜芝麻洋葱一齊炒得夠香口 公仔麵既XO醬夠入味 夠乾身 公仔麵夠彈牙 好食🐷#公仔麵 #xo醬 #西多士 #多士 #雞脾 #炸脾#茶餐廳 #冰室 #黃店 #黃色經濟圈 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻生Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#廟街冰室九龍佐敦西貢街2L地下 a b鋪~~~~~~~~~~~~

廟街其實好長，一條路都幾多唔同特色，睇你邊一段，遊客會去買嘢，當然都會去食嘢啦。廟街終於有間唔錯嘅冰室，下午茶時段都多人，都係熟客多。我主要就買外賣，依家外賣都幾好，可以分啲俾家人，大家一齊俾食評，又唔一定要買多份。店員好醒目收埋自己，等我可以影相。午餐會賣哂，留意番。幾特別嘅裝修，有啲hashtag牌，係冰室重點。又係沙嗲牛肉麵，好偶然可以放肆一次，牛肉都幾多，又夠哂味。拿，再重申，我唔整圖！你問點解張相咁「靚」，唔該問Apple同陽光。多士炒蛋正常奶茶香滑，無投訴。

最近喺佐敦發掘到一間懷舊冰室，下午茶時段抵食大份，性價比頗高 朱古力雪山西多士 ($35) 係淋上朱古力醬同灑上糖霜嘅一口西多士。麵包切粒後炸，令酥脆表面比傳統多士增加，適合鐘意香口小食嘅食客。西多士按照舊式做法無夾花生醬，味道主要黎自雞蛋、朱古力醬同糖霜，比較甜。口感方面，炸多士略乾，食到尾凍咗會偏硬，不過勝在炸嘅時候麵包無吸曬d油變得油膩。邪惡菠蘿包 ($30) 可以配搭咸牛肉、餐肉、炒蛋其中兩款。以鹹食夾入甜包，味道有對比，幾特別。菠蘿包外脆內鬆軟，可惜中心嘅氣洞略嫌太多，咬落偏軟，應該更扎實入口先會比較實在。咸牛肉炒蛋正常水平，夠香夠嫩滑，不過稍為油膩咗d，令麵包吸咗唔少油。涼粉紅豆冰 ($24) 味道偏甜，特別係紅豆，單食實在太甜，搞勻混合淡奶再食會相對平衡一d。至於口感，涼粉夠爽口，紅豆亦軟硬適中，軟糯得黎保留咬口，煲嘅時間掌握得唔錯。