廟街冰室 (已結業)

店面復古夠情懷，試了個早餐B，發揮比預期中好，奶油豬食落去感到很用心整，牛麵一般啦$34元唔敢要求太多，至於杯咖啡...我就是由藍田遠渡而來再試它的風采，果然沒令我失望，很有水準。估計這家店在該區人氣一定挺高，已過了早餐高峰入座時十點幾只有3台客，不出10分鐘，全場滿座，來外賣的人也不少...加油！不失為一間好店。

日常便飯日🍚🍛今日去咗位於油麻地廟街一間冰室，充滿老香港冰室風味，門口掛滿彩色霓虹燈，裡面有冰室經典磁磚牆壁。 係茶餐廳尼講算坐得舒服。餐廳雖然唔大，但係座位坐得舒適，而且設計別緻。餐廳嘅餐單選擇包羅萬有，有常餐，蕃茄通粉，公仔麵咖哩心、全日早餐，扒餐西餐等。雖然係茶餐廳，但係就有西餐嘅服務。店員服務殷勤，雖然人多，服務都唔錯。落單到上菜都唔算好耐。用餐之前仲有合掌瓜豬骨湯飲😋😋，豬骨味道香濃，用料豐富，有杏仁片，紅蘿蔔合掌瓜同豬骨，雖然係附送，但係絕不馬虎。🌟椰汁咖哩焗飯（$44）🌟首先嗰個椰汁咖哩焗飯超香超惹味，雞扒脆卜卜，仲有焗薯青椒同埋拉絲芝士等等嘅配料，而且個椰汁咖喱醬超香。🌟乾炒牛河（$52）🌟乾炒牛河夠鑊氣，配料十足，有韭黃，牙菜，牛肉分量亦多絕對唔吝嗇。調味啱啱好，味道中上。雖然食物質素未去到哇一聲，但係從入去用餐到埋單過程都超流暢。價錢實惠得尼，選擇好多，服務又唔錯👏可以再幫襯

啲嘢食等好耐嗌隻雞髀等咗半個鐘之後炸咗出嚟唔熟再等 結果等咗超過一個鐘 又漏單 叫咗一次又漏多次啲嘢又唔係特別好食 仲有嗌咗乾炒牛河下午茶餐但係冇乜味唔係特別好食真係好惡劣……..冇咩事奉勸大家唔好過嚟😃😃

走過廟街，唔小心做左個小遊客。位於廟街一旁嘅廟街冰室裝修好新，但卻走復古路線，牆上貼左多幅相展示住昔日嘅廟街，賣嘅野食都係地道茶記嘅菜式，仲有例湯送，價錢實惠。

唉！第一次去就中伏、午餐飯爛飯無牙都吃到，好失望！煎蛋不會流心！自己煎仲叻過佢廚房，奶茶少奶，真係少奶但茶膽苦的，唉⋯為什麼不會換茶袋才沖比顧客。洋蔥汁得顏色，浪費了$50元，裝修係懷舊，尚算ok…但食物味道就太失望。

依間舖頭真係好瘋癲之前都試過一次 畀多次機會佢 點知道越嚟越過份 畀啲生豬肉人哋食㗎大佬 唔係一次咁簡單 上次七八成生 而家三成生 豬肉檔牛肉？一壇嘢真係畀人砌生豬肉囉跟住張單 有冇電話號碼 去openrice搵佢電話 直情係冇用戶登記 咩餐廳嚟㗎 算數 咁我再去嗰間舖頭 換咗佢 點知 咸到 要洗腎定係今日廚房佬唔開心呀 搞到我哋啲客人 食埋啲砌生豬肉嘅嘢

今日放假出黎行街 午飯時間就到左附近嘅廟街冰室食晏過黎嘅時候已經差唔多2點店內比較少人 唔洗等就可以直接入座望望個餐牌 決定叫個午餐A1. 洋葱汁豬扒煙肉意粉茶記碟頭飯 不過都有幾樣野值得讚洋葱汁甜甜地 有陣甜蕃茄味豬扒大大塊 肉嫩唔乾靭煙肉就冇乜特別 不過有少少唔夠熱意粉好淋身 唔夠爽餐飲要左杯熱檸水 正常發揮埋單48蚊 正常茶記一間

今次繼續介紹值得更多人認識既黃店，廟街冰室😛-呢間冰室裝修好新淨，weekend下晝去都淨係坐左兩三檯客😕我order左個常餐 有雪菜肉絲米、炒蛋、煙肉同多士💛-我個餐本身係無跟湯既，但佢都有送左碗例湯，D員工好nice🙈碗米比預期既大碗好多，勁足料! 炒蛋好話，個多士都好香牛油味😻-整體呢間茶記又抵食，味道又唔錯，但去左兩次，兩次都無咩客，覺得有D可惜，推薦大家去幫襯下💛

💛廟街冰室·皇牌瑞士雞翼撈麵 l 火腿炒滑蛋 l 牛油多士 $48廟街菠蘿包拼火腿奄列$29佢個撈麵幾好味既 麻油味幾香 而且麵質剛剛好 不過就唔係好夠瑞士汁🤣🤣之後個雞翼我自己覺得有D滷得太耐 所以個皮已經淋晒咁 反而佢個火腿炒蛋炒得好滑好好味😌之後個菠蘿包就一般般啦 佢唔算話好香 而且都唔係特別鬆軟咁 可能叫邪惡菠蘿包 中間有D餡會好味D🤣🤣

廟街而家變左好多喇! 唔再係遊客樂園,慢慢變返好多都係開餐廳冰室~呢間新既!茶餐廳風格,晚市食小炒小菜咸蛋蒸肉餅,椒絲通菜炒牛肉 送老火湯 跟熱飲新鮮豬肉打成肉餅加隻咸蛋同埋蔥花蒸,口感鬆軟不死實 食起黎仲幾有肉汁添!肉飯汁撈飯一流,唔怪得佢咁大球飯喇!真係食得曬~幾好食!通菜炒牛肉 少少辣幾惹味, 通菜份量都多既,但要襯熱食,唔係會變淋身~牛肉都夠軟淋老火湯好足料,有瓜同蘿蔔好甜!佐敦西貢街2L號地下A及B號舖消費$200

廟街冰室一聽個名就知係廟街，黎開廟街點可以唔黎試試呢？香港人真係永遠唔會食嫌茶記環境都好有舊香港既特色紅豆冰，有d偏甜，味道一般般 .. 凍檸茶，都係一般水準，記得嗌少甜沙嗲牛肉公仔麵常餐牛肉幾新鮮，唔係雪藏牛肉，不錯的常餐同男朋友一人一個沙嗲牛麵，火腿奄列加牛油多士火腿奄列幾好味，蛋唔會太生，火腿絲亦都好足料火腿炒蛋，呢到既蛋就炒得岩岩好嫩滑，唔會太熟亦唔算太油膩，不錯不錯最尾埋單2人$103,午餐黎講尚算okay, 唔算太貴不過留意到衛生程度有待改善

今日約左朋友去玩blouder, 玩之前黎醫醫肚，隨街搵左呢間廟街冰室，一入去就感受到好八十年代既香港味道環境裝修幾靚，我地坐到卡位，都好闊落嗌左2個常餐咖哩牛肉麵，一個跟火腿奄列，一個跟火腿炒蛋，仲有配半塊厚多士，份量十足。 我地加左5蚊一杯紅豆冰，不過味道麻麻地，好甜牛肉份量多，都還好，但有幾舊有d韌。奄列同煎蛋都好味，蛋味好濃，連埋火腿食好味，唔會太油。不過衛生程度就要改善下，d杯有d污糟 ...

呢排多左出街食飯，今日想食下茶餐廳廟街冰室唔係係大街，平時我都唔會行入黎呢條街，不過上網查茶餐廳見到好評幾多，專程行入黎呢條街食門口妹妹幾有禮貌，見到我地入去就有禮貌咁招呼我地，安排左我地坐卡位食物款多，價錢中規中距豉油皇炒麵份量多，料嘅比例都多，麵質乾爽唔會食完成個碟底都係油，唔錯唔錯薯條大碟脆卜卜，我鐘意粗薯條多過幼薯條，感覺上薯仔味濃啲最後成左個半鐘，全程都坐得好舒服，估唔到茶餐廳都可以有咁好嘅享受

同老公途經佐敦，經過門面帶有懷舊的茶餐廳，店內裝潢經典懷舊，牆壁是用復古紙皮石的，掛有一些廟街夜市相片，還有一些色彩繽紛的燈箱，幾有特色。 可能樓底較高，導致冷氣不足，風扇跟燈光的距離不太合適，整間店有點閃爍的效果，令人坐立不安，有點失色😟瑞士雞翼拼沙律$36瑞士汁味夠，但肉質不夠嫩滑，還可以啦炸雞脾拼西多士$44生炸雞脾碎上，賣相不討好，沒有任何醃製，沒有味道，普普通通啦😅西多士都是普普通通，糖漿都沒有跟，感覺失色。

裝修懷舊風但其實係新式茶餐廳瑞士雞翼撈公仔麵常餐比想像中飽😆😆公仔麵係行偏甜路線，雞翼唔算滑但起碼唔乾，都入味多士就hmmmm 唔好有期望，火腿奄列好油🤨凍奶茶有啲失望