廉記冰室 (環翠商場) (已結業)

午餐光顧了一個茶餐，名叫男人的浪漫顧名思義茶餐中比較多肉一個菠蘿油火腿奄列，雞扒腸仔米粉，一杯熱飲重點：1. 菠蘿油中的牛油有一股雪櫃味，懷疑是放了很久2. 火腿奄列中的火腿是用國內的牌子，和國內的火腿腸味道是一樣的，有一股難以形容的味道，餐廳將價就貨缺乏誠意3. 雞扒沒有味道湯底偏鹹4. 檸檬茶亦是沒有茶味，相比其他小店差太多總括餐廳的服務態度正常，可惜食物質素欠佳，以一個$60的茶餐為例性價比極低

呢間野一直好欣賞佢菠蘿包以前成日堂食，疫情下叫多咗外賣，係嗰啲外賣app 擺明貴咗$20一個餐都照嗌，會湯、麵分開送，但發現外賣自取竟然唔會咁做，試過兩次返嚟d面漲晒，大佬啊，唔係住你上面，都要坐mini bus, 15-20 mins 返到家，你個餐都唔平，成$70，同我慳呢啲...真是唔該晒！依家出去食茶餐廳間間都免費分，打去問話要加兩蚊...咁樣好失望，面漲哂搵鬼食，又唔是平～ 唔改善唔會再食！

黎到柴灣，想睇下柴灣有咩食，睇到環翠商場試下呢間，入面滿座，有位女性扎辮的好冇禮貌叫我出去等，等幾分鐘，入到去坐低嗌左個早餐，火腿通粉，炒蛋，熱奶茶，入面有賣麵包既位置賣麵包的，有菠蘿包。。。。等等，幾分鐘黎到個通粉有小小凍又冇味，舊蛋都係凍又係冇味，杯熱奶茶吾熱又係凍既冇奶，冇茶，奶水咁，飲到想嘔，食左小小已經吾想再食，真係從來未食過咁差既野，總之叫其他餐可能好過其他餐，咁難食既野，絕對吾會再有下次！

呢日行完山落到嚟柴灣已經三點，好肚餓要搵嘢食醫肚先。😂我哋好少黎柴灣，唔知有咩好食，見到有間冰室就去試下。🥢焗芝士忌廉海鮮意粉-配料有點奇怪，有仿鮑魚，而且白汁無咩味道，整體感覺不是我杯茶。😔🥢吉列豬扒配沙律-豬扒很硬，沒什麼味道，而且要很用力才可切開。😣-沙律就是一般罐頭雜果，味道還可以。🥢熱檸檬茶-正常茶餐廳質素，不過不失。🏠 廉記冰室🛤️ 柴灣華廈街2號環翠商場2樓205店舖📍 港鐵柴灣站B出口，步行約4分鐘

一黎到外面就已經係好大塊落地玻璃嘅鋪位，入到去樓底超高，同一般茶餐廳唔同，感覺空間感好大好強，而且好多枱，環境都好大，所以食得好舒服睇埋餐牌，早餐好多選擇，價錢中等，唔算平又唔係貴，而且有健康麥皮餐，一般麵餐，特色菠蘿包餐，選擇困難症人仕唔岩我揀左個一般麵餐，先黎餐包，司華力腸同煎蛋，其實都好少餐廳會跟埋牛油，呢間有比煎蛋仲係流心非全熟，一流然後上埋沙嗲牛米，沙嗲牛唔似一般滑牛，我覺得係佢自己醃製嘅牛肉，因為有少少爽筋位，好好食，有嚼勁失色位係奶茶唔及茶餐廳嘅香，始終飲落感覺係某牌子嘅現成茶粉，冇自己再混入其他茶葉嘅配方，所以一般。。。。坐得舒適，食得招積，呢間廉記冰室係抵試，$36個早餐仲做到12點先停，抵你賺嘅

今天晚餐同太太吃这间廉记冰室。因我们中午都没吃什么便多叫了多一个菜。点完𩠌便递上了两碗老火例汤是粉葛猪原骨汤。意想不到十分浓味，一搅吓碗内，原来有半碗都是粉葛和猪骨，好正。XO 酱云耳胜瓜炒肉片：XO 酱平均的分布在云耳，胜爪和肉片，十分可口。胜瓜脆肉又鲜甜，配上适中的XO酱特别美味。蚬介鲮鱼球：鲮鱼球炸得脆脆又香口，配上蚬介的咸香和香葱，不错。古法荷叶蒸黄花鱼：黄花鱼很新鲜，鱼肉点上蒸鱼豉油和肉丝，十分美味。生菜豆腐鱼汤鲮鱼球煲：鱼汤今新鲜的生菜更清甜。这煲又能吃另一口味的鲮鱼球，是清甜的，不错。咸柠七只虽加6元，好抵。

近期喜愛打羽毛球，但一場難求，而柴灣同小西灣就相對易book，所以打完羽毛球，就同A姐以及幾個球友食飯，近近哋去到柴灣嘅環翠商場嘅廉記冰室，坐得舒服又多選擇。粉絲蒸斑塊晚餐今日有斑之二食，其中一食就係粉絲蒸斑塊，其實好味嘅魚只要簡簡單單咁蒸，加少少豉油已經好好味。而墊底嘅粉絲索晒味，好好味呀！枝竹火腩炆斑球支竹火腩係男人嘅最愛，而加入埋斑腩就更加香，但最正當然係索晒味嘅枝竹，真係可以食幾碗飯。咖哩牛腩煲其中一位波友係咖哩腔，所以同親佢食飯一定要有咖哩，只要有咖哩，佢就可以食到幾碗飯架喇！呢個牛腩煲入面仲有好多牛筋，但就略嫌未夠入味，不過，整體份量好多。時菜排骨飯呢個碟頭飯夠晒鑊氣，排骨好軟腍，唔錯。（記住Like同Share畀朋友）

今日放工超肚餓，即刻去附近搵左一間茶餐廳食個tea4點黎到餐廳都有好多人，下午茶餐選擇唔算少，我叫左一個醫下肚女朋友平時唔鐘意去茶餐廳，「男人的浪漫」佢都係唔明架啦豉油雞髀配金磚落單到上枱全程5分鐘，果然有茶餐廳既速度。豉油雞髀好入味，肉質好嫩滑，雞髀肥美啖啖都係肉。雞髀相信醃左好耐，中間肉質變哂啡色，滷到入哂味，上哂色金磚=西多士，配左牛油。入口香脆中間軟綿綿，配埋牛油就無得輸啦我再叫左一杯冰凍檸茶，超滿足！

柴灣的茶餐廳選擇不算多，今晚和家人來環翠商場這間廉記冰室，裝修都幾富現代感，場上的裝飾幾有玩味。四個人點了五道菜很夠吃。【豉椒味菜炒鮮魷】份量不算太多，不過鮮魷就夠彈牙爽口，醬汁甜甜地幾開胃，洋蔥和青椒都炒得幾香。【鮮蒸烏頭魚】選了咸檸蒸，$80一條蒸烏頭加白飯和湯加熱飲實在超值，烏頭魚肉結實，咬落去啖啖肉的質感又重魚味，還有一些黃油！唯一美中不足就是醬汁太淡。【啫啫通菜煲】蝦醬香濃得來不會太鹹，配通菜和白飯一流，這個是不錯又不太油膩。【香麻辣子雞】花椒粒非常吸引開胃，雞件應該是雞脾肉吧，炸得香脆份量都夠。【八味珍珠帶子海鮮炒飯】正！蛋香味十足，完全不覺油，而且帶子亦很多，超值又美味。【紅豆冰】紅豆一粒粒口感不錯，不過太甜了，奶和椰奶味全被蓋過。價錢公道，食物水準之上。

廉記冰室-方便快捷冰室好選擇今天過了柴灣工作，轉眼間到了晚上才結束，因為實在有點累，又不想在繁忙時段迫巴士，就在附近的一間冰室，和同事吃完晚飯才乘車離開。廉記小炒皇 相當足料的小炒王，有爽口韭菜、大大隻蝦乾、香脆腰果，將所有材料炒香，夠晒鑊氣且鹹鹹香香，當中還加入原隻大蝦和帶子粒，令小炒王增添多一份鮮味。腐乳通菜炒鮮魷惹味的腐乳加上新鮮爽口的通菜，通菜炒得非常翠綠，加上份量多的鮮魷，口感軟腍，不會炒得過韌。珍珠帶子蝦仁炒滑蛋炒蛋炒得滑又香，當中帶點半熟，蛋汁濃郁，配上彈牙蝦仁和啖啖肉的珍珠帶子，非常欣賞的一款家常小菜。沙嗲金菇粉絲肥牛煲茶記冰室當然要點的小菜煲，經典的沙嗲金菇粉絲肥牛煲，香濃的沙嗲汁伴着金菇和粉絲，金菇增加口感、粉絲入味，還有薄切肥牛，一碗飯也不夠伴！

今天在柴灣看完電影，晚餐打算到附近餐廳吃便宜一點。在環翠商場內見到有間廉記冰室，外面望入去環境很闊寬，而且光線很足，枱椅也十分整淨，於是我們決定晚餐吃這間冰室。餐廳店員有為我們量體溫後才入座，有做足防疫措施。看一看餐牌，非常多選擇。一般冰室有的他們都有。價錢也合理。我們兩個人點了三個小菜加一個豬扒飯。小菜是配白飯的，但我們怕吃不完就叫店員不要上白飯了。例湯是紅蘿蔔肉骨湯，咸咸的，有肉骨的香味和家的味道。焗豬扒飯有水準👍🏻 飯上的芝士很多，芝士味很香很濃郁。豬扒入味，容易咬開。飯身粒粒分明。攪勻後再吃，蕃茄酸酸甜甜，口感豐富。好吃。我最喜歡吃的中式小菜就是牛仔骨粉絲煲。這間冰室的牛仔骨做得相當不錯。牛仔骨肉質軟淋，骨肉容易分離，黑椒味重，很入味。牛仔骨底的粉絲吸收了醬汁非常滋味。再來是避風塘雞翼， $68來說差不多有10隻雞翼非常抵！雞翼乾身，炒得非常惹味，香口。味道較重，偏咸。愛重口味的朋友應該很喜歡。最後就點了一碟蒸烏頭，可以選咸擰蒸或豉汁蒸，我選擇了咸檸蒸。這碟蒸烏頭與咸檸檬汁配合，魚肉鮮甜結實，甘香鮮美，淋上薑蔥汁，吃下去一點腥味也沒有。這一餐吃得太豐富了，飽到不行，非常滿足。

2020年6月8日 星期一復工之後，感覺上時間好似好快過，但係工作就好似永遠都做唔完咁，好想快啲到七月可以得到真正嘅休息。。。。短暫的歇息是為了走更長的路，所以今晚就同屋企人出街食飯，好好抖返一下餐廳嘅樓底好高，所以感覺好開揚，而且每張枱之間都有足夠嘅距離，唔會覺得好迫夾餐牌上面有好多選擇，除咗中式嘅鑊氣小菜之外，仲有鋸扒餐，我同我爸決定豪爽啲，每人一個扒，再加兩個小菜點左餐唔夠1分鐘，店員就送上老火湯，見到個湯好滾，而且每碗都幾足料，飲完都已經有少少飽之後就有食鐵板餐送嘅旺來冰茶，感覺有啲似菠蘿汁，不過冇咁甜，都幾透心涼然後等左一陣，我哋嘅鐵板餐就嚟到，塊牛扒真係大過我塊面，而且好厚身，切落去已經冇晒血水，仲好容易切開添。食落去充滿牛肉味，而且有咬口，冇諗過咁高質素同時我哋都叫咗椒鹽魷魚，份量都唔少，咬落去係彈牙嘅，仲炸得好香添呢一個係酥炸鯪魚球，每粒鯪魚球嘅大小都好平均，食落去鯪魚味好出，亦都係好彈牙臨埋單仲每人送左一碗糖水，係芝麻糊，香芝麻味之餘仲唔稀我諗過柴灣嘅餐廳都有咁高質素嘅扒餐食，果然係臥虎藏龍！！

入到餐廳內見到其他食客枱上有碟牛河好似好正，我坐下見餐牌上有個好似好吸引非一般乾炒牛河，應該係呢個，好期待即系柯打一個，賣相可以，味到就無乾炒牛河味！牛肉堅韌無比，就係架多些菇落去炒，真係名副其實非一般乾炒牛河!

每次同親姨甥食飯，佢都好識食，今次佢話想食牛扒，係附近搵，終於搵到呢間冰室有得食一坐低，姨甥就即刻話要食呢個坐低不久，就即刻端上4碗例湯俾我地係冬瓜紅蘿蔔豬骨湯，碗湯好清甜，又多料鐵板西冷牛扒配蒜蓉汁塊西冷超級大塊呀連啲配料既份量都好多$88簡直超值！西冷肉質好軟腍，一啲都唔韌不過筋位部分有點多......金橘綠茶香辣八味雞煲味道好惹味不過食落又唔覺有辣味......最欣賞係全部都係雞髀🍗位黎架海皇粉絲什菜煲

耐不耐放假或者週末想食靚早餐一定會黎廉記，事關佢屬於街坊嘅茶餐廳。而且係商場都算就腳，平時行開行埋都會經過，今日一如既往泥到，由於今日比較想食清淡少少 所以就叫咗個鮮奶麥皮配菠蘿油再加杯熱朱古力$32 個麥皮份量幾大都算飽肚，再加埋菠蘿包暖暖地 再夾塊牛油喺中間 真係冇得輸會令人想再食嘅衝動而且呢度都多卡位坐得算舒服如果需要水可以自助斟 而且職員嘅態度都良好落單又快又準 都好快到不過有時會見到多人排隊 如果趕時間嘅狀況下要被迫揀第二間食總括嚟講平民嘅價錢但係都屬於多選擇有牛扒、麵、餐包、新鮮麵包揀都係一個成日會到嘅地方！