廉記冰室 (環翠商場) (已結業)

由地鐵站一直行到環翠商場，就係要試同事推介既新鮮麵包，除了麵包香軟外，還有酥皮蛋撻值得一試。環境寬敞，樓底又高，相比其他餐廳嚟講，既坐得舒服又不趕客，臨走先至再落order買新鮮出爐，由侍應送至枱前，Good Service

落單時已經表明要凍檸茶少甜少冰。單上亦清楚列明。但竟然送來一杯冰多過茶！我立刻向侍應投訴並要求換過一杯。但侍應卻表示，這杯份量已經是少冰，就算換過杯師傅都會給一樣嘅份量，因此拒絕替我更換！其後我把冰「不」出來，杯剩下的茶不足一半。在我要求之下，雖然有員工幫我添加返少許「茶」，但亦不是樂意的態度。食物十分普通，不值一提。寧願食對面大快活，應該還有更好的服務！已經black list此餐廳。以後不會再光顧！！！

自從環翠商場由領展接管後，陸陸續續開咗好多唔同類型嘅食肆，今次就黎試吓呢間開左好似將近有一年既簾記冰室。平時假期係需要係舖外面排隊，不過今日係星期一，幫襯既人相對無甘多，自己入內就可以搵到卡位坐啦今日揀左沙爹牛肉麵，司華力腸，煎蛋，餐包跟熱檸茶

今日午餐食呢個XO醬肥牛炆伊麵，噉佢嗰啲肥牛都幾多嘅，唔錯，另外啲伊面都炆得幾好食嘅。嘢飲我就叫咗熱朱古力，但係佢啲花奶落得太少喇，所以變咗吾好飲。呢個午餐埋單49元。

今日返工嘅lunch，試下呢度嘅午餐，今日我就叫咗魚香茄子炆米啦，我覺得佢抄得唔算話幾香口，另外魚香茄子我覺得少左啲。反而佢嗰杯熱奶茶就沖得幾好飲，價錢就係48元。

無驚無險又到3點下午茶時間，今次就黎試下依間廉記冰室。店內裝橫好有懷舊味道，但入面冷氣太大，我諗一般人應該坐唔過十五分鐘，所以轉外賣。叫左兩個餐，一個係滷水雞比+凍奶茶，一個係公司三文治+熱檸茶。雞比太熟，入口肉質太鞋，薯條好多都硬到食唔到，食到好冇癮！一份好少料既公司三文治要成$50都幾偏貴，而且唔係特別好食！總體黎講應該唔會有衝動再食多次！

環翠開了新food court後真的多了很多新餐廳，這天下午自己一個不想買外賣，看見這件茶餐廳好像不錯，於是來吃個常餐。廉記茶餐（火腿奄列+叉燒米粉）$52下午來吃原來都幾多選擇，這個常餐份量都頗大，店員上菜速度快，叉燒外觀不太討好，不過味道還可以接受，米粉略嫌粉了一點不夠彈牙。不過我要讚一讚多士做得不錯，方包夠厚而且烘得適中，上面的牛油不會太多，夾著奄列吃更味美～雖然不能說這是超級好吃，但對於柴灣人來說，算是多一個選擇了。 

今日同同事去左呢間冰室，我點咗個常餐，噉個常餐我食沙爹牛肉公仔麵，火腿煎蛋，火腿煎蛋大大份，幾好食嘅，飲品就飲咗杯熱嘅朱古力，價錢52元，有質素常餐。價錢就見仁見智啦。

趁返工前仲有時間去咗廉記冰室食個早餐，茶餐廳早餐來來去去都係食嗰啲，所以都係普通叫咗個經典套餐$36點咗個五香肉丁公仔麵 餐肉 腸仔配餐包凍檸茶諗住廉記係旺區灣仔同中環都有兩間大型分店都唔會差得去邊！點知腸仔餐肉嚟到嘅時候都係凍完全唔熱. 明白茶餐廳都會將餐肉腸仔煮定放喺度，但係都唔好係凍連少少暖意都無，簡值食梗冷盤🤮個公仔麵又係好似一早煮定浸咗好耐超淋超削😕成份早餐最好係個餐包，杯凍檸茶同塊牛油本身$36一份早餐好合理，但係食到咁既質數$1都嫌多😓

新開左一段時間，星期日終於有時間來食啦！聽聞朝朝都排晒隊，今日來到果係要排隊！等左15分鐘左右就入得啦！睇餐牌每份早餐都好豐富，價錢合理，叫左2個牛扒餐！2個麵餐！歐陸牛扒真係好抵食！牛又大塊又有蛋同火腿，仲有茄汁豆同番茄仔！另外個公仔麵都可以叫多2個餸，咁既價錢，有咁既份量真係👍🏼👍🏼👍🏼即場仲有整麵包！個個麵包都係即場做！熱辣辣新鮮出爐。值得一試，唔入去食都值得行過買個包食！包款式都算多！仲有蛋撻添呀！

開張時食過一次早餐都係好多人排隊可能因為呢邊無乜港式茶餐廳今日再食，菠蘿油退步了無之前咁正，主要個牛油太硬上餐都好快麵食，通粉都係個啲野，還可以個火腿奄列比較好食都會再幫襯-早餐，都無咩要求，唔好難食就得

今早起身做完運動，之後就去咗呢間新開嘅廉記冰室食早餐見到啲裝修都幾好幾有心思，果然用咗好多廉記嘅 idea 😂 叫咗一個好邪惡嘅黑蒜油沙嗲牛公仔麵，落咗嗰包調味真係一流，好有內疚感 🤣加埋個菠蘿油同炒蛋，真係好滿足，事關個菠蘿油仲好熱，啲牛油溶哂 🤤

比較鍾意食呢度的經典早餐，嗰日我同女朋友去左呢間餐廳度食，噉我叫咗個沙爹牛肉公仔麵，噉嗰餐就會包埋芝士腸同埋雞蛋，另外仲有餐包，飲品方面我點咗熱奶茶，都係一個幾唔錯同埋滿足嘅早餐。

早前在報章看到比較香港菠蘿包最有質量的茶餐廳"廉記冰室"，於是我和家人特意去開業不久的柴灣環翠商場分店試品賞一下，餐廳面積算大，光線充足，但衛生感覺一般，而且吸音設計很差，比一般餐廳嘈很多;坐下叫了一個麵餐和兩個菠蘿包，食物上枱時，我看到湯麵不夠湯，差點像撈麵似的，於是分附職員加點湯，職員答應了並表示會另給我上一碗，之後我開始品賞廉記冰室出名的菠蘿包，怎知一口吃下去，感覺是凍的，菠蘿皮雖然有點脆，但已沒了像報章介紹的感覺，於是跟職員表示可否把另外一個菠蘿包換個熱的，職員表示，櫃裏兩盆菠蘿包情況都一樣，就算換了給我質量也一樣的，於是我沒即時更換，繼續試吃之前的菠蘿包，當再吃了兩口時，我真的忍不住叫了另一位職員，欲把另一個菠蘿包取消算了，但職員沒即時答應取消，並想盡辦法在包櫃裏換一個比較熱的菠蘿包給我，該職員把換了的菠蘿包給我，問我這個可以嗎？當時我用手指摸了一下，感覺是比之前個暖一點，但見該職員已盡了力，而且菠蘿包只是幾元而已，所以接受了該職員所換的菠蘿包(其實一點也不達標);當時已經是食物上枱後大約8分鐘了,之前答應補上另一碗湯的職員還未把湯拿來，我本想再向職員查詢的，但家人表示照吃碗

惠顧茶餐男人的浪漫 本來嘅餐有福字麵配豬扒腸仔 另加奄列波蘿油心思思想食通粉同煎雙蛋 個廚房真係出左通粉 仲要配埋福字湯底 咸到喊!!!!!! 點食呀 個雙蛋變左煎熟蛋 我都係想食荷包蛋姐 無特別要求熟蛋 個廚師真係有愛心，另外個菠蘿油睇上去膠到喊 菠蘿油有檸檬味 你試過味？ 埋單 $59 唔係價錢問題，但呢個價 CP值真係好低同失望！