康瑞甜品

營業中

休息中

最近大家都喜歡上吃芋圓，呢間康瑞甜品就有推出多個系列的芋圓糖水。可惜香港暫時未有太多的鋪頭有芋圓甜品可以食，所以我每次經過康瑞甜品都有長長的人龍係度排隊吃芋圓。餐廳可以外賣都可以堂食，我見到好多住附件的街坊都會外賣一碗返屋企。我大概等左20-30分鐘就有位啦。店鋪細細，但坐無虛席餐牌的芋圓配搭都有很多種，除左芋圓之外都要中西式的糖水同涼茶。我叫左個桂棗雪耳湯配芋圓，感覺好養生，有凍同熱可以選擇，估唔到都幾大碗，25蚊真係好抵食，裏面都有好多芋圓，這個組合食落去唔會覺得奇怪。如果芋圓再Q彈D就一流啦，不過呢個價錢已經係算好好！

依間糖水舖最近幾年係深水埗好hit, 但成日都搵唔到時間去試。今次屋企係附近經過，特意買返黎比我試食😋😋😋今次叫左一碗紅豆沙芋圓。一打開個蓋，哇...超級足料👍🏻👍🏻👍🏻原本以為係紅豆沙底，加幾黎芋圓，原來唔係！店家仲放左好多種豆落去煲紅豆沙，有花生、眉豆等等，好豐富。另外除左芋圓，佢仲有地瓜圓同埋糯米丸子。所有芋圓都好煙靱，糯米控最愛🤤🤤🤤 好彩嗰晚食咗少少嘢，唔係真係飽到食唔哂👍🏻

📍深水埗 康瑞平靚正！💓特式仙草百配 $25一碗有齊仙草、芋圓、蕃薯圓、薏米、紅豆、珍珠、小丸子、西米‼️ 超豐富呀🤤🤤 足料！抵食！好有口感😜美中不足係芋圓、蕃薯圓味道偏淡。

其實我本身完全唔知道呢間糖水店既存在，有一日放工經同事大力推介，黎到深水埗既康瑞，聞說經常性爆滿要等位，今日勁好彩一到就有人走，有一張枱可以即入我叫左桂棗雪耳湯配芋圓，$25 大大碗，有凍有熱，我叫左碗凍既，好清甜，雪耳清爽，夠晒潤，芋圓好彈牙，😋😋整體來講水準之上👍🏻👍🏻另外叫左個糖不甩，糖不甩我就覺得不過不失啦，湯圓偏軟身，$18，粒粒細細粒，有d 有芝麻餡花生餡同埋淨湯圓。整體來說，我係會再次幫襯的👍🏻

平時渣車經過呢間糖水舖，門口一定19幾人，今日我來到呢間糖水舖嘅時候，已經係夜晚12點，好彩仲趕得切👏🏻。。。冇哂人龍，唔使排隊，正呀喂！由於就收舖，我地拿拿臨，就叫咗3碗糖水。特色仙草百配，仙草好滑，奶嘅份量非常適中，芋圓，地瓜圓細細粒，易咬口超正❤️❤️❤️❤️大愛！仲係每日新鮮製造淨仙草綠豆加仙草當然我食完呢間糖水舖嘅時候，我就終於明白，點解成日咁多人排隊，實在在太好食啦⋯⋯價錢十分合理，又平民化👏🏻以後必定再幫襯

又係一間近來被ig foodie瘋狂翻牌的甜品，令我決定去試下究竟係唔係真如佢地所講“好有芋頭味，好有番薯味，仙草好滑”好好彩星期五的夜晚一去到就有位，到我地食完出黎已經排曬長龍。<特色仙草百配>HKD25朋友點的，配料真係好豐富，不過講真影相就好麻麻，睇到我密集恐懼症都出埋黎。【珍珠】大粒軟稔，都要咬幾下【芋圓】扎實有咬口，軟硬適中。我同朋友都認為，嚼到最後勉強先可以話有芋頭味。可能因為平時中意試芋泥類食物，對芋頭濃度嘅期待比較高。【地瓜圓】哩個就真係食到番薯味wor！唔知係因為番薯本身味道比較突出，定係我地平時唔會去專門食“番薯泥”，所以未點試過濃味番薯？【仙草】完全認同網友評價，真係好滑。【薏米etc.】我自己冇食到，評價唔到【甜度】適中偏淡<椰奶紅豆沙配芋圓地瓜圓小丸子>HKD25好想飲紅豆冰，所以要左哩碗。【椰奶味】淡【紅豆】粒粒分明，唔夠起沙，勉強合格【芋圓地瓜圓】見上【小丸子】比珍珠再軟d【甜度】適中，比仙草百配甜總結下，份量都幾大，好飽肚。芋圓等等係抵食嘅，不過冇評價講到咁重嘅芋頭味同番薯味。其實好想知，點解香港好似冇一間店會提供類似內地

朋友介紹話如果去堔水埗，一家要試呢間甜品店。今日黎到，見時間差唔多到佢開門，就行過去睇吓啦去到點知我地唔係第一個 😱 呢間本身係中醫館嘅餐廳，出名到未開門已經有人排緊隊! 試咗2個甜品，呢個價錢有咁嘅質數，真係好抵食。佢地啲甜品好足料 👍 感覺仲好似好養生 🤭 本身係中醫館，唔知咁佢啲甜品係咪健康架呢朋友話堂食啲鮮奶唔同架，下次要係個到食，唔好takeaway 先

每次黎深水埗都一定要黎康瑞食返碗糖水先走 呢間鋪本身係賣涼茶既 但之後轉型賣芋圓地瓜圓 然後就搖身一變成為深水埗必食熱店 夜晚呢到成日要排隊 就算入到座都要坐到痴埋一舊 手肘碰腳肘先得 但即使坐得咁迫咁辛苦 都無阻大家黎食佢地既糖水我黎親每叫佢地既1號仔 特色仙草百配 一碗有齊仙草 芋圓 地瓜圓 小丸子 紅豆 薏米 西米 非常豐富 仙草好滑 芋圓地瓜圓亦好qq 最鐘意佢呢到味道天然 唔會有過多糖份 對於想食糖水 又想食得健康既朋友 黎呢到就岩晒

同朋友去完畫畫，就黎呢間出名既康瑞芋圓試下😋😋去到既時候八點半左右，滿座咁濟，我地入到去，好彩早一步咋，之後就要等位啦！😂我叫左椰奶紅豆沙配芋圓，我朋友叫左桂棗雪耳湯底配芋圓😍😍好好味呀！紅豆沙一點都不會太甜，真係起沙的，仲有粒粒紅豆～芋圓就好qq，彈牙，好好味😋😋😋我呢個紅豆沙叫左熱既，覺得熱食好味過凍食☺️☺️我朋友呢個都好好味！呢個季節轉秋天，飲雪耳就岩岩好喇！唔會太甜👍🏽我地好快就食晒埋單😂😂最後朋友仲叫左兩碗外賣返屋企添呀🤤🤤👍🏽

想試呢間糖水舖既芋圓好耐，終於專程出深水埗試試佢。估唔到5點度去到都要等左一陣位。特色仙草百配$25有仙草，芋圓，蕃薯圓，小丸子，珍珠，紅豆，西米，超級多料。芋圓，同蕃薯圓煙韌，有芋圓，蕃薯圓香味。桂圓雪耳底配芋圓，蕃薯圓，小丸子$25雪耳分量超級多，爽口，糖水有桂圓清甜味。今時今日$25蚊食到咁多料既糖水真係無咩幾多間。雖然點都係台灣既芋圓芋頭味香d同有咬口d，但係係香港黎講都算好食，性價比夠曬。

食完正餐，繼而食甜品。其實我係個芋圓控，好鐘意食d煙韌既野此店絕不起眼，假日4時先開門但已經滿座。仙草西米奶露：滿滿仙草浮面，好滑溜，細細粒既西米沉底，超足料。腐竹蓮子配芋圓可選熱/凍。湯水清甜，腐竹及蛋花又薄又滑，芋圓及地瓜圓煙煙韌韌，非常有嚼勁。當中還有細粒既糯米小丸子及蓮子。口感豐富，絕無欺場。最欣賞既係所有甜品的甜度適中，不會太膩，岩曬唔鐘意太甜既我。而且價錢經濟實惠，難怪咁受街坊歡迎啦！

呢間係我的至愛，食糖水的好地方，由佢以前係路邊堂食到宜家有鋪都一路支持，因為價錢好相宜，大約$25 已經有一碗糖水，質素仲好唔錯，最喜歡的是綜合芋圓！樣樣有，例如西米、紅豆、仙草、蕃薯圓同芋頭圓等等！來深水土步要來呀！

由涼茶店搖身一變成為甜品店嘅康瑞，係我同朋友嘅中式甜品店天堂，深水埗算係方便就腳，港九新界嘅中心點。每次我都會叫呢度嘅芋圓圓。兩款都煙煙銀銀，QQ der(*^o^*)芋圓帶芋香，地瓜圓帶蕃薯香甜。加上仙草、西米、紅豆、薏米等等食材，口感層次分明，味道豐富，實為絕佳嘅飯後甜品！

每年過左中秋節就開始有秋意, 有一點點的乾燥, 就係想去食一D甜品, 咁岩俾我見到康瑞甜品, 一定要入去食返一碗啦!!!!我見好多人都食"特色仙草百配+芋圓、地瓜圓、小丸子", 見到都留哂口水, 但我想食紅豆沙, 因為真係太乾燥了, 所以我諗左成10分鐘, 最後都揀左"椰奶紅豆沙配+芋圓、地瓜圓、小丸子", 我落單時以為芋圓、地瓜圓、小丸子三揀一, 點知原來三樣都有, 勁開心, 因為三樣我都想食, 我仲諗住加錢加埋另外個兩樣。我叫個個椰奶紅豆沙勁好味, 唔太甜, 奶味濃

身邊個個fd都食過康瑞，有一個fd有一排日日食😂😂，而我就食左3次，因為芋圓之中，呢間真係屬高質，又平又好味。不過唯一缺點就係位置唔算近地鐵站，要行一段路，同埋唔係深水埗既中心，想食既朋友就要比多少少耐性喇！食左「特式仙草百配」$25成碗野超足料，有紅豆，西米，珍珠，仙草，芋圓，地瓜圓。芋圓同地瓜圓好煙韌，好有咬口，而且份量好多，不過都唔夠我食😛。芋頭同地瓜味愈咬愈出，無得輸👍🏻仙草勁滑溜，筆都筆唔起，配埋椰奶同其他料一次過擺入口，真係好正🤤🤤