康樂茶冰廳

營業中

休息中

康樂茶冰廳係荃灣街坊都識嘅老店，茶記氣氛濃厚，今晚經過就入去試下，叫咗肉片飯配凍檸茶，$56 一 set，價錢合理。肉片飯用嘅係滑身豬肉片，唔係急凍貨色，煮得啱啱好，保持咗嫩滑口感。蔥段切得粗身，煮完仲有咬口，配合帶少少薑味嘅芡汁，非常開胃。飯質唔錯，粒粒分明，唔會成堆糊飯，應該係用足米冇偷步。凍檸茶同樣保持水準，茶底唔會水，仲有啲澀香，糖落得啱啱好，唔會過甜。值得一讚係檸檬俾得夠多，唔係得一兩片交差。茶餐廳環境唔會太乾淨企理，但就係有一種熟悉感。阿姐服務夠 direct，唔會特別親切，但就好有效率。入單速度好快，落單一陣就有得食。

夜晚10點幾想搵間餐廳坐低慢慢食真係幾難最後揀咗呢間懷舊茶餐廳環境裝修傳統港式嘅餐廳，有木製卡位仲係手寫落單咁啱有人喺卡位食完野走開，我哋坐落去，店員只收枱面啲嘢，但未有抹枱🥲我哋落單時候叫個位店員幫手抹枱，佢只係略略抹過，但枱面都係污糟😅最後揀咗呢間茶餐廳嘅叉燒煎蛋飯同煎蛋五香肉丁米粉，感覺都屬於比較一般。叉燒唔算特別入味，肉質尚算鬆軟，但味道平平，冇咩驚喜，煎蛋都係正常水平，淋上少少豉油都只係中規中矩，未令人回味。至於五香肉丁米粉，米粉都唔係特別爽彈，整體味道淡淡哋，未算係令人會特登再去食嗰隻。有懷舊feel但味道較平淡，純粹醫肚之選同埋價錢都算抵食你地又最掛住邊款茶餐廳美食呀？😋ღ(♫ ♪ ♫ ¢яєαмfυи ♫ ♪ ♫ (¯`◕‿◕´¯)ღ

一間非常舊式嘅茶冰廳，好有風味，而且侍應生都幾友善。早餐時間，點咗一份桂格麥皮配蛋治一份，麥皮有練奶，甜甜哋，好味，份蛋治都ok，唔會甩皮甩骨。另一份早餐就要咗炸菜肉絲通心粉配煎雙蛋。通粉偏煙韌，幾好咬口，不過份煎雙蛋就煎得樣衰咗少少，但味道係無問題嘅，杯奶茶都唔錯。

對上一次幫襯這間懷舊茶餐廳已經是十幾年前的事了，記得當時不算難吃，今天下午經過路德圍，不知道吃什麼，走到這間餐廳門口便走入去試試，叫了茄汁雞髀飯+涷奶茶，等了幾分鐘之後，雞髀只有半隻下髀，非常失望，和附近的“和順記”大雞髀的大小簡直是天淵之别，嚴重影響心情，茄汁也是非常一般，勉強可以接受，涷奶茶非常淡像水似的，不好喝。$46+$10=$56。經過今次的大教訓之後，下次只好小心選擇餐廳，避免再中伏。

裝修方面，佢係港式嘅懷舊茶餐廳，係舊式嘅木枱同埋瓷磚。另外餐廳仲有整一啲好舊式嘅朱古力曲奇餅，菠蘿包，雞尾包等等。-今日凍冰冰，想食返啲暖野，所以就諗起叉燒意粉🤤。呢間舊式茶餐廳平靚正，充滿懷舊風味，而且出餐快，嘢食又夠熱，午餐黎講以呢個價錢真係冇得挑剔。-叉燒嘅份量適中，唔算太肥，咬落一啲都唔鞋，抵讚。另外佢係舊式嘅餐包，大大個夾住少少牛油好好味！-😋： Score 8.5/10💰： $46 Lunch❀——❀——❀——❀——❀——❀——❀——❀——

成個拳頭咁大嘅菠蘿油，實而不華，用叉壓完仲有成吋厚，菠蘿皮無散到，咬落去係少少甜，非常足料，當日去到下午四點過去先覺得肚餓。相信只有自設餅房嘅舊式茶冰廳先有得食，其間見到有人食雞尾包，都係比較大個嘅。麥皮都係唔甜嘅，配埋一杯特別濃嘅熱齋啡，

Wandering around Tsuen Wan, we decided to just eat at 康樂茶冰廳 because I was pretty hungry.A very old cha chaan teng, it was filled with residents who seemed to live nearby.Menu is in Chinese only. There is no English and no 10% service charge. I decided to have the daily set of char siu with macaroni ($45). The soup was very salty and tasted just like MSG.  The macaroni was not  over cooked and still al dente. The char siu wasn't very good. A bit on the dry side.It came with a dinner bun and fried

今日因為想食朱古力曲奇,所以特登來此食今日午餐.咖哩吉列豬扒飯-而家已經好少見一般食店主動將飯同汁分開上,見上菜時將汁同飯分過上,值得一讚,另外食到吉列豬扒還有肉汁,唔錯。凍檸檬茶少甜-唔算特別出色飲品。朱古力曲奇-唔多食店有得食朱古力曲奇,同曲奇都鬆脆,唔錯。

喺上篇新記嘅食評中提到前日(1-10-2022 Sat)朝因冇位而同老公嚟荃興徑,老公話食呢間咁舊嘅啦(上次食評係2020年7月5日刊登嘅呢篇:https://www.openrice.com/zh/hongkong/review/%E6%87%B7%E8%88%8A%E4%B8%8D%E8%AE%8A-e3769289),我哋隔住玻璃門睇到full full地,開門後睇,老公見到有張卡位,於是入去坐.一坐低,個亞姐即問我哋食咩嘢?我都未睇menu有咩啱食,睇完後,老公要$37.00嘅A餐,要沙爹牛肉通同西煎雙蛋,加$3.00要凍奶茶,再要個椰撻.我要$36.00嘅D餐,漢堡扒火腿煎蛋配菠蘿油,要百事可樂,亞姐提我係汽水機嘅汽水.落完單,$8.00嘅椰撻即到,我哋未食住.然後兩杯嘢飲到嚟,凍奶茶正常冇問題.之後沙爹牛肉通同西煎雙蛋到嚟,我黐食件沙爹牛肉,夠腍同唔太辣,幾好嘅.通粉口感亦正常.然後我嘅漢堡扒火腿煎蛋配菠蘿油都到嚟,睇見個蛋黃穿咗.先食漢堡扒,一啖咬落去好油膩,完全唔想再食;菠蘿包大大個,個面仍脆,包身甜甜,地,件牛油都幾厚;火腿同煎蛋正常冇問題.最後食椰撻,都係嗰句,我唔

We happened to try this 40-year-old Hong Kong-style cafe after hiking to Tai Mo Shan. Its interior design and decorations are good for nostalgia. The stir-fried beef spaghetti is SUPERB for its fresh and tasty beef. However, the price is only $50 something.

性價比：⭐️⭐️⭐️⭐️回頭率：⭐️⭐️（五⭐️為滿分)精美早餐A $36精美早餐B 雙拼 $35兩款都是沙爹牛同蛋嘅配搭一個是公仔麵🍜、一個是通心粉牛肉份量算多，味濃而不過咸公仔麵通粉煮得爽口不過淋港式茶餐廳質素👍🏻奶茶香滑，有茶味總結是 $40以下已經算抵食質素又唔錯舊式茶餐廳/ 冰廳已甚為罕見😮‍💨😮‍💨但不是住在附近又好難常常光顧茶餐廳也有提供港式西餅要不是之後有事做必定買一兩件享受一下🤤🤤

康樂茶餐廳，我由細幫襯到大，讀書嘅時候已經喺嗰度食下午茶餐，印象中十零蚊有交易，對學生哥而言真係貼地又好食。今日再重臨，裝修依然冇乜變，情懐仍舊。老夥計人手落單，上菜依然快靚正。沙嗲牛肉包$18 包面微微焗熱，入口香脆，沙嗲牛肉又軟又稔、沙嗲醬惹味，真係又平又好食。茶餐$41叉燒湯意叉燒不肥不靭，意粉彈牙，湯底美味，味精感不多。火腿奄列正常水準，蛋入口唔老餐包就係凍嘅。熱鴛鴦茶啡味道平均，奶夠滑，熱足夠，有水準。

今日同朋友去城門水塘行下，撘小巴前係荃灣醫肚。見到呢個舊式茶記門口放著多款麵包蛋糕，內裏裝修都以舊式為主，所以就入去食個三文治Light Lunch。凍奶茶唔算好香濃，可能熱的會更好。奶油多的多士用用厚麵包，咬落去較實身，不過外面夠香脆，不錯。餐蛋治細心用了紙巾包好兩邊，蛋的厚度不錯，如果餐肉可以大塊少少會更好。呢到就算散叫都好抵食，30幾蚊就食到三文治加凍奶茶。另外一提，餐廳職員好有禮貌，我落單改來改去都好有耐性。==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)

每逢去親荃灣我都一定會找一找這間古老特色的茶餐廳淨係見到門口嘅裝潢同埋入面嘅格局已經知道呢間茶餐廳一定有歷史嘅痕跡每逢去到一間茶餐廳梗係要帶返個沙爹牛麵啦咁樣先至可以感覺到亦都認識到這間茶餐廳的功力 當然唔會令人失望啲面就爽口啲沙嗲牛肉入晒味大家有冇留意到呢一份腸仔煎雙蛋一睇就知道係老一輩茶餐廳先至會做到 再加埋一份厚厚的多士真係非常的開心順帶一提茶餐廳對面就係長面對月豆平豆好食的量凍豆腐花 下次嚟到順便幫襯埋先

最近文青又改路線喇! 唔再去打卡既餐廳 係改為去真正有歷史既老店茶餐冰室去食一件蛋糕一隻蛋撻果然打卡打到悶就會轉玩第2種路線 我都跟上熱潮介紹一下老店先呢間有幾十年歷史 已經第2代接手既茶冰室係最熱鬧既食街之上,真正做到日復一日 每日七點就準備開門 店門口維持住開幕時貼上既紅字呢種懷舊風味,真係無可取代呢度最出名既係佢每日新鮮焗製既麵包蛋撻同酥餅每一隻每一個都係飽滿大件 一件就足以令你飽上一個早上既活力麵包椰絲撻 朱古力曲奇 合桃蛋糕 卷蛋 波羅包 酥皮蛋撻 蝴蝶酥 皮蛋酥等等唔同美食別以為老店就會態度差,呢度既人都做左好多年,對客係好友善有禮貌評分8/10消費$20康樂茶冰廳荃灣荃興徑21號地下荃發大廈D座