大佬碗自選車仔麵 菜底、魚皮餃、鮮蝦腐皮卷、美味豬腸、南乳花生豬手、炸魚皮、豬皮配原味牛腩汁 健康仔揀菜底，餸揀咗好多款😂豬腸煙煙韌韌無羶味，豬手炆得夠淋夠入味，豬皮爽口同份量超多 牙仔碗自選車仔麵 手打魚麵、咖喱魚蛋、豬皮、瑞土雞翼尖、柱候牛腩配特製咖喱汁 揀咗坊間比較少見嘅魚麵揀，牛腩入味，淋身得嚟依然有𡁻頭，雞翼尖入晒夠味，咖喱汁香辣惹味 飲品叫咗凍檸檬茶 欣賞店家嘅餸入味之餘肉質保持到，唔會炆到啲肉淋晒～ 佢哋仲有小食～ 淮鹽魚片頭 ～ 爽口彈牙，加少少淮鹽勁惹味 瑞士汁雞中翼～ 都係夠晒入味

好朋友生日~ 我當然要專登搵咗間位置方便又高質數嘅日本餐廳，一齊食個舒適嘅晚餐😎


餐廳充滿日本氣息🎎 裝修舒適又優美，柔和嘅燈光非常適合朋友/ 情人傾偈談心🥰 而且望出窗外嘅景觀好開揚，日頭有自然光應該另有一種格調！食物嘅選擇非常多，主打刺身壽司外，仲有串燒、壽喜燒、丼飯、多款前菜小食沙律，超級多元化🤩

📍精選刺身拼盤 (5種) $488

呢個刺身拼盤係驚喜之作自己都可能順便吱吱😌 師傅用上字不同嘅食材配搭五款時令新鮮刺身，令味覺更上一層樓！👍🏻

帆立貝上面點綴左細細的紫蘇花💜釋放花香味，感覺清新。間八魚配搭自家製嘅乾薑蓉片，調出魚嘅鮮味🤩 鯛魚則加上蔥絲，清爽未來感覺。拖羅刺身呢完全無筋，唔需要加其他配搭已足夠好味❤️ 油香在口中散開 💯 好幸福☺️

(哩個真係要提下😌而家去到年尾，只要2人起同行當中有一位壽星公~ 生日月黎食一個主菜就送刺身５點！)📍八爪魚卵 free

呢個食材之前從未遇見😏 好新奇。質地有啲似熟嘅魚卵，多咗一陣奶香味📍特色鰻魚蛋燒 (小妹推介!) $168

呢個菜式擺盤精緻，適合打卡用😂 入邊嘅材料有鰻魚，滑蛋，明太子等，用類似薄pancake嘅皮包住。口感非常有層次，真係好睇又好食！真心推介📍吞拿魚他他 (HALF) $188

呑食魚他馉外香內軟，外面火炙而中間嘅魚肉保持鮮嫩，配搭醋汁洋蔥絲，口味極佳！📍串燒🍢：特選牛舌🐮 + 免治雞肉軟骨🐥 + 鹽燒活鰻串🎣 + 雞翼手羽先

即烤串燒熱辣辣，非常滋味。牛舌非常爽口，味道濃郁😋 免治雞肉軟骨食落口感豐富，蘸生雞蛋醬油食幾好食。活鰻同雞翼，燒到鎖住肉汁，好juicy! 總體嚟講串燒都幾出色，而且性價比高📍燒原條魷魚 $168 + 軟殼蟹沙律 $138

魷魚燒得啱啱好，唔會太乾得來又彈牙！叫咗咁多肉類，當然要嗌返個沙律啦，軟殼蟹沙律，成個份量好多！中和下飽滯感😜📍枝豆 ＆ 土佐豆腐 $68@

我地仲叫咗兩款小食，枝豆係食日本料理必點菜式😆 我最鍾意食土佐豆腐呢個菜式，幼滑嘅豆腐加上炸的外皮浸喺天婦羅汁到，真係好正🎉另外值得一讚係店員嘅態度，又細心又攪笑，為哩餐加分😘

堅尼地城其實好少粥舖，發現呢間新開嘅粥店，梗係要試吓啦！小店新裝修簡潔乾淨，坐得闊落又舒服～ 醬料架放咗麻醬，甜醬，辣醬同埋芝麻，方便食客吓鍾意落幾多就幾多！ 粥底綿密，粥水比例適中唔會過稀，豬膶份量好多~ 新鮮一點都唔腥。粥底有落蔥，我另外要求加花生～ 雞蛋蔥花腸 🥢 呢款腸粉係老闆娘推介🥰即叫即做~  口感滑順，帶着香濃嘅蛋香，而且估唔到份量超多！ 本身一碗粥同埋一碟腸粉已經夠飽，不過見到油炸鬼新鮮出爐，忍唔住又叫埋添。新鮮炸起非常脆口又唔會好油，幾好食！ 價錢嚟講，經濟實惠❤️ 食咗咁多樣嘢都只係$61 ，下次會再嚟幫襯

喺門口已經見到一個打卡位，係一個許願水池。入到去係歐陸式設計，地方都幾寬敞～ 呢個環境，慶祝生日或者嚟拍拖都適合～ 今日叫咗： 手工牛油香煎蟹餅 烤蕃茄布袋芝士沙律 招牌威靈頓羊架 蟹餅表面煎到金黃酥脆，入邊啖啖蟹肉Juicy又鮮甜～ 放咗雜果醬喺面中和返，食落都唔會太過油膩 烤蕃茄布袋芝士沙律係其中一款我最鍾意嘅前菜，意大利進口布袋芝士柔滑，奶香濃郁，夾埋烤過嘅蕃茄、火箭菜一齊食，酸酸甜甜勁開胃。 平時食開嘅都係威靈頓牛柳，呢度有得食威靈頓羊架，酥皮非常之酥脆，切開係幼嫩嘅羊架，羊架按照我哋嘅要求整到medium，都仲係非常多汁～ 仲配咗一個甜甜地嘅紅酒汁，同羊架都好夾嘅。配菜仲有烤薯仔同埋沙律，食完之後非常飽肚。

1月之星生日飯🤍 已經第三次嚟～ 三次都係生日飯😂 生日係應該食豪啲 食好啲😉 睇名都知呢度係主打食和牛，有單點或者叫套餐～今次揀咗<特選飛驒牛肉眼高級拼盤> 入邊有 特選飛驒牛肉眼 中特選三筋牛排肉 和牛上牛排肉 和牛牛排肉 日本產豚腩肉 仲叫咗沙律同白飯～ 拼盤嚟到嘅時候，店員有介紹應該點樣跟次序食，應該由最瘦開始食起，中間攝個豚肉，食啲沙律，咁就唔會太膩～ 最後先係食和牛肉和牛啲油花均勻～ 由牛排食起，牛味濃帶油香。到食三筋牛排牛味都油香兼備亦接近入口即溶🙃 到食飛驒牛肉眼時就直程入口即溶～ 油香超勁～ 用嚟送飯會無咁膩～ 和牛輕輕用鹽嚟調味已經好足夠！餐廳亦都有比燒肉汁同檸檬做調味 飛驒牛肉眼高級燒肉拼盤 $1880 是日精選沙律 $78 SUNTORY Draft Beer $60 Lemon ChuHi $55

呢啲日子呢啲天氣最啱就係燒嘢食～ 同小朋友去挪亞方舟嘅時候，見到佢哋嘅露天餐廳推出新嘅燒烤套餐～ 我哋揀咗Chill極致海陸空活海鮮燒烤套餐～ $1888/4位用，我哋total六個人，所以加咗每位$200。 套餐入邊嘅款式都多，有澳洲豬鞍，和牛漢堡，仲有肉眼扒，佢哋嘅羊架都幾出色，燒好之後，外脆內軟入邊好Juicy～ 除咗一般肉類之外，仲有一啲丸類嘅選擇～ 仲有大蔥雞肶肉串燒～ 套餐包埋汽水同埋唔同嘅醬料～ 可以自己決定用燒烤叉或者網燒，同行有小朋友可以喺附近自己玩，大人就圍住燒住嚟傾吓偈。呢度環境都唔錯，可以坐喺梳化藤椅，睇住青馬大橋夜景打卡 呢排嘅天氣真係唔錯，咁樣燒嘢食都幾舒服，仲可以望住海景～ 下次有Family gathering都可以再encore

去完日本返嚟之後，因為一直都未食到吉列豬扒，覺得耿耿於懷，咁啱去鑽石山荷里活配眼鏡，見到間新開嘅吉列豬扒專門店，所以就走咗過嚟試吓 新開張都幾多人係對於，睇返原來係日本過江龍，主打吉列～ 除咗吉列豬扒之外，仲有吉列牛海鮮咁或者唔同嘅咖喱～ 炸豬扒主要係用嘅係北海道嘅四元豚～ 。吉列豬扒定食 。吉列宮崎和牛扒石燒定食 。追加：吉列蝦2隻～ 。蔥花吞拿魚腩米餅 主要都係以定食為主，已經包咗味噌湯，無限添加嘅椰菜絲同埋白飯～心思思想加多啲嘢仲可以追加唔同嘅吉列，有吉列蝦、帶子或者炸蠔等等 佢哋嘅吉列系列炸得好鬆脆，完全唔覺得油膩，豬扒嘅肉質亦都好Juicy 就連吉列牛扒都做得好出色，下次要再嚟試吓佢哋嘅咖喱系列，另外佢哋仲有啲唔同嘅小食，今次我哋試咗吞拿魚腩米餅～

快樂。順景 兩間都係位於灣仔嘅老店，同樣因為收樓而結束營業，快樂餅店有重開，而順景茶餐廳就同快樂餅店做一個Crossover喺銅鑼灣開咗間冰室。 冰室繼續有提供蛋撻，忌廉筒等等嘅餅食，茶餐、常餐、扒餐等等都依然有提供 快樂忌廉筒 傳統嘅冰室餅食，出邊已經買少見少，開陳係酥脆嘅酥皮，包住香滑嘅牛油忌廉。咬一口都已經覺得勁邪惡，配返一杯。熱奶茶，中和返嘅油膩感啱啱好。 快樂常餐 瑞士雞髀撈麵 雞髀大大隻，入味之餘都夠Juicy。公仔麵沾滿左香甜嘅瑞士汁。常餐已經包咗炒蛋，火腿同埋餐包，今日嘅餐包係鬆脆迷你菠蘿包，食完都幾飽

九龍城老字號： 牙仔家人放假，所以一齊出咗去食晏～ 屯馬綫開通之後去九龍城方便咗好多～ 聯發都係人龍店，不過都快有位 茶餐 牛油多士煎蛋·五香肉出前一丁 齋啡 特餐 牛油多士·煎蛋·沙爹牛肉出前一丁 鴛鴦 特餐 牛油餐包炒蛋 沙爹牛肉出前一丁 奶茶 經典港式茶記配搭 一丁爽麵搭香濃沙爹牛肉係牙仔最愛，沙爹汁甜中有少少辣，撈勻個麵食一流。 濃多士烘得香脆，可以夾炒滑蛋食～ 煎蛋都做到燶邊～ 奶茶香滑茶味濃 叉燒炒蛋飯 $98 叉燒份量多，梅頭軟腍又入味，邊位微焦香口。炒滑蛋撈飯就是白飯小偷啦

久唔久都會想食雞煲酸菜魚😌牙仔啱啱喺東大街食咗間四川嘢唔錯 涼拌土豆絲 清爽可口嘅開胃小菜，土豆絲爽脆，加入醋同同辣椒油，微酸帶辣 985重口味極品雞煲 四位用所以叫咗一隻，上枱嘅時候熱辣辣，開住爐烘住食～ 雞件大細斬得剛好，用辣椒同埋花椒加埋唔同嘅調味，麻辣雞煲惹味香濃。鍾意嘅話可以食完加湯打邊爐。 濃湯雲吞雞 清淡嘅選擇，雲吞大大粒，雞肉鮮嫩。湯頭鮮甜 招牌酸菜魚 我哋揀咗桂花魚，酸菜魚係一個非常開胃嘅菜式，酸得嚟帶少少辣。配菜仲有薯粉，薯粉配酸辣湯係非常格嘅，飽肚又好味。 紅糖糍粑 糍粑軟軟糯糯煙靭嘅口味，配紅糖，甜而不膩，食完辣嘢係最好嘅配搭