40
36
5
以上資料只供參考, 請與餐廳確認詳情
食家推介
喺上篇新記嘅食評中提到前日(1-10-2022 Sat)朝因冇位而同老公嚟荃興徑,老公話食呢間咁舊嘅啦(上次食評係2020年7月5日刊登嘅呢篇:https://www.openrice.com/zh/hongkong/review/%E6%87%B7%E8%88%8A%E4%B8%8D%E8%AE%8A-e3769289),我哋隔住玻璃門睇到full full地,開門後睇,老公見到有張卡位,於是入去坐.一坐低,個亞姐即問我哋食咩嘢?我都未睇menu有咩啱食,睇完後,老公要$37.00嘅A餐,要沙爹牛肉通同西煎雙蛋,加$3.00要凍奶茶,再要個椰撻.我要$36.00嘅D餐,漢堡扒火腿煎蛋配菠蘿油,要百事可樂,亞姐提我係汽水機嘅汽水.落完單,$8.00嘅椰撻即到,我哋未食住.然後兩杯嘢飲到嚟,凍奶茶正常冇問題.之後沙爹牛肉通同西煎雙蛋到嚟,我黐食件沙爹牛肉,夠腍同唔太辣,幾好嘅.通粉口感亦正常.然後我嘅漢堡扒火腿煎蛋配菠蘿油都到嚟,睇見個蛋黃穿咗.先食漢堡扒,一啖咬落去好油膩,完全唔想再食;菠蘿包大大個,個面仍脆,包身甜甜,地,件牛油都幾厚;火腿同煎蛋正常冇問題.最後食椰撻,都係嗰句,我唔係咁鍾意食椰撻,呢個唔係太甜,ok.味道:除咗沙爹牛肉通係4分外,其餘都係3分.服務:原本都算ok,但我哋出去俾錢,問個亞姐除咗八達通外,有冇其他電子消費劵可能用,佢好晦氣咁答:”冇冇冇冇冇.”然後行咗去執枱.亞姐,我問得你就係俾錢,你答完我同收完我前面嗰個就走咗去,係咪即係我哋免費?我就即叫收錢.然後一個男嘅嚟收.
繼續閱讀
We happened to try this 40-year-old Hong Kong-style cafe after hiking to Tai Mo Shan. Its interior design and decorations are good for nostalgia. The stir-fried beef spaghetti is SUPERB for its fresh and tasty beef. However, the price is only $50 something.
繼續閱讀
性價比：⭐️⭐️⭐️⭐️回頭率：⭐️⭐️（五⭐️為滿分)精美早餐A $36精美早餐B 雙拼 $35兩款都是沙爹牛同蛋嘅配搭一個是公仔麵🍜、一個是通心粉牛肉份量算多，味濃而不過咸公仔麵通粉煮得爽口不過淋港式茶餐廳質素👍🏻奶茶香滑，有茶味總結是 $40以下已經算抵食質素又唔錯舊式茶餐廳/ 冰廳已甚為罕見😮💨😮💨但不是住在附近又好難常常光顧茶餐廳也有提供港式西餅要不是之後有事做必定買一兩件享受一下🤤🤤
繼續閱讀
康樂茶餐廳，我由細幫襯到大，讀書嘅時候已經喺嗰度食下午茶餐，印象中十零蚊有交易，對學生哥而言真係貼地又好食。今日再重臨，裝修依然冇乜變，情懐仍舊。老夥計人手落單，上菜依然快靚正。沙嗲牛肉包$18 包面微微焗熱，入口香脆，沙嗲牛肉又軟又稔、沙嗲醬惹味，真係又平又好食。茶餐$41叉燒湯意叉燒不肥不靭，意粉彈牙，湯底美味，味精感不多。火腿奄列正常水準，蛋入口唔老餐包就係凍嘅。熱鴛鴦茶啡味道平均，奶夠滑，熱足夠，有水準。
繼續閱讀
今日同朋友去城門水塘行下，撘小巴前係荃灣醫肚。見到呢個舊式茶記門口放著多款麵包蛋糕，內裏裝修都以舊式為主，所以就入去食個三文治Light Lunch。凍奶茶唔算好香濃，可能熱的會更好。奶油多的多士用用厚麵包，咬落去較實身，不過外面夠香脆，不錯。餐蛋治細心用了紙巾包好兩邊，蛋的厚度不錯，如果餐肉可以大塊少少會更好。呢到就算散叫都好抵食，30幾蚊就食到三文治加凍奶茶。另外一提，餐廳職員好有禮貌，我落單改來改去都好有耐性。==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)
繼續閱讀