座銀

營業中

休息中

成日聽人講，又睇人喺社交平台 post 呢間拉麵啲相，好似好正，過好一段時間後終於嚟親身試吓，星期六排隊排咗10分鐘算好快。餐牌有三款拉麵、一個飯、炸雞及糖心雞蛋。叫一個白湯即雞湯及一個雞及海鮮湯，再加炸雞。我哋坐bar 台，一坐低已有樣嘢覺得唔太舒服，就係廚師冇戴帽，佢哋頭髮算長，有gel頭，好在天氣凍佢哋唔會太大汗，但佢哋個頭睇得出有啲油，我其實睇到呢個情況，已覺得呢間拉麵唔太專業。再加上個廚師不停傾計，好在而家人人都戴口罩，否則佢哋啲DNA都會落埋啲拉麵度。希望呢間餐廳嘅老闆會注意一下，因為呢個集團旗下嘅中環店(賣魚湯)係高質嘅，嚟到跑馬地呢間就冇理由會咁嘅質素。煮麵地方算okay但廚師冇戴帽就有啲唔乾淨講到拉麵質素都值80分，啲湯算熱，但少咗啲，可以多番少少🤏，而家個個湯係太濃及杰，食完比較口渴。海鮮雞拉麵 雞白湯拉麵炸雞塊旗下集團嘅拉麵及日本餐廳價錢okay

最後去左座銀好耐之前就去過中環果間唔記得果次係有無得揀沾麵淨係記得環境唔錯冷氣好足今次就去左跑馬地對上一次黎到跑馬地已經係去養和做手術果時搭電車到總站再過兩條街既景光街就係呢間座銀中午都無落場時間我地星期日既四點鐘黎到成間舖係一個客都無餐廳有bar位而家任坐就坐左餐廳最入既二人檯冷氣真係好足算係比較少有有裝修既拉麵店一坐底就問要凍定熱茶可能因為係其他拉麵店就屬於落場時間不斷聽到廚房既切野聲因為坐得太遠就睇唔到有幾多位廚師侍應就見到都有兩三個呢個集團三間日式餐廳全部都開係元創坊果頭之前食過既圓圈三角都係屬於同一個集團我都係見到佢地個口罩套先知都有去左炭家試埋個鰻魚飯呢兩年無得去日本唯一可以係香港食到炭燒鰻魚就應該得呢一間座銀係日本有五間店主要開係大阪同神戶係tabelog最高分既本店都有3.74分既咁座銀就主打雞白湯聲稱用日本雞一共只得三款麵雞白湯拉麵雞沾麵同海鮮雞拉麵小食得炸雞仲有雞肉飯全部都係雞所有麵都無跟蛋同圓圈三角一樣要另買十五蚊兩件半隻幾乎係同圓圈三角一模一樣倒模咁雖然都算靚仔但真係好唔鍾意呢種銷售手法海鮮雞湯拉麵上面放左佢地招牌既炸牛蒡裝飾係真係幾美觀而且浸淋左口感都唔錯呢個

與同事一行四人第一次來食, 環境寧靜, 簡潔日式裝置, 沒有多餘的飾物, 感覺特別整潔衛生，特別是現在疫情期間大家出外飲食衛生是最重要喔! 我們點了雞白湯拉麵、海鮮雞拉麵、炸雞、糖心蛋、牛蒡雞肉飯…全部都好好味,尤其是雞白湯湯味鮮甜,連湯都差不多清底,特別讚賞炸牛蒡不單增添藝術美感,味道亦鬆化可口,海鮮雞拉麵湯味濃郁,同事之前已食過雞白湯,今次試這款,同樣給讚

雞白湯拉麵 🤤🤤係朋友IG 見到佢短期內去左兩次， 重係咁話好掛住個雞白湯， 畀佢燒到我就忍唔住去左試。平時既我唔多好🍜拉麵， 因為我覺得湯底好油同埋食落好咸， 連我重口咪人士都麻麻。今次衝住個湯黎， 平日差唔多一點到， 唔駛等位Nice! 我有揀過既， 覺得上環office 多， 博唔過， 所以揀去跑馬地😎🌟我叫左 雞白湯拉麵 $138喂呀， 一上到黎係咁飲個湯 好正啊。 然後我飲湯飲飽左。 個麵深不見底 食唔哂 哈哈哈哈。係咁飲個湯可以唔食d 肉都得呀。件雞胸有驚喜， 因為佢放邊， 唔會畀d湯浸到熟哂鞋哂， 好滑。塊薄切豬片就冇乜感覺。 有得揀我想要哂兩件雞肉！ 🌟朋友叫左 海鮮湯拉麵 $138個湯係好濃既， 都食得出有魚鮮味， 但相對就較咸。 唔可以狂隊。🌟兩個都加左煙薰糖心蛋 $15@食到煙薰味， 但如果用糖心蛋既角度就唔夠入味喇， 淡左d. 我諗佢配海鮮湯食就中和返。🌟重嗌埋炸雞 $48我只係食左一件炸雞咋。件雞普通 又細件。可以skip.

晏晝2點幾喺跑馬地搵野食，喺對面街都望到依間座銀排哂隊，咁我對腳就自己行咗埋去啦😎餐廳主打雞白湯拉麵，睇menu已經夠哂吸引，湯底特別用泡沫打成，大部分食材仲係由日本進口，店鋪裝修雅致連吧枱設計，仲要服務真係好好👍🏻走嗰陣仲要店員幫你拉起布廉，完全以為翻咗去日本咁🇯🇵1.雞白湯拉麵 $138湯底配料拉麵全部都好滿意‼️泡沫打成嘅雞湯口感綿密，夾起拉麵就掛住層層泡沫，雞湯味道鮮濃，而麵質我都特別鐘意😍旁邊嘅雞肉唔好睇少佢‼️‼️食落包你有驚喜，嫩到真係懷疑係咪食緊雞肉😂炸牛蒡好脆口食落好似小食咁好正🤩2.座銀炸雞 $48雖然得3舊都真係有啲貴，但質素對得住個價錢✔️薄脆炸漿底下包住好有肉汁嘅嫩滑雞肉，唔需要多餘調味已經好好食🤤🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️📍 座銀 (跑馬地)跑馬地景光街13號地下A舖分店：中環

一直都好想黎試下依間好出名既雞湯拉麵聽講係日本過江龍黎入到去個整拉麵area真係有個日本人係到 整緊拉麵同湯底環境方面：以拉麵店黎講 地方幾大下 感覺幾高檔次 店員服務態度都好好食物方面：我地就叫左最出名既白雞湯拉麵同一份炸雞個拉麵要138$ 咁我對佢都有一定既expectation 啦拉麵一到 第一時間緊係要試試佢個湯底先啦濃濃既白雞湯 一入口好有驚喜 就好似用左超多隻雞煮左N多個鐘咁 超濃味!!!另外一提 前面果幾條黃色野又炸得幾好味肉就2大塊以138$既拉麵黎講 我覺得未食過既好值得黎試一試 不過食第二次 我就未必會啦 終於都有小小貴

中午經開跑馬地，最鍾意的其中一間雞白湯拉麵。湯濃，面有口感，炸牛蒡，靜。幾好！我鍾意沾麵多些，但好似大家都點雞白湯拉麵🤣服務到位，食物上台快靚正！good！！

呢一間是來自大板銀座的Zagin Soba，最出名的招牌拉麵｛雞白湯拉麵｝，除了拉麵還有沾麵選擇😋由門口到餐廳裝修都是日式簡潔風格，一般有卡位和bar枱之分，坐位都較為寬躺，整個環境都走簡約日系風格，平靜的環境令人專心享受美食。————————————————————————·拉麵·- 海鮮。雞 拉麵首先以雞拉麵做基本，還加入蝦乾和魚乾，所以讓湯底的鮮味升華至另一個層次，有好濃厚的海鮮鮮味🤤🤤🤤 叉燒肥瘦適中，而且肉質嫩滑👍🏻 - 雞沾麵而雞沾麵的湯底就好像把一隻雞的精華都濃縮在湯裡😋讓每一口都能感受濃厚的雞鮮味🤤而沾麵的麵質比湯麵更厚身，所以口感上會較硬～～～美中不足的是，沾麵的沾湯很容易就涼掉，需要大口大口的完食，而且沾麵吃到後期很容易感到膩～～～————————————————————————·提醒·它們的麵是不可以選擇軟硬度，而且叉燒基本沒有調味，但是湯底已經夠濃厚，相信會中和味道～～～ （我特別喜歡它們的牛蒡，非常酥脆，也完全沒有油膩的感覺，不建議過度泡在湯底裡，只沾一下下，然後夾住拉麵和湯底一起吃，嘩🤤🤤🤤 我要流口水了

呢間座銀拉麵店，相信好多人都唔會陌生，因為有唔少人已經介紹過佢😃今次就到小編親身去試下係咪真係咁好食啦🤤餐廳地點幾隔涉，小編同朋友仔都搵咗陣路🤣大家去之前記得google map定喇🗺🐥雞白湯拉麵 ($138)雞白湯好濃味，上面有啲好似cappucino嘅泡沫😌飲落好清甜，口感好滑🤪湯麵嘅麵質比較淋身，唔係好彈牙，唔知係咪煮耐咗，認真一般☹️碗麵有一塊雞肉一塊豚肉😯兩款肉都好嫩滑，小編估應該係低溫煮🥰但淨係得一片，有啲唔夠喉🥺另外仲有舊脆卜卜嘅炸牛蒡，但就冇乜味🤣總括嚟講佢湯底出色，麵就有啲失望😢🐥雞沾麵 ($148)沾麵味道幾有驚喜，湯底比湯麵嘅更加濃郁同creamy，適合重口味人士😋而且拉麵好掛湯，麵質幾煙韌😄配料同湯麵一樣所以就唔多講喇☺️可惜沾麵最重要嘅就係碗湯要夠熱，但佢只係做到開頭熱，食食下就凍，所以要盡快食🤥如果大家去嘅話，建議叫沾麵就得🤫🌟6.5/10

餐廳環境不錯，午餐食物選擇不多，但食物味道不錯，麵夠爽，白湯底味道鮮甜，另海鮮湯底很鮮味，魚乾蝦乾味香甜，流心蛋可以。價錢適中，服務員態度非常好，值得讚賞，整體不錯

呢間來自大阪的座銀Zagin Soba，招牌濃雞白湯，有提供拉麵和沾麵，今次就試吓比拉麵更濃味嘅沾麵。雞白湯沾麵 $148之前食過佢哋嘅雞白湯拉麵，沾麵嘅雞白湯比拉麵嘅湯底更加濃稠，帶有泡沫的口感。沾麵比一般拉麵粗身，唔可以選擇麵的軟硬度。麵條煮得軟硬適中，質感Q彈亦十分掛汁，可以吸收湯汁嘅精華。沾麵會配上兩片肉片，一片係雞胸，一片係豬肉(?!) 薄薄地肉質柔軟但無乜肉味，不過吸收湯汁後食落又唔錯。配菜牛蒡炸得香脆，可以當小食亦可以浸湯食。總括而言：呢度嘅雞白湯味道濃稠鮮味，比一般沾麵嘅豚肉濃湯清爽，唔會死鹹亦無咁油膩，屬於中等重口味之選。除咗招牌濃雞白湯，間中會推出一啲特別嘅限定口味，好似龍蝦、蟹、海膽，牡蠣等等，有興趣不妨一試！

難得路過跑馬地發現好多舖都關咗門得呢間門口有人龍原來係久仰大名雞白湯拉麵久違了決定試試湯底：很有層次的雞白湯雞的鮮甜湯底body 濃稠但卻不死鹹好高水準的湯底店家可以把湯底上半部打入空氣形成氣泡你可以想像為卡布奇諾的效果為多謝次的湯底再添加多一點順滑的口感麵：麥香味重嚼勁十足而且掛湯不得之了牛蒡：很特別的存在炸得酥脆酥脆的但不帶一點油溢味個人建議不要浸泡在湯底就這樣吃配上啤酒絕對是星期五夜晚的爽快之選煙燻溏心蛋：吃吧，會有驚喜不想吧所有都寫出來有時自己冒險也很好

打波前同波友係跑馬地附近搵嘢食店舖距離跑馬地球場 電車總站果邊兩個街口到 望左兩望先見到 招牌唔係太顯眼由於我地五個人都無尊重過約既時間 導致第一位到既朋友等左50分鐘到😂 雖然等位時間耐 不過出菜時間快佢晚巿menu 款式唔算多 麵得三款 一個迷你飯 一啲小食咁我哋四人點左三個雞沾麵，一個雞白湯麵，同兩份炸雞share (一份有三舊)麵底好煙韌 沾麵汁好濃郁沾麵汁面頭上面有層泡 好似係佢地特色黎 不過我個人就麻麻地個汁有泡底 所以我不開左汁入面有啲雞粒個麵對我同幾位女仔朋友黎講好大 食完超飽呢(˶‾᷄ ⁻̫ ‾᷅˵)炸雞好食 入面仲好juicy! 呢張有花紋先係紙巾 黑色果張係圍裙黎 唔好用錯😂餐廳座位唔算多 開放式廚房 比人感覺有啲似日本啲拉麵店 由於我地有五個人 又等得太耐 所以有位朋友就自己坐開左😂題外話：佢個廁所有好多野provide, 女性用品，牙膏牙刷，漱口水，lotion等等，賓至如歸feel呢

雞白湯拉麵湯底濃厚唔假🤩完全就係屋企嘅雞湯唔油膩版，面仲有好綿密嘅泡（搞到我忍唔住影closeup）好似cappuccino 咁。平時食拉麵好少飲湯但呢到真係忍唔住飲哂雞肉好滑（但唔係雞髀肉嗰種，純粹係好似無哂纖維，所以個人唔係好鐘意），豬肉好薄切但好嫩無筋👍炸牛蒡：略嫌唔夠脆但都好食🤩見好多熟客叫佢多牛蒡比較可惜嘅係麵，無乜麥香，麵質亦一般、無乜彈性。坦白講呢個價位嘅拉麵我覺得佢應該要做好啲麵😕Something trivial 但個廁所都值得一提🤣有化妝棉、棉花棒、衞生巾、漱口水，仲有塊化妝鏡，真係好有日本嗰種幫你諗好哂嘅貼心（但有幾位侍應好粗魯）平日1點幾出黎已經要等枱，可想而知有幾受歡迎👏

今次要介紹嘅餐廳係位於跑馬地嘅座銀，係大阪過江龍嘅拉麵店，主打雞白湯拉麵和沾麵。店內吧枱或者一般座位可供選擇。我哋當日去嘅時間尚早，所以就唔需要排隊。總結而言，座銀係我哋喺香港食過最好食嘅雞白湯沾麵同拉麵 ，即使價錢較進取，我哋仍然覺得值得一試，我哋亦會再次到訪。餐廳都有提供圍裙同埋濕紙巾，著恤衫去都唔需要擔心。兩款麵都好吸引好好食，但我哋認為沾麵更勝一籌。Zagin is located in Happy Valley, and is a ramen restaurant that originated from Japan Osaka. Zagin is well-known for its chicken soba. As we visited quite early on that day, so there're plenty of seats. To conclude, Zagin is the best chicken soba we have had so far. Although the pricing is relatively higher than the a