座銀

營業中

休息中

午膳同同事一齊發掘到好餐廳！雞白湯沾麵係必叫，唔可以錯過！ 湯底好濃味，原汁原味的雞都出晒黎，麵入面仲有好多料，炸牛蒡都好好食！不過都多人排隊，有機會無咩人會再encore！

工作完經過中環搵嘢食，上網搵到呢間叫座銀餐餐廳，內裡環境整潔乾淨，只不過枱面唔算太大。要去嘅話，可以由地鐵上環站E出口行約6分鐘就到。呢間餐廳都幾特別，選擇唔係好多，我就試咗佢哋嘅招牌菜雞白湯拉麵。湯底超級濃郁，好有雞味。上面嘅炸牛蒡非常脆口，不論係直接食定係浸湯食，都好好味。雞肉非常嫩滑。整體黎講，呢碗雞白湯拉麵真係好好食。服務方面，餐廳嘅服務算係正常，冇特別出眾嘅地方，但都冇令人失望嘅地方。呢碗雞白湯拉麵盛為148元，再加10%嘅服務費，我覺得有啲偏高。不過，考慮到食物嘅味道同質素，都可以接受。

呢度係出名食雞，白湯拉麵味道的確比附近幾間都好好，不過價錢都幾貴+1之後都160幾蚊一個麵，但係雞白湯食完之後有啲口渴，味道係夠濃，但係嘅份量又唔算多都有啲唔係好飽

中上環有好幾間拉麵店，朋友介紹呢間雞白湯拉麵，所以就過咗嚟食晚餐。平日晚上唔算好多人，我們Walk in都有位。菜單選擇唔多，我們二人都選了最多人推介的雞白湯拉麵（$148）。首先，拉麵賣相吸引，肉片掛在碗邊再加炸牛蒡，打卡一流。先飲一啖湯，湯底濃郁，好creamy。炸牛蒡亦炸得剛剛好，乾身又脆。豚肉片和雞肉片都煮得好軟腍，不過味道就淡啲。整體嚟講，價錢略略偏貴，本身不算是拉麵愛好者，試過一次就夠。

成日食座銀嘅雞白湯沾麵，真係倒轉都記得陣味，不過美食嘅缺點就係永遠都要等，去嘅話都要預返至少半個鐘排隊呀。雞白湯沾麵 $168 + 溏心蛋 $17麵底屬於粗麵，經過冰鎮之後咬口好彈牙～ 湯底用咗鹿兒島嘅櫻島雞去燉，然後利用發泡機打起到𝗰𝗿𝗲𝗮𝗺狀再沾，味道香濃得嚟又唔會鹹膩，超正！另外配搭嘅雞肉、豬肉都係低調烹煮，所以肉質水嫩細緻，特別係雞肉，每次都會放到最後先捨得食，成個套餐真係好完美。不過香港店貴過日本超多，建議最理想都係留返去日本食，又平又好食。

拉麵店源自日本大阪 嚴選新鮮食材 保證由日本直送香港 🇭🇰 拉麵店提供共三款拉麵 今次嚟試佢地既雞白湯拉麵😚 賣相的確特別過其他拉麵店 雞白湯底飲落係奶香味 有啲creamy既感覺 飲落唔會太油膩😋😋留意既係拉麵份量比較少 😌 每碗麵都配上雞肉同叉燒 🥩 質素來講就正正常常 最特別係掛上炸牛蒡 ✨ 老實講 真係第一次食 炸牛蒡 脆脆地 食落似薯片 幾得意😚香港亦唔止一間分店 太古 跑馬地都有 另外仲有雞白沾麵同海鮮拉麵選擇 👍🏻

新年流流想搵間餐廳去都係一個難題🥹早前認初三打算去AIA玩 就搵到呢一間🥰本身喺社交平台都見到有好多post都有關於佢當然意見都係有好有唔好👀 由於佢係內街入面 個招牌都好日風入到去個裝修就好似喺日本咁 連個廁所都係日本廁所🥹🥹 好掛住日本😮‍💨😮‍💨😮‍💨 分別嗌咗個雞白拉麵同埋沾麵加多個炸雞出面好多麵會跟醬 但佢因為本身夠味唔洗醬麵好好食 👻炸皮薄入面又有汁同嫩 唔會鞋恰恰🥰🥰沽麵 麵身夠粗有口感🥰係我鍾意食嘅麵身😳個汁唔會太水 掛到麵身 汁底濃厚 同埋原來炸牛蒡係咁好食🤤我第一次食難怪會出埋小食份量😂總評值得🤣順路會再去🤪

今日試咗座銀既雞白湯同海鮮湯既拉麵😈1️⃣雞白湯麵雞白湯拉麵初上既賣相唔錯，飲落有種淡淡既奶香味，但係飲多幾啖之後，感覺上湯底都有落豬骨黎熬製，反而豬骨湯既味道開始變得突出，鹽味都略為單調，有少少死鹹既感覺，呢個有d令人覺得意外。拉麵既口感唔錯，軟硬適中，但係份量偏少，男仔應該會食唔飽。碗麵仲配左一塊慢煮叉燒同雞胸叉燒。慢煮叉燒的口感幾好，軟淋。雞叉燒都處理得好出色，有用黑胡椒調味烹製，令味道更為豐富。牛蒡係我第一次食，鮮炸既牛蒡食落好脆，好似食緊薯片咁，浸落湯底度食又有另一番風味。2️⃣海鮮雞拉麵海鮮拉麵既湯底係用蝦乾魚乾黎熬製，第一啖已經食到濃濃既蝦膏味，呢碗湯簡直令人飲上癮，一啖接一啖，蝦同魚乾既鮮味衝擊味蕾，海鮮既味道十分霸道，但係我覺得如果湯底再濃郁d 會更有驚喜。餐牌：總結：味道不錯但係價錢略為進取

📍中環 𝙲𝚎𝚗𝚝𝚛𝚊𝚕❝最好食的雞白湯拉麵🍜🐔人氣從未減退 依然大排長龍🔥近$150一碗真係咁正!?❞🍜雞白湯拉麵 $148 (4.5/5)湯底好香濃雞味 唔過鹹 creamy厚身而細滑😍我覺得係我食過最好食既雞白湯! 難怪咁貴一碗都咁多人排隊食🥹中意到我飲晒d湯😚碗邊掛住一片慢煮雞胸同一片慢煮豚肉 嫩滑軟腍! 配上香脆炸牛蒡 幾特別! (與同一集團下的鯛白湯拉麵相比 (之前post過)我更中意雞白湯既口味呢～)🥢雞沾麵 $168 (3.5/5)朋友叫既沾麵 我都試左啖～沾麵湯較鹹 但雞香味較弱 我同朋友一致認為湯拉麵好食好多!꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍座銀中環歌賦街7號地舖跑馬地景光街13A號地舖🗺𝘐𝘯 𝘵𝘩𝘦 𝘴𝘢𝘮𝘦 𝘭𝘰𝘤𝘢𝘵𝘪𝘰𝘯…#joys_中環🔖𝘔𝘰𝘳𝘦 𝘴𝘪𝘮𝘪𝘭𝘢𝘳 𝘤𝘶𝘪𝘴𝘪𝘯𝘦 /𝘧𝘰𝘰𝘥…#joys_日本菜 #joys_ramen

I can't believe the incompetence at this restaurant! I specifically ordered 2 ramen, and what do they do? They randomly bring us a tiny portion of rice. At first, we thought it was included in the set, but no! The audacity of the manager lady to come over after we finished and demand payment for the rice. Obviously, I'm going to pay for what I actually ordered. I didn't ask for the rice, it was a mistake made by the waiter and their terrible management. If they knew the order was wrong, why didn

沾面凍，汁嘅溫度又係得微暖感覺似凍冰冰嘅白切雞又好腥 可一不可再性價比亦都不高，周月仲好食另一個熱面就好好多不過就好鹹，食完好口渴香港local人可以不用試完全係啲大陸人比社交平台呃咗過嚟搞到門口排長龍

星期六6點經過竟然唔洗排隊！即刻入左黎試下🤤餐牌唔算多野揀，所以都好快決定到叫咩叫左一碗雞白湯拉麵🍜碗偏高身，湯打成泡沫，一塊豚肉一塊雞肉掛碗邊，加埋炸牛蒡成碗藝術品，賣相一流。湯底亦感受到口感綿滑，超濃郁 creamy! 麵量唔算好多。旁邊既炸牛蒡絲都好食，可以試下岩岩炸好乾身同埋浸埋落湯之後兩個口感，幾特別👍🏻 雞肉同叉燒各有一片，好滑好嫩！

🧑‍🏫性價比：🟢🟢🟢🟢⚫🧭美食體驗：「專注」係呢間拉麵店的唯一註釋。細細間鋪，但係多人排隊，到坐底左之後，發覺餐廳只提供幾款麵，想要多啲都無。然後，好味。雞白湯拉麵同埋炸牛旁好夾，作為小食的炸雞都好好味，未食過好值得去食下。可惜係份量有啲少，男仔係唔會夠食既。一男一女各叫一個麵再加個小食就剛剛好🧑‍🍳服務：鋪頭雖然細，但店員都好落力為我地安排座位。係食得幾開心的

成日都聽到座銀係全港三甲好食嘅拉麵店，平日夜晚特登黎到上環呢度試吓，六點幾入到黎唔洗等位。坐低之後發現有隔板隔住都幾好，唔洗驚掂到隔離嘅口水；第一次食當然試吓呢度嘅招牌: 雞白湯拉麵。見住廚師將湯底打泡，而近睇個湯的確好多泡沫，好濃郁嘅感覺。但飲落去第一啖冇想像之中咁濃味，較輕淡的雞湯。叉燒好薄，食入口係幾特別，其他拉麵店唔會搵到，但又未至於好好食、想再食。麵就同湯底最夾，幾好食。但炸牛蒡好似炸過龍，有d苦。總結：經過可以一試，但唔洗特登黎食

One of the best tsukemen / chicken soup ramen I’ve had in HK so far. The broth was creamy but not heavy and not overly salty nor oily.At $185 (including service charge), it’s one of the pricier noodle option. I expected an egg at this price point but this won’t deter me from going back.Efficient service and I like that they offer you a choice of cold or hot tea.