幸福鳥 (K11購物藝術館)

營業中

休息中

星期六晏晝搵餐廳 見到K11有呢間食日本串燒嘅餐廳有set lunch 環境都幾好就入咗去食啦 叫咗一個set係滑蛋吉列豬扒丼 味道唔錯 唯獨是塊豬扒炸咗之後因為有汁林左上去 所以已經林晒就唔趣啦另外嗰個餐就叫咗壽喜燒牛丼 個汁甜甜地襯落啲牛度都幾好食 串燒就每個餐都可以揀三串 試咗多春魚腩肉雞心免治雞肉棒等等 全部送上嚟嗰時都熱辣辣 味道都唔錯幾有日本食嘅感覺 不過略嫌全部嘢調味都較為鹹 如果可以少番啲鹽就好啦 份量都算幾多

日式串燒～～幸福鳥串燒尖沙咀K11 Art Mall______________________________今次小編黎到幸福烏試下串燒Lunch Set幸之敍（自選串燒3點盛+御食+沙律+麵豉湯）。小編2人選了雞翼+雞串+豬肉串燒/御食鍋燒雜錦烏冬。 冬菇+粟米+免治雞肉棒/幸福壽喜燒牛丼～ 每份Lunch Set （$168）～食評：串燒： 所有串燒都係即師傅即燒，配上日式燒汁，味道比較香口，但等候時間比較長～～（但雞肉肉質不夠嫩滑） 御食鍋燒雜錦烏冬：入面有天婦羅炸蝦，扇貝，雞肉以及生菜～好足料！！天婦羅炸蝦要即刻食，因為浸到後期會淋曬～烏冬亦都夠彈牙～福壽喜燒牛丼：壽喜燒嘅味道，味道有點偏甜，牛肉足料～～

星期五8點幾行過見佢冇爆場，諗住會唔會因為起點冇乜人知，或者價錢太貴？睇吓個menu又唔係貴，於是第日星期六7pm度嚟walk in，入到去安排bar檯。收到dinner menu 及drink menu，見到隔離檯食緊鰻魚飯，但menu冇，於是問服務員，原來係lunch menu嚟，如果想叫都可以。menu上可揀嘅option覺得唔算太多，串燒嘅嘢都唔係十分多，跟著樣樣揀啲嚟試，再加一個安格斯牛烏冬，有啲熱嘢食吓，但冇影到烏冬嘅相，而佢哋個烏冬嘅味道亦好一般。一口牛，呢個收得貴，但份量好小家，亦唔係特別出色。銀杏，正常。牛舌，好難會煮得唔好食，除非個牛舌肉太差，所以未必反映餐廳質素。雞串燒，左邊起係紫蘇梅醬，右二係山葵，冇乜wasabi 味，最右邊係鹽燒，全部都係一般。燒粟米，粟米應該都唔係日本貨。飯團，一般。前菜/茶芥係有兩個小食，以為係送，原來兩位共收$40-。整體食物質素非常一般，性價比極低，唔建議去試，因為唔係十分好食或者抵食。餐廳衛生其實亦一般，menu有油漬，廚師/師傅個口罩係露出鼻孔，唔專業。

每次經過尖沙咀地鐵站都會見到佢嘅廣告今次去開太古見到決定入去試吓🐣幸福鳥主要以燒物🍢為主仲有鍋物刺身 食物質素同服務都唔錯👍🐮 牛肉壽喜燒鍋 ($188)雖然唔係和牛 但係肥牛幾有牛味成個鍋都好豐富 蔬菜又唔同種類🥬配上壽喜燒汁甜甜地好開胃😋👅 極上牛舌 ($88)食串燒必食牛舌 燒到啱啱好有咬口非常彈牙 加少少鹽調味已經好好味😍🐓 幸福炸雞 ($98)每件都好大粒 炸到唔會好油膩外皮好香口 雞肉好嫩滑🤤配埋自家製醬 有少少辣好惹味真係有啲啲幸福嘅感覺🍗 幸福鳥免治軟骨雞肉串 ($68/ 2串)食免治雞軟骨串一定要有蛋黃先開心🤣呢個接近滿分 點埋蛋黃真係好正🥚揀咗芝士同辣味 免治雞肉非常嫩🤩雞軟骨一粒粒好有口感🙈🐥 燒雞翼 ($38)燒雞翼正常發揮皮脆雞肉Juicy🍍 沖繩菠蘿 ($38)燒菠蘿可以迫晒佢啲甜汁出嚟咬落去爆曬菠蘿汁😍

幸福鳥係海港城幸匠燒姊妹店，所以質素都有返咁上下. 有時約朋友食飯唔想行去海港城咁遠，黎K11呢度都好方便Lunch set都有好多選擇，我哋3人各自叫咗🐟燒銀雪魚定食🍲牛肉壽喜燒定食🍢串燒定食食物質素真係好好，份量又足，服務又好，可以舒舒服服食個晏傾下偈

想試吓日式居酒屋嘅餐廳，呢間探探地去尖東有間分店就入嚟試吓成個裝修都好靚，如果夜晚嚟飲埋杯sake仲正我哋叫咗兩個午市定食（每個$168）主菜叫咗一個壽喜燒牛丼，一個滑蛋吉烈豬扒丼呢兩個主菜我覺得一般，上菜嘅時候已經凍咗同埋醬汁太甜，牛肉都比較韌不過串燒係好食嘅呢個係燒雞肉同埋免治雞棒串燒尤其係免治雞棒串燒撈埋啲雞軟骨都幾有咬口，而且每串都係即叫即燒所以上枱嘅時候都熱辣辣雞皮好邪惡，但係都燒得好脆，唔係太油燒雞翼就冇得輸🤣然後燒腩肉同埋多春魚都好食嘅，但係唔及雞肉咁有驚喜總括嚟講串燒大部份都好好食，但係其他食物就不過不失

串燒午餐有六串串燒個套餐有前菜 溫泉蛋 味噌湯同白飯連我叫走飯都夠飽而且味道非常不錯啲串燒一啲都hea全部都好高質另外加咗燒茄子🍆起初以為係一條咁 原來係串燒魷魚筒都好好味真係原隻上 份量夠多

去耐無去太古城揾食，趁連假就同老公四處揾下好野新野試，點知先發現舊嘅cafe已經轉左新嘅點，仲要係食日本燒物刺身窩物嘅幸福鳥，太開心又點興奮，同老公決定試下呢間新店，店員招呼周到都唔使叫，自動幫客人加茶，好窩心。讚~~食物質素高，樣樣都熱辣辣上枱，燒物惹味，可惜未有酒牌，好想嘆杯beer, 不過店員話可以出面買回來的，安排一聲就可以。刺身拼盤 $318 幾款時令刺身帶光澤，厚切帶子，鮮甜味美，三文魚，油甘，鯛魚牡丹虾都好肥美。燒雞泡魚乾，燒牛舌，燒免治雞肉串，兩款鹽燒同汁燒，燒物熱辣辣上枱，各有特色。原條汁燒九洲槍魷魚 $158汁燒味濃魷魚鮮肉質彈牙跟薑蓉同食就突出。驚喜之幸福燒雞 $188 皮脆肉嫩又多汁，調味適中夠入味，好正呀 驚喜感高牛肉壽喜燒 $188甜甜香香壽喜燒汁配上肥牛，再加埋其他食材金菇豆腐菜蔬冬菇鮮雞蛋，層次感就提高，健康之選。

*✲ﾟ*。🍢日式居酒屋 Lunch set 🇯🇵呢間喺K11嘅居酒屋裝修幾日式 又有lunch set 好似幾抵食所以就試吓🤣幸福串燒六盛合包前菜 溫泉蛋同味噌湯
六款串燒有雞翼、免治軟骨雞肉串、雞脾肉、雞肉長蔥燒、秋葵、同大蘑菇🍄每款都幾好食 特別鍾意免治軟骨雞肉同雞脾肉 肉質keep到幾嫩 食落唔乾身😋牛肉壽喜燒湯底好濃🍲牛肉同其他配料份量都幾多 呢個set都有溫泉蛋同味噌湯好豐富😆-✨ 幸福串燒六盛合 ($158)✨ 牛肉壽喜燒 ($148)+10% service charge-📍 幸福鳥 @shiawaseyakitori尖沙咀河內道18號K11購物藝術館地下G18-19號舖

因為會員有生日禮券，滿$300-$100，本身想乘機去「日山」試Sukiyaki，我好難book 位，最後轉戰嚟呢度。睇相覺得餐廳幾有格調，而且因為祥仔師傅而對Foodstory 出品有d 期待，最後都係有d 失望兩個人，每人一入午餐，呢度lunch set價錢介乎$100 - $200，由牛舌丼到燒肉、壽喜燒。係尖沙咀 K11 呢個位置嚟講，算係划算！我帶咗一份嚴選部位嘅燒牛肉套餐，chunchan有溫泉蛋、沙律菜、麵豉湯同一碗白飯。我呢份套餐大約10分鐘後上菜，賣相都唔錯，有燒烤既味道，肉味濃厚，醬汁同牛肉相當夾，不過略嫌唔係熱辣辣咁上盤，至於旁邊嘅烤蔬菜都幾好食。男朋友嗌咗壽喜燒，但等候時間比較耐，大概係我完成70% 呢份壽喜燒先至送上枱。壽喜燒嘅湯底，非！常！甜！我哋食過咁多間香港專門做sukiyaki既餐廳（中環Mori、灣仔Sukiyaki），冇一間係甜到漏，好似飲緊糖水一樣。就算家用版嘅濃縮醬汁，都未至於呢個甜到漏嘅程度。值得留意：呢度午餐壽喜燒係用火鍋上菜，原來係廚房入面已經煮熟，再用熱既容器（鐵鍋）盛載。唔知夜晚會否用明火呢？ps: 留意到旁邊幾台食客，佢哋都有嗌壽喜

久未重訪，掛念着非常型格的吧台及多款醬汁的免治雞骨肉串，當年啟業，有如此競爭力者少，可惜現在已非優勢，燒功依然保持，但…好似啲雞肉冇以前咁好食！  餐前小吃    好味指數:2.5/5非常大路的貨式。京都特濃男前豆腐 $48   好味指數:3.5/5先來一客男前豆腐，豆味特濃，質感棉密醇厚，無需任何調味醬汁，味道已佳。 幸福鳥（免治軟骨雞肉串燒） $68*2    好味指數:4/5鹽燒、汁燒、芝士、激辛急不及待，先來四式四串，賣相吸引。 其實亦只是噱頭，除了汁燒之外，其餘三款基本上都是鹽燒再額外加芝士或辣醬，但能一次過嚐多款口味的感覺是開心的。雞肉與雞軟骨混合，口感既軟既有嚼勁，向來都是我至愛。華味鳥雞脾肉燒 $76*2   好味指數:3.0/5鹽燒、汁燒、紫蘇梅醬、山葵同様是四款醬汁，各有特色，紫蘇梅醬少少酸、山葵輕輕的辣，分別不大，沒什麼所謂，只可惜、重點在雞髀肉失色，並非預期中滑，口感似不嚡的雞胸肉！秘製牛肋串 $88   好味指數:4/5香嫩有點嚼勁，味道豐富無過鹹。 豉汁活鰻 $78   好味指數:3.5/5招牌之一，輕度適量的鼓汁，存在感沒有過高，相比中菜好得多，活鰻新鮮肉

行過呢間餐廳比個門面吸引左，外面掛住一堆日本祈福木制繪馬同埋御守，有啲似係神社求福咁。我叫左幸福鳥串燒六盛合，友人要左汁燒牛舌丼。幸福鳥串燒六盛合入面有雞脾肉燒、雞肉長蒽燒、雞手羽先、免治軟骨雞肉棒、秋葵、冬菇。最中意雞脾肉同埋雞手羽先，燒得吾會太乾，肉質保持嫩滑，仲包一隻溫泉蛋，用嚟送飯好正。汁燒牛舌丼牛舌充滿住油脂香，連埋洋蔥同蔥花一齊食減低油膩感。餐廳座位闊落舒服，平日lunch time 都好full，記得要提前book位。

覺得門口裝修好吸引， 所以好想試下。 入到去有啲失望 ，因為店內比較窄， 座位空間 比想像少， 枱與枱貼得好近😔，似茶餐廳。點咗三個餐： 牛舌丼 ，串燒盛合 ，雞肉壽喜燒。全部都好食。 伴菜不過不失牛舌丼嘅牛舌係一粒粒厚切， 伴上大量 炒洋蔥。串燒盛盒， 有六串不同食物， 最好食係免治雞肉串。雞肉壽喜燒， 好重味淋，加大量 椰菜。加咗20蚊，要了一杯 葡萄特飲， 超甜😵‍💫， 建議加十蚊要杯可樂好了。

雖然講到一星期內嚟兩次好似好誇張，但係要事先申報，其實唔係話勁好食，只係地方方便，同埋唔使book位都一定可以食到嘅串燒lunch今次同上次一樣都係叫滑蛋豬扒飯，照樣冇乜特別。串燒就試多咗幾款。雞大髀我覺得好好食，夠晒嫩滑又入味多春魚同埋免治雞肉棒我就覺得一般，比起好多其他串燒店冇咁好食，同埋免治雞肉棒點可以冇蛋醬點㗎？豬大腸同埋雞心我都覺得唔錯，至少冇臭味！所有串燒我覺得其實都唔夠熱，可能因為佢等齊先一次過上。

2022.04.28 lunch近日比較懶，儲咗成六、七個都未寫⋯⋯終於都寫咗兩個較近期食嘅。而家又寫下先，唔好怪我⋯⋯有啲都就快過咗成兩個月⋯⋯🙇🏻放假放假，係四月尾疫情回覆正常啲啲就決定出街食，醒起呢一間，幾好坐加服務態度好，當然食物好味先 encore 😁😁今次女友又叫牛肉壽喜燒，同之前一樣 (其實其他都不是我們首選😅) 都係好味嘅😋 但忘記了，呢一個set 總是有兩隻蛋，希望下次記得唔要前菜個隻。我就揀咗汁燒牛舌丼，舊時好鍾意，但停咗一輪冇食，見咁耐冇食就揀咗嚟試，對我嚟講味道正常咋，牛舌我都係鍾意鹽燒多啲😝 但當然整個set 都係有水準嘅，又夠份量👍🏼