幸福班戟 (K11 Musea) (已結業)

咁岩今日平日中午12點前行過K11 Musea，又未食lunch! 我地就去左之前長期要排隊嘅幸福班戟食幸福感滿滿嘅soufflé pancake啦鋪面雖然比較細（一眼睇晒），但環境係幾靚嘅，不過冇乜服務可言，而且似（係？）快餐店！ 我地係第一枱：先坐低再去Cashier落單，飲水都係要自助。今日難得放假，唔想飲咖啡，淨係叫咗兩個pancake！熱朱古力班戟配自家製榖物朱古力醬超濃，又唔會太甜，好岩好西獵人口味。班戟好鬆軟，再加埋中間超軟滑嘅忌廉同埋脆口嘅穀物，食得好疏乎！奶茶班戟配自家製縠物口感同朱古力個款一樣，奶茶味亦同樣地好食！不過佢用紙兜裝住食物，令到個賣相即刻扣咗好多分！性價比認真麻麻～下次試吓第二間！

帶住期望去食Happy Pancake，帶點失望離開😅 📍原味班戟賣相係靚嘅，班戟都有空氣感，忌廉口感綿滑，但略甜🥹 建議配搭天然楓糖漿，比較健康😗 失望嘅係班戟無乜蛋味，而且價錢頗貴，性價比低!

個人好鐘意食梳乎厘。每次去食梳乎厘嘅原因，都係因為俾某啲餐廳照騙了，而忍唔住要揾一間好食嘅梳乎厘店，好好嘅Enjoy 一下那空氣，又有如雲朵般，令人充滿想像力的觸感。早幾年已去過K11的Pan De Pain，這次就試試這間⋯ （事後才知道是在銅鑼灣吃過的。擺盆上，的確有好大嘅落差呢）呢日係特登請咗半日價嘅Happy Tea Hour⋯ 只係著重餐廳會唔會有位，和可否讓我們慢慢坐打發時間，對於擺盆和職員態度，又真係無留意呢。 我想，一個人光顧，應該是會得介意職員沒有禮貌，和那個紙盒上餐吧！不過，今日，我目的是達到了，在整整60分鐘內，職員都沒有催促我們，讓我們慢慢坐。可能係閒日的Tea Time，剛好又沒有什麽旅客，讓我愉快哋吃上美味的甜品之餘，仲可以慢慢地傾下計，都不失為一個好地方。P.S. 強烈推薦試下食咸的梳乎厘。幾有驚喜的。特別是那個蕃茄醬，酸酸甜甜，和梳乎厘的味道很搭呢其它的，都係正正常常配搭，只要主梳乎厘做得好，都幾難唔好食吧？

唔怪得冇乜人嚟 食得出佢用料好但係整得好求其 我知道pancake好容易會塌 可惜係佢一放上枱已經係塌晒 店員服務一般只顧傾偈 好想食以前好食嘅幸福pancake 希望管理層見到會改善下

假日呢間店通常都好多人，見今日平日唔多人就試下。食物黎到，見係用外賣用既盒，膠杯，感覺就唔太好，野食方面，唔算好食但都唔差，係細舊少少。坐坐下，聽到有人好大聲高談闊論，仲以為係唔知邊張枱既客人，但原來係幾個店員好大聲傾緊今日既財政預算內容，我坐喺餐廳最入面，佢哋大聲到我係完全聽到佢哋嘅內容，咩啲煙加左價幾錢。要食三包煙就點點點，講足半個鐘。雖然果陣唔多客，但店員傾計可以大聲到咁，真係唔好話自己係日本餐廳

實在太差了。首先係服務員，態度差無禮貌成班自己掛住傾計。叫佢落單就好晦氣咁叫你去前台落單，因為阻住佢傾計所以態度極唔耐煩咁對你。pancake用紙兜載仲要俾支膠糖漿就算，pancake細塊過銅鑼灣店，打佐個八折size, 而且無空氣感，只係有返味道。太差了！！！銅鑼灣比呢間尖沙咀好不只一倍。其實無諗過要食呢間，只係朋友想睇下K11個場就陪下佢咁，估唔到可以咁差！🙈極度失望！！！唔會再去呢間分店食！😤😤😤

今日到訪Happy pancake, 這間店看似和銅鑼灣－樣，但其實味道方便銅鑼灣比較好。Tiramisu pancake $118這pancake 需時廿分鐘，pancake 十分厚身，是soufflé pancake , 可惜這pancake 沒有太濕潤，唔夠空氣感，但味道仍然不錯，有旦奶香，加上tiramisu 雪糕和朱古力醬，是甜香風味，沒有flipper 的好，但仍屬幾ok.Set Earl grey $28這伯爵茶茶味比較濃厚，但不澀口，口感順滑。焦糖牛奶咖啡$48這焦糖牛奶咖啡泡沫豐盈，有香甜的焦糖風味，牛奶味也濃郁，但不會過於甜膩，咖啡味很淡，即使不愛咖啡的，也能飲到。

好耐冇食soufflé pancake之前去開銅鑼灣個間覺得幾唔錯 今次黎k11 musea 食都幾失望🫠Overall pancake唔算好鬆軟但蛋味幾濃配料太少 唔抵食宇治抹茶濃厚慕絲班戟⭐️⭐️入口冇乜綠茶味 綠茶粉同慕絲都俾得好少熱朱古力班戟配自家製穀麥⭐️似食緊pancake 加朱古力醬，穀麥份量好少完全冇特別之後都唔會再黎

✨日本國產栗子班戟漬粟子香甜 有榛子 果仁同莓乾等作配料點綴栗子忌廉 栗子味幾香濃 口感香滑 偏輕身齋食忌廉部分會有少少偏甜 配班戟食就冇問題班戟 有淡淡蛋香 空氣感十足 但略嫌太濕潤整體味道都可以 ✨牛奶咖啡咖啡係普通機沖 正常味道 溫度夠熱食物都可以 飲品選擇少尖沙咀店餐具會以外賣餐具盛載食物賣相冇咁精美 大打折扣 環境普通 座位有分店內同店外 外面就係動物園 但無論坐內外都幾迫下 服務正常 價錢只係還好 少貴以呢個質素價錢出面會有唔少選擇

我覺得唔係失望… 係極失望！諗住特登過到嚟可以食到鹹pancake尤其是係嗰種又鹹又甜嘅感覺點知嚟到先至發現係自己出去落order咁都唔緊要仲要咁啱係安排咗坐喺餐廳出面叫咗個煙三文魚鹹pancake佢都有送餐過嚟不過所有嘢都係即棄用品俾你嘅感覺就係去食外賣/好想你快啲走完全沒有relax享受嘅所謂幸福感百幾蚊最後唔使20分鐘就已經食完嘅空虛空氣感唔飽都已經預咗但係食完仲空虛就唔使嚟食啦

呢間pancake啱啱引入香港時，日日大排長龍，最先應該係銅鑼灣分店，至少都要等一個鐘或以上！之後喺九龍區K11 M都開咗一間細細地嘅分店，但係同樣都係大排長龍！知我揀晏晝三四點嘅時候，稍為少人d。K11呢間分店鋪面比較細，所以有拎埋出面嘅位置作為用餐區，令到個流動量增大！相對大家等嘅時間都冇咁耐！喺等待嘅時間就已經決定食乜嘢，一有位就即刻去落單俾錢！之後就會有店員拎到你面前，但係佢都係半自助形式！如果你想拎紙巾或者水就需要自己去自助區自取，相對都比較方便！推薦：⭐️幸福班戟（$89）：試過咁多種味道最鍾意嘅都係原味，因為佢上面嗰舊cream係鹹甜鹹甜，配上即時出爐嘅pancake簡直係絕配，pancake嘅口感空氣咁重，但係又有蛋香味！所以呢三個pancake其實好快就可以食晒！而其他味道唔係唔好食，而係其他味道會掩蓋左pancake本身蛋香味！所以本人最鍾意都係呢隻！⭐️薑汁汽水（+18）目前呢間係我喺香港試過最好食嘅日本pancake，如果咁啱經過又見少人排隊真係可以試吓！味道：🌼🌼🌼🌼服務：🌼🌼🌼🌼環境：🌼🌼🌼🌼抵食：🌼🌼🌼

暫時都仲未去到日本，梗係要食住班戟頂住先之前經過K11已經好想食，一開始開業嘅時候要排隊，今次見唔係好多人所以入去食佢依個班戟都唔錯，食落去好鬆軟雖然價錢有啲貴，又唔飽肚，但係當係個甜品咁樣食都好幸福❤️❤️今次叫咗幾個款式1）朱古力味2）芝士蛋3）三文魚兩個一鹹一甜絕配👍🏼Pancake從$90至到$140不等，之後再加錢叫杯嘢飲，可以坐喺度Hea下慢慢食記得叫嘢食係要自己出去叫，之後就會有人送餐去你個位如果有用K Dollar嘅朋友仲可以儲分

奶茶班㦸配自家製穀麥 $108落完單一坐低，唔夠5分鐘，侍應生就拎班㦸過嚟，完全唔係即叫即整！好失望！疏乎厘班戟一定要即叫即整，熱辣辣先好食！呢個班㦸無乜蛋香味，同埋唔夠鬆軟。堂食都係用外賣盒形式上，影相打卡無咁靚☹️ 總括而言食物質素同價錢唔成正比，性價比低。

之前食過銅鑼灣分店，K11 分店感覺差好遠成舊水一個pancake ，用外賣盒裝畀你，砌嗰陣時個盒不停喺度轉，pancake 有黐住個盒，食到發忟憎，廿幾三十蚊杯咖啡又係用紙杯😔 (問過經理，銅鑼灣係用大碟，尖沙咀係用外賣盒)下次去返k11 地庫嗰間算數😁😁😁😁😁😁😁

同朋友係K11 Musea行街，我地之前有小小K dollars可以用，行行下又想食個甜品，就去左呢間好多人推介既幸福班戟。😆環境係幾舒服，先坐低再去Cashier落單，另外水都係自助形式。每人要最少消費一樣野，但我地又唔洗食咁多，所以叫咗一個pancake同一杯嘢飲。😂熱朱古力班戟配自家製穀物 ($103)朱古力醬超香濃，又唔會太甜，好岩香港人口味。班戟好鬆軟，再加埋中間既吉士再配上超脆口嘅穀物，好正。😋呢間價錢唔算平，但2個人share一個都夠食，所以除番開唔算貴😆行開K11 Musea想食甜品都可以黎呢間。👍🏻