幸福班戟 (K11 Musea) (已結業)

去咗3 次終於有一次係未賣哂日本紅到過黎香港既幸福pancake 🥞 真係真係好鬆軟😚😚甜而不膩 個牛油真係神來之筆🌟成件事簡單得黎岀色好好味呀❤️❤️❤️hkd80 only 少少貴啦 不過好味無計🤣

日本表參道人氣梳乎厘班戟店-幸福Pancake（幸せのパンケーキ，又名A Happy Pancake），這間店的梳乎厘班戟憑鬆軟口感，空氣感十足聞名，更被譽為吃了「有幸福感的梳乎厘班戟」，現已登陸香港，一直大排長龍，最近人少了點，趕緊去嘗嘗。.🥞芝士慕絲雜莓醬班戟帶驚喜的一道，微咸的芝士慕絲配上酸甜的雜莓醬，放上4厘米厚的班戟，滿滿的幸福感從口腔中爆發，無愧於幸福班戟的名號，必試之選。🥞宇治抹茶濃厚慕絲班戟濃濃的抹茶味，而且是正宗的帶甘味的抹茶，不是綠色的糖醬味，抹茶控必點。🥞提拉米蘇班戟感覺是吃了梳乎厘形態的提拉米蘇，不過不失，可以一試。.❗️假日基本上一直是要排隊的狀況，建議平日去，或是正餐用膳的時段可避開人群。尖沙咀K11店用的都是即棄的餐具，疫情期間較為衛生，但如果想拍照好看或較為環保，建議去銅鑼灣店。

紅極一時嘅梳乎厘😋幸福pancake/早前已經聽過幸福pancake 既大名次次經過K11 musea都大排長龍當日星期六五點幾到 等左15分鐘就入得但我就坐唔到入面 坐左係出面既位置環境就一般🤭/(5⭐️⭐️⭐️⭐️⭐️為滿分)1.朱古力香蕉班戟 $89 ⭐️⭐️⭐️朱古力加香蕉依個組合係無敵而朱古力既味都唔會太甜 剛剛好但身為梳乎厘狂熱 就覺得梳乎厘唔夠鬆軟缺乏左入口即融既空氣感🥺有少少失望2. 皇家奶茶 跟pancake +$28 ⭐️好甜 甜到好似得奶粉飲唔到茶香 我完全不推介🤢/總結 我覺得鐘意食梳乎厘班戟既朋友都可以去試下 但係就要預計佢唔係個種入口即融既口感 價錢係香港黎計 就不過不失 📍 幸福班戟 (尖沙咀)尖沙咀梳士巴利道18號Victoria Dockside K11 Musea 2樓233A號舖尖東站J出口

每次去東京做野或者旅行 都會去食日式PANCAKE 但由於疫情既關係 有排都冇得去日本了 唯有係香港發堀下日本既口味啦今次係朋友食過贊好介紹我地去既 好好彩去到路洗等好耐就有位坐 我地兩個人分別點左一個甜PANCAKE(奶茶班戟配自家製穀麥）同一個鹹PANCAKE(三文魚牛油果芝士慕絲班戟）黎SHARE食一食落去 忍唔住嘩左出黎 我找到了！！！幸福班戟完全做到日本當地食果種口味 軟軟綿綿 但又唔會食到成口都係泡奶茶班戟個自家製穀物有好多好清新既蘋果肉桂香味 連平閩麻麻地肉桂既我都俾佢溶化左呀 而佢個奶茶醬同PANCAKE真係好MATCH而三文魚牛油果芝士慕絲班戟亦都係充滿驚喜 估唔到PANCAKE同鹹野會咁夾 上面既檸檬芝士MOUSSE亦令佢生色不少雖然一百蚊食一個PANCAKE有D偏費 不過我諗我會忍唔住好快會再去幫襯 哈哈

本身食開cwb嗰間幸福pancake味道同分量都同日本無大分別點知K11 musea呢間差到我要出人生第一個OpenRice食評🙄1.份量少/size細大家可以去search下銅鑼灣嗰間啲pancake相嚟睇就會知道呢間個size細左1/3🤷🏽‍♀️鹹點pancake仲癡線直頭少左一件🤷🏽‍♀️2.食幸福pancake就係為左fluffy空氣感呢間明顯實過cwb/日本嗰啲完全唔係梳乎厘pancake嘅質感總之呢間分店唔會再幫襯Btw睇相發覺沙田嗰間同musea呢間一樣份量細又係用啲癈癈即棄餐具其實三間舖價錢一樣咁我洗乜喺musea/沙田食到一肚氣😒

如果係日本食過幸福 Pancake既你，應該已經深深愛上左梳乎厘班戟！唔洗一百蚊就食到鬆軟的梳乎厘班戟加一倍餐飲，超級抵食。知道香港開設新分店時表示又興奮又期待，不過每次見到條人龍都怕怕，最近見少d人就可以試下佢~每位食客要點一樣單品，因爲食完晚飯先到，就同朋友share一份奶茶班戟配自家製穀麥，再另加飲品。班戟大概10-15分鐘上枱，比預期時間快左，尖沙咀分店無論堂食定外賣都係用環保物料的紙盒呈上，可惜影相會無咁靚。奶茶班戟依舊好食，香濃的茶香帶點甜膩的口感，班戟香滑鬆軟有空氣感，加埋自家製穀麥口感變得有層次，不過班戟size有待改善，明顯見到第一件係比其餘2件細。凍咖啡烘焙味較重，不過不失。

星期一的6點左右到K1的幸福班戟，等位3分鐘左右就能直接入座。等位期間，店員請我們先點餐同比錢。由於Pancake係即叫即整，所以坐低左之後，就要等差唔多20分鐘時間比廚房整Pancake。餐廳裝修小清新，枱面就係雲石紋，感覺舒服。而餐廳無收加一服務費，所以等待期間可以去自助區倒杯清水先。我地叫左三份Pancake，唔加野飲，包括最基本既幸福班戟、朱古力香蕉班戟同芝士慕絲雜莓醬班戟。Pancake黎到係用紙盤裝住，呢個價錢黎講就真差咁啲。三份都係同一時間送上，每份都各有三件Pancake。 班戟蛋香味不夠，質感又未到好鬆軟，味道實在一般，唔覺得有驚喜或者幸福既感覺。幸福班戟附送小針筒焦糖醬，份量實在不足夠。朱古力香蕉班戟的朱古力糖漿味道濃郁，朋友十分喜歡。而芝士慕絲雜莓醬班戟，當中既雜莓醬有一種奇怪的味道，芝士慕絲味道則不錯。總括呢個價錢黎講，真係試一次就算，下次再食就留返去日本先食啦！

同友人行開尖沙咀K11，之前知道幸福班戟成日都要大排長龍，今日見唔係大多人就一於排黎試下，排左10分鐘可以入座，比預計快店舖採用先付款，後坐下等食物的形式。而食品主要分甜同咸班㦸兩大類。甜班㦸有8款可以選擇咸班㦸只有3款選擇店內環境燈光明亮，感覺舒服😌有溫馨提示班㦸全人手烤製，要等20分鐘先上枱，我計過時剛好20分鐘就上枱有得食。1. 全麥班㦸配芝士蘑菇奄列$98，班㦸即叫即製，上枱熱呼呼，食落鬆軟香口，全麥班㦸，食落感覺會健康D。2. 三文魚牛油果忌廉芝士班㦸$108，牛油果尚算腍，而三文魚配上忌廉芝士醬，美味3. 時令鮮果班㦸$108，鮮果款式及份量都多，連班㦸一齊食，滿口新鮮感。K11 商場優惠，食滿$300可減$100，埋單只需$214，有3份班㦸，原來付出少少，就可以有滿滿嘅幸福感

與日本相比真係差天共地, 無輪味度, size同賣相, 真係唔惦, 如果唔係以日本幸福既招牌, 可能我都覺得還好, 但當你親身體驗食過日本既幸福真係完全唔同, 如果日本人黎香港食, 真係會大跌眼鏡!

近排終於有機會試吓依間日本過江龍,pancake 係即叫即整,非常新鮮。而且甜品係女人第二個胃一定要食熱朱古力班戟配自家製殼物賣相非常好,pancake 口感鬆軟,入口即溶,所以影完相要即食,如果唔係好易塌,但朱古力味濃郁,配上自家製殼麥,加強了口感。

知道尖沙咀新商場K11 musea開了Happy pancake 非常開心，因為好近女朋友工作地點，所以放工便去一試。因為我們還要去吃晚餐，所以只點了一個原味的pancake 和一杯奶茶小嘗一下。餐廳內的位置非常少，所以我們只能坐了外面的位置，當pancake到了的時候，它是用紙盒裝的，有別於日本分店，而且蜜糖的份量也只有一個小針筒的大細，之前我們自己去日本吃一份跟本吃不完而且非常飽跟非常美味，這一份2個人吃有點不夠，而且蜜糖份量也不夠，有點失望，但聽朋友說銅鑼灣店是用碟裝的，蜜糖份量好像會多一點，下次會試試銅鑼灣分店。

由於太想食甜品的關係，晚上時分要找間未關門的甜品店都有d難度....假日竟然無人的幸福班戟，害我以為它關門了...向店員查問下得知原來關門時間是9點，才入去沒多久，陸陸續續有不少客人都跟著進來了....點了個堤拉米蘇班戟，這個咖啡醬和cream實在太棒了，好吃！配埋杯牛奶咖啡實在不得了！不過店內的咖啡選擇實在太少....二人食仲點了個奶茶班戟，見咁多人推介就試下，但真係麻麻~~兩人點了兩個班戟但都食唔哂，如果不大食的話可能點一份就好了！

終於一試呢個幸福pancake，一向都有好多人排隊，尖沙咀店好係因為唔使加一服務費，而且價錢比銅鑼灣店平。一客有三件pancake，試咗原味，有蛋香。疏乎厘pancake夠厚度，食落一啖淡充滿幸福感。配埋糖漿，真係好好食。$80原味，性價比好高，仲有好多其他口味。例如朱古力味，下一次都會想試吓唔同嘅口味。另外，仲叫咗朱古力咖啡，咖啡幾好飲，有朱古力味，但唔會太甜。餐廳以自助形式，唔使加一都算OK！

之前見過有好多人排隊，今日見到比較少人，所以試吓。店員態度幾好。我點了朱古力 granola pancake. 其實味道是ok的，但無驚喜，pancake 唔算好鬆軟。我食過嘅其他梳乎厘pancake 好食啲。最後，即棄餐具真係好唔環保。

已經唔知第3定第4次幫襯每次都係外賣，因堂食同外賣個等待時間爭太遠平均每次都係等10-15分鐘就有得食佢既pancake 係值得等既👍🏻今次點左一甜一咸pancake 2樣都係keep到水準，但個人覺得pancake 都係甜比較夾