幸福班戟 (K11 Musea) (已結業)

星期一的6點左右到K1的幸福班戟，等位3分鐘左右就能直接入座。等位期間，店員請我們先點餐同比錢。由於Pancake係即叫即整，所以坐低左之後，就要等差唔多20分鐘時間比廚房整Pancake。餐廳裝修小清新，枱面就係雲石紋，感覺舒服。而餐廳無收加一服務費，所以等待期間可以去自助區倒杯清水先。我地叫左三份Pancake，唔加野飲，包括最基本既幸福班戟、朱古力香蕉班戟同芝士慕絲雜莓醬班戟。Pancake黎到係用紙盤裝住，呢個價錢黎講就真差咁啲。三份都係同一時間送上，每份都各有三件Pancake。 班戟蛋香味不夠，質感又未到好鬆軟，味道實在一般，唔覺得有驚喜或者幸福既感覺。幸福班戟附送小針筒焦糖醬，份量實在不足夠。朱古力香蕉班戟的朱古力糖漿味道濃郁，朋友十分喜歡。而芝士慕絲雜莓醬班戟，當中既雜莓醬有一種奇怪的味道，芝士慕絲味道則不錯。總括呢個價錢黎講，真係試一次就算，下次再食就留返去日本先食啦！