平民扒房@友蠔食 (已搬遷) 新店位置

都話咗我成日去女人街搵食， 女人街搵食嘅好處就係短短哋一條街， 有齊中日韓西越南 泰國印度土耳其 等等的食物，唔會搵唔到自己想食的。 今日就同朋友去咗友蠔食平民扒房， 佢想食日式石板牛肉， 而我想食意粉，小店就就正正滿足咗大家的需要。 石板巴西牛柳套餐 套餐包括咗餐湯同飲品。 餐湯係羅宋湯，不過不失啦。  牛肉會有四種價位可以選擇， 最犀利係可以揀和牛添。 不過我就揀咗巴西牛柳， 對於我嚟講有肉食就得啦。 石板分開咗兩塊，一邊比較熱另外一邊就比較冷， 唔會怕石板太熱，把已經燒好咗嘅牛肉再整熟，非常貼心。 可以自己控制生熟程度。 啲肉食落去都幾juicy㗎。  跟餐仲包括咗薯蓉雜菜， 而且湯同白飯都係任點任食， 唔會怕唔夠飽。 而另外一個意粉就叫咗燴龍蝦忌廉意粉， 即叫即整， 龍蝦肉都幾爽幾彈牙， 忌廉汁濃滑不過膩， 而且意粉唔會整得過淋， 煙煙韌韌。 兩個午市套餐都包括飲品， 一杯石榴乳酸，一杯係波羅特飲， 兩杯都酸酸may may唔會過甜，十分開胃。

同事唔知發咩神經話要去食蠔...然後就黎左平民扒房啦~一黎就價錢都唔睇就叫老細要半打生蠔...明明今日好凍...老細一拎上枱,我地都"哇"左一聲, 美國生蠔真係好肥好飽滿, 3個人每人2隻真係唔夠喉, 不過過下口癮真係好唔錯~美國蠔都幾有海水味, 食落口仲可以嚼多兩啖, 因為真係幾飽滿, 而且食得出新鮮,新鮮的蠔真係唔吱檸檬唔點醬都食得出鮮~老細真係幾細心, 估我地都係三個人share架啦~我地都未出聲,就已經俾左三隻碟我地再黎就係"蒜香海膽香草意粉", 同事一黎就食晒D海膽, 搞到我無得食....佢地仲要炫耀話海膽好甜......蒜香味好足, 聞落同食落都食得出蒜香~意粉亦碌得岩岩好, 而且有我愛的三文魚子(為左報復,我食晒三文魚子!!!)另外2個同事就嗌左石板燒美國牛板腱+巴西牛柳~聽到石板上的"炸炸聲"感覺真係好療癒~牛板腱好重牛味, 不過煮耐左有D位就有D韌~牛柳就軟淑易咬~各有各喜好啦~但配肉的汁, 真係好驚喜到我!!黑淑汁同蒜蓉汁點牛好出色, 送飯更出色!!!去到最後面, 我根本係倒汁送飯!

香港普遍把自己定義為扒房的餐廳，價錢都屬中高檔位，位於旺角的平民扒房，用得「平民」二字，無論份量和價錢都較為貼地。六點去到，一眼望入餐廳是筆者最愛的工業風裝修，未食先有50分底分🤪🤪餐牌上有各式扒類選擇，亦有不同重量提供，細食的女生不必擔心會浪費餐湯是筆者最愛蘑菇忌廉湯，蘑菇粒粒佔的比重頗多，飲落口感豐富。我們叫了兩份扒餐，均放在熱石上。隨餐附上蔬菜杯和白飯，十分抵食。紐西蘭肉眼 (7/10): 肉眼扒有兩塊，放在熱石上溫度保持得更好，肉本身也挺juicy美國牛板腱 (7/10): 牛板腱口感相對較帶嚼勁，但肉味較濃，兩者各有各的優點。飲品亦不過不失，總括來說份量取勝，是旺區抵食之選。

餐廳的名字叫平民扒房本身對質素沒有太大期待，只打算平平地食一餐結果是很有驚喜的叫了一個最便宜的扒-紐西蘭西冷一大塊只需$78仲要是湯及飯都是任吃環境很有氣氛，天花有燈光星星而且石燒扒的賣相很不錯，有個旗仔，很適合打卡

旺角有「平民扒房」- 抵食石燒牛！冬天到總是想熱辣辣行過女人街的巷仔，見到有人在食石燒牛香噴噴，就吸引了我去試試.主打應該是石燒牛，當日全部客人都點都有其他肉類，如羊架、雞、生蠔等等.試下2款牛肉：牛板腱香- 超超超厚切的扒，有香濃牛肉味，正！牛肉好新鮮，肉感好有質感，咬很好有「牛感」，大快朵頤！紐西蘭西冷- 是最平的扒，$78有200克。是厚切+新鮮的，試了一口，肉感比牛板腱嫩滑，但牛肉味都是牛板腱更為濃郁。.有2塊石板，一塊是熱的用作「石燒」，另一塊是standby 防止燒太耐變「老牛」。.跟餐送薯蓉仔，也點了2杯乳酸飲品.任食飯、湯，最平$78就有塊靚扒還可以加錢任食薯條及任飲soda，「民以食為天」，這種絕對是貼地價錢的「平民餐廳」！

不經不覺又到了糧尾，經過女人街看見平民扒房門外的餐牌，果然是平民價，45蚊午餐包餐湯和熱飲，免加一。地方需細，但頗有特色，牆上餐牌海報以生蠔為主，菜式較適合糧頭點選。今日點了價錢較實惠的午市套餐。吉列豬扒配忌廉炒滑蛋飯、蘑菇忌廉湯+熱檸檬茶$45。豬扒幾香幾惹味，炒蛋都幾滑，餐湯超多蘑菇粒，略欠忌廉味道。蔥油汁雞扒火腿飯、蘑菇忌廉湯+熱檸檬茶$45，雞扒肉厚超大份，有酒味，味道幾特別。餐廳環境不錯，地方就腳，而且價錢親民，值得一試！

見咁多人推介呢間食扒今日難得有lunch空檔我決定要毒自鋸個靚扒位置一啲都唔難搵，佢就係妹記果一段嘅女人街，威達大廈隔離嘅地舖內裡雖然細但係坐得舒服又有親切感，有啲住家feel先嚟個蘑菇忌廉湯，好鍾意每一啖都食到蘑菇粒，個湯做得好香好滑，飲無停口今日叫咗個200g嘅美國牛板腱，店員好細心咁走埋嚟同我解釋件扒已經煎到一成熟，可以自行搬去對面果舊熱石度決定煎到幾成熟再搬返去原位切嚟食，呢個方法又幾醒，煎衰左就係入自己數😂 試咗一舊冇點到汁嘅牛，牛味好香，入口軟滑唔會多根啲汁又調得好好，點埋隔離啲蔬菜同埋薯蓉都好夾另外仲跟咗個飯驚死肥仔我唔夠飽另外仲叫咗杯雜莓乳酸，酸酸味味好開胃超抵食呀今餐！

平食鋸扒來來去去唔係花園餐廳就係第尾牛扒，都想試試新意思，星期六返半晝，放工同先生搵到通菜街呢間平民扒房，貪佢有近年大熱嘅熱石板牛扒食。餐廳地方唔算大，裝修行工業風，簡潔有特色。我哋嗌左一份熱石板美國牛板腱同吉列豬扒配忌廉炒滑蛋飯，餐湯係蘑菇湯，一般平價西餐廳嘅餐湯通常都係劣食，所以我哋都唔抱啲咩希望，一試之下居然有驚喜！雖然唔可以同高級餐廳媲美，但蘑菇味相當濃郁，蘑菇蓉非常綿密，質地微稠，口感順滑，完全係我杯茶❤️美國牛板腱只煎到一成熟，用室溫石板上枱，旁邊另一塊係熱石板，侍應細心提醒小心高溫。第一次食我哋小試牛刀揀咗200g，份量都唔算細，大概一隻手板大小，但如果自問相當大食就可以考慮下400g。熱石板最大嘅好處係可以自己決定厚薄同生熟程度，而且煎一煎先點汁食比起平日食鐵板冇咁大油煙👍🏻牛板腱係肩胛骨後面嘅肉，因為郁動少，所以肉質零舍幼嫩，油花細密，個人喜好係厚切後輕輕煎封兩面，入口特別Juicy😋附帶嘅前菜小碟有迷你甘筍、番茄仔、粟米、西蘭花同薯蓉，冇過多嘅調味，感覺清新健康。吉列豬扒配忌廉炒滑蛋飯係午餐是日推介，價錢超抵，一個價錢仲包餐湯同熱飲，而且份量都幾多👍🏻飲品揀咗雜莓同石

同朋友係旺角買野，順便食個飯。行過見到入面有d熱石放住d扒，覺得幾得意，所以就入去試下啦。我叫左巴西牛柳 ($88/200g)上之前會有湯(任食)其實佢的前菜同飯都係任食，不過我同朋友都冇加到😂太飽個牛柳係用熱石上的，佢會比2塊熱石，一塊係熱，一塊唔熱，我地都覺得好細心❤️因爲避免左煮過龍嘅情況，又可以自己選擇每舊的生熟程度。牛柳好厚身，都有牛味，加個汁更加正！朋友叫左美國牛板腱($98/200g)比起牛柳更有牛味，而且薄d，易切d。另外我地都叫左生蠔Pacific rock($36)，都好新鮮😊👍🏻餐廳環境都ok。值得一提的係侍應好熱情，會詳細講解食用方法，同介紹食物，而且做野都好快手。

美國牛板腱(200g) 💲98蒜蓉白汁蜆意粉🍝 💲88✅ 牛板腱有咬口🥩 最貼心係佢上菜既時候分開冷同熱兩塊石板❄🔥 切出黎自己慢慢燒😌 唔使擔心好似一般熱石牛咁overcooked✅ 蜆大大隻😻 白汁有非常濃厚既忌廉味⚪ 而且意粉硬度恰到好處😋👅Taste：3.5/5💰CP值：3.5/5🙋🏻‍♂Service：3.5/5👁‍🗨Stylishness：3.5/5

作為一個窮人嘅我，夜晚食晚餐仲要陪埋女朋友一齊食，動輒都要花成三$400 ，而今次女朋友又嬲嬲豬話要食多啲蛋白質補充下骨膠原，去到旺角嘅時候，行去女人街呢個地方，咁岩經過一間平民扒房，見裏面有好多人等位，望望食平又唔錯，價錢又經濟又實惠，就心思思入去試一試佢嘅廬山真面目！呢間餐廳嘅格調平淡而優雅，對於女朋友來講都算一個唔錯嘅選擇，一來裝修算唔錯，二來靜中帶旺，揭一闋都係一個唔錯嘅選擇！坐低嘅時候，侍應義不容辭就比兩碗湯佢哋飲，今次係一個南瓜湯，飲落真係算唔錯啊！事關飲開西湯嘅就知道大多數係加好多生粉，而呢一個好明顯係不加任何古靈精怪嘅嘢，飲落好舒服！接落嚟我哋就叫咗兩個牛扒餐，而是應亦立即幫我地穿起圍巾！都幾周到下架！話咁快3分鐘兩份牛扒就叫到啦！佢哋係用咗兩塊熱石放喺我哋每人嘅餐上面跟前面嘅石只有微溫，而對出嗰塊係比較熱嘅，侍應叫我地張徹好嘅每一份肉放喺對出嘅熱版上面看熱佢就食得㗎啦，感覺都幾得意！亦可以令我哋選擇用每一份唔同熱力嘅方式感受下究竟乜嘢熱到既肉為之好食😋第一份係美國牛版腱，選用美國牛腱上背嘅肉材，唔算太肥，亦唔算太瘦！佢哋亦唔似好似花園餐廳睇咗好多鬆肉粉完全係有中上給扒

岩岩係旺角俾哩間餐廳既名吸引左😚😚叫平民扒房😋😋搞到我心郁郁想去試下😝😝餐廳入面既裝飾好有特色💓💓用鐵皮造成牛羊等等既飾物😊😊而且好重工業風既格調☺️☺️我覺得係好配食扒既☺️💓💓店員好好呀，講解有咩好推介同點食最好🤫🤫最後我決定左嗌❤️蒲燒鰻魚配忌廉炒滑蛋飯同熱❤️石牛板腱💓嗌完野食好快就上左蕃茄湯喇，蕃茄好濃味喎，仲好甜呀，不錯喔😋😋❤️蒲燒鰻魚配忌廉炒滑蛋飯賣相好吸引呀，鰻魚好重鰻魚味，而且魚肉好鬆軟，一口咬落去有溶化既感覺🤪配合埋鰻魚汁，正呀❤️炒蛋好滑，蛋味好香呀，真係整得唔錯啵🤪❤️熱石牛板腱真心好正呀，又可以自己調整熟度，全部自己話事，牛板腱係比較重牛味既部位，肉質又唔會鞋口，而且整到8成熟左右肉汁全部鎖係肉果度，真係勁正呀😊😊老闆真係好介紹🤫飲品我叫左雜莓乳酪特飲同熱檸水，兩杯都唔錯喔，乳酪特飲我覺得甜度適中而且莓味好重，好好飲呀😚😚

牛扒呢樣嘢，平有平食，貴有貴食。今次偶然黎到旺角食呢間平民扒房本來諗住嗌生蠔，但可能因為時間夜左賣曬，就嗌咗份薯條食。自家秘制紐西蘭牛對於鍾意食比較生牛扒嘅人嚟講，呢款熱石板牛扒就絕對啱口味。 因為牛扒上鐵板時只有一成熟，食客就可以將牛扒放喺鐵板上，煎到自己心水嘅生熟度。芝麻雞半隻同樣都係以鐵板上枱，雞下面放咗洋蔥，等雞肉唔會俾塊鐵板over cook。 雞肉嘅外皮烤得香脆，而入面嘅肉又唔會太乾，食落可口。

好好食，好抵食，生蠔好靚，多選擇，又有任食薯條，我唔食肉，但見我朋友食得好開心。最重要係樓面侍應哥哥，好爽朗好有效率而且好有禮貌。已bookmark ，下次會再來。

#中意嘅請分享請點讚🍻----------😋紐西蘭牛扒 200g $78牛扒有2大塊，所有牛都係一成熟，再經熱石板將牛肉煎熟，可以按自己喜好決定生熟程度。熱石板如果凍左可以叫店員換一塊。-😋美女豬扒@松露白汁 $108豬扒有2大塊，建議唔好煎太耐，煎到表面有小小金黃色就岩岩好，煎太耐豬扒好易過熟。豬扒用左香草調味，肉質比較淋身入味，而且松露白汁有驚喜。----------所有熱石板套餐包前菜、湯(蘑菇忌廉湯)、白飯，全部都係無限任添，一定食得飽。不過店內只有3位店員，所以落單/上菜都要耐心等待，我去咁岩晚市好多人，白飯同熱石板都唔夠熱，建議請多個員工先可以保持水準🙈。----------🚩平民扒房@友蠔食🔎旺角通菜街1A-1L號威達商業大廈地下D號舖