平昌

營業中

休息中

今日去到兆萬食野，次次去樓下都有好多人派傳單 叫我地上去食。。但通常我都會係呢度睇下有咩好食，之後見到呢間平昌韓燒 好似味見過 就上左黎13樓。一出個lift 就係平昌了，由於我地7點黎 都算早,之後都多人黎食。呢到環境有少少唔同於我地平時食韓燒既環境，我黎到以為係BBQ...haha不過都幾特別 最特別應該係佢對筷子🍽🍽係韓國用的 但同平時我地用個d唔同 扁d 好多韓國feel🇰🇷🇰🇷一開始張桌係有泡菜同芽菜，泡菜好正，叫左兩次。🤘🏻🤘🏻咁睇張menu,就叫左烤五花腩、烤鰻魚、烤蝦、烤生蠔、五花肉、雞肉、牛肋骨同埋加左$食飽魚同元貝個d。都唔係過話多選擇，但最梗環好食！我個人比較中意烤饅魚同埋烤飽魚。烤饅魚我覺得好似食壽司咁，佢有醬汁係面。甜甜地，烤完d汁鎖實係入面，好美味😋😋而烤飽魚最特別係佢飽魚下面有芝士，我係好中意食芝士,平時芝士都係襯生蠔，今次就特別食飽魚襯芝士。d飽魚洗得好乾淨，無沙。有芝士食落仲正，估唔到又幾好味。另外，五花肉都好正，因為佢有肥肉同瘦肉一塊，燒燒燒，就食得了，配埋醬汁，一啖食落去，覺得身處韓國啊。烤蝦就入面有牛油，但牛油滑左落火入面-.-但d蝦肉都滑👍🏻佢

最近上到呢度先知原來轉左鋪頭同以前一樣都有放題於是試一試坐低睇到menu的確有啲唔同左本人好鍾意五花腩值得推介既係呢度既五花腩好厚身咬落好脆口醬汁方面豉油配五花腩超好食要講既係而家燒酒比以前多款左我自己就好鍾意藍莓味一黎夠甜二黎比較易入口另外加左錢試下鮑魚好新鮮原來燒都幾好食而選擇都幾多食物都黎得好快又有話漏order服務方面職員好細心不停有人黎幫我地燒自動換板換左好幾次論價錢雖然唔算平但都算物有所值本人覺得值得一試

之前都有同朋友食開呢間7080但今日上到去話改左名做平昌 menu都有D唔同左 咁就好奇佢D野食變成點同新野好唔好味啦 佢D野食的確係唔同左 有D真係好味左既佢唔知係味轉左供應商定點 D豬燒起黎冇以前咁痴板同埋我個人覺得口感方面好左佢D牛利真心正 唔好燒太熟既話 真係有彈口既感覺牛肋骨都好好味 梅頭我就覺得冇之前咁好味 呢個係小小既缺點佢轉左公司之後燒酒都多左味揀佢呢隻我極推 我本身唔鐘意像燒酒 但呢隻我真心覺得好味 淨係飲到好香水果味 58蚊支 完全唔貴 呢隻味係雜果味

打黎bk枱先知原來轉左名，而家叫平昌~ 雖然今日人都幾多，但店員都好快安排到位比我地。入座之後，店員就幫我地加蛋，啲蛋加泡菜同芝士都好好食！！店員仲好好咁一見無晒蛋就幫我地fill !! 黎到枱面都有幾多款前菜同醬~仲可以無限refill~落左單之後一陣野食就上，超快！野食嘅質素都比之前進步左，擺盤擺得好靚，啲野食都幾新鮮，海鮮都好靚~ 食物嘅款式都好多，唔止生肉海鮮，熟食都有唔少種類！店員又靚女~哈哈哈！價錢合理食物質素又高，下次會再黎！

我黎到平昌食飯，啲野食好岩胃合，地方整潔，啲音樂好有氣氛，一邊享受食物的同時，又有音樂伴奏，不但食物的質素和份量都是符合去食飯的香港人。食物當中有雞，牛，海鮮類野食比你任君選擇，而且價錢合理，任食的一人價不算太貴，至於令我最深刻的是服務員的質素，服務員會用心為你提供一個最貼心的服務，令你享受最貼心的服務，我認為平昌不論在服務員，地方環境，以至食物質素都是一流，令人回味無窮，所以我覺得平昌是一個食飯的好去處，值得為你們推薦。

今個月已經黎過幾次旺角呢間韓燒放題，感覺還不錯，而且一入去就已經有好多人係到燒梗，因為我都幾中意韓燒既，所以一入到去聞到d韓燒味就感覺幾誘人！D位雖然擠小小 不過感覺樂融融，好熱鬧，個feel幾開心既~而且d檯好特別，聯繫到韓國果仲氣氛，特別係墻壁d畫！而且飲料方面有好多款式，對於有選擇困難症既我選擇第一罐好猶豫，因為飲唔曬所有飲料。食物一份分量都足夠食，感覺還可以，不過食物選擇唔夠多，希望可以再加多D啦~不過總體黎講，唔貴，我覺得幾抵食，值得黎！

今日打電話諗住Book位 打過去佢地話轉左老細 話改做名做平昌咁就基於呢個好奇心同做想個比較去食 去到個環境係完全冇變既都仲係呢個樣 跟就坐低左 發現張Menu有啲野多左咁自不然都有野少左啦 豬皮同豬腸都冇左粉絲好好味正正蛋加芝士真係超好味 加泡菜都得燒酒方面都多左2隻味 58蚊支 我覺得都算平以餐廳黎講出面有啲仲要70蚊支 唔知係味轉左老細關係 服務同野食都好過之前整體黎講係好既 唯一缺點就係冇左幾樣野食 如果可以做到冇減有加就好啦