平昌

營業中

休息中

<好正既韓燒放題>🔥呢間平昌開左都幾年 間中都去食下 佢既韓燒任食價錢合理 任食兩個 hour記得 bk位 , 我地食世子 set , 即係可包埋大君 set既野食 野食多又豐富 首先喺個熱辣辣既烤爐邊側邊整 d蛋 側邊仲有生菜 泡菜 芽菜 辣醬 甜豉油等等 要黎包住同點肉食😁 飲品有唔同既啤酒汽水 可樂 好多選擇👍🏻海鮮方面海蝦好新鮮 仲有帶子 扇貝 都好味肉類有豬牛雞 內臟 最正係肥味既牛腸 辣得黎好惹味既豬大腸 牛西冷 牛胸腹 豬腩肉 爽滑既雞腎 雞軟骨 仲有肥味鰻魚等等 🐷🐂而不得不提佢既熟食都十分唔錯 有冰凍爽口既水冷預 香預既炸雞翼 鯖魚 仲有生醃蝦等等 🦐 都好好食 食到甘滿足都係每位278 蚊加1 好抵食好味 👍🏻#韓國菜 #韓燒 #帶子 #海蝦 #西冷 #冷麵 #大腸 #豚肉 #泡菜 #煎蛋Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻

兆萬出名劣食，朋友約我黎食本身有啲驚，但體驗都算唔錯!呢度放題分3個等級 其實最平既大君御膳已經包左好多款食物，燒肉/熟物/主食都有，今次食既世子御膳就再多啲選擇!一早book好位，所以唔洗等直接入得🤤一坐低就上左前菜，有芽菜泡菜，消滯生菜，仲有爐邊蛋點餐係劃紙仔，寫好號碼寫埋數量，食材好快就送到。兩個人就無留quota食飯食麵，不過試左好多款肉，同幾款炸物☺️爐邊蛋調味啱啱好，有少少似咸蛋蒸蛋，放耐少少慢慢食都唔會太燶太乾炸蝦炸芝士炸芝士蝦球😗上枱既時候已經唔燙口，但都仲係脆卜卜。無乜蝦味😢炸芝士正好多，食幾舊過下口癮都幾正咁多款肉，有幾款特別有印象大推香草五花肉! 呢度既五花肉幾厚切，加上火力勁大，輕鬆整到少少燶邊但入面一樣彈牙，加埋香草既調味就啱啱好照燒肥牛片都唔錯，自己燒都有餐廳既味道☺️想自己點汁食，就推薦護心肉同牛前胸腹肉海鮮類係魷魚比較好，其他唔算出色飲品bar選擇都多!兩個人吹下水燒下野食，時間好快過，服務好快手，抽油煙都唔錯。較為不足係音樂有啲大聲，成個環境就比較嘈雜少少，但用餐經驗係相當愉快😌😌

去到旺角周圍都係餐廳選擇，但係邊一間餐廳唔中伏，又好食既韓燒，我就來過依間平昌幾次，每一次都冇失望，所以今日都特登影吓相，推介大家食大君套餐，大家唔使食最貴嘅套餐都已經有好多款式選擇，而且質素都好高。呢間舖頭平日嚟都算多人，所以大家記得一定要預約。198一個人食到好多選擇嘅肉，我仲想講佢唔單止肉高質，佢嘅side dish都好好食。首先個鑊就有店員為大家準備嘅蛋，我就叫咗豬頸肉，牛舌，牛肋骨，肥牛等等嘅肉，而家就想講吓佢韓式炒年糕，泡菜豬肉湯嘅韓式炒年糕份量會話好多，但係佢係同出面韓國餐廳一點叫嘅炒年糕嘅質素一模一樣，好好食，因為通常出去食放題，佢嘅side dish 都係唔好食嘅，但係呢間餐廳唔會。以佢嘅泡菜豬肉他亦都有好多泡菜，質素都好好，我就鍾意將泡菜撈埋肉，再撈埋菜一齊包住食。而家人老咗，真係唔想食太多肉，所以我都覺得係呢間韓式燒烤餐廳食放題嘅話，除咗可以食烤肉，亦都可以食韓國菜。飲品同埋雪條都係好多韓國入口嘅

好難得搵到一間黃店嘅燒肉放題💛 平日都好多人排隊 坐滿晒 空間唔大 坐得好滿 所以好熱鬧 🤣我哋揀咗世子放題 $278 一個人🤣 有好多燒肉海鮮韓式小食😋 世子比大君多d 肉食同埋有醬油蝦 所以就揀左貴少少嘅🤣 有好多肉可以食 例如護心肉、牛肉眼、T 骨牛扒、調味豬梅頭片、薄切五花腩、肥牛片、牛舌等等 超級多選擇😋 都算係我食韓燒入邊算最多肉嘅一間！最鍾意食調好味嘅肉 因為佢個醬料好入味 好好食！ 仲有爐邊蛋 全部任食 唔洗理價錢！ 醬油蝦！ 🦐呢個一定要推介 因為蝦非常鮮甜 醬油加芝麻味道好夾！我encore 左幾次🤣🤣 仲有蠔、虎蝦、帶子、青口、扇貝等等海鮮 都算新鮮～ 仲有好多韓式小食 例如炸雞、韓國年糕、泡飯、辛辣麵等等 真係最鍾意呢度多款式 次次都食到勁飽又可以試唔同野！👍🏻💛

生日飯局停不了。今日就去咗旺角兆萬13樓“平昌“食韓國燒烤。 我哋選擇咗“大君套餐“，198蚊一位任食。食物方面，就分咗牛肉，雞肉，豬肉，海鮮同一啲韓國熟食。 先介紹下啲牛肉。本人推介嘅就係“牛肋骨肉“同埋“LA牛排“ 。肉類沒有太多嘅醬汁醃料， 整熟咗之後就可以原汁原味咁品嚐到牛肉嘅香味。 雞肉方面，我會推介“雞肉串“同埋“原隻雞翼“。雞肉十分嫩滑，原隻雞翼啖啖肉十分滿足。 豬肉方面，我就會推介“豬頸肉“。 厚切得嚟唔會好油膩，而且肉質非常爽口， 口感十足。 海鮮嘅話就會推介“魷魚圈 “，即使喺鐵板燒完之後都唔會好乾身，而且口感膠質十足。 另外“鰻魚“都好出色，必食。熟食方面都幾多選擇。本人推介嘅就係但“肥牛大醬湯“。 出面比較少飲得到，有驚喜。 另外個年糕都好好食 ，嗰醬甜甜辣辣 ，攞嚟點埋啲肉食都可以。 仲有好多其他美食不能盡錄。溫馨提示： 我哋平日去但係都已經好多人，所以記得要訂位。

同朋友約好咗食晚飯，一早用OpenRice 訂位，又方便又容易。我哋原先book 8:00，但因為個個都早咗到，所以我哋就早咗少少上去，因為兆萬等lift 想去嘅人勁多，所以要預留少少時間去排隊。我哋7:30左右上咗去，店員都好好，即刻安排位俾我哋坐，帶咗我哋入去一間房嘅位置。我哋入到去，抽風系統應該唔係太好，因為都比較大煙，但都接受到嘅。我哋坐咗一陣，發個冷氣真係唔係好夠，一路食一路出汗，店員仲話冷氣開到最大，所以怕熱嘅朋友要注意，記得帶風扇嘢食方面，所有嘢食都好新鮮，我哋叫咗最貴嗰個餐，我就勁鍾意食佢嘅醬油蝦，佢嘅所有牛肉豬肉等等都係好新鮮嘅，店員都有禮貌，總括嚟講值得推介

冷氣唔夠，一邊食一邊擦汗，點十份老是少來幾份，再點也是這樣，真沒意思，本來份量就少，又少來，老是在等食物。食物種類唔多，蔬菜🥬更少選擇，海鮮🦞不要有期望，凍棒要在FB點讚才能取一支。

今日晚餐同朋友來平昌旺角食韓式燒肉放題🥰我地要咗世子放題 , 因為可以食埋大君嘅menu😍 熟食都有好多款海鮮蔥餅好脆口，安東燉雞好入味，雞好juicy👍🏻👍🏻👍🏻燉藍青口幾新鮮，脆炸芝士蝦球都炸得脆卜卜，非常好食😍 韓式大醬燉青花魚個醬好幾正宗，好有韓國特色！😋😋😋 調味鰻魚是我最喜愛的，因為用了燒汁，鰻魚啖啖肉冇骨😍 燒烤種類有好多😍肉類有例如雞肉串,牛舌,牛肋骨,豬頸肉同護心肉，全部都有醃製的所以非常惹味！ 🥰🥰🥰海鮮有帶子，青口，虎蝦等！ 都非常新鮮，肉質嫩滑😋😋😋醬汁有三款包括有燒汁，辣豆瓣醬及麻油鹽👍🏻 飲品係自助任飲架！

慶祝終於可以放假，所以就同左朋友仔過嚟呢一間好出名嘅韓燒度食下啦💛可能因為放暑假啦所以人都真係幾多，入去訂咗位都等咗一陣，不過店員都好好禮貌，真係辛苦晒我哋就叫咗個高級煩啊因為要慰勞下我咁辛苦嘅人生，所以呢我就食咗呢個世子，我都係$300左右，唔錯啊佢就包左T骨牛扒話真係成塊面咁大，同埋帶子扇貝有殻嘅生蠔❤️❤️❤️用料其實我就覺得好好，朋友話雖然唔夠啲勁高級嗰啲肉佢比啦但係呢個價錢同埋呢個質素真係CP值非常之高同埋佢啲配菜都非常之高質，我就最鍾意飲佢嗰個海帶湯，如果啲石頭鍋飯等咗一陣我哋燒咗好多嘢，但係識落都係熱辣辣同埋真係好鍾意食佢嗰個粉絲要一叫再添，遲啲如果同朋友想食韓燒絕對都會返番呢間舖頭

已經唔記得係第幾次嚟呢間食韓燒今次同之前一樣都係成$290嘅套餐醃肉好嘢味！之前食過好多間聲稱韓燒都好伏、因為根本稱唔上係韓燒！而呢一間比我嘅感覺就好似真係去咗韓國食韓燒一樣！就連佢哋嘅大軍料理都同喺韓國食嘅一樣味道但今次佢唯一不滿嘅係佢哋安排我哋坐門口位，而呢個位完全唔夠冷氣！我係一個好怕凍嘅人都熱到出晒汗、

以前最鍾意黎呢間食韓燒 真係好抵食 如果冇book位幾乎食唔到 今次黎真係好失望 128個套餐賣228 客明顯少左好多 啲店務員都係黑口黑面 有啲又冇戴口罩 以前韓國個啲好nice 依家上菜都慢 今次食完唔會再來了

好耐冇同呢個閨密撐檯腳girls talk啦,放咗工齊齊食韓燒,慢慢傾慢慢講。我哋六點左右到,入座率已差不多7成。到我哋走時,已經有好多人等位。雖然冇華麗嘅粉飾,但牆壁上嘅漫畫同藝術字有創意同動感。韓燒有三個價錢,我哋揀咗「世子御膳」中間價。呢個價錢可以cross over揀埋「大君御膳」內嘅食物。飲品：🍺免費任飲啤酒、可樂及其他罐裝飲料有十多種！熟食：🍲泡菜、芽菜加新鮮唐生菜無限添加,用來夾著燒肉卷成生菜包,爽口冇咁油膩。韓式薄餅同豬肉泡菜湯,一個外脆內軟,一個辣辣哋好開胃。鰻魚係熟咗,放係爐上烤一烤,好甜美。除咗呢d,仲有石窩飯、炒年糕、冷麵、串燒等等多款熟食！肉類：🐂T骨牛扒、LA牛排、肥牛片等,我吾識分咩級數,但覺得幾腍。🐖豬五花腩好惹火,逼出油份吾算好肥膩。🐙帶子、扇貝、魷魚、鯖魚柳、虎蝦…都好新鮮,燒完一輪再encore。當然吾少得雞翼啦🐔燒埋茄子🍆薯仔🥔、杏鮑菇,健康得嚟又可平衡味蕾！服務：服務員會主動幫客人加水,四週檢查燒盆,兩個小時內都幫我哋换咗三、四次👍两個小時足够食飽飽有餘,但就吾够我哋女生密語,傾到忘晒型,吾記得like佢個社交平台,食埋雪條添😋

朋友話想食韓燒，咁就近近地係旺角搵間啦貪佢食完之後可以周圍行下夠晒方便。首先，一出𨋢就感受到個熱氣入到去有侍應哥哥招呼，但就乜都唔使做Eg:量體溫,填紙仔,嘟安心出行。第二，完全冇冷氣！幾枱一齊燒緊 個個都出住汗咁食希望可以改善下囉。第三，呢間係食放題嘅點野食都係靠一張過膠紙仔同一枝白板筆最激氣係枝筆仔完全冇墨，又難寫已經換過2次，啲店員好似覺得你玩野咁咁真係冇辦法嘛，真係寫唔到。第四我明明喺last order點咗5樣野有啲肉,一個石頭鍋飯,炒年糕到最得淨係嚟得一堆肉個個店員個樣都等收工咁我都唔好意思追佢地啦。第五，入面啲廚師係完全唔帶口罩😅我都做過餐廳，好明白廚房係熱但而家疫情嚴重，使唔使完全唔帶。最後，100幾蚊食90分鐘放題有肉有海鮮有湯有飯麵仲要黃店的確係抵食但衛生方面就見人見智了。

夜晚約左朋友出嚟食飯。真係好耐無去旅行啦！以前年年去韓國掃貨，食野，超懷念韓國美食。於是，就約左嚟旺角呢間食韓燒。任食韓燒，價錢相宜，用膳2個鐘。佢地有兩款餐，俾你選擇嘅。我同朋友就點左大君餐。餐牌有牛，雞，豬，蔬菜，出面有個雪櫃，任飲飲品。鐘意飲邊款，就攞邊款。LA牛扒（必食）😋😋😋～牛肉嫩滑，燒煎後，更加美味牛舌（必食）😋😋😋～食起嚟一d都唔覺有騷味。正呀！大蝦（必食）😋😋😋～完全出乎我意料，蝦非常新鮮。完全無腥味。我同朋友試左兩隻後，發現超好味，即刻加碼叫左成打，慢慢燒，慢慢嘆。杏飽姑又係韓燒必食嘅。燒完後，姑味迫左出嚟，而且食左咁多肉，食番d蔬菜，中和吓，確係唔錯。我地仲叫左五花腩肉，加埋韓式辣醬，再用生菜包住，回味一下韓國風味。當然，仲有蠔，帶子，梅頭肉，雞肉，雞翼，午餐肉。而且，呢度仲有熟食可以任叫，有辛辣麵，冷麵，不同種類湯，石頭飯等等。而且樣樣食材都好新鮮。👍👍👍我一定會再返嚟幫襯呢間鋪頭。

呢間韓燒店係勇者之塔都開左好耐人氣一直都咁高 因為性價比真係好高 抵食當晚平日7點鐘去到全場爆曬咁制 好彩預先訂左位 晚市價錢分三個御膳等級同時段收費今次叫左最平既- 大君御膳落單係用手寫方式 上菜速度都算快 種類選擇雖然係最小 但都夠食個人認為最好食 牛舌 牛肋骨肉 五花肉同LA牛排淨係食呢幾樣野都夠回本 肉既質素不錯同出面韓燒店單點既質素差唔多仲有爐邊蛋同生菜小菜添加所以呢個價錢任食真係好抵食肉質新鮮 唔會過份腌製 死咸 飲品 需要自行出去拎 款式都幾多 除左肉仲有熱食 今次試左水冷麵 同 泡菜湯 水冷麵可以再凍小小就會更好 泡菜湯偏向港式口味 無辣味 易入口鰻魚有驚喜 不錯值得一讚係員工 好勤力主動換燒版仲好好禮貌幫忙加小菜今次位置坐係最入既房仔到 比較熱同焗 同抽氣比較差