平成二十二日本料理 (已結業)

上年Grace 29歲生日嗰陣我地講過下年生日一定要食放題!!!要食盡佢!!!!食到好飽好飽為止! 今年我就梗係記得啦! 一早就BOOK左位啦! 因為Grace係佐敦返工，就搵間近近地既放題就下佢，我地6點15分已經到左啦! 可能仲早，唔係好多人，唔使等就有位啦~一入到去就有個好大個BAR台，我地被安排坐係BAR台附近，可以隨時見到師傅切野，睇下人地既刀功。一黎就梗係食左刺身先啦! 要讚一讚，呢間刺身上得快，唔使等太耐，同埋你寫既數量佢都真係比到你，無走單! 我地叫左10片三文魚，三文魚好新鮮，放入口一咬就食到三文魚既肉質好嫩滑，SIZE仲有一啖可以放入口架啦! 百食不厭! 希靈魚一粒粒黃色既蟹籽煙煙韌韌，加埋塊魚肉都無腥味，食落仲有D甜甜地。我既「飛彿」北海道帶子!!!! 件件結實飽滿，仲好厚身，粒粒大而圓潤，一咬完全無腥味，只有陣陣鮮甜味!事關我有做過功課先黎食，呢度最出名就係「特大甘海老」，隻蝦真係又甜又大隻，拆開個殼時，D蝦膏直頭BI出黎架!!D蝦好新鮮，蝦肉晶瑩剔透，好似玻璃蝦，啖啖蝦肉，因為蝦肉新鮮，所以我覺得唔使點豉油食都無問題，仲可以食到蝦肉本身既海水味同甜味TIM!日

十二点三嚟到唔洗等位，雖然冇咩人不過就等咗20分個【平成魚生飯】先到！個賣相嘛嘛，因為只見到一堆蟹子係上面，下面有啲生文魚絲。食落先知係三文魚腩絲、北寄貝絲和墨魚絲。味道係O K，食材係新鮮嘅，不過賣相就可以改進！例如：三文魚可一片片放，沙律可多些，加多一樣魚生就更好！本人食過平成二十二晚市放題多次，好喜歡佢哋整嘅鵝肝，特大海蝦和北海道帶子刺身，甜粟米天婦羅、日本蕃薯和芝士年糕，鹽燒海蝦和羊鞍也不錯。

係山林道學完跳舞超肚餓, 沿住條街搵食, 行到差不多街尾見到呢間平成日本料理, 二百幾蚊一個人食放題, 見價錢唔太貴, 放題正正岩晒我呢個饑渴狀態, 可以任食任飲. 再望望門口POSTER, 原來餐廳6週年有野送, 2個人送加拿大海膽, 4個人仲送海鮮蒸窩添, 嘩~咁精彩, 快快入去開餐啦!!一坐底待應話可以係雪櫃隨意拎野飲, 一罐罐汽水, 烏龍茶, 啤酒等飲品全部都係任飲, 正!每個位都有8款餐紙可以自行圈底食乜, 刺身, 壽司, 手卷, 小食, 串燒, 熱盤, 炸物, 飯同烏東等, 基本上乜都有食.食放題一開始當然先來回本之作, 梗係要食一大盤刺身先啦, 我地2個人每樣點2-3件, 原來上枱時都真係有好多款, 最正係門口張POSTER真係無呃我, 2人真係送成板海膽, 仲好細心有埋紫菜比你夾住食添 刺身的確好新鮮, 睇下舊三文魚真係超肥美架, 入口好多油脂, 直頭有少少入口即溶既感覺, 口感非常之好, 我覺得食落似係三文魚腩, 真係好肥好好味 (必食推介 1 )另外(必食推介 2 ) 就係呢隻特大甘海老...真係超級大隻, 食落好鮮甜, 啖啖肉好精彩, 另外帶子刺身都係好大隻,

今晚特登同老婆去搵東張西望介紹過的報紙檔貓貓，影完相行過山林道，本身想去鋸扒，點知望望斜對面有間放題店，問準老婆食得！直入唔該！沖繩苦瓜炒蛋:從來無見過放題有苦瓜炒蛋食，為左支持即刻點客試。苦瓜唔算好苦，相信真係苦瓜同蛋一齊炒，不是各有各，蛋都重苦瓜味。燒物羊鞍差左少少，好un，好難咬開。燒菠蘿又甜又多汁，雖然燒過，但沒有乾水。鹽燒牛舌咸味不是太多，牛舌爽口。燒冬菇有點乾，唔夠Juicy。軟殼蟹天婦羅炸得好香口，脆脆地。炸豆腐炸得麻麻地，豆腐一夾就散，炸的時間唔夠長。牛膀豬軟骨這個豬軟骨好特別，個汁真係有啲特別，少少甜甜苦苦味，相信就是牛膀汁？一客有三件豬軟骨，每件有肉有骨，啲骨索索聲，非常爽口！自家製餃子是煎餃子，但絕對無焦，食落油份唔好，份量是一口餃子，餃子落到時已有餃子汁了，不用再加，小人非常欣賞。香煎鵝肝想不到唔係酒店都食到咁高水準的鵝肝，首先鵝肝汁甜甜地已經好醒神好吸引，鵝肝一咬入口即融化，兩口就把整塊鵝肝消滅！我並Order了兩round共四件，食完都不覺得膩。佐賀牛肉拉麵牛肉有三，四片，幾彈牙，拉麵有點遜色，可能已經煮好一段時間，所以好淋，有點似公仔麵。反而無諗過個湯會有

山林道美食多羅羅 終有一間岩我口味今晚㨂左多次過門不入嘅平成廿二因為六周年大酬賓 2人有海膽送😍😍時間尚早 唔算多人 唔洗等✌🏼️平民化價錢 食物款式都算多 當然要叫刺身啦肥美嘅三文魚 鮮甜嘅蝦刺身同赤貝完全係令我地瘋狂encore左三轉😙😙😙食完第一輪刺身 店員馬上為我地送上海膽係一板！比想像中多 而且十分鮮甜完全係無敵心心眼😍😍😍食完三輪刺身同海膽 就轉食少少熟食天婦羅 即叫即炸 脆卜卜 完全無油膩感覺炸粉亦唔算厚 係好食嘅👍🏼最後都係要食少少甜品作結尾嘅竟然有木槺布甸 同大大粒士多啤梨蛋糕比想像中好食 又忍唔住叫左兩轉😑埋單每人唔洗$300 淨係海膽已經值回票價👍🏼

朋友介紹來這裡食放題，今日便試試。環境像旺角的放題，有點迫和黑(高級放題的話是食環境，但這樣的格局有點焗促)，最重要是清潔度一般，有種清潔劑或廚房的怪味吧~回重點，寫寫食物，很普通的食物質素，不過以這價錢來說，差不多吧～帶子鮮甜得來有點假；出名的蝦刺身竟要自己剝殼，食了一隻我不太敢再食，心裡在想蝦的來源，畢竟刺身啊～清潔衛生比一切重要。其餘刺身，壽司，手卷很普通，不寫也吧～反而熟食有點吸引，豆腐美味，外脆內軟熱辣辣，汁也好味；冬菇也好味我很怕食質素差的天婦羅，就像食炸粉，但這裡的天婦羅比想像中好，粉不太厚，也有點味。這裡有甜品，但不吸引，沒有吃。

之前看雜誌的介紹，今天下班後終於有機會去品嚐。特大甘海老尺寸真係好大隻，蝦膏幾多，蝦肉彈牙帶黏；北海道帶子算大大粒，幾嫩滑；三文魚厚切夠肥美，有油份；日本油甘魚雖然不是厚切，但魚油仍十分香；鯛魚肉質算鮮；馬刀貝肉質爽。三文魚壽司啲三文魚唔錯，飯握得幾實；天使蝦壽司蝦肉有點起膠不錯；也有松葉蟹腳壽司及玉子壽司，玉子只是甜味不夠。小食頗多，味付螺肉汁幾野味；帶子裙邊香口帶點煙韌；蟹子沙律則正常水準；日式高湯素翅雖然是素，但味道一點也不差，值得一試。

聽人講山林道多野食，於是就去左搵下，跟住朋友突然話想食放題，咁岩隔離就好間，緊係即刻食喇。一入去就感覺到舒適嘅感覺，地方俾人感覺都算大，又夠晒凍，環境超爽~~~刺身呢度嘅刺身真係幾豐富下，咩都有架，就連大頭蝦都有，大頭蝦係我最鐘意食嘅野黎，另外呢度如果兩個人黎,仲會送海膽，入口仲幾鮮甜各式壽司呢度嘅壽司唔會太小選擇，仲要咁樣任食真係超滿足各式熱食呢度嘅熱食都算唔錯，天婦羅咬落去仲係脆卜卜架。而且仲有好多唔同類型嘅天婦羅。甜品呢度嘅甜品有很多款式，有泡芙同埋木糠布丁，真係唔錯架~~~食左咁多真係令人驚喜，下次都要同屋企人黎先得。

我好想知道果2百幾個LIKE係邊度黎？？？除左烏冬係熱之外，所有熱食都唔係熱，連暖o既感覺都無，雖然熱，但唔好食，d烏冬淋gi gi。果件日式燒冬菇，我無從分辨佢有無燒過，或者燒左幾耐，我都唔係好敢食。d燒雞亦，十級乾，而且無味道。除左條天婦羅蝦、蟹棒，味道係正常之外，無乜幾件熟食係ok。刺身d蝦算大隻，但無味無道，比機會叫多隻，都係一樣。送o既海膽唔好味，怪怪地，希靈魚咸過咸魚，如果一定要讚，我惟有話服務人員態度不錯！總而言之，我個人長期內都唔會再去，我真係好想好想好想知道like從何來？

從open rice裏看到很多正評.滿懷期待咁預約左6:30一開始嚟嘅刺身都非常賞心悅目 奈何味道欠乏，帶子等幾款刺身缺乏鮮甜既味道螺欠缺工具'了'佢出黎，而且完全無味而大海老唔夠鮮甜之餘，仲有沙已經非常失望。去到熟食，希望可以挽回信心有幾款串燒燒物都唔夠熱，好似放涼左咁串燒雞翼都乾僧僧而烏冬口感「林之之」寧願去吉野家都唔想再食

友人生日，一大班朋友吃放題慶祝就最適合，今日來到尖沙咀放題店，放肆自己吃一個飽。晚市價錢收費。各款刺身。大頭蝦鮮甜爽口，必試之選，若果可以剥殻再上枱就更好。三文魚、吞拿魚等刺身鮮味平平，沒有雪藏味道，頗為肥美，質素普通。炸物。即叫即炸非常出色，炸蝦爽口，炸粉薄薄值得一讚。串燒類。味道普通正常，放題質素不能要求太高。燒風香口咸香豐富，羊鞍多汁軟腍，雞翼不乾身外層頗為脆口，海鮮不夠爽口，牛舌不會厚身。沖繩苦瓜炒蛋。豚肉生薑燒。汁燒帆立貝。各款熱身都是即叫即炒，值得一讚。帶子爽口鮮甜，豚肉軟腍醬汁味道咸香惹味。熱食類比刺身更為出色。各款壽司。最後叫了幾款壽司。飯的比例太多，很容易飽肚。壽司味道普通，尚算新鮮，花之戀味道較好，肥美而沙律醬夠多，非常滿足。⋯質素平平，仍需努力。

I tried quite a few Japanese buffets in Hong Kong already, and after reading positive reviews, decided to try this one.Booked the table around 16.30, we arrived at 18.20 and were seated immediately. The place is quite small, which is a big plus - in the huge ones staff often misplaces your orders or just looses them. The interior is nice as well, I liked the J-pop playing on the radio. Staff if super nice and helpful, vry attentive and not grumpy - again, a big plus.Gdilled tongue and lamb rack

其實，早就聽聞過平成二十二日本料理的大名，可是由於種種原因一直未有成行。終於，這晚正好來到附近閒逛，於是就決定到此嚐嚐。在沒預先訂座的情況下，幸好還有小量吧檯座位，下次再來還是預先訂座較好。星期一至四 20:30-22:30，收費$268/ 位。食物方面有：刺身、壽司、卷物、小食、燒物、揚物、和食及飯/麵等，選擇夠多。刺身賣相不俗，而且滿新鮮，質素不俗，最驚喜的是有海膽送贈， 讚！ 其中以爽口北寄貝，超大隻，而且肉質爽脆的特大甘海老及油脂豐富的日本油甘魚最為美味！此外，鹽燒雞翼燒得微焦，吃來香脆可口，鹽燒牛舌味道濃郁，爽彈可口，鹽燒豬腸富嚼勁，而且夠肥美，日本冬菇稍為乾了一點，燒菠蘿則香甜多汁。難得放題看到有鵝肝的蹤影，當然不可能錯過，入口滿滿的油脂香氣，幸好上面加添了醬汁，中和一下油膩程度。牛油燒帆立貝雖然帆立貝頗細隻，但不失彈牙好吃。而沖繩苦瓜炒蛋苦瓜苦中帶甘，質地爽口，味道不錯！至於揚物天婦羅，粉漿厚薄適中，吃來不油不膩，炸蝦天婦羅肉質結實，香脆可口，軟殼蟹天婦羅味道香濃，還不錯。最讚的是甜粟米天婦羅，實為必吃推介！

今日又同大食友人去食放題, 呢間平成二十二有分方枱同bar枱, 唔好彩地比安排坐左bar枱, 位置比較細, 但都幾有風味既~~ 呢度既野食選擇唔係特別多, 不過就有多d平時放題無既熟食~一黎當然係要叫刺身先la, 呢度刺身款式都幾多, 2人同行仲有海膽送, 刺身唔係話好新鮮, 主要三文魚同特大海老好食, 帶子幾大隻, 不過食到雪藏味, 而海膽有d腥, 不過放題無得咁高要求la~~~ 值得一提海老真係幾大隻同爽口, 不過要自己剝殼有d狼狽~之後就係壽司la, 火灸類係點都好食既, 而其他都不過不失, 只係飯太大件~到熱食la, 羊架好大件, 而且燒得幾香同唔un, 唔錯既, 而牛舌係薄切, 幾爽口~呢度既天婦羅有好多款, 連軟殼蟹同栗米天婦羅都有, 幾特別, 軟殼蟹天婦羅好大件而且好多肉, 肉既部份幾juicy,唔錯, 而栗米天婦羅都好甜好多汁, 幾好食~ 同埋有個南瓜餅都唔錯, 好粉, 但就好飽肚~呢個炒牛肉都ok,但就咸左d~因為野食真係唔多, 所以就點左個烏冬試下, 平時放題都好少食烏冬, 點知又幾好味wo, 烏冬幾彈牙, 個湯底咸咸地, 唔錯~整體呢度既熱食比較出色, 想主攻刺身

豬小姐已經好耐無食放題啦 今次帶住好想食放題嘅衝動尼到「平成二十二」大開殺界！山林道一帶有唔少不同類型嘅食肆 行入督督位就會見到平成二十二 尼間放題係朋友仔介紹嘅 佢話尼度出哂名嘅係超巨型的特大甘海老今次被安排到吧枱 坐吧枱食放題真係第一次！ 開波當然要叫刺身warm up下 我地每款都叫幾件 不過三文魚 北海道帶子同特大甘海老就叫多啲 講下其中幾款啦 三文魚唔算厚切 但勝在紋理分明 頗肥美 但魚油香欠奉 北海道帶子大大粒 雪白嘅帶子們雖然無雪味 但新鮮程度爭少少~ 尼度嘅油甘魚口感好特別 係爽身嘅 一般食開嘅都係質感軟林 所以食落有啲唔慣 希靈魚魚味濃加爽口 特大甘海老size真係好勁！蝦頭膏已爆 膏帶香甜甘味 蝦肉彈牙帶黏 係必食之選！不過蝦係連殼嘅 豬小姐食起上尼有啲狼狽 因為餐廳慶祝開張六週年 兩個人以上尼食就會送加拿大海膽霜降牛壽司係第一次食！血紅色生生的感覺好吸引 雖然生 但食落其實牛味唔會特別濃同羶 牛味淡淡的 口感帶煙韌感 幾得意喎 鰻魚壽司嘅鰻魚塗滿哂甜甜的鰻魚汁 加埋醋飯粒一齊食 不錯吃香蔥吞拿魚手卷竟然唔係魚蓉而係有成條吞拿魚係壽司飯入面 吞拿魚屬普通貨色 佢加左