平成二十二日本料理 (已結業)

同家人慶祝生日，之前試過幾間放題。睇見openrice好評如潮就試吓。 點知失望而回。 燒物一般，海蝦完全唔彈。煑物差，拉麵質量連味千拉麵都比不上。啲麵勁林。刺身的確新鮮，每枱送海膽一客。帶子、海膽和特大海老沒有欺埸。天婦羅還可以，多春魚夠乾身。 少有放題提供鵝肝，質量唔錯。壽司有啲失望，材料一般。手卷最差，叫咗蔥吞拿魚但完全無蔥。叫服務員俾Wasabi佢叫我等刺身跟嘅Wasabi, 試問紫菜林咗點食😠整體而論，價格偏高，但食物和服務水平未如期望。衞生間有惡嗅。

7點半去到，等三幾分鐘就可以入左去坐底，地方唔算大但都幾闊坐得舒服，唔似一d放題店迫到夾死人。每次食放題都會先叫d冷盤開下胃準備擦餐勁 叫左八瓜魚、螺肉、中華沙律同魚籽沙律。八瓜魚都幾有肉食，唔似之前係另一到食放題要係d汁到大海撈針。螺肉都好大粒，十分足料，味道唔錯。魚籽沙律夠清新開胃，沙律醬份量岩岩好。 熱既煮物都ok,肉類煮得好入味，但最鍾意佢既炸天婦羅 &芝士年糕，天婦羅炸得好脆口，炸粉夠薄；芝士年糕好好味，意料之外的唔膩，食左幾舊都唔會覺得好滯。送既海鮮鍋包埋既有扇貝、蟹、和牛同蜆，蜆好大碟，非常新鮮清甜。自己落手蒸都唔洗擔心，餐牌上面清楚列明蒸熟幾款唔同食物所需時間，嘩鮮甜肉嫩到拍得住蒸氣海鮮專門店既海鮮，又鮮又唔會老。我地幾個姐手姐腳，侍應姐姐好好人成日過黎幫我地整同夾蟹拑、又提我地夠鐘喇  。超抵讚刺身，三文魚件件都好厚身肥美，口感好好冇腥味。三文魚Fans既我地鯨吞咗數碟，即時覺得回晒本  ，叫左幾轉食到停唔到哈哈。推介牡丹蝦超級大隻，非常鮮甜，咁既價錢食到神級蝦刺身真心難得，一定要食！整體食物質素不俗，尤其係刺身真係好正。價錢合理，而且服務態度好，侍應好友善有

與友人慶生的晚上。6:30依時到達平成，先來的是一大碗刺身！帶子超美味，encore了3次帶子！三文魚及其他也很美味！可惜吞拿魚有筋。由於生日關係，平成送一支1.8L的清酒！嘩！不錯！！平成還說飲不完可帶走！狂吃途中侍應還送來2板海膽，說是送的。嘩！也太多「送」的！🙈🙈🙈海膽小小的，但不腥。👍🏻平成的食物質素算不錯，種類也不少，當中還有鵝肝！！（如果有多士就完美了）牛腸朋友說很不錯！除了一般燒物，壽司等，還有蒸海鮮！😍有帶子，蠔，蜆，魚！！最後甜品雪糕選擇也很多，泡芙我很愛！

情人節去完西九同朋友諗食咩，最後朋右話不如食平成二十二，話Openrice好多評就去訂八點半二位，我地早左去等到八點半入座了，今日特別日子已經要$330/位都預左。食品質素奇差，食品黎又慢，一個鐘仲要吹先黎到天婦羅，味道正常吾太油。刺身正常吾太差，野食除左烏冬冇樣熱，食品選擇吾多，甜品有雪糕雪條和三款甜品都反而正常好味。最後冇咩可以食唯有我和朋友一人食2碗烏冬由佢。本來話10點最後點野食和10：30要離開，我地再點的壽司等到10：30都冇，而我地都懶得再問。2人會送一板海膽和紫菜，佢的質素仲差過某某3蚊的質素，有股吾知咩味，食左半板已經放棄了。講真野食叫好啦，仲要待應態度差都爆（送海膽吾新鮮話係咁，一係扔左佢，有冇咁同客講野呀）我同另一桌投訴都係咁…失望都爆羅…講明吾會再黎

香港地年輕人, 很喜歡吃日式放題, 因為年輕有食力, 可以在短時間內, 以固定金額, 吃盡所能吃的, 不用怕因吃得多而付上超出預算的費用, 同時可以吃很多不同款式食物, 每樣份量小小的, 滿足味蕾貪心的需要。今晚, 就約了這樣的一個朋友吃放題, 他選了風評不錯的平成二十二。我們預約了八時半, 好多人等候入座中。平日晚上去, 較抵食呢。還蠻有日式風味, 但和其他放題店一樣, 座位排得較密和擠迫。雪櫃的飲品是任飲的。這款康師傅冰紅茶是檸檬味的, 就是檸檬茶的味道啊, 偏甜了一些。火炙三文魚 - 火炙過的三文魚滿是油香, 帶著溫感, 入口即溶。香煎鵝肝 - 口感豐腴, 油潤濃香, 鵝肝獨有的氣味, 甚是迷人。自家製餃子 - 皮薄帶著適量的豬肉餡料, 煎得香口, 帶著少許醋酸味, 不錯。三文魚、北寄貝、北海道帶子、特大甘海老這是全晚焦點所在, 所有食物中最有價值, 最美味, 最抵食, 回本之選!三文魚厚切, 脂肪紋理好靚, 入口有魚香; 北寄貝爽口又帶鮮味; 北海道帶子和日式超巿買到的矜貴急凍帶子味道一樣, 雖然是雪藏但解凍後不覺有雪味, 反而吃到啖啖鮮甜, 質感柔潤; 特大甘海老和帶子一樣,

隔左一排又黎平成食放題，食物質素依然有水準，不過今次客人多過上次好多，所以等左一陣。一埋位即刻encore上次最鍾意既刺生串燒。講到燒物，都幾多選擇，覺得個牛舌同菇係最唔錯，菇唔會燒到好乾，牛舌加黑椒調味，好好食，叫左2 round。佢仲有個沙津醬配燒物，幾好食！同埋即叫即燒，雖然等耐少少，但新鮮熱辣辣的好好食仲有呢度既燒羊架都好唔錯，完全唔會太蘇，同調味岩岩好，好有質素既燒物蒸火鍋係重點，除左海鮮仲有和牛，蒸既食法好新鮮，但係味道就偏淡，不過待應會提你蒸火鍋時間同幫你煮，服務好好牛粒係食放題必點既小食，呢到既牛粒都相當唔錯，平時有啲會太鹹，呢到就岩岩好唔會無左牛味，做下酒菜一流

好奈都無食放題啦, 對上係我生日, 咁岩又有人生日, 我就提議食放題啦最後決定去食平成, 價錢OK, 260未計加一師傅係客人面前整壽司, 面前就掛面餐牌, 正宗日式風格首先點下啲剌身先啦, 盤用了好多冰盛住, 令到魚生保持新鮮三文魚好厚切, 成.5CM厚, 食落好肥美帶子 味道鮮甜, 有海水味道甜蝦 口感軟嫩獨特，肉質帶著淡淡的甜味北寄貝 味道甘甜，肉質肥厚，搭配日本魚生豉油及WASABI, 又滋味又有口感燒大蝦, 用上粗鹽黎燒, 好入味，而且燒出來的肉質結實. 甘香可口八爪魚, 好大隻, 大過五蚊銀, 食落好彈牙, 醬汁係用上燒汁, 口感甜美火炙三文魚腩壽司也有入口即融之感，而且魚油的芳香, 下次再黎平成都要ENCORE, 值得推介260蚊, 有咁搞性價比, 值得再去呀

今次已經係我第三次食平成二十二放題啦！一如以往！味道仲keep到我諗平成二十二比其他市面上既放題餐廳既優勝之處就係佢地既特大甘海老！真係又長又粗又好肉如果識食又唔怕膽固醇過高既一定食埋佢蝦頭d膏啦非常鮮味特大甘海老蝦身非常爽口彈牙！真係好新鮮架呢！呢個真心推介！每次黎平成二十二必食既食物！之後個帆立貝刺身又係感動位！好鮮甜，加上厚切，食落軟淋淋！好好味喔最後提提個鵝肝！煎得好香口，外脆內軟！入口好快溶化！鵝肝馬上同你口腔溶為一體！其餘就叫左d壽司，串燒，天婦羅，同其他放題餐廳都係咁上下！今次簡左8:30時段食！食平dd

香港歷來開放，日式料理亦大行其道，正宗不亚于其本國，所以美食絕不浪得虛名。偶然的機会，與好友到了平成二十二日式料理放題。刺身，壽司，串燒等這裡都齊全。首先，頭盤來了刺身，三文魚鱼味濃郁，帶子大隻冇渣，花螺鮮甜爽脆，馬刀貝入口爽滑，極有韌性和彈性！刺身每款都很新鮮。其中最值得讚嘅係特大甘老蝦，透红鮮亮的外殼，格外誘人，口感更是鮮甜富膠質感。串燒有羊鞍，日本冬菇，鹽燒豬腸，鹽燒牛舌，羊鞍無膻味，牛舌肉質鮮嫩又有嚼勁，最愛係燒豬腸，微脆而滿口甘香👍。還有放題里較少有的鵝肝，表皮煎得微脆，入口細膩，醮上醬汁，香味更加濃郁！餐廳為每位客人奉送一客海膽，好新鮮，口感豐腴，味道濃郁👍壽司的飯團唔大，一口一件，火炙三文魚有入口即溶的口感，天使蝦、鰻魚、松葉蟹腳壽司同樣鮮美，味道亦剛剛好！CHOYA梅酒，入口甜甜地好開胃😂天婦羅我哋每樣叫少少試下，有炸蝦、秋葵、自家制南瓜，雞軟骨等，每款都好香脆，雞軟骨層次感分明，天婦羅炸漿薄，口感酥脆！香港的食肆大大小小，各有各做，每家都有每家獨特的味道，只求特色不求齊全，這家食物質素高，值得推薦。

今晚餓到不得了，馬上衝去吃放題。先來一個番茄沙律每片番茄都是爽口的 口感很清新非常好的開胃小菜刺身來了，三文魚大蝦這些都是必叫的食材新鮮 肉質飽滿 不錯不錯炸蝦也是大大條炸得非常香口 蝦肉仍是嫩和有水分的點了幾款天婦羅，有蝦、番薯、軟殼蟹炸得非常好 外皮脆脆的 一點也不油膩 内裏仍保留水分和鮮美我最愛的番薯很甜很美味玉子壽司也好吃這個炸雞翼就要大推了 炸得非常滋味 皮脆肉嫩 熱辣辣 味道調得很有日本風味真的好好吃由於我們四人同行 可以一嘗這個蒸海鮮登登~蒸蟹完成~好易蒸好方便 這種食法真不錯再吃下這板海膽 幸福感爆棚海膽很新鮮 最後再吃個雪糕~滿足！

如果食慣名牌放題既人，一定唔會知道有一間平民又好食既日本放題。我好中意食佢既刺身，因為材料真係好新鮮。特別係大蝦，全隻蝦上，又特別多膏，好甜好好食！如果同其他放題一個人都要300－400蚊既比，呢度既性價比係非常之高！三文魚都好肥美，全部都係厚切！

寒寒冬天, 最好就是儲定脂肪啦! 又食放題, 今次係很久沒見的平成二十二!最令人懷念既當然係超巨型甜蝦! 每隻都大過酒樓白灼蝦, 不過要小心蝦腸...吞拿魚亦係超厚切, 朋友話好似擦膠咁, 因為有平時2倍厚~味道都好新鮮, 有吞拿魚既鮮香螺頭比較細隻, 如果有串燒記得用佢地既籤呀!炒雜菜好多料呀, 除左椰菜, 仲有菇, 芽菜同埋鰹魚, 食左咁多肉番食D蔬菜平衡下, 不過呢個咸左少少. 調味主要係鰹魚度明明係前菜既漬物變左後面食XD 咸咸酸酸都幾開胃嫁~稻庭烏冬原來係熱既 ! 個烏冬發到好大, 加左D肥牛係上面, 有D怪怪的蕃茄沙律幾好食喎! 甜甜地好似加左蜜糖咁~又叫左個冷烏冬, 加埋天婦羅碎都幾好咬口, 都係凍好食D~最鐘意佢D芝士年糕好細舊, 可以密密食炸南瓜餅係超超超好食!綿綿地, 非常甜, 外脆內軟, 入口好好食!勁CREAMY既木糠蛋糕, 好多CREAM~呢個焦糖味燉蛋都幾甜, 可以少D糖就好~

試網睇到，見平成刺身蝦好大隻，值得試。就同男人去試，刺身蝦就好大隻，味道一般啦！旦帶子又大隻又鮮甜，值得食另外仲有就係串燒雞翼好好味，平時食雞翼我唔會食皮，平成串燒雞翼，我連皮都食埋仲有係番茄，個汁好好味，都要再叫多次食先得！另外，服務都好好，試野唔會好似出面既放題咁，係咁漏單，入座仲送海膽添...放題好少會有任食鵝肝，平成就有啦，不過一兩舊都夠晒數lu⋯⋯總的來說，值得一試

香港吃放題的地方真的相當之多, 特別是旺區, 選擇委實不少. 如在旺角, 同一棟大廈內, 可以已經有兩三家放題店了, 而且不用$200一位, 真心便宜. 這天又是吃放題的晚上, 一家人開心放題, 任點任選, 真心高興. 選擇的是平成, 價位是$238一位, 黃金時段更加去到$268一位. 不過旺角跟尖沙咀的市場是有點不同的, 只要食物有質素, 也不打緊的. 不過這裡的環境就比較擠逼, 還好我們坐在六人位, 就還算可以的. 這天晚上吃了不少菜式, 就揀幾款在這裡跟大家分享.來自日本的番茄, 感覺上是比較健康吧. 清甜的番茄, 多吃也沒有問題.至於芝麻豆腐沙律, 亮點是甜美的芝麻醬, 而且豆腐亦幾滑溜. 任何日式沙律加上了芝麻醬, 總是令人滿意的.當然要我最喜歡的刺身, 平成的放題, 強在刺身選擇很多, 而且夠新鮮, 這晚我們就揀來了特大甘海老, 日本油甘魚, 三文魚, 吞拿魚, 希靈魚, 以及馬刀貝等等, 每款吃一件, 已經很滿足了. 在這幾款刺身中, 特大甘海老是必吃的, 爽口, 鮮嫩, 是靚貨來的.有刺身, 自然有壽司, 這三款壽司分別是天使蝦, 霜降牛肉, 以及鰻魚, 應該要數霜降

熱爆全城的蒸氣火鍋，無論中韓餐廳均對此趨之若鶩，現在連日式放題都有提供！尤記得幾年前來的時候賣點是巨大甜蝦，果然放題還是得日新月異才能生存。從場外就看見裡面的刺身櫃，活像居酒屋一樣，放滿最近的推介刺身。今天晚上人數不多，可能是因為是平日吧？或者他們的新策略－蒸氣火鍋還未有太多人得知？未開動就送來了一些海膽，件頭滿大的，未算最新鮮，但沒有黑邊，口感非常ＣＲＥＡＭＹ，鮮甜十足，包著少量的紫菜，啊！很爽！一整盤的蒸氣火鍋料，４人才有一鍋啊，要注意囉他們的和牛水準很高，看那均衡有風澤的油花，＄２６８光這一盤就值回來了！他們的帶子意想不到，味道不錯，鮮味十足，蒸完後的海鮮汁非常豐富而且鮮美，在沒有特別調味的情況下，也可以在放題餐廳嘗到這味道。青口同樣非常彈牙新鮮，看到那隻青口嗎？還連著另外２隻小小的＂兒子＂，很有趣啊～這青口同樣也是鮮活的素質，蒸完還有淡淡的海鮮味！令人驚喜的是店家提供的和牛十分鮮嫩，入口即溶，只是牛肉味略略不夠濃而已自己動手的甜品味道一般，但用料還是合格的，尤其是果撻