常滿百家菜

營業中

休息中

今天突然又想 打返個邊爐 ，見上次常滿的晚飯都不錯 ，點知打邊爐都有些驚喜 。除了平時打邊爐的 必備食物之外，竟然仲有 蝦餃燒賣， 排骨鳳爪，食物種類包羅萬有 ，精美點心即叫即蒸 ，又要打邊爐 ，又要食蝦餃 ，不得不提就是有埋我心愛的維他奶 。大人細路都食得開心又滿足

星期六晚上同朋友去打邊爐， 順便食點心。發現質素已經變左，已經冇以前咁好，估計係轉了管理層吧。。主要都係啲點心唔好食、出面嘅丸又好少，菜又用盆栽似的容器裝，睇見都唔想攞。職員不斷為我地加湯，但係湯底係一兜白色嘅湯水。。。食得唔係好多，完全唔開胃。

以前好似係大窩口開過，果時朋友和我都有幫襯，都覺得唔錯～聽聞佢搬左黎荃灣開店，咁我地就想試番以前既滋味～就決定食尼間。。。但見到好多食評都話尼間唔對路，見到都有Ｄ卻步，不過都唔緊要啦，等我睇下係唔係真係劣評先～佢都係可以打邊爐又可以叫甜心食～加上出面都有Ｄ小食可夾甜心都算幾多選擇火煱料都ＯＫ呀～Ｄ小食賣相還不錯呀～佢有個煎腸粉超好食，外脆內軟，口感和味道相當不錯，我食左兩件。（佢Ｄ小食成日唔同款同都會更新款式，都唔錯）火煱底可免費選一樣野，服務一流，職員一見冇咩水唔洗叫，自動加水。周不時出面會有特別野食拎，尼個片皮鴨好好食呀～排隊每人有兩塊，再自己去拎配菜同醬汁，真不錯～燒賣大大粒，最好食係蝦餃，又係大大粒，入面仲有三粒蝦，真抵食呀！如果食甜心一定要試蝦餃，好味！睇食評見到好多都話伏，我去過食先覺得幾抵同唔係伏喎。野食幾好食，特別係出面小食和點心，淨係食尼d都抵，同埋佢周不時出面有特別野食，職員會每枱提客，這是值得讚賞行為，整體今次真不錯。PS.飲品選擇很少；成日漏單，叫左既野消失左，人地遲黎都有，我地催左兩次都冇回音，尼個要改善；另外，其實唔洗填表格，就咁出面夾都得～我見廚房職員都係

在附近辦完公事，需要極速完成一餐再趕下場，心想隨便找家茶記應該沒甚麼問題吧。一看見放上枱的燒肉湯米，小人即時倒抽一口涼氣，心知不妙，心想不是吧……竟會遇上這樣的事？？單憑目測，正是未食都知唔好食。先談那「碟」燒肉，好像是有人吃剩下來的，連芥末醬、芽籤套、筷子放在碟上都仍有大量吉位，五小件燒肉，倒不如直接放在湯米上，根本不用分開上。燒肉的皮雖未至於靭，但肯定是不夠脆的，肉不夠鬆，肥膏不爽要吐。湯米更加一絕，米粉好像都索了水的，小人吃兩箸已宣告投降。可說是小人遇過最伏的一家茶記。

係荃灣應該好多人都會知道大鴻輝中心，呢度集中好多食肆係度，至於口味都有好多選擇，是日午餐就同同事去呢度飲茶我自問唔係呢度地膽，係近排工作關係先係呢度，當然由同事話事，先來係燒腩仔伴海哲，腩仔入口肉質香嫩皮夠香脆再來有其他精美點心陸續品嚐，鳳爪醬汁香濃，肉質細嫩，蝦膠入口夠飽滿用料足，另一款係點心拼盤，食到各種不同味道緊接有米線一鍋配燒味拼盆，燒鴨肥美多汁，叉燒肉質味道適中，再來食埋米線已相當飽，最後仲有精美糖水，又真係估唔到咁抵食

朋友相約咗我去呢間打邊爐其實我都有上黎睇過下 劣評多過好評不過冇所謂我又未食過咁咪試下但只係諗 呢棟大廈咁多間點解會揀咗呢間不過見佢又幾得意嘅 有點心可以叫點心其實都唔錯幾好食嘅叫咗啲燒賣 蝦餃 小籠包個啲係個小籠包爭啲燒賣大粒 新鮮熱辣嘅蝦餃都唔錯只係皮比較厚跟住叫咗個小辣雞煲得骨咁嘅唔通係雞骨煲？同埋好少汁冇乜汁骨多過乜 冇乜肉味唔夠見到佢碟肥牛幾靚都算少少安慰但整體都唔好啲嘢食就自己出去夾嘅好似唔太乾淨咁啲食物

元旦同啤先生撐枱腳，想食豐富啲，一於任食打邊邊～之前食過已經食過一次覺得幾抵食，今次帶啤先生試下8：30入座唔洗等，一入就有位。今次揀左雞煲小辣，雞煮得幾入味，醬汁麻同香味做得幾突出。份量好多，2個人食唔晒😆一坐低送左碟海鮮，值得一讚係鮑魚超新鮮，黎到仲旭緊！火鍋配料選擇不少，菜、丸同埋一啲熟食都可以自己出去拎肥牛有肉味， 但厚薄不太平均點心逐粒點，好似我地人少少嘅唔洗怕食唔晒。 燒賣真係有蝦，唔會成粒用豬肉整。淨係食多幾籠點心都值回票價總括而言，呢度食物種類多，冇限時，算抵食（今晚假期$168加一）

一向唔太鍾意齋打邊爐，要食邊邊，一定要有熟食，甜品，飲品任飲呢款先啱心水。呢間間唔事都黎幫襯下，因為佢有點心，有甜品 飲品又係任飲嘅，咁先附合我嘅要求。呢個價，食到你飽到濟，一個字“抵”。燒賣ok蝦餃超正，因為大粒，平時見開嘅一賠有多，仲要係真係“蝦餃”而唔係溝豬肉嘅。仲要年枱都必送嘅海鮮，雖然得蝦同鮑魚，但係隻鮑魚超新鮮，黎到仲好生狂。湯底可以鴛鴦沙嗲加茜又係指定選擇。菜，係出面任攞。嘅飲種類唔多，但尚算ok.熟食是主角吧！ 豬腳薑嘅蛋唔錯。但係，好重要，嘅係，點心超超超耐。足足一粒鍾，仲要得蒸點心，炸物我無見過人食嘅，如炸雲吞，春卷，炸曼頭通通無，跟本明存實忘。有少許失望囉。同埋，因為想做多幾個生意，所以超迫，任何一個任都唔放過，所以想行出去，係經常要讓路或如枱人多，大部份人係出唔到去攞嘢食嘅。如改善下點心出嘅速度同有返蒸以外嘅點心，咁就更好了。

食物評分： 2.3分1. 叉燒腸 2分 叉燒乾 腸粉皮厚2. 椒鹽豆腐 3分外皮ok 但缺少了椒鹽味 豆腐滑身3. 鹹薄撐 1.5分皮厚而軟 冇味 4. 腐乳通菜 4分甜而爽口 冇渣 唔點腐乳一樣好食5. 芝士海皇蝦球伊麵 2.7分略鹹 但有大蝦有蚌有魚 夠足料6. XO醬炒蘿蔔糕 0分蘿蔔糕身充分吸滿油分 XO醬有辣味而無香味 係全部食物中唯一會食淨嘅一碟7. 三餸一菜魚湯飯 2.5分湯底麻麻 米線尚可8. 龍井茶 3分唔錯-服務評分：3分 呀姐態度唔錯 傳菜稍慢

今天誤打誤撞下同家人來了荃灣區一家酒樓吃了一個晚飯，想不到亦有些意外驚喜，菜色特別又好味，個個都吃得肚滿腸肥。下次一定要再來再來。冬菇大大隻條魚蒸得剛剛好，Yummy Yummy!!沙律百花蟹鉗南乳吊燒雞，隻雞又滑又嫩籠仔蒸蟹！！！好耐無食啦！呢個椰皇甜品唔係成日有架！！撞正有靚靚鮑魚隻隻超大呀！！

同朋友2人好耐冇去過，因為之前來過覺得好垃圾！但係都忍唔住想食蝦餃，就俾多次機會佢囉！算係好咗嘅，今時今日係香港，埋單＄142一個人，有點心有任飲，唔計佢打邊爐其實都已經冇乜嘢好挑剔，呢個價錢都預咗係有啲乜嘢嘅質素不過向來老實嘅我都係有話直說啦繼續湯底揀咗個雞煲垃圾，食咗一件全部拎出來唔要，放左係隻碟到俾佢收走，雞肉係梅嘅，都已經唔係講緊有冇雞嘅味道，恐怖嘅事佢竟然係冇味道！佢係可以令到你想成煲掉咗佢嘅衝動，垃圾！火鍋配料方面花枝片：尚算可以食到鯇片：冇味道唔知放咗幾耐響鈴：正常雞件：正常芝士腸：正常花枝丸：中伏龍利：正常肥牛：呢個價錢算做正常魚頭：見到冇煮 點心蝦餃：幾好嘅唔錯入邊啲蝦都唔錯小籠包：有湯汁都幾好燒賣：都算出色鳳爪：唔好食架 排骨：OK炸饅頭：還可以，啱啱食都熱辣辣嘅鹹水角：no good總括來講呢度唔好諗住係打邊爐嘅首先亦都唔好諗住係選擇，只可以講夜晚想食點心可以過嚟呢度，因為如果百幾蚊其實淨係食點心有嘢飲都抵嘅，如果你要講打邊爐嘅質素我只可以講一句係垃圾，環境亦都係一成不變咁耐以來都係咁差，其實咁好嘅空間點解要咁浪費呢個地方，好希望佢可以改變！我已經等左幾年再俾一次

放假有乜好過飲番個早茶開始新的一天，聽到朋友介紹有間有懷舊點心供應之酒家便抱著一試無妨的心態試一試，點知一試就把童年回憶湧上心頭，款款精美點心也令人回味無窮，畢竟此類點心已不是太容易食到了。熱騰騰的豬潤燒賣令人一試難忘，下次放假要帶屋企人再嚟試吓一起想當年至得。

星期日難搵位，想起大鴻輝多食店就過來。選擇很多，而且很平。叫了三個廚點，四個點心及燒味双併飯，220元。煲仔飯38元份量多得可三人分，而且話可以取豬油渣及豬油拌飯，可惜這天已沒有了。炸雲吞脆口不油，咸菜胡椒豬肚湯香濃，不過咸菜很少。炸鮮奶不結實，好似漿糊。燒味飯則飯太淋，好像bb飯。順帶一埋，大中點同價。

早前在街上接過宣傳單，說是既有邊爐又有點心吃，所以晚上就和家人去試試看一走進去，環境一般，佈置裘其，天花破裂，两個字講晒【殘舊】……裏面貼牆有一邊是自助區，可以自取飲品，還有一些小食，看到都沒什麼胃口了！只因每盤小食都沒有蓋住的、人們都是一直翻來翻去，而飲品雖大部分是罐裝，可是有一瓶瓶果汁是長期沒蓋上的，感覺很【不衞生】！菜單上，邊爐【選料種類不多】，基本應有的都有，想複雜點的話：羊肉、雞子、鵝腸、芋絲……很抱歉是沒有的。幸好有點心可選，蝦餃、燒賣、小籠包、鳳爪……。邊爐湯底足料，味道不俗，可惜食材質素認真麻麻，蜆、聖子這種貝殼類還有沙，脆鯇片有泥味。另外，點心賣相ok，味道算是可以，而春卷就是伏了。服務上，侍應大部分為較年長的姨姨，她們非常樂意解答問題，並且很主動幫客人，這是值得一讚的！

平時都好少寫comment，但系實在忍唔住。呢間野服務態度極差，特別系收銀戈個女人，好似踩親佢條尾咁，黑晒面。一定唔會再踏入呢間餐廳！！………劣評blacklist。