常滿百家菜

營業中

休息中

任食點心已經好正點知仲係任食火鍋！見到都開心佢啲點心真係好懷舊，好有以前嘅味道而且份量都好足夠，冇諗過任食嘅點心都可以咁高質素馬拉糕唔係普通一舊糕點，而係有幾層懷舊特色嘅馬拉糕，食落去都好有綿綿嘅感覺，唔係好多地方有嘅做法！蝦餃大粒到入面有唔少蝦，皮薄餡靚😍好少地方咁抌本咁整咁大隻芋絲炸春卷睇得到佢春卷外皮脆之餘，芋絲都有炸過，一絲絲炸得好分明燒賣皇都係有好多粒蝦，燒賣皮都做得好薄，食落去啖啖蟹籽雜菌蒸滑雞真係做到滑嫩嘅口感，而且仲有雞味，真正酒樓水準蘿蔔絲酥餅又係一個花功夫而又好好食嘅點心見到佢黃金皮嘅顏色，一絲絲嘅蘿蔔做餡真係好考廚師嘅手勢，你食到一半都睇得出佢係做得好好火鍋都有好多種湯底選擇，揀咗個養生椰子雞煲，又有肉又有海鮮揀，真係好豐富。而且海鮮仲有魚片同埋蝦，都唔會係求其嘅食材，都幾新鮮！重有好多野飲🤩🤩

經開荃灣，走去大鴻輝睇下有乜好食，見到呢間價錢198 唔算貴仲有點心食所以就走入黎試下，入到黎叫左個香茜皮蛋同豆腐嘅鴛鴦鍋底，睇睇有咩食，見到都有d菜，丸揀，基本餸都有，肥牛就另外寫紙叫，睇下有咩飲就有驚喜，竟然會有維他牛奶，呢樣真係好少可見到會有火鍋店會有得飲，好飲跟住order左燒買，蝦餃，馬拉糕，流沙奶黃包，4樣都意外中好食，特別奶黃包，真係熱辣辣有流心嘅，蝦餃燒買都大大粒食落唔差嘅，馬拉糕都新鮮整，幾好款色就唔算話特別多，食落唔算太差，平民食店，反而點心質素比火鍋配料更好，點心比較推介，10分滿分值6分

今晚同朋友一齊食晚飯，因為起荃灣放工，就貴便起度同朋友食個晚飯，揀左大鴻輝中心既點心同任食火鍋。我地食左好多野，湯底揀左豬骨湯拼上湯，十分清，仲好足料，真係有豬骨起入面，讚！我地仲試左串燒，肉質夠滑，醬汁美味！我地食左鳳爪，十分惹味，份量大，抵食！仲食左芋絲春卷，炸得金黃香脆，芋絲濃郁，十分吸引，令人一試難忘！之後仲起自助吧夾左芝士丸、枝竹、響鈴，芝士丸可以拉到絲，認真唔錯喎！枝竹唔會油，滑溜可口！響鈴正常發揮！飲品都有好多野揀，不論係啤酒定汽水都任君選擇！值得一讚既係，侍應態度好好，仲會介紹menu既野食！

今晚同同事一齊食晚飯，大家都話想食點心，所以揀左呢間又有點心又有任食火鍋，一行入去似酒樓，但都有驚喜喎！Menu都有唔少選擇，出面仲有自助bar!竟然有枝裝維他奶，仲好貼心咁有熱既，正呀！飲品方面，仲有各款汽水、啤酒，茶類飲品都有架！自助bar都有好多選擇，有生既料俾人自己夾，個人覺得豬紅好正，仲有甜品，包括糕點、雪糕，雪糕都有好多味揀，我自己揀左玄米茶味，好好食，忍唔住食左3杯呀！呢個真好味！主角火鍋揀左雙拼湯底蝦餃真係好抵食，夠晒大粒，一粒蝦餃有成3隻蝦，好值得食，即蒸夠晒熱，大力推介！小籠包都好正，入面好多湯汁，皮薄饀靚！火鍋料既肥牛都好新鮮，唔會蘇，濃郁既牛味！今晚真係好開心！一定要再食！

平時最鐘意食點心既我，揾到呢間係荃灣大鴻輝中心12樓既常滿百家菜，有火鍋任食之餘竟然同時有點心放題，梗係要去試下啦！6點開始食，兩個鐘，叫左個鹹菜豬肚粉腸鍋。趁湯料未黎，我地出左去拎d熟食，有椒鹽豬扒，炸雞軟骨，金錢肚，連串燒雞肉都有呀！各樣味道都唔錯，炸雞軟骨好香脆，醃過入味，金錢肚都好味，做餐前小食正呀！另外有邊有飲品櫃，啤酒飲品免費任飲，當中有細支裝維他奶，幾特別喎。點心真係好吸引，係真係即叫即蒸，姐姐新鮮熱辣推點心車過黎，大件又好味，特別係蝦餃王，真係好大隻，餃皮做到剔透，入面蝦除左原隻有兩至三隻外，仲要係用鮮蝦，嘩不得了！就係咁，未食火鍋都已經飽飽地，火鍋料係正常放題款式，當中脆肉鯇都幾新鮮，唔錯！哈哈吃飽喝足8點埋單，呢餐都真係抵，任飲任食仲有點心，198一位加一咋，邊度揾👍

－行8人同媽媽慶祝生日，滿心歡喜有各式各樣點心任食，－去到時間大約6點零7點，見到出面自助區薑醋蛋已清空，以為會再出第二輪，問問侍應先知道原來每晚只出一次，呢方面酒樓有啲取巧。叫咗幾款炸物，全部都係唔熱嘅，失望。全店最好食嘅就係蝦餃，夠熱，裏面全是蝦，仲好飽滿，整體嚟講，食物質素一般，去一次就夠喇！

常滿百家菜既點心火鍋放題真係好受歡迎，唔洗到7點已經全場滿座，遲少少都位😂因為真係物超所值！值得encore！一黎就叫個鹹菜豬肚粉腸湯底先，仲有叫d火鍋配料同點心，我地去到好肚餓，所以叫得好興奮🤣蝦餃同燒賣係必叫既，蝦餃超大粒爆餡，入面起碼有4隻大蝦好爽又鮮甜，好正，唔係蝦餃咁簡單，絕對係蝦餃王！小籠包隻隻飽滿又多汁！牛栢葉好爽又入味！牛肉球大大粒又足料！係自助區仲有架車仔放左d點心係度，有牛肉腸同雞扎啊，牛肉腸好滑，雞扎好正呢！推介大家試下依個蘿蔔絲酥餅，好酥脆，入面有絲絲蘿蔔絲好好味！等火鍋同點心上枱期間或者等火鍋料熟期間可以係自助區夾住d熟食食住先，都好多選擇啊！椰汁糕同芒果布甸都好好味！

好耐無同屋企人去食自助餐，放工就一家人一齊去食點心火鍋自助餐，食得超飽超滿足！$198/位不限時任叫任食絕對超值👍我一向都係點心控，一去飲茶必叫蝦餃燒賣鳳爪今次任叫一次過每樣叫几籠，成枱滿曬見到都興奮🤤不過我地係好大食既，秒速清曬🤣係自助區都有好多火鍋料拎仲有雞串、椒鹽豬排、雞軟骨、牛肚等熟食，味道唔錯😋飲品方面我就飲左4枝維他奶🤣打邊爐飲枝裝維他奶又几夾喎！爸爸就至愛啤酒，一樣都係任飲，所以佢飲得勁爽😂火鍋任叫就叫左d蝦、墨魚滑、脆魚鯇、肥牛等，樣樣都咁新鮮！最後拎左個芒果布甸做飯後甜品，好香滑，perfect！

聽講荃灣常滿百家菜有點心火鍋放題，朋友鐘意火鍋，我就鐘意食點心，岩哂我地。出面有熟食拎，仲有熱辣辣牛肉腸粉同雞扎拎，用料新鮮，牛肉腸粉拉得透薄入口香滑，雞扎內魚肚吸滿湯汁好juicy，火腿香口，芋頭綿香😁朋友鐘意打邊爐飲啤酒，呢度大支裝啤酒任飲，成個凍櫃擺滿。我就飲左鳳梨烏龍茶，有好香鳳梨味，幾好飲。點心方面，蝦餃大隻必食，咸水角大隻有咬口，咸甜脆口燒賣都好好食小籠包多汁肉鮮，仲有好多山竹牛肉鳳爪比較少見既籮白絲酥餅，外皮炸脆，入面係滿滿既清甜籮白絲，好味👍邊爐方面，有鮮蝦，肥牛拼盤，牛展同牛脷等，我最鐘意食墨魚滑，食到有粒粒墨魚。

上星期同朋友嚟呢度打邊爐加點心放題。平時飲茶都至少幾十蚊。而家一個價錢可以任食點心同火鍋，幾低吓，而且聽侍應講呢度主打點心，又有得打邊爐，又可以任食點心，好正啊！打邊爐湯底有不同選擇，配料都好新鮮。點餐後試枱見到肥牛紋理唔錯而且是鮮紅色的👍🏼手打墨魚丸和鯪魚球都好大粒彈牙！主打點心真心正！食過後推介有小籠包，足料多汁，蝦餃燒賣都大大粒！裏面有原隻鮮蝦!超足料！除咗火鍋和點心，仲有熱食、中式糖水和飲品櫃，估唔到連維他奶都有，好特別要飲多兩支！糖水方面食咗滿紅豆沙，甜度適中唔會好甜！

地點:位於荃灣眾安街55號大鴻輝荃灣中心環境:屋邨酒樓格局點餐:點心即叫即蒸，特別欣賞佢嘅小籠包，皮薄，個饀又多汁，好味。🥰蘿蔔絲酥餅，外層鬆化，裏面絲絲蘿蔔絲，此外，鮮蝦🦐燒賣皇也不錯。以這個價錢，仲有多款點心選擇，真心已經係好抵食。火煱也不錯，自助火鍋櫃有不同材料選取:有丸類，蔬菜，海鲜，肥牛等等特別開心係甜品也有好幾款選擇：有雪糕：有我喜歡的玄米茶再加一湯匙不太甜的紅豆沙上面，真係好好味。還有蕃薯糖水，木瓜雪耳糖水，炸饅頭配煉奶…以呢個價錢，有點心，有火鍋，仲有甜品，本人覺得已不錯了，捧住個肚，滿足🥰

真心係抵食一班朋友放工黎到荃灣大鴻輝中心，食火煱加點心任食放题，每人大約$200，已可食到好飽。重要係有個寬敞坐得舒服嘅地方可比大家慢慢食，慢慢飲，傾吓偈，放鬆暢懷任飲任食。火煱湯底有多款選擇，另外餐紙上有多款火煱:肥牛，豚肉，手打墨魚丸，手打鯪魚球，脆肉鯇魚，海蝦…可點，還有火煱食材自助區，那裏有大量蔬菜，肉丸，腐竹等，各種火煱配菜。除了火煱食材外，還有多款熟食，令人驚喜的，居然連豬脚薑都有。飲品款式亦好多，有樽裝汽水，連樽裝维他奶都有😆啤酒也是任飲。火鍋任食，點心任食，汽水啤酒任飲，雪糕任食，大約$200有個聚腳點，食吓傾吓，食到捧住個肚走，真係開懷滿足。

前幾日約咗朋友去酒樓打邊爐，好多時酒樓茶市賣點心，到晚上就轉做火鍋，但呢間好特別地又有火鍋又有點心任食！以為點心任食質素就差？no no no 我哋叫咗幾款點心，有大唔蝦餃、燒賣王、小籠包特等，款款都好大粒好好食！尤其蝦餃和燒賣裏面大大粒原蝦，而且燒賣仲要有兩粒蝦又彈牙！火鍋方面湯底選擇豐富，我哋要咗芫茜皮蛋，滿滿芫茜味！肥牛和滑牛都係必食之選，仲有手打墨魚丸都係好好食🤤熱食有炸物，連豬腳薑都有，好特別！飲品有汽水、茶，但好特別有維他奶😆要飲番兩支先得

「常滿百家菜」係一間位於荃灣嘅廣東菜館，非常適合食火鍋同埋食粵菜。佢哋嘅蝦餃、小籠包、燒賣同菜苗餃特別好食，而且全部係新鮮嘅材料製成嚟。如果你想試吓唔同口味嘅火鍋，「常滿百家菜」一定係一個好選擇。佢哋有好多唔同嘅湯底，包括清湯、麻辣湯、酸菜湯等等。而且佢哋嘅火鍋料亦都好新鮮，包括肉類、海鮮同蔬菜。如果你唔想食火鍋，「常滿百家菜」嘅粵菜亦都值得一試。佢哋嘅菜式有好多款，包括煲仔飯、炒飯、炒麵、煮海鮮等等。無論你鍾唔鍾意辣味，佢哋都有啱你嘅菜式。除咗食物好味之外，「常滿百家菜」嘅服務亦都好好。佢哋嘅服務員好友善，會耐心同你解釋菜式同湯底。而且佢哋嘅環境都好舒適，氣氛唔會太嘈吵，好適合一家大小嘅聚會。

唔知大家有冇試過打邊爐同埋點心Crossover呢。今次嚟到荃灣呢一間試吓呢一種放題，平時我都好鍾意食點心，點心任食真係超值啦。佢晚市放題都係做緊$188超級抵，平時就咁打邊爐都已經唔止呢個價錢啦，雖然款式唔算話好多，但係每一樣都算係幾好味。今次就食左椰子燉雞湯火鍋湯底,佢入面仲有成個雞腿添，真係真材實料啊，一開始飲咗一啖湯，都真係好甜。佢哋嘅牛肉都係有質素嘅手切肥牛，好香牛肉味。點心方面我就幾鍾意食燒賣，食得出係好新鮮，入面嘅鮮蝦都係好彈牙。成班朋友一齊喺度聚會一晚真係好一個唔錯嘅選擇。