常滿百家菜既點心火鍋放題真係好受歡迎，唔洗到7點已經全場滿座，遲少少都位😂因為真係物超所值！值得encore！
一黎就叫個鹹菜豬肚粉腸湯底先，仲有叫d火鍋配料同點心，我地去到好肚餓，所以叫得好興奮🤣
蝦餃同燒賣係必叫既，蝦餃超大粒爆餡，入面起碼有4隻大蝦好爽又鮮甜，好正，唔係蝦餃咁簡單，絕對係蝦餃王！
小籠包隻隻飽滿又多汁！
牛栢葉好爽又入味！
牛肉球大大粒又足料！
係自助區仲有架車仔放左d點心係度，有牛肉腸同雞扎啊，牛肉腸好滑，雞扎好正呢！
推介大家試下依個蘿蔔絲酥餅，好酥脆，入面有絲絲蘿蔔絲好好味！
等火鍋同點心上枱期間或者等火鍋料熟期間可以係自助區夾住d熟食食住先，都好多選擇啊！
椰汁糕同芒果布甸都好好味！
