常滿百家菜

營業中

休息中

夜深回家，無聊的開着電視機，重複又重複的聽到，常滿百家菜-荃灣大鴻輝中心12樓，今天終於有空過來涮一次！😂😂😂基本都是任飲任食，今期餐廳推介的是點心火鍋，鍋底揀咗椰子燉雞湯，餐廳建議先飲湯再火鍋的有味湯底！湯底味道尚可，加入火鍋食材後，整鍋生色不少！火鍋的主角，人見人愛的雪花肥牛，紅白有致，一滾即食，加點沙嗲醬，味道更佳！另一款鮮滑牛，雖吸睛度不及雪花肥牛，但都不嚡不韌，總算有驚喜！從自取櫃拿來的鮮雞件、鮮魚柳，還有豬肉貢丸！自取的蔬菜櫃，不同種類的基本食材都有一些，食客們都無拘無束的自由選取，甚是自在！小妹都輕量拿了一些，蔬菜新鮮，有喜愛的皇帝菜，有驚喜！支竹亦是大愛的火鍋料，吸滿湯汁後，質感軟綿，好味道！餐廳重點推介的點心火鍋，怎能缺少了點心這個重要主角，蝦餃燒賣小籠包，打邊爐又得，即食又得，得左！😂😂😂登、登、登、櫈！燒賣火鍋來了！湯煮過仍不失燒賣味道，味道始終如一！凍櫃任取，包括酒品類，喜歡飲番杯的，實在又超值，又抵食！小朋友都有熱維他，懷舊貼心！2公升大瓶果汁都有，一圍人一枝就啱啱好 😂😂久違了的樽裝可樂，自己動手用凍櫃邊的開瓶器，很有那些年在士多買汽水的回憶！ 🥰🥰甜品取了

呢間嘢不嬲出名即蒸點心同火鍋放題，有火鍋放題、點心放題、甚至小菜放題，又平又免茶芥又無限時，平到眼都突埋，不過我自己就食圍餐多，都係又大碟又好食，要打包。灼蝦，肉厚實彈牙，算大隻，雖然睇落好多膏咁但唔腥西蘭花花枝片中間成堆花枝片成20塊，同西蘭花數量有得揮。花枝片爽口好食，西蘭花都好爽口唔淋燒味拼盤，賣相好靚，都好大碟中間係凍嘅醉雞，酒嘅分量適中，香又唔苦。叉燒偏瘦但都唔係太鞋。燒鴨還好，都係瘦肉偏多。唔知牛栢葉定牛肚，爽口濃味青瓜就冇乜汁冇乜味，清咗啲炸墨魚餅可以話係我最愛嘅菜式外面好脆，入面墨魚肉就又滑又彈牙，好香翅，少少稀但味道唔錯炸雞啲雞皮超脆又香，唔食雞皮嘅我都忍唔住食咗2舊，雞肉都嫩蒸魚大條，多肉，滑生菜蠔豉蛋白炒飯睇落白雪雪以為冇乜味，點知都幾咸入面配料主要蛋白、蝦、菜炒得幾乾身甜品紅豆沙賣晒，得翻海底椰，都ok不過偏甜最後都好多食淨要打包，嘢食大碟，味道唔錯，人均300左右。另外啲店員呀姐態度好，服務好，又應得快。

如果唔奢求好高質素同平平穩穩又一餐，呢個係一個好嘅選擇。裝修同環境就一般，感覺上就係屋村酒樓格局。食物類型又唔係特別多，但係都夠食。首先先講點心，全部都大大件又熱辣辣。任食點心有齊蝦餃燒賣，無限量供應，總之你食到就任你食，即叫即蒸果款。小籠包有驚喜，皮薄多汁。因為一般酒樓啲小籠包嘅皮都係又厚又乾，呢間又薄又多汁收貨啦。我個人會比較喜歡小籠包多於蝦餃燒賣。呢度啲炸物點心都唔差㗎。建議淺嘗叫點心一件起兩件止就好了，因為真係好大件㗎。至於邊爐，湯底正常，食物都正常。肥牛唔係得肥膏無瘦肉果啲平價肥牛，叫咗幾次啲牛都係差不多樣。當然唔係話超級好好食，不過以呢個價錢都收貨了。仲有啲海中蝦，食得出係新鮮貨，同行朋友都叫咗幾次。假期收費$188蚊再加一，$206.8可以任食任飲點心同火鍋，都無乜好投訴，啱晒大胃王去食。

今晚去完街，醒起荃灣有間常滿有得火鍋，又有得食點心。加上之前食過點心+小菜都ok,所以就去再試。搭𨋢已經奇，層層都爆，一到12樓，咁吉既...........去到見到有維他奶，啱哂小朋友。坐低叫個雞煲，一黎就知中伏，得幾舊雞，無醬汁的，呢個應叫煎雞。加水打邊爐，水黎既，一d味都無，打邊爐湯底有幾緊要，吾係吾知呀！出去攞丸，吾同既丸撈埋一堆，感覺似係垃圾堆搵食一樣，簡直覺得貼錢買難受。一路打同老婆一路後悔，早知上多幾層。唯一係食左幾款點心，燒賣，蝦餃，牛肉，呢d算係正常飲茶水準，吾係靠點心係吾會飽。出去再望下d糖水，無蓋掩住，都吾係太敢食.....再想講下，d伙計都係不知所謂，未食既點心，佢話我吾食，話收走......咩態度！總括而言，不知所謂，一家幾口食成7百幾，食了不知所謂的一餐。女女提我要講，d蝦片吾脆架

服務員人手不足/點心漏單/衛生欠佳/食物選擇少/火鍋配料食物無補充/由入座7時到離開也無補食物配料/用點單紙下單的火鍋料很久也未到及漏單/2小時後才部份到/到離開也未到齊!熟食柜及甜品無補充/火鍋電磁爐跳FUSE無電了!服務員話無辦法便走開了!火鍋雞煲!雞肉肉質欠佳及無什麼肉,只有骨!點心流沙包,不沙流!凍的。鳳爪排骨蒸得不熟!又是凍的。咸水角點了2次單,但只來了一次!要2小時後才到!皮很厚。山竹牛肉只是一般。

今晚朋友話要約我去荃灣打邊爐食點心我放工好攰，去到只想飲嘢一出到去見到竟然有好懷舊嘅玻璃樽裝可樂，連Zero都有🥹心情頓時變好🥹仲可以任飲添！好多點心任食，老闆話主打食點心😋我哋都叫咗幾款蝦餃燒賣👍🏼牛柏葉👍🏼春卷👍🏼估唔到任食都整得咁好食！真係好抵食呀！出面仲有糖水食，好正呀.我試咗桃膠糖水😋仲有雪糕添！有好多唔同味🤭食個雪糕心情好返晒！原來任食咁多野都係每人百幾蚊，仲要係酒樓，真係好抵呀！

好少見點心任食 幾特別 價錢都抵 成人$178一位除咗點心任食之外，仲有火鍋任飲任食😍呢日嚟到見好多人幫襯 非常熱鬧😄大家都食得好開心 任食真心正🥰我叫咗4樣點心😽🌸常滿蝦餃皇🌸鮮蝦燒賣皇🌸薑蔥牛柏葉🌸芋絲炸春卷全部都整得好好食，足料👍🏼又唔會太鹹。最正係佢唔係一籠籠咁點，係一件件點。咁就可以樣樣都試啲，唔使怕晒quota啦🤭一面打邊爐🍲一面食點心，真心正😆見到最新推介椰子燉雞湯鍋底先飲湯後打邊爐諗都冇諗即刻叫呢個🤩打邊爐仲有得飲湯實在太正椰子味好香🤩🥥好建議大家叫呢個😚呢度嘅火鍋配料都唔少，肥牛、滑牛、蝦、魚、豚肉、手打墨魚丸、稻庭烏冬……….. 全部都係任食㗎！菜、金菇、餃子、調味料等等就喺出面自取出面仲有唔少熟食可以任食自取，連咖哩魚蛋同糖水都有!!!!紅豆沙好正🤩🤩忍唔住食咗兩碗😚😚不得不提嘅係!!!!佢啲飲料好正好懷舊呀好耐冇見到玻璃樽裝可樂同維他奶🥹🥹🥹好感人呀🥹🥹🥹🥹係要用開瓶器開嘅可樂同維他奶🥹🥹🥹超開心🥳🥳🥳💕💕💕我開頭唔識用開瓶器😂老闆即刻嚟幫我開🥹超好人呀🙏🏽呢度啲雪糕都係任食，連我平時唔係特別鍾意食雪糕嘅朋友都突然話想食，原來佢見到有沖繩海鹽味，話要試吓係咪同沖

這裡除了食火鍋外，另一個主打就係點心放題，平時想嘆返一盅兩件，真係沒有太多時間，唯有放工後搵個地方可以盡情享受，這裡就係我喜歡食點心嘅一個選擇！這裡位於大鴻輝12樓，一出升降機就見到，座下只需選擇雞煲或火鍋湯底後，就可以陸陸續續在點餐紙上畫上想吃嘅點心入單，大部分火鍋食物都係自助，而肉類主要用點菜紙入單，而今晚我們就要了個麻辣雞煲，份量足，雞件炒得十分入味！點心落單等一陣就上枱，點心紙嘅選擇都十分多，總緊要有自己最鍾意嘅蝦餃燒賣選擇外還有十幾款口味不同嘅特色點心，以哩個價錢可以一次過品嘗到差不多廿款口味點心，真心已經超級抵食，常滿蝦餃皇，大大隻皮薄包住成隻彈牙大蝦，味道同平時在其他酒樓味道一樣，鮮蝦燒賣王亦十分推介，大大隻之餘還有鮮蝦燒賣皇一樣有了得，彈牙大隻嘅原隻蝦肉加埋彈牙肥美嘅肉，同平時去酒樓嘅口味一樣，還有不同口味嘅懷舊口味點心，火鍋即時變了配角，而飲品還有玻璃樽裝嘅可樂，懷舊感覺更濃，個人覺得味道玻璃樽更夠氣🥰而甜品除了有杯裝香港製雪糕外還有芒果布甸，內有鮮甜芒果肉粒，還有桂花糕同傳統馬豆糕選擇，一個價錢超抵食！吃點心就已經回本滿足！

荃灣加班放工好肚餓，即刻跑去大鴻輝搵食，任食火鍋千奇百趣，但我始終深愛常滿百家菜，因為有我最鍾意食嘅即叫即蒸點心。今晚同家人飲夜茶，晚市有飲茶點心任叫、雞煲、火鍋，自助形式自由奔放，飲品、蔬菜、小食，埋單每人都唔使二百蚊。火鍋點心餐點心放題，價錢親民，款式選擇多，點心任食，一次過享受晒煎炒煮炸鹹甜點心，賣相實而不華，味道超有水準，重點係傳統點心師傅即叫即正，呢個價錢外邊飲餐茶都唔得！點心類招牌小籠包、懷舊馬拉糕、常滿蝦餃皇、鮮蝦燒賣皇、蒙古流沙包、鮮竹牛肉球、芋絲炸春卷、酸甜炸雲吞、蘿蔔絲酥餅、豉汁蒸鳳爪、鹹水角。常滿蝦餃皇、招牌小籠包、燒賣、馬拉糕係我心水特別推介！蒸籠點心皮薄餡靚，蝦餃大大隻蝦仁，燒賣味道鹹香，小籠包大粒多肉汁，入口夠晒熱辣辣好新鮮。馬拉糕唔錯，直程可以話係非物質文化遺產，鬆軟唔會太甜。非常有水準，淨係食點心都有賺！煎炸點心都唔錯熱辣辣，炸雲吞、蘿蔔絲酥餅、芋絲春卷，全部炸得金黃色、香脆可口、唔會好油膩、絕對好食！香辣雞煲點心之後仲可以嘆多個雞煲，好惹味，雞肉嫩滑，少少麻辣越食越開胃。雞煲之後加湯就可以打邊爐🍲湯底變得濃郁唔錯。火鍋配料落單點選了肥牛和滑牛，肥瘦均勻

今晚同家人飲茶，呢間晚市揀雞煲或者火鍋，自助形式，飲品、蔬菜、點心任叫！未食過咁抵嘅火鍋，每個人都係二百幾蚊😙😗雞煲：好惹味，唔單只冬天岩食，夏天嘆住冷氣食都好正，雞肉亂畫，配合唔同嘅配料，越食越開胃椰子雞煲邊爐：呢個椰子雞煲真係不得了，勁香濃嘅椰子味，個湯底仲要係奶白色！入面有椰子、雞、羅白。自己仲可以加粟米蘿蔔等等嘅配料落去。邊爐湯底真係冇得彈！邊爐食物：叫咗牛，魚，魚滑，都幾新鮮😚😚基本上都係任叫點心：香揀燒賣都非常有水準，我仲叫咗四個小籠包🥰周埋牛肉球！齋食點心都抵呀總結：好味又抵食，同一般酒樓唔同，有得揀雞煲或者邊爐，好多人都黎食👍🏻👍🏻

最近有點鬱鬱的，聽說食係最佳治療，咁就索性食多d，希望可以治療得切底d。最後揀左去荃灣食火鍋點心放題。幾個月前已經嚟過呢度食午市嘅點心放題，價錢平、款式多。今次試埋佢嘅火鍋+點心任食，一次過任食兩大主題，療傷效果應該可以加倍。🥘嘢食選擇一般，唔會係超多款式咁，不過應該有嘅都差不多有齊。賣相都係一般，打卡影相未必會好靚，但重點係食物質素算幾ok喎。鍋底要左個椰子燉雞湯，先呷左幾啖湯試吓味，唔錯，椰子味幾濃，湯底清甜。奶白色湯底裡邊雞件唔多，不過自助區可以任取，喜歡用咩部位餚湯，可以自己揀選。火鍋配料有部份係剔紙落單，大部份嘅料都可以喺自助區任攞。肥牛、滑牛: 必選! 正位係肥牛嘅肥膏適中。蝦、魚: 海鮮類幾新鮮，蝦勁爽，點辣椒豉油好好味。大排檔自助區有好多嘢食，火鍋料、蔬菜、熟食、湯羹、啤酒、汽水、甜品、糖水、雪糕。其實剩係食大排檔區嘅食物都已經可以回本。值得一提係呢度有部份食物飲品係其他火鍋放題店少見嘅。飲品區有樽裝可樂、雪碧、維他奶仲要有凍有熱。啤酒有醇滑嘉士伯。蔬菜區有苦瓜、木耳、西蘭花🥦、蕃茄🍅。熟食區有口水雞、豬皮豬紅、鹽水雞腳、牛雜。湯羹類有酸辣湯、粟米羹。🥡至於另一主題一樣

秋意漸漸地來到，看上了那微涼的晚上，來一次開心火鍋。在荃灣美食之地，你總會有新地方，試新菜，今日來到＜大鴻輝（荃灣）中心＞。。。上次到來是同事的婚宴活動。 來到12樓在美景之中陪著美食，令人開懷。食店開揚，每桌也寬敞，我們選擇了椰子雞湯底。 到自助區一看，嘩嘩嘩……熱湯，冷盤小食，熱葷食材，種類不少，再加上火鍋食材，飲品區，甜品區。。。；仲有出前一丁公仔麵，令人超興奮。 火鍋選擇也不少……今次特別開心係……想像自己去了飲夜茶一樣…… 點心種類超多元化：有我愛的蒸籠食品，我朋友愛的炸物類。講吓我愛的小籠包，蝦餃，燒賣（皮薄料多）；翠肉瓜蒜泥超香；牛柏葉勁大碟；馬拉糕清甜；奶黃包（叫2嗰，就知咩料啦）。 跟住講吓朋友的炸物：炸饅頭，炸雲吞，炸春卷，炸咸水角，真係樣樣都熱呼呼的，所以特別好食。 甜品時段：已飽到不得了，但見到馬豆糕、桂花糕，芒果布丁，蕃薯糖水時，又忍不了，吃罷各款。 今週餘下日子要跑步加操了。

常滿百家菜📍荃灣眾安街55號大鴻輝(荃灣)中心12樓===================== 早前約朋友係荃灣見面傾計，搵到間可以任食點心之餘，又可以打邊爐🍲平時因為返工，好少會約朋友一盅兩件，但其實都中意食點心，呢間酒樓就可以滿足下我地先試下雞煲，揀左BB辣🌶️ 🌶️雞件上枱時已經煮好，邊煮邊食好入味，食完仲可以直接打邊爐🍲之後仲叫左個🥥椰汁雞湯底的煲，椰汁雞湯好鮮甜，打邊爐之前忍任吾住飲左兩碗先火鍋配料推介：精選肥牛➕海生蝦點心必叫：小籠包➕蝦餃皇➕燒賣皇皮簿餡靚多汁👍🏻👍🏻👍🏻😋除左點餐紙之外，亦都可以自助拎蔬菜🥬各式丸類🍡 響玲、什菇

星期日中午去，點心得好少，腸粉都無，蝦餃係大粒，但係無味嘅。春卷超多油，鳳爪勁重雪味，除左燒賣同汽水正常，其它小菜同粉面可能x點先生好過。六個人$1200一轉就唔使再落單。 上海炒年糕，上海粗炒白色嘅。 差燒玩過健身，醉雞酒雞分離，上海面超重肥豬油油味。紅豆沙豆水又係分離。 碗蠔仔粥蠔仔臭嘅。甜品張紙好多，但最後得三樣。 基本上有幾樣野食左一淡就無再食，如果有心食點心，千萬要諗清楚，同得價錢一定唔好中伏。

住喺荃灣30幾年今日話出街食飯但係大鴻輝其實成幢我哋都要食過曬。。於是我哋本着一個好奇嘅嘅心態去咗試吓。。。178任食，無限時，任食，任飲，仲有甜品。。啤酒方面，有一大支嘅大啤同喜力。。甜品除咗最基本嘅雪糕之外，仲有紅豆沙同番薯糖水！另外仲有碗仔翅粟米羹。。。不得不提嘅方便仲有口水雞同埋好好食嘅煎雞翼。。。最特別嘅係佢仲有點心食！款式唔好諗住多但係志在滿足到，過到口癮。。。如果住荃灣嘅你不妨可以久不久落嚟食下都得。。抵食夾大件。。最緊要唔貴。。。