常悅素食 (已搬遷) 新店位置

星期五Honey要係大陸開會，下晝突然send SMS俾我話同我去MK食晚飯，挭係拿拿林即刻book枱啦，去MK食素，首選一定係去常悅，尤其係冇揸車時！我哋叫咗：１.土茯苓牛大力湯（例湯，天天不同，＄１２一碗，＄３８一窩，超好味，夠老火，冇味精，上星期飲過粉葛赤小豆湯，一樣咁正！）２.薑蓉炒莧菜（好好味，薑味不太濃，莧菜軟硬適中，而且翠綠）３.欖菜蒸豆腐（欖菜浸水不夠，所以太咸，豆腐蒸得好滑，ok啦）４.乾炒牛河（非常好，不油、而且乾身，素牛肉的味道及形狀都做得好似真牛肉，如果可以多啲芽菜就perfect啦！上次食味菜牛柳絲炒麵，一樣咁乾身同好味，下次要試埋炒飯先）５.送紫米露（ok啦）服務ｏｋ喎！一定會再嚟！記得埋單前話用DBS信用卡有９折呀！食飽飽，由雅蘭行去旺角中心，我送Honey搭巴士，佢\送我搭地鐵，好sweet呀！

想去哩間食好耐, 但真係好少出旺角.因為時時刻刻都咁多人...但今日有個朋友約食飯, 又在旺角一於同老公仔一齊去試哩間食..order :1.素雞絲海蜇$302.蘿漢果菜乾(是日老火湯) $38(窩)3.風沙黃金豆腐$554.福卷拼乳豬$545.糖醋小排骨$606.鍋貼小棠菜$557.鑬菜菇頭炒飯$421.素雞絲海蜇-都幾細碟,因為係小食嘛..少少地都夠食既..味度都好似..好爽..2.是日老火湯=例湯, 但哩個例湯,一d都唔媽full架,一d都飲唔好味精.好好飲,連d渣都食埋噢..成窩都可以裝到5碗左右..3.風沙黃金豆腐=炸豆腐,豆腐好滑,好正...4.福卷拼乳豬-真係好似乳豬,好好食..5.糖醋小排骨-哩款餸是最似肉既口感,都好食..6.鍋貼小棠菜-哩款都好食,但唔係好抵,因為好似炸腐皮卷咁..好似都冇小棠菜咁, 但味度都好食既..7.鑬菜菇頭炒飯-好味炒飯一個樣樣都好好食呀... 還送糖水一碗..好味..我會再帶屋企人去食, 因為還有幾款想試吓噢.. :b

我估唔到呢度既野食都幾好味，食左什錦串，糖醋排骨，粉葛湯，粟米粥，全部都好好味，仲送紫米糖水，兩個人食，埋單都只係二百廿蚊....幾好！質感唔假，我都幾推介大家食呢間素食鋪架！

3/23/08 8:00pm星期日跳完舞同朋友兩個人食飯. 上到雅蘭6 /F都唔知食乜, 見間間都好似試過, 係未食過素, 而且又唔洗等位, 一於食下啦~ 選左個好舒服既SOFA 位坐. 個男經理好好心機介紹D SET 比我地, SERVICE 加分~ 而且倒洗碗水既兜都好精美~ 睇到其他人叫既送都幾好樣, 但兩個女仔都唔食得多, 所以最後叫"二位餐" $148. ================================================金湯海皇羹: 應該係南瓜做的.裡面有d紅蘿蔔粒/ 西芹之類, 不太杰, 幾好飲. 燒乳豬件併海哲: 一上枱個樣已經覺得好似真乳豬, 點知點埋d醬食, 仲似!!! 咬落去d 皮好脆, "肉質"v. gd! 海哲真既一樣~ 原來係芋絲黎~好香~爽爽地好味呀~ 糖醋松子魚柳: 一碟4件. 睇落黑mun mun,但原來又係驚喜之作. 點解可以整到咁似魚架???? 咬落直情有魚皮feel~ d汁酸酸地好開胃! 迷你福建炒飯: 一碟兩個女仔share 岩岩好. 個汁同正常福建炒飯無咩分別, 有d瓜粒, 冬菰, 紅蘿蔔咁, 係無肉姐~ 清清地

東坡肉煎饟三寶咕嚕肉五柳素鴨炒麵壽包味道質感都好真但略為油膩侍應態度非常友善環境舒適

已經好耐冇吃齋, 記得上次食過覺得幾好味, 於是帶朋友再來試試雖然有位, 但因為已被book滿, 所以我地要限定一個小時內食完服務員態度真係麻麻, 但上菜好快點菜：西洋菜湯-味精不重, 夠原味紅燒素黃魚-酸酸甜甜幾醒胃什錦粉皮煲-少辣, 配搭很特別燒乳豬-食法似食北京填鴨, 但烤得略嫌燶左d因為係open area, 環境就嘈左d, 同埋d位幾迫但整體食物水準不錯, 如果唔係食得咁趕應該會更好

聽朋友介紹話幾好味，就約咗3個舊同事嚟試下。因為我哋預先訂定位，去到唔使5mins就可以入喇!嘩...多人到呢，背對背坐，好迫好嘈，要好大聲先聽到人講野，好似去咗酒樓咁，如果要傾下計聚下舊，呢間就真係唔係一個好選擇。不過，食物方面，又真係幾好味喎，睇menu見到啲素菜款式好得意，下次都會再嚟試下。

海皇羹- 唔錯, 不過唔值$28/碗素乳豬- 夾飽幾好食, 如果唔係會有d'留'琵琶豆腐- 全晚最好食o既一味, 一舊都冇淨^^芋頭焗飯- 好重芋頭味, 好香, 不過面頭得個小小磨茹同火腿服務一d都唔得, 坐低諗住叫個經理幫我o地寫單, 明明見到我o地叫佢, 都盼睇唔到, 直行直過幾次, 最尾聽到我係度嘈先過黎寫單

幾個月之前同媽咪黎過呢到飲茶. 成日都想黎試吓晚飯嗰d扮肉既素究竟係點様. 估唔到又真係幾似的喎.今個星期我黎咗兩次, 兩次我都有點到泰式明爐魚. 佢係一條素魚再加冬陰公湯煮. 好好味呀呢個餸. 我平時好鐘意食魚, 所以唔覺得佢d素可以扮到魚. 不過其他朋友都話好似, 尤其係d魚皮同真魚一様口感. 不過我好欣賞佢個湯. 超好飲!試過佢既焗牛油果. 話係廚師推介, 但係我就覺得一般般. 唔難食, 但係唔應該點呢個餸.溫公斎煲: 餐牌上面寫住話係南乳味, 不過我又食唔出佢個南乳味喎.椒鹽雞軟骨: 好好奇佢咩野素菜可以扮到雞軟骨所以點咗呢個. 不過黎到發現佢應該叫椒鹽雞球. 食落係一個個雞肉波. 雖然無骨, 不過好味呀! d素扮雞扮得好似囉.黑椒素牛扒: 呢個餸無乜特別, d素扮得唔似牛. 黎到緊係要叫個斎鹵味, 幾好味喎. 之前食過好油, 呢到嗰個又幾好味喎.第一次黎服務好好! 第一次點明爐魚既時侯我哋只係加左一半湯入去. 有個待應經過話個魚要加多d湯先好味, 幫我哋倒埋d湯入去. 加水又加得快. 但係第二次唔知係唔係人多. 服務差左, d水飲完要好耐先有人加水. 試過收左水又唔比番我哋.

這店鋪提供新穎的齋菜、我晚飯時段試過他們的素刺身、老火例湯、芋頭焗頭、白汁焗露筍及椒鹽骨。他們造出來的素菜非常好食。大家不妨試試、平日去不需要等位。

食物ok..但服務態度真係1粒星都唔值...間野多人等位...但唔等於要收晒人地d野...用d凌厲眼神+擰頭...我第一次去...都係最後一次...一肚氣...

我估唔到素菜都可以做到咁真架!我食左東坡醬汁肉方,好似,真似好似,無論味道同口感都同真既一樣,如果我朋友買外俾我食.我一定唔會食唔去呀,,我仲叫左好多,過唔記得左叫咩名啦,,不過樣樣都好好食.

今次只有在下一人，便隨心叫了兩個點心：1. 煎三寶，2. XO醬蘿蔔糕，加一個白飯。三寶：必食推介，雖然不是次次好食。因美中不足是個汁有時略「傑」少少，好濃味。XO醬蘿蔔糕：味道都好好，敗筆在油太多、XO醬不均勻。

今次四個人，食左六樣野，包括：1. 酸齋：同其他素菜館既差唔多。2. 生炒骨：酸甜度岩岩好，好開胃，仲有d 生炒骨好有質感，真係有d 似肉，不會食到成口脆槳。3. 干煸四季豆：呢個我好欣賞。唔多油，佢用左冬菇加梅菜(估計)取代肉碎，但好有「肉味」，同埋冬菇粒都幾彈牙，增加左個口感，幾新鮮。4. 錦露雲吞：炸雲吞皮好鬆化，好脆，d 酸汁較杰身，林落d 雲吞皮度，幾夾。5. 法式焗牛油果：呢個就要睇你鍾唔鍾意食cheese 。如果鍾意芝士既話，我幾recommend 你地去試，因為佢面頭舖左陣簿簿的芝士，好香，而佢d 配料都好有芝士味，但唔會好似pizza 咁成pat 芝士咁湧出黎，而牛油果亦散發着少少甜味... 不過如果唔好芝士的話，呢個就可能會比較「溜」。6. 燒鰻魚：呢個係小妹最欣賞的菜式了。除左冇骨之外都較難分得出佢係齋黎架咯... 用日式方法烹調，上面舖上一層簿簿的靚芝麻，好香，而佢又唔會燒到好乾身，但個底有少少脆，值得一試。7. 另外叫左個「德國素啤酒」：好奇一試而已... 果罐「啤酒」都係寫住「無酒精」的。當然，有啤酒的味道，但飲多幾啖，就好sure 地沒有飲醉酒果種感覺啦。

回歸香港，打算來個素菜午餐，記得這裡評價不錯，怎料中招…午飯時間，與兩位中年婦人搭〔木台〕一同用膳，茶都未上其中一位婦人已一手拿起桌上唯一的點心紙左畫右畫。我同男友唯有乖乖等侍應送上另一張點心紙。見唔係太肚餓，點左三個點心一個粥。粟米粥－－唯一較清既食物，但都好鹹豆沙鍋餅－－原來以為會係燒餅皮，點知變左奄列蛋皮，好怪，豆沙又唔甜，唔好食。小籠包－－好鹹好鹹，比肉食既小籠包更鹹。蘿蔔絲酥餅－－佢上錯左，但我地又唔記得無點。蘿蔔絲偏濃味，餅底好多芝麻，唔鍾意。清菜－－落多左單，本來想唔要但男友話無所謂。好多豉油同油，好唔清淡侍應粗聲粗氣，又落錯單，又夾硬上左一個要收$6既前菜。臨走時仲見到ｄ恐怖野。侍應將我地桌既公筷收左就直接俾隔離桌用，完成無諗過我地可能用過，好恐怖！埋單$114。總括食物唔清淡，價錢唔公道，最差係唔衛生，即時打入黑名單。