帝苑餅店

營業中

休息中

睇左好多次又唔就腳！今日終於有空檔到尖東Fine Foods帝苑餅店！13:45PM果然係人氣餅店！人頭湧湧好似唔使錢咁左望右望唔見青蘋果問吓女仔職員佢立即幫忙打電話問餅房有沒有，不消片刻回覆有貨并很快便到店面，讚總共買左兩款：青蘋果芝士蛋糕～白朱古力殻唔太甜裡面有點餅碎、青蘋果肉和芝士奶凍，買相一流而味道可以啦，卻不是會好想再食的那樣。雜果拿破倫～餅很脆奶油份量剛好連生果肉齊食得-掂-

尖沙咀周邊連鎖餅店都吃慣吃熟了，於是我選了The Royal garden 的西餅，尖沙咀海旁附近就見到舖頭，非常方便。蛋糕款式花多眼亂，款款賞心悅目，看到芒果撻，這是我至愛排名榜第一位，於是就杷心一撗買了這個芒果撻。 芒果撻成三角形，圖案是立體球狀。這個撻了幾層：最高層是鋪滿鮮甜芒果做成啫喱狀，內有芒果肉的清甜味。中層是吉士慕絲，最下層是曲奇餅底。味道方面，這三層賣相悅心賞目的蛋糕真的是超好吃，內外兼具，芒果肉的啫喱的味道十分濃郁，芒果的甜度融和吉士味道，吃起來也不算太膩。我就是喜歡跟友人分享這美點！

Royal Garden 不單只係蝴蝶酥出名，佢地出品既蛋糕水準都有返咁上下👍🏻芒果拿破崙蛋糕 🍰 $3XX個賣相真係好鬼死吸引！唔單只係外表正，食落仲冇得輸😍😍😍👍🏻芒果又香又甜，拿破崙食落口感脆身而不失鬆化感，一層又一層既酥皮之間都夾住好多吉士，吉士好creamy而且味道好濃厚，成個蛋糕都係吉士真係充滿罪惡感😈😈😈😈不過切起上黎比較麻煩，一切就會散鬼晒，所以通常一班人圍住個蛋糕係咁吉黎食就算😂😂😂，個個一窩蜂係咁食好快就消滅晒！🍴😋

好想試呢間出晒名甜品精美既蛋糕店好耐，同老公仔行完街突然好想食甜品就捉左老公入黎陪我坐低食，揀左青蘋果芝士蛋糕及朱古力松露蛋糕，青蘋果造型實在太精緻，靚到唔捨得食，最後要扑爛佢黎食實在係太殘忍了，芝士味不太重，白朱古力好好食唔係好甜，入面仲有d蘋果肉好清新，朱古力松露蛋糕仲好食d呀，朱古力味香濃幼滑配埋小小跪跪多左不少層次。

我终於知道相機先食！因為賣相和環境一流！其實好唔好食，只不過個人觀點！尖沙咀比較多外藉人仕，所以偏甜係正常嘅，只係本人係本地的，就真的吃不消了！十分為满分，只有四分！因為只有眼睛食到！但最特別的有薰衣草味比較特別

之前食過帝苑的蝴蝶酥可謂一試難忘, 所以今次特意來到這裡,親身試試這裡的下午茶點!餐廳位於地下大堂, 餐桌只有幾張, 所以人多時難免需要等位, 環境上還感覺不錯。帝苑的茶點賣相真的好吸引,款款都造得好精緻,看得出甜品大師的心思細作!多款甜點中,好不容易選了其中四款,還點了一杯不可缺少的果茶,甜點加上熱茶, Afternoon tea要開動咯~看看已放在面前的甜品,真的好吸睛,不禁望多幾眼都仲未捨得食^^"最左邊的蛋形外表是乳酪味,甜甜地又帶點酸酸地,味道上沒有特別驚喜,唯一是個賣相真的好美。左二個甜點我最喜愛,因為美到加零分呀! 粉紅色的馬卡龍夾層, 中間是帶有少少酸味的紅桑子加忌簾,最浪漫的是最上面擺了一朵好精美的姐玫瑰花,成件事襯托得好完美~馬卡龍餅帶有濃濃的玫瑰味道,雖然甜度上確是甜了一點點,但食到這麼美的甜點,真是會很滿足喔!到了右二的拿破崙餅, 賣相比軟平凡,但味道上是有驚喜的,餅皮焗到脆脆的,層次感重而且輕身,甜度剛剛好。最后試了芝士餅,芝士是軟的,味道上不太濃,芝士餅入口後會慢慢滲出芝士味, 質感好柔滑,這個味道好讚喔。果茶是用鐵壺裝的,可以幫助保持溫度,令壺內果茶可以保

今年老公生日終於都無再買綠茶蛋糕因為了解佢今年嘅喜好，知道佢中意食拿破崙(有吉士佢都中意)原本真係好想自制，但個皮真係好難整所以搵間信得過嘅😂😂😂呢到嘅西餅我食過幾次，有樣有料好味又好睇上年我生日老公都買左呢間早幾日訂左今日拎原本想早d拎比個驚喜佢，點知店員話一定要2點後先可以拎。。。唯有同老公食完lunch去啦去到人唔多比左單個店員睇就等左陣有得拎等嘅時候這周圍行下睇下個個cake都好吸引啊。。。。最後check下個cake就拎回家lu晚上12點先食。。。一直放雪櫃d字都寫得幾靚👍🏻👍🏻👍🏻許願之後我負責分5個人食一人都分到好大舊一切落去就知好足料。。。好難切不過切落去又唔會散哂☺️☺️☺️好好味呀，芒果夠甜啦吉士又多好滿足😋😋😋

講到邊間蛋糕最好食當然係Royal Garden既拿破侖啦，今年既母親節就專登去訂左個士多啤梨味既拿破侖見到個賣相都已經好吸引，面層鋪滿大粒又香甜既士多啤梨。一層層好脆的酥皮，吉士醬夠幼滑，真係食極都唔停呀! 雖然係貴左D但係都係值得食

今年慶祝母親節,專登係FINE FOODS 訂左個cake。雖然係最普通的Fruit Cake,但一點都不簡單,超重,代表真材實料,除了表面外,入面都滿佈水果,超新鮮!!!!個cream打得超滑,入口立即感覺到!!!相信以後訂蛋糕都會第一時間選擇FINE FOODS

同朋友去咗尖沙咀嗰邊行吓，行到攰就去咗之前食過覺得唔錯又冇咩人嘅帝苑餅店，坐低抖吓食吓嘢。我哋兩個分別買咗rose macaron同blueberry mascarpone cheese tart。rose macaron即係一個放大版馬卡龍，中間就夾住荔枝慕絲同鮮紅桑莓，上面用咗朵玫瑰花點綴，外表好靚。馬卡龍質感脆，味道係比較人工化嘅玫瑰味，不過都算討好，整件嚟講係酸酸甜甜嘅。blueberry mascarpone cheese tart，即係鮮藍莓再加打成忌廉咁嘅mascarpone cheese，食起嚟都幾清新，唔係話好甜。

帝苑餅店啲西餅食極都唔厭， 黎過好多次，食過好多款唔同嘅西餅，款款都賣相精緻，望到已經流晒口水，酒店既材料但係都係四十幾蚊件，咁既水準配以這個價錢，相當合理！咁多款蛋糕我個人最鍾意都係芒果拿破崙，層層酥皮都好鬆脆，加上吉士醬，甜甜的，食完有種好幸福既感覺，另一款blueberry mascarpone cheese cake都係我既不二之選，餅底脆脆地加上mascarpone 輕cheese，再配埋blueberry黎食，真係無得頂！好味指數爆燈！不過唔係次次黎都買到，今次無出，買了另一款mango tart同朱古力蛋糕，兩款都唔錯，朱古力好濃，鍾意朱古力既就可以試下！最後推介係佢地鬆脆既蝴蝶酥，唔太甜，但一食就上癮，會不停咁放入口食唔停，雖然有點熱氣亦唔算平，間中買一包半包獎勵下自己都不過份丫，真心推介！星期一至四好似有會員卡有折，經開不防去試下！

fine foods D cake 真係好好食, 又靚, 不過有幾隻試吾到,賣哂, 好想食招牌 green apple, 朱古力有D甜，粉紅色蛋形果個好正, 乳酸味咁樣, 酸酸甜甜咁, 拿破輪同預期一樣咁好食, 太陽蛋造型果個我最中意,甜度剛剛好。 推薦俾大家。😍

Rose & Raspberry cake真係有rose味呀！勁好食！超級好食！一定要試下！保證食一次就愛上佢！我已經停不了口😭令人上癮嘅味道💕屋企人食左個個都上癮！買左大rose & Raspberry cake呀！

聽朋友講話帝苑既蝴蝶酥好好食，見到有信用卡優惠馬上黎買。價錢有兩個：$168 / 250G 同$148 / 200G我買呢個係200G紙盒裝, 內有約26塊左右。佢真係口感好鬆脆，而且牛油香味濃。表面帶有少少焦糖既味道！唔油，甜度岩岩好!比曲奇四重X 要香同甜度夠，下次送禮自食都係好選擇~

一直久仰大名，今日終於食到。原本只係想買個蝴蝶酥食，點知蛋糕太吸引，一於食埋佢。帝苑餅店內部好歐陸式，因為就復活節, 有個用馬卡龍砌成既大蛋。 青蘋果芝士蛋糕:好靚!!我唔小心搞碎左！內面有忌廉芝士，脆脆餅碎同少少酸的蘋果蓉。外皮係白朱古力！唔算太甜，成個感覺好特別，口感好豐富。芒果朱古力慕絲：唔算太甜，中間既芒果蓉中和左油膩感，好好食。做成太陽蛋的芒果蓉同忌廉好好味。果然係酒店級質素，有幾張信用卡買滿$200就有88折，所以都值得黎食架!