帝苑餅店

營業中

休息中

諗買咩生日蛋糕成日來來去去都係西餅店。今次試吓依間酒店嘅生日蛋糕。揀咗店中最出名嘅拿破崙蛋糕慶祝媽媽生日。係士多啤梨拿破崙。本身Mingorr麻麻哋拿破崙比較少食。但講到咁好食咪試吓囉。因為脆卜卜嘅關係。所以好難切。最終切到散晒。蛋糕主要係由好鬆化脆口嘅酥同吉士組成。雖然都擺咗一段時間。但個酥都無稔到依然很脆同都有好多層。夾雜著厚厚吉士醬。個吉士好好食唔太甜。好濃厚同creamy。連埋啲酥食個口感好rich。個醬入面仲有啲士多啤梨肉。酸酸哋中和返。面頭鋪滿大大粒嘅士多啤梨同藍莓。雖然唔算甜。但同埋個蛋糕一齊食又好易入口。可以refresh一吓。不錯所以食得多無限cream嘅生日蛋糕轉吓口味食啲唔同質感嘅拿破崙。都係一個好選擇但略嫌貴

之前同事係農曆新年時帶翻黎一盒fine food原味蝴蝶酥，一試之下不得了！簡直驚艷。可惜當時屬於農曆旺季已經被人預訂晒啦～等到今個月係表妹生日，突然醒起可以買黎做禮物，於是就專登坐地鐵去尖沙咀。當時濛濛細雨，時間已晚，雪櫃度的糕點幾乎售罄，只剩下馬卡龍，可惜，下次早點黎試試。買左一盒mix，原味同芝麻味，178元，都唔平。鐵盒裝送人最相宜，設計簡約又高檔。造型實在很靚啊～一打開香味撲鼻而來！果真係好酥好酥！係我咁耐以來食過的最酥的蝴蝶酥。原味的有淡淡牛油香，芝麻的口味更豐富。同朋友分享時，芝麻味更加受歡迎。希望妹妹食得開心。

🍰🍵🎂至愛嘅另一半生日～蛋糕又點可以馬虎呢🤤識買蛋糕一定係買帝苑餅店👍🏻受歡迎唔係冇原因，除咗賣相精緻，佢嘅原材料包括麵粉、牛油大部份都係歐洲入口，絕對係高質自選。要講最出名一定係佢嘅＂芒果拿破崙＂(堅好食)😋👍🏻🎁，但因為已經試過好多次所以今次決定試吓新野，所以提早左兩日訂咗佢嘅＂Green Tea opera＂呢一個八層蛋糕嘅設計入口非常甘香抹茶味，每層都有驚喜好似食緊雪糕咁😋，頭三層係抹茶醬甜而不膩、抹茶海棉蛋糕好鬆軟同忌廉非常幼滑，底層黑朱古力餅底略帶苦澀味，正好中和上層甜味～一磅岩岩好8-10位朋友每人試少少😋食完正餐重食得落！如果大家平時食開東海堂或者美心(雖然都好食😝)下次不妨試吓帝苑呀真心冇介紹錯😍

帝苑酒店 Fine food 「栗子Mont Blanc」在眾多甜品中脫穎而出，一定有其過人之處。栗子山的巨型買相，採用了瑞士栗子蓉製成，一層又一層接近20圈，非常工整又堅挺。高峰頂還有一顆巨形糖漬栗子，其鬆化程度是入口即溶。栗子蓉口感軟滑，栗子味道天然清新，甜而不膩，淡淡的冧酒香令味道更有層次。重重的栗子蓉包圍著,朱古力海綿蛋糕、栗子蓉雲呢拿慕絲、栗子碎粒等。栗子雲呢拿慕絲夠smooth, 栗子粒清香粉一糯，朱古力蛋糕夠濕潤，層次感相當豐富，唯一美中不足的略嫌淡味。價錢亦不親民，每件售 $50

我們家生日最愛訂帝苑酒店的蛋糕❤❤每次款式必定不同，最重要的更是無論賣相、味道及層次感都永無失望！多年都能keep住超卓水準今次姑媽及堂妹這兩個一月壽星生日，當然又是光顧Royal Garden啦～～今次蛋糕賣相十分有趣，光滑的朱古力glaze上半捲住的芝麻蛋卷，蛋香微脆的蛋卷佈滿黑白芝麻，帶點中式藝術意味。蛋糕旁還有片片紅色朱古力片，中西合併，感覺獨特，出奇地融合。畫龍點睛的是中間的朱古力幼棒，頂端有薄薄的金箔作點綴，散發點點高貴奢華感。蛋糕以結實的朱古力脆餅作餅底，內層共三層，第一層是濃郁細滑的榛子慕絲，中間夾著甜中帶苦的朱古力海綿蛋糕，質感輕盈濕潤，第三層是黑芝麻慕絲，打得幼滑，但還吃到啖啖甘醇黑芝麻細粒，令口感更為豐富我最愛黑芝麻慕絲層，不僅是這本來的誘人黑芝麻香氣，更因是想不到黑芝麻與朱古力可以那麼夾，兩者不會過甜而奪去黑芝麻的天然香氣。平日對卡路里十分節制的我，都不禁吃了1.5件帝苑真心無得輸

Fine foods， 以前我路過呢個餅店都只會覺得糕餅靚但唔捨得買，但有幾次公司既客都送Fine food糕點比同事食，跟住同事又分享Fine foods 比我食，一試之下覺得Fine foods貴都會想再買黎食，之前食過佢既迷你cup cake都好鬆软，食落個cup cake材料唔係用普通海綿蛋糕整，食落好似有蜜糖味。講番今次呢個蝴蝶酥，之前係同事分享下試完覺得好香脆同埋唔會太甜，今次試埋芝麻味，都係覺得原味係最好食最香牛油焦糖味，不過始終都係比較貴既甜品，偶爾先破費買下。

今年農曆新年吃到很多美食，這盒來自Royal Garden的蝴蝶酥也不例外一直知道Royal Garden的甜品很有名，當中妹妹更大力推薦其蝴蝶酥，說是吃過最好吃最好吃的蝴蝶酥！嘻嘻～數年前我也帶過外國的朋友嚐其特色甜品，印象中確實不俗～蝴蝶酥非常鬆化，但結構絕不鬆散，很少吃蝴蝶酥不會掉碎，這裏的蝴蝶酥居然做到了！另一點非常驚訝的是，其牛油香味濃郁卻不覺得膩，不知不覺越吃越多整體很值得一吃，推介～

相信好多人都知道Royal garden hotel 內的蛋糕店係好好食，每年我家人生日，指定要食呢間餅店的蛋糕，佢地最出名係拿破崙蛋糕，由於有家人唔食芒果，所以我買左士多啤梨拿破崙蛋糕為家姐慶祝生日。佢地d 蛋糕每日新鮮製作，拿破崙內的忌廉係新鮮人手製作，內有雲呢拿籽，味道新鮮而且唔漏，而拿破崙餅鬆化香脆，一層餅底一層雲呢拿，美味兼絕配，士多啤梨都甜，唔係落糖槳的甜，成個蛋糕真係好好味，同家人分享，好快就清晒。

老公生日想食芒果拿破崙，上網研究一下，好多人都介紹帝苑餅房嘅芒果拿破崙，試吓訂唔訂到第日拎拉，11點打去訂 訂到可以第日收工拎、一打開個盒一陣香脆既味道傳出來，真係仲好脆。吉士唔算好甜 好香 ， 一件食完又一件。個個都話好好味

Pistachio & Raspberry Mousse Cake $48帝苑嘅蛋糕一向都好食，而且款式都好多！價錢唔算好貴，個裝嘅拿破崙蛋糕都深得我心～買一件都包裝得咁靚！呢件係聖誕限定款式，聖誕樹嘅造型應下節今日係供應最後一日，我地買到最後呢件～綠色朱古力皮包圍開心果mousse，開心果味道突出，唔會過甜，好好食mousse裡面尚有莓醬，帶酸、中和味道，但略嫌莓份量有點多，最後食到薄薄一層餅底。簡單一件蛋糕食到多重口感！

第一次食帝苑甜品(朋友請食甜品)嘩!外表好靚!玫瑰红桑子馬卡龍📸📸📸📸📸📸📸红桑子好大粒(酸酸甜甜，平衡番馬卡龍的甜味)內裡慕絲 好幼滑(有小小果香味)頂粒玫瑰花(如果食得就滿分)打開盒飄出，陣陣玫瑰花香味馬卡龍(蛋白裙邊平均)入口外脆，裡面煙煙韌韌，陣陣玫瑰香味，偏甜但有红桑子和玫瑰香味的配搭，整個甜品帶出清香的甜

之前在帝苑餅店買過拿破崙蛋糕，好吃!蛋糕裝飾精緻，紫色忌廉水果蛋糕。每一層都滿佈水果。今次結婚希望一切從簡，但因很遲才約到酒樓有獨立房間提供，故雙層結婚蛋糕亦遲了才預訂。問過多間大大小小亦有出名既糕餅店都回覆未能在有限時間造出結婚蛋糕。 唯獨帝苑餅店，雖然亦難以在短時間內提供雙層結婚蛋糕，但他們不斷聯絡我去商討其他方案。多謝糕餅師和一直聯絡我的職員miss fion lam, 最終為我造出有玫瑰花作點綴的結婚蛋糕，為我非常簡單的婚宴加添色彩!如果糕餅師造出每一個蛋糕是為了帶給別人快樂，那麼，帝苑餅店成功了!

未夠鐘食宵夜。見帝苑餅店未close 。心癢癢買咗件cake 自私食American Cheesecake ～入囗芝士軟滑。無餅乾底。唔會d餅乾碎跌到周圍係。配兩粒紅桑子。中和芝士嘅膩。五星級酒店出品有保證。

呢個rose&raspberry真的好好味！虽然每天都吃不同的蛋糕 但已经很久都没有吃到让我感到amazing的蛋糕了 所以将openrice的第一次食评献给这里><

我最喜愛的餅店 當之無愧每年生日都想黎食Cake哄下自己每次必點Cream Horn, 真係好好味外面脆脆鬆化, 入面凍同幾濃味既cream每一啖都好邪惡又好幸福呀 haha另外點了 Chestnut Vanilla Gateau同無花果cakeChestnut係我一向食蛋糕既選擇, 哩個亦不錯好滑, 甜度適中每次黎我都會揀Cream Horn加兩款未試過既Cake但都未有令我覺得比Cream Horn更好的