希戈餐廳

營業中

休息中

今餐食ribeye之前真係冇打算寫食評，不過食完之後都覺得有必要話個事實比大家知，就係hugo's絕對係嚴重overrated我叫左焗蠔，法式洋蔥湯，sea bass同ribeye。除了牛排，其他一切都幾不錯，雖然唔係特別好，但是也不過不失。麵包係全餐最精彩嘅。食得出係新鮮出爐，garlic bread好香好鬆軟。咁好食嘅麵包為晚餐設定左很高的標準，但好明顯呢個標準保持唔到。落order果陣我冇被問到要煮幾熟，對我黎講完全ok的，如果廚師知道烹飪食物嘅最佳方法，我會選擇信佢。上菜果陣都見到佢煮得好好，medium至medium rare，只係烤左薄薄嘅外層，肉中間部分仍然係鮮紅色，但唔係滴血水。我的第一啖已經係噩夢嘅開始。咬唔開，韌，乾，完全缺乏牛肉味，完整地描述左呢款HKD 750嘅牛扒。坦白講，佢煮到好似湯渣咁，煮到好似十成熟咁，又乾又硬。牛排冇太多脂肪，所以我希望佢至少係充滿牛肉味同有肉汁。但情況當然唔係咁，食完成塊牛，個碟乾過沙漠。我用左10分鐘去食一塊好似大家樂牛扒早餐級數嘅野，然後收我七百五十蚊加一。Hugo's歷史我唔熟，但係憑呢種食物，Hugo's遲早都會係歷史。

放假同朋友黎 Hugo's 食個 brunch buffet.  有自助頭盤 +  一個湯+ 一份主菜 + 自助甜品 (HKD 878/位, +10%). 單看價錢好似好貴, 但試過食物既品種同質數之後, 絕對係物超所值.平日Lunch會平D,  唔同主菜有唔同價錢, 一樣有頭盤同甜品, 但唔係自助.  我個人都比多少少食weekend buffet, 始終自助開心d一坐低, 侍應就會放低一籃有三款唔同味道, 而且暖烘烘既麵包, 其中有個蒜蓉既我最鐘意.跟住就開始出去自助頭盤, Brunch黎講, 佢既種類都算多, 仲款款都好吸引, 有長腳蟹, 小龍蝦, 生蠔, 生牛肉他他, 刺身, 魚子醬, 西班牙火腿…當然一定有佢地既技招牌芒果大蝦沙律啦. 淨係頭盤既陣容, 都已經值回票價食頭盤都食左3轉, 其實仲想繼續食, 但要留肚食主菜.  龍蝦湯都未飲完, 我既牛肋骨已經出左黎等緊我喇必選招牌菜 - 燒美國牛肋骨肉, 廚師即席切開牛肉放在暖暖的碟上, 配有約克布甸同焗薯. 牛肋骨肉燒得岩岩好 非常軟嫩, 又有肉汁, 不愧咁多人慕名而來. 另一主菜 - 大西洋原塊鮟鱇魚, 千層焗南瓜. 魚肉嫩

一直都想黎食佢地個weekend brunch buffet 1月book都要3月先有得黎食餐廳裡面唔算大 格局就當然行高級餐廳路線 staff制服都比較歐式風格 semi buffet 主攻海鮮同甜品👇🏼最開心嘅係 海鮮呢度食得好方便 幫你拆晒之餘 質素有保證 食咁多都未見到有霉既海鮮 肉質全部都白雪雪 👇🏼另一樣嘢要食嘅 係佢嘅伊比利亞火腿夾蜜瓜 新鮮已經唔再講 蜜瓜夠甜先可以襯返火腿嘅鹹味 唯一係覺得蜜瓜唔夠凍👇🏼食左幾輪海鮮之後 就準備叫主菜 燒美國牛肋骨前一日要留定👇🏼啱啱嚟到嗰陣都會有一桶麵包 蒜蓉包係超好食 由於要留肚關係 其他包我哋就打包左👇🏼餐湯今日係南瓜湯 同出邊啲南瓜湯有啲唔同 質地比較稀 但仍然做到好creamy既效果 亦都保留到南瓜味 10分推介👇🏼牛肋骨預留咗一份可以share食 呢個係一半嘅份量 廚師會喺前面即刻幫你切同上枱 👇🏼三文魚批 批焗得好靚 加埋忌廉汁一齊食 味道好夾不過想留返啲肚食甜品 所以有一半都打包咗👇🏼甜品有好多唔同選擇 馬卡龍同左上既咖啡朱古力cake係我特別鍾意 唔會一味得個甜字 當然其他甜品都唔錯👇🏼出面嘅甜品其實仲有 不過唔想浪

事隔多月又來到Hugo's, 今次一行四人開開心心品嚐美味午餐. 由門口至入座, 沿路都會有服務員同你打招呼, 令你有親切的感覺. 我鍾意這餐廳的環境, 樓底夠高又有充足的光線. 入座後, 服務員隨即送上餐桌水&餐牌, 餐牌上其中三款經典午餐菜式(煎魴魚柳, 牛肋骨肉&龍蝦拼盤)是固定的, 其餘菜式應是每兩星期更換一次餐牌點餐後, 服務員送上麵包籃內有三款麵包, 法包, 蒜蓉包&酥皮包, 各有特色, 不同口感. 三款麵包都好味😋頭盤可選擇自選頭盤or🦞湯每次見到手推車的自選頭盤都不能抗拒, 因為滿足心多多的我🤭 通常我都是每樣要少少, 樣樣都試下😬另外朋友選擇🦞湯, 服務員送上餐桌時, 坐著旁的我都聞到濃郁的龍蝦湯的味道主菜, 我們分別選擇經典燒牛肋骨肉, 香煎魴魚柳&烤走地雞👇燒美國頂級牛肋骨肉🐂, 經典菜真是經典菜, 由廚師&服務員推著手推車在你面前切肉&上桌, 肉質嫩滑. 除了大大塊的肉, 亦配上焗薯仔, 可添加酸忌廉, 煙肉碎&葱粒, 令薯仔味道更昇華. 整體味道不錯😋👍👍香煎新西蘭魴魚柳🐟, 賣相不俗, 兩件煎魚柳, 配薯仔&烤蔬菜. 魚柳肉質一般, 味道都是靠在旁的醬汁.

話說早一星期book位時順帶問一問午餐set lunch 有咩，我一聽到威靈頓三文魚，就由果刻決定order依個菜。（威靈頓三文魚睇落平平無奇，其實都幾難整到外面酥皮鬆化，內邊三文魚唔會過熟，係考功夫菜式）今日我隨左叫三道、亦額外加了生蠔麵包：有三款、三款都好味。生蠔：第一碟有蠔殼，換了。蠔味偏淡、但爽脆，如果喜歡濃味或海水較重，可以不叫了。龍蝦湯：好味鮮甜、味道適中（有時其他餐廳非常喊再帶出苦澀味）唔太杰身、龍蝦肉質爽脆同甜！推介比大家！主菜威靈頓三文魚：唉極度失望。首先，一開波同大家講依道菜係難整（外面酥皮鬆化，內邊三文魚唔會過熟）Hugo’s都失敗⋯⋯外面酥皮冧哂，所有魚汁漏晒係酥皮，真係有少少見暈再黎酥皮包三文魚中間果層傳統做法去皮夾住波菜芝士。但Hugo ‘s冇去三文魚魚皮，魚皮好脆口、同冇腥味，睇得出係好新鮮的，不得不讚依點！但問題係酥皮冧配上冇味魚皮最後卷埋三文魚魚柳，成個卷淡而冇味。唉！但配菜一流餐茶熱咖啡好香、冇苦澀味，為甜品做準備甜品選了最簡單焗吉士蛋糕同特色佛手柑薄荷朱古力蛋糕首先我食個淡吉士蛋糕，整體係好，有雲尼拿籽、軟硬適中，但如果餅底係脆就perfect 佛

Hyatt regency嘅staycation package包1100蚊dining credit，啱啱可以喺大名鼎鼎嘅法國餐Hugo’s到食個3 course lunch😛落order後即上嘅喺三款包：baguette，蒜蓉包同芝士香草酥皮包，三款都好出色～尤其係酥皮包，香到如果有得單點一定會打包🤩個set可以揀自選頭盤或者龍蝦湯～頭盤由一個古色古香嘅轉盤送上，可以喺18款之中任選，鐘意嘅揀晒都得～所以好大份，淨食都夠一餐～每款都冇話特別好食，但不過不失龍蝦湯就好出色，唔會過鹹，但充滿龍蝦嘅鮮味，抵讚🦞主菜叫咗招牌Roasted US Prime Rib of Beef 牛扒用open oven咁焗🐂可以控制到牛扒保持鮮嫩多汁，同時充滿roasted beef嘅風味，唔怪得係呢到嘅招牌菜🍴🍴廚師仲會推埋嚟枱邊切，俾你選擇芥辣同焗薯嘅配料甜品未到已經先興奮😍侍應會推住甜品車去每一枱介紹甜品試咗四款，普遍較甜，未必係香港人口味，但平均質素唔錯～其中荔枝慕絲最好，果味出，有果肉🥰今餐性價比超高，尤其適合大食量嘅朋友，以小編嘅食量應該可以餵飽三四餐😂但係份量大嘅同時，質素毫不遜色😋以lu

繼上次食咗weekend brunch 後，一直念念不忘Hugo 😚.今日趁放假試吓食lunch , 水準及服務繼續一流。Starter 可以自選，再配上龍蝦湯。主菜選了烤雞，雞皮焗到剛好。甜點可以自選兩款。

第三次到訪這間具歷史的法國餐廳，武士和兵器有低調的奢華感。景物依舊，世事變遷，呼吸一口清新空氣不是必然，股王騰訊也能衝上$700，在不變與幻變之間，我好像了解人生多一點。點了焗澳洲盲鰽，其實鱸魚，還有招牌菜燒美國牛肋肉，前菜選了龍蝦湯，甜品是餐車任選兩款蛋糕和四款生果。龍蝦湯有濃郁的忌廉白蘭地，很好喝。吃完麵包和湯之後，已經有點飽。主菜的牛肋肉比較肥，廚師在餐車前切，多款的芥辣豐富味覺嘅層次。盲鰽魚味十足，伴碟的法式千層焗薯很重牛油味，對增肥人士是一大喜訊。甜品份量也很大，其中兩款是慕絲，比自助餐還要飽。餐飲喝了伯爵茶。

準時12時開門，選擇了羊架做3-course lunch set的main dish，侍應隨即把香噴噴的麵包放到我們面前，然後推著trolley 來為我們逐一解說18款頭盤，其實每款都很吸引，有不同種類的海鮮、沙律和Parma ham以供我們選擇。我們慢慢地吃過頭盤（其實已飽了一半），主菜來了，羊架超嫰亦沒有酥味，配搭了芝士忌廉千層薯片，雖然感覺很漏，但忍不住全部送到肚子去😋最後，再一次推著trolley來介紹甜品，甜品款式不多，每人可選一至兩款和兩至三款水果，最欣賞是栗子撻😋

Hugo's-希戈餐廳分享下好豐富又好食三道菜午餐🤗Lunch set包三道菜 🥗🦪🥩🦞🍰☕（頭盤，主菜，甜品加餐茶）價錢就視乎番你簡咩主菜（menu係最後果張相）Trolley亦係餐廳傳統，頭盤，甜品，rib of beef都係推住trolley出黎serve你。你見到架車裝住咁多野全部你都有得簡其實好開心🥰一黎就上個香氣迫人既麵包籃，有三款包包🥖🥐🍞芝士香草酥皮包同埋蒜蓉包要大推💯食完都飽左兩成頭盤架trolley有18款前菜比你簡，包括龍蝦沙律，pamaham with melon 🍈煙三文魚,蝦🍤蟹腳🦀青口，牛油果🥑沙律菜，紅菜頭，蕃茄仔🍅醃青瓜🥒等等。每樣要一款就係最正😆另一個頭盤就係龍蝦湯，係hugo既名湯，的確出色，濃度適中，調味剛剛好，湯入面亦帶有龍蝦肉（試過caprice果個好咸）主菜分別叫左US prime rib of beef 🥩and Whole Boston lobster 🦞Rib叫左medium,餐廳都建議5成最好食，肉質好幼嫩又有牛味，我覺得本身係一隻靚牛加上廚師燒得岩岩好，除左好好味我都冇其他形容詞，食到e度都已經好飽，但黎緊仲有另一個主菜要食😝原隻

兩個月前訂咗尖沙咀凱悅酒店嘅staycation，💰$1518加多$300 就可以喺客房享用希戈餐廳 嘅三道菜晚餐，平時食佢嘅lunch人均都要~$600一位，小編就襯優惠試呢間經典扒房😋🧚🏻‍♀️招牌前菜精選：凱撒沙律🥗生牛肉他他🥄蝦咯嗲🦐雖然係喺客房到享用，但係麵包送上黎嘅時候仲係微暖，麵包亦係誠意之作，三款都充滿麵包香味。招牌前菜亦冇令小編失望，沙律新鮮，大蝦爽彈，連埋隔離嘅芒果一齊食非常開胃，生牛肉他他最為驚豔，完全唔覺得腥，牛肉鮮嫩😋🧚🏻‍♀️燒美國頂級牛肋骨肉廚師會上嚟客房門口切肉，可以體驗喺餐廳嘅視覺。牛肉鮮嫩，入口軟渣肉汁豐富，配搭嘅醬汁唔會過鹹，但係某啲部份有筯，比較難咬，小編就覺得整體不過不失，好食但未到驚艷嘅程度。而配菜嘅焗薯同埋蔬菜質素亦正正常常。🧚🏻‍♀️法式焦糖燉蛋口感細膩香滑，亦唔會過甜。但份量都頗大，小編最後都係食唔曬😝整體而言都係中上之作。成個體驗都唔錯，雖然喺客房到享用，但服務員上到黎嘅態度同服務都非常好👍🏻絕對冇因為喺客房食而馬虎。酒店亦升級咗我哋去套房，成個staycation嘅價錢亦都非常抵玩😆味道：7.5/10環境：NACP值：7/10

平時好少食fine dining今次第一次試個體驗都唔錯我哋冇叫一個set反而散叫 叫咗魚牛同雪山火焰 你幾道菜都幾好食 個牛仲要好多添 兩個人來講都食得幾飽 成餐大概$1000左右 但係因為有個staycation 嘅package 就可以減走呢$1000 環境都幾靚不過有啲暗影相就冇咁好睇

數香港最有名氣的酒店法國餐廳，香港尖沙咀凱悅酒店內，充滿古典味道的 Hugo's「希戈餐廳」一定榜上有名。餐廳入門處威風凛凛的西方中古武士立像正是這餐廳的標記。貴為酒店內的高級餐廳，在這兒用餐當然所費不菲，不過這兒只在周末、周日供應的「希戈早午餐」（$755/位），就以質素取勝，各款食物量雖不算太多，大部分都精彩出色，絕對物有所值。三款各有特色的麵包，暖烘烘的躺卧在舖上了白色餐巾的金屬碟子上，三款麵包中我最喜歡，覺得最好味的則是牛油香味濃郁，層層酥皮軟熟可喜的「牛油酥皮包」。吃自助餐，生蠔是必吃的吧！這兒的生蠔雖然不算大隻，可也不算細小。新鮮的生蠔，適中的大小，爽脆的口感，甜中帶鹹的味道，是我這天對這兒任取任吃的生蠔的印象。比即開生蠔更吸引的，是同樣任取任吃的新鮮龍蝦。為方便顧客食用，早已被破開兩邊的龍蝦身與一扯即可把鉗肉分離的龍蝦鉗，肉質爽彈，味道鮮甜，顏色雪白，與紅得鮮艷的龍蝦殼形成悅目的對比，讓我一連吃了數隻，才肯罷休，也忽略了長腳蟹爪、青口、凍蝦等其他凍海鮮。這兒的「凱撒沙律」與「生牛肉他他」都是餐廳的名物。「凱撒沙律」材料新鮮已是好吃的保証，不過「生牛肉他他」帶酸的味道雖然有

1969年開業既Hugo’s 歷史悠久 係一間法式fine dinning既老店💁🏻‍♀️我地對佢都抱有非常大既期望 但最後都失望而歸🤦‍♀️Staycation package 包左$1000餐飲回贈🤤我地叫左最signature 既5 courses dinner set ($1388)🎈餐前麵包提供左三款麵包 麵包盤仲係熱既💁🏻‍♀️法包一般都係硬硬地 有小小烤焦了🙈另外兩款包都幾好食😋有水準評分: 7/10.🎈生蠔配紅酒醋我地今次既時令生蠔係澳洲既coffin bay💁🏻‍♀️比較淡 對於唔好生蠔既我黎講味道都算剛剛好食得出都係新鮮既 但真係細隻左少少喎🤭評分: 5/10.🎈焗田螺係出面食既香草味會好重我個人非常之中意pesto既香味但Hugo’s 既調味蒜味比香草突出甚至有少少蓋過香草既香味🤦‍♀️但係螺肉都算大粒 勉強收貨評分: 6/10.🎈龍蝦湯呢一個湯係席前烹調既💁🏻‍♀️但其實湯係已經煮好 但就會席前煎蝦途中佢會加酒 一加就會著哂火🤭視覺效果一流啊🤤第一啖飲落係好香龍蝦味啊!!!兩隻蝦都唔會話好韌🧐一開頭都可以下但越飲就覺得越咸 甚至有少少苦🌚可能因為加左酒所以會有呢陣苦味評分:

Felt like a long lunch, so decided to visit the roast beef at Hugo’s. Our sofa booth was cosy. The appetizer trolley was impressive as usual - we wanted to try everything, but I had to hold back for the beef. The beef was still as good as I remembered- meat was soft and not chewy at all. My date was not so lucky. He ordered the pork, which was tasteless, overdone and hard like 湯渣。We complained to our server, who was nice enough to cancel the pork and bring over the fish. Fish was ok. Our mood wa