巴依餐廳

營業中

休息中

好耐無黎幫襯，老婆話掛住呢度個羊肉粉湯。於是這天的中午來回味一下。十二時多，只有幾個人，可以揀位坐。點了羊肉粉湯，以及羊肉手抓飯，另加6蚊要了一杯凍檸茶。先來羊肉手抓飯，未知是否天氣太冷，上枱時只是微暖，而且飯和羊都淡而無味。只弊的是羊肉可能己煮好一段時間，放得太耐，肉變得很乾，全無肉汁。再黎羊肉粉湯，看賣相還可以，但細看之下，發現變了很多。以前用扁身的羊粉，現在變了類似韓式粉絲的物體，質感沒有以前的韌，而且分量少了很多。羊肉也由以往的羊腩和羊肋骨，變為一舊預先煮好再切片的羊瘦肉，鞋口兼無羊味。湯的顏色很濃，但味道卻欠奉，不鹹不鮮也不羶。凍檸茶一般啦，但幾大杯。埋單七十幾，未知是否因為午市便降低食物水準，但真係好失望。

間中都會去巴依餐廳…不過每次都只有我和sheep二人, 所以試的菜都不多~這次就點了羊肉串, 羊拐拐和干煸四季豆羊肉串水準依然…燒得很香…很重的香料味道…雖然羊肉味都被香料味蓋了不少, 但該有的羊羶味還在…干煸四季豆 - 我最喜歡吃…有少少辣…很惹味, 送飯就最好的了…而且四季豆的衣都剝了, 吃起上來不會有一條條的渣…羊拐拐 - 份量很大, 一上檯就知道我們二人是不可能吃完的….大概是羊膝蓋上下部分的肉, 肉炆得很淋…而且加上蘿蔔, 洋蔥, 芫茜, 蕃茄的汁…清清淡淡的…而且還有骨髓可以啜…..還記得在意大利餐廳Cenacolo吃過一款和這個煮法很相似的羊…味道有八成相似…所以一吃就立即想起….羊拐拐最終剩下了三件…要打包…~新疆菜我還是喜歡濃味, 充滿香料的…因為這種好像會比較有大漠風味…

哈哈．其實 LUNCH 成日食．有次BABAMAMA係雜誌見到想食咁就由我帶路LU ~ 一直都好鍾意佢既裝修好有風味夠特別ESP 個 toilet．哈哈．難搵到有驚喜叫左羊肉手抓飯羊肉拉面羊肉餃子同一個不知名的火鍋因為全家都好鍾意食羊．又唔怕果陣味所以我地都係以羊為主題的上菜了．全都不錯耶羊肉手抓牛係個人最愛因為實在太特別．我唔知蒙古有冇呢樣野不過我係hk真係未食過呀har~~ 羊肉拉面同個火鍋都好好食!! 可惜唔記得左個名反而羊肉餃子真係差d．太厚啦．唔recommend 大家叫service 就唔會好家啦因為佢地係小本經營．所以都唔怕d客家．哈哈! 埋單每人80元．不錯的一餐

早幾晚一行5人專登去試下，訂位時問我地要唔要訂個"烤羊腿"，心諗要訂既應該會係招牌菜啦，所以決定左~ 要!!當晚點左羊肉餃子 - 唔覺得有羊肉味&皮厚 ......反而配既汁就幾惹味羊肉薄餅 - 肉碎炒得幾香，餅皮夠簿 香酥羊排 - 肥膏少d會更好葱爆羊腰 - 好勁'壓'味......怕羶既朋友千祈唔好叫!!!(各人夾左一次都已經唔想食....但又唔想o徒野....唯有點番餃子既汁先可以食多兩舊)羊肉手抓飯 - 一般，有蘿蔔+提子乾既炒飯烤羊腿 - 好腍......腍到有似阿媽煲完湯既豬展咁!!!! 唔羶，只係食到孜然粉既味!!!!但有部份肉又好乾喎.....失望+失望.......炒菜 - 全晚最好味!!每人一杯飲品

兩年前因為openrice食評而到此店，一試難忘．兩年後從食此店，失忘而回．孜然羊排：　羊排有厚厚一層肥膏，肥膏佔５份１，難以吞下，味道及香味合格薄餅羊肉：　沒有羊味，薄餅只是微暖，等１分鐘後已完全凍哂而且硬羊肉　　：　一般，沒有特別，多肥肉甘梅檸檬可樂：是全餐最好味的食品，好夠話梅味食完唔會飽，只會感到滯，因為太肥膩同油．終於明白點解近日食評多數係

29Jul2007 1900經常沉醉美好環境下，只會不知民間疾苦，自己及身邊人也最終成為受害者。硬要係香港食到比較多與羊的菜式有關食店，暫時得呢間，不少人都叫好，但質素係唔係講得咁好呢？只有以局外人身份睇得最清楚，連我共4位大食友，都只係點了4個菜。未上菜前每人1小碗酸奶，裡面還有黑芝麻及青提子乾，奶個人來講再要酸一點就更加好；涼伴豆腐上面有皮蛋碎及芫茜，下面黑色類似豉油的物體應該有點甜味掛，原來係要送飯先得，唔係鹹到苦；虎皮椒用煎完後再舖上少少蒜蓉豆豉汁，一的辣一的唔辣，可以照顧不同需要的人；羊小腿以放湯的形式煮，羊幾嫩滑，叫做有少少羊味，除肉外，最好「絕」埋骨髓，咁會完美一點；最期待的還是要預訂的烤羊腿，好奇怪點解有甜酸醬，乜籽然粉唔係應該落在羊腿上一齊烤嗎？切落去時已經不夠嫩滑，心知不妙，食落去同煲湯豬肉冇分別，明知係香港用中式方法煮的羊都好難好味道，都唔緊要，只要嫩滑、有羊味、香料味或有羊酥味是但一樣有我都收貨，但四大皆空，仲有乜信心再點菜呢？賣完單後，拿拿聲轉場地。俾著其他人一齊中招，最後結果就係七到冇朋友。

前兩日同老公專登去試試,其實已經訂左枱,不過我都就只係坐一張廁所旁既位,入到去既時候人唔多,得3枱客,淨係呢樓野已經大打折扣!一坐低見到寫住要收加一&茶錢,扣多兩分,今時今日除左酒樓都好少地方收茶錢喇,何況佢地唔同酒樓會比你選擇要咩茶,只係沖左一壺唔知咩茶擺係你枱面,就要收每位$2,真係差勁!一打開餐牌(得好少野揀)本來想叫一個飯同一個主菜喇,點知佢話飯同麵淨係午市先有,但係佢又無寫明,變左都無咩好揀,最後叫左一個孜然羊肉同喀什羊肉!先講個喀什羊肉,原來係將d羊肉隔水蒸,食完之後再飲湯,不過d羊肉用快指真係好難食,同埋個湯好油!而個孜然羊肉都ok既,不過好熱氣,食完喉嚨好痛!之後都無再叫其他野喇,埋單$238 一d都唔平,不過分量都ok!但係應該唔會有下次喇,同埋雖然鋪頭唔係大,但係好困聲,好嘈,嘈到老公坐係對面同我講野我都聽唔到,真係嘈過街市!

the food here is really very special!and realy tastes goodthough it is a bot crowdedthe atmosphere is goodvery homyand the staff are nicevery good ar

Lunch 走過去食，入到去好舒服，環境真係唔錯!叫左土匪雞翼 - 正，好香羊肉粉湯 - 羶味我唔怕，不過覺得味道冇乜驚喜，幾大碗，抵食羊肉手抓飯 - d 飯係油左少少，不過間唔中食下都好味，d 羊肉夠有味，成個飯都好唔錯想試下酸奶冰沙，不過冇，唯有睇下有冇機會去啦由於太多好評，但係食完又唔覺真係咁掂，所以俾 OK 算

Had tried dinner before, it was quite good.So I decided to try their lunch few days ago. I ordered 羊肉手抓飯. Oh, this time it was very bad ! 羊肉手抓飯 - quantity of 羊肉 was bad, only had bone, very few meat. 飯 was very oily. I will not try their lunch again.

已多次在午飯時候光顧.食物的確有其獨特風味,但無論份量,水準和賣相也不太穩定.不過,整體上也很好吃,份量亦夠;這樣的價錢,也算很值得.其中羊肉粉湯,京味羊肉拌麵,羊肉串手抓飯和凍奶也不俗.地方比較簡樸但卻通爽,面有時不太清潔,服務只做到最基本要求,但午巿卻免去加一.

這是復活節假期的第一日, 我們一家人期待而久去試這間餐廳. 我一早已訂了位. 我們早了15分鐘到, 侍應小姐說我們可先坐下, 是足夠5人坐的, 但我們見到有一位男士還在享受他的晚餐, 沒有意思很快離開. 我們便堅持下在外面等, 但他走後才進去. 問題是我們已訂位, 當然不想有人搭枱啦. 開始時印象已減分. 因為我們的堅持最後也把那位男士移去另一位置.羊肉串:　肉質尚可, 但沒有羊味．Lamb Chop : 差. 老人家唔好食. 無肉汁. 又係無羊味.清湯羊肉:　湯尚可口, 但羊肉多骨, 又肥.羊肉餃子:　ok. 同樣問題, 無羊味.干煸四季豆: 全晚最好食. 夠干身. 好味!傷心涼粉: 夠spicy! 第二好食.羊肉手抓飯: 差. 飯一舊舊. 無味道. 羊肉只有幾片. 我在深圳食過不同的清真/新疆菜, 夠"SO", 有羊味!香港太多食店經常"自作主張", 為了"就"香港人口味, 經常令食物不論不類. 完全是失敗之作.消費: $5XX只有失望....不值!

好難找呀﹗原來位置是比較近薄扶林﹗原本我們想叫套餐，但什麼套餐都沒有，唯有分開叫﹗最出名的羊肉串，食唔到，有點可惜﹗其他食品，就一般啦﹗星期六晚上8點左右到，套餐無，羊肉串無，一定不會再去啦﹗

門口已好大羊味, 店雖小但都幾整潔份量都幾大, 如多人去可試多幾個菜羊溥餅好食, 一定要叫, 羊粉就一般其他都ok土豆絲係喜出望外, 爽有樣佢\\\地幾好既就係...如你唔識叫,叫多左佢\\\地會提你份量已好夠你地可能食唔晒, 不如唔要呢樣呀!!! 好多餐\\\廳都未必會咁, 其他既你叫得多重好

2008/3/2 Sun 8:30pm自從朋友一次帶了我去深圳吃了新疆菜，就喜歡了羊的那種味道。在較早前從電台有DJ推介在水街一間專吃羊的餐廳，推介這裡的羊很好吃，就一直想到這裡試一試，昨天終於和朋友親身去吃了。今次三人同行，等位等了廿分鐘，看見門外貼上蔡生的推介，埋位後叫了五碟菜，包括：「手抓羊肉」、「白灼羊片」、「羊肉餃」、「串燒羊肉」和「土匪雞翼」。「手抓羊肉」是廚師推介的。唉……但骨多個肉，很淡口，完全沒有羊羶味，似煲湯肉多D。「白灼羊片」是冷盤，外形有些像爋蹄，很鞋口，都係爋蹄好吃一點。「羊肉餃」味道很普通，沒有驚喜。「串燒羊肉」每一串的味道都不同，有些羊串無味無道，有些羊串才有咸味，味道調較不夠均混。「土匪雞翼」味道小辣，五碟菜之中最好吃的一碟。我們吃完五碟菜後，肚子還空空一片的，想再Order一些麵食炒飯，但侍應說晚飯時段沒有麵食供應，手抓羊飯又賣清了。我們深知繼續和它談戀愛是不明智的，只好止蝕離場，到外面的茶餐廳再吃。埋單總數200幾，又要Black List一間了。