川巴面館 (已結業)

原本約左朋友去貢茶Cafe飲下野下計，點知黎度左個大改變，就係變左同川巴麵館共同經營，店內既裝修變到中國風，甘又見有少少肚餓就甘叫左碗擔擔麵同小食(買貢茶仲可以以新開張期優惠，半價享麵底 )中國風筷子巴蜀手撕雞 $38(美味指數: 😋😋😋😋)用左麻醬同辣椒，雞肉嫩滑，同有青瓜拌碟，青瓜非常清爽涼拌海帶 $18(美味指數: 😋😋😋😋)涼拌汁就麻麻辣辣甘，相當開胃四川正宗擔擔麵 $28(美味指數: 😋😋😋😋)麵食就可以再配搭餸料，價錢每款太概6~12蚊。可能平時食開既係上海版擔擔麵，所以同預期既擔擔麵有d唔同，四川既擔擔麵湯底比較無甘濃稠，花生醬味即無甘突出土雞絲擔擔麵 $38(美味指數: 😋😋😋😋)土雞絲擔擔麵其實就係加左雞絲，雞絲同樣嫩滑，另外好欣賞麵底軟硬度適中😋整體食物質素：3.5 / 5💰性價比：3 / 5👍推薦指數：3.5 / 5

川巴環境簡約舒適，食物川味十足，色香味俱全，而且有貢茶提飲料供應選擇，為喜歡吃辣的饞嘴們，一嚐解辣靚飲!正宗四川擔擔麵，麻醬香口，加上少少花生碎，可以像車仔麵一樣搭配餸菜，即吃到四川特色，又滿足饞嘴的慾望。炸芝士腸外脆內嫩，香口多汁，午餐肉更是炸得剛剛好，皮香脆可口。巴蜀手撕雞香辣適中，鮮嫩的雞肉配上麻醬，咬上一口，汁多四溢，適合輕嚐小辣的巴打。麻醬青瓜，清香爽口，配上香香的麻醬，蒜味淡淡的滲出，不失為一道開胃小菜。秘製麻辣薯粉，先喝一口湯，刺激味覺，口水直流，再試一試薯粉，Q彈煙韌，吸收足夠的麻辣汁，簡直好惹味。吃到嘴巴麻痹時，喝上一大口冰凍的飲料，實在是爽！紅油抄手，略帶少少甜，加上蝦肉，增添了抄手的鮮嫩，值得一試！涼拌海帶，稍微有點硬，味道不過不失。總的來說，川巴麵館在你逛街到累，肚子又餓的時候，不失為一個滿足你休息醫肚的好地方。

個日同同事行行下街 見到呢間嘢覺得好似幾唔錯下，於是乎上左去食。.🌸巴蜀手撕雞 $38推介配料調制的好好 雞肉嫩滑 真係冇得輸。🌸涼拌海帶 $18我最鍾意食海帶。🥳 呢度嘅海帶都幾正宗。.🌸川巴蔥油拌稻庭烏冬 $44同事唔食得辣 於是order左呢款。入邊加咗生菜🥬, 大腸。佢好鍾意個烏冬 因為韌度啱啱好。啱曬佢口味。.🌸正宗四川擔擔麵 $54我order左小辣，加咗大腸 牛舌同生菜。超鍾意食大腸 厚厚地 口感極好。呢個辣味亦好啱我口味。正.🌸蜂蜜綠茶 $32味道正常～甜度適中.🌸阿里山青茶 $29呢個有d特別 口感清清淡淡。茶味唔會太濃厚～唔錯

成日經過，抬頭望以為係貢茶，睇到食評原來有川味食品，放工上去買外賣加餸。6:30左右到達，喺門口量咗體溫入店鋪內。目測當時都有大概7成顧客。店內係自助服務，去到收銀處落order如下:-1.     秘制麻辣薯粉(中辣) – 雖然係外賣，但係浸咗湯後嘅薯粉都仲保持到煙靱彈牙，唔會溶晒同埋一夾即斷。紅油味香配上芽菜，酸豆角粒同芝麻，辣度足只可惜麻就略遜一籌。2.     巴蜀手撕雞(中辣) – 雞絲用紅油配上麻醬同芝麻，相比起麻辣薯粉更顯野味，墊底有形狀不一嘅拍青瓜件，又辣又濃之餘散發清爽，不過份量比例係3/1雞絲對3/2拍青瓜。3.     紅油抄手(中辣) – 抄手細細粒，每粒都有蝦，餡料絕不欺場。醬汁豉油加上紅油，配上青蔥同芝麻，食落味香濃之餘都仲食到餡嘅味道。總括食物味道係不錯，可惜份量真係偏細，同價錢都屬正比。

一般旺角比人嘅印象比較嘈吵,嗰日去廣華醫院探家人，我想找到一間比較靜且有特色嘅麵館。我自己比較喜愛嘅係這個川巴蔥油烏冬，最特別之處係蔥油味好濃香而且有麻將點綴，食落有金香姐面量好夠。對一個女仔嚟講絕對好滿足。經濟實惠而且地點容易搵到，直接譚走過嚟唔到十分鐘。我啊我同屋企人叫咗個， 炸丸拼盤。佢好食味道濃縮鎖住喺肉丸裏邊。佢想佢哋特別嘅珍珠奶茶簡直就係冇得睇。環境舒適而且冷氣好夠凍。加上佢哋服務殷勤我覺得係唔錯嘅選擇。

好耐冇出旺角行街行行下發現樓上有間川巴面館睇個名就知係食四川菜 咁啱又想食下辣嘢 就決定上去試下餐廳位於一樓 幾闊落用咗木枱同埋木櫈 傳統中式風味雖然位於旺角但價格都好平民嗌貢茶飲品仲可以半價購買麵食正宗四川擔擔麵 $28 黑豚肉+$10 豬大腸+10擔擔麵麵底係幼麵 偏硬身雖然嗌咗少辣但係同另一碗薯粉比呢碗嘅小辣唔係好辣黑豚肉豬味幾濃 咬落幾嫩豬大腸洗得好乾淨秘製麻辣薯粉 $28 炸墨魚丸+$12薯粉又夠麻油又夠香又夠辣仲有唔少嘅肉碎同埋芽菜墨魚丸炸完之後香口咗巴蜀手撕雞 $38呢個手撕雞真係必點非常之好食 麻醬同埋辣油調配得啱啱好 凍凍地 食落好開胃雞肉都好嫩滑 必試紅油抄手 $38比我想像中嘅份量多得最有八舊每嚿都好足料配埋辣油非常惹味

👉🏻秘制麻辣薯粉配肥牛，金針菇👈🏻$44偏辣，唔食得辣記得嗌小辣呀，薯粉夠煙韌，面配有芝麻，令個湯既香味昇華👉🏻土雞絲擔擔面配生菜，黑豚肉，金錢肚 👈🏻$64雞絲滅度好幼，食落口感幾好金錢肚切得夠薄，唔會難咬👉🏻涼拌雲耳 👈🏻$18好抵食，份量多，唔算太辣👉🏻紅油抄手 👈🏻$38有豬肉同好似有蝦，同樣都係辣既餐具🥄🥢幾靚，好似青花瓷😂佢而家新開張有優惠，如果買貢茶既嘢飲,麵底就可以半價😱所以而家食都幾抵

聽講旺角新開左一間川菜麵館，平民價又好味的，今日收工行經附近，就想去試吓食個便飯。呢度嘅環境富有中國特色，雖然都有點兒似foodcourt,因為川巴麵館同埋奶茶店Cross Over，所以位置基本上係自由選擇坐。睇完餐牌有咩好食就直接去麵館嗰邊，俾咗錢之後呢就可以坐返喺位置度等嘢食，對面仲有奶茶店，如果買嘢食奶茶都有得平㗎。而我哋今日最主要係來試川面，我就揀咗秘製麻辣薯粉，加菜肥牛金針菇，朋友就揀咗川巴蔥油伴稻庭烏冬，加黑豚肉同韭菜餃，我哋再加多個麻醬青瓜同巴蜀手撕雞。話咁快就有得食啦，賣相仲好吸引添，望落去碗烏冬同薯粉都大大碗，手撕雞同埋青瓜份量都好足夠，我點嘅麻辣薯粉辣得來真係好爽呀，辣到可以自己選擇，如果覺得辣得滯，就可以配返啲青瓜中和一下，個烏冬就唔辣嘅，一邊食麵一邊食下手撕雞同埋青瓜，真係好豐富呀。呢度嘅特色係麻醬，幾乎每一樣菜都有麻醬，所以鍾意食麻醬嘅朋友，呢間餐廳是你們的專屬，嘢食方面都好抵食，最後埋單都係$150 ，簡直係平靚正啊。

自己一個人行旺角，心思思想食酸辣粉，網上見到呢一間個名幾特別，把心一橫就去試下。由旺角中心行過去都幾遠，原來係近油麻地嗰邊。唔係地舖，我開着地圖都搵咗一陣，原來要上一樓。入到去，地方都幾大，唔算多人，入門右邊係貢茶，左邊係出嘢食嘅地方。餐廳做緊優惠，買一杯正價貢茶，可以半價叫碗麵。上網啲人推介阿里山清茶，我未飲過，就決定試一試。杯茶好快整好，我飲咗第一啖，覺得好甜！覺得好奇怪點解啲茶會咁甜。等左10分鐘，碗麵終於都黎。比想像中好食！辣到十足，但係又唔會味精好重。呢個時候再飲杯阿里山清茶，不單止唔覺得佢甜，仲覺得好解辣，非常驚喜！

行經旺角，見到新開麵店，就想食個快靚正既麵，試下新嘢。應該係新開張，裝修都好新淨，同一間店入面有麵館同貢茶。依家有優惠，買一杯貢茶，麵底有半價，咁真係好抵食！咁就食佢啦係疫情之下，確保衛生真係首要，店內既餐具都獨立包裝，令人食得安心👍🏻👍🏻正宗四川擔擔麵+生菜 （左）擔擔麵好濃既花生香味，好香；墨魚丸都幾爽口彈牙，係好食既土雞絲擔擔麵+韭菜餃雞絲撈好味道鋪係麵上面，睇上去賣相唔錯。湯都係有花生香味既，比頭先個麵辣少少，更香添，最後我都飲咗幾啖湯韭菜餃一份有兩粒，都幾好味既奶蓋黑糖烏龍出色！奶蓋好creamy 同奶香好重，混合埋都好好飲呀荔枝烏龍甜甜的，幾消暑 

又到lunch hour......今日好想食酸辣粉，又唔想食連鎖店，去到兆萬附近見到一間貢茶/川巴面館，就貢上去試一試佢😝沿住樓梯上去就係面館，入到舖右邊就係整飲品同落order, 另一邊係取麵食。麵底有4款，2款擔擔麵、薯粉同烏冬，配料選擇算幾多~係呢個都好肚餓下既情況😂我order咗4餸配麻辣薯粉，加雲耳同炸雲吞.... 好似有d過份haha!.✧秘製麻辣薯粉（正常辣）(加炸餐肉、肥牛、娃娃菜、鮮冬菇)薯粉煙韌，湯底油份較重、尚算香濃，正常辣對我黎講唔夠辣。配料有出面少見既炸餐肉，比起烚既香口好多😍 肥牛不過不失，娃娃菜和鮮冬菇都是切成小塊的，鮮冬菇經炸過微脆內軟的✧涼拌雲耳份量多，雲耳爽脆，微酸帶麻辣的醬汁好醒胃.✧酥炸雲吞本來係叫酥炸雲吞皮，不過賣曬🙈炸雲吞都唔錯，中等size, 一客8粒, 餡料味道較濃最後我竟然都食得曬🤭果晚無食晚飯ja ma🤣仲有我想講佢對即棄木筷子好靚呀！

-川巴面館🍽-呢間同貢茶一齊開既川巴麵食就係兆萬對面📍佢設計好有Cafe feel不過就中式D上黎買杯野飲食下野同朋友傾計或者工作都唔錯嫁😉-⚠️新店優惠只要買貢茶飲品就可以以半價享用川巴面館既麵類‼️-秘制麻辣薯粉 $28 配料分為炸物或煮物！推介炸午餐肉同扎肉😋加埋麻辣薯粉真係好惹味😋-涼拌雲耳 $18因為個碗比較細佢亦冇預先撈好d辣汁所以上面個幾舊就好辣下面就冇乜味但$18不過不失😉-巴蜀手絲雞 $38個醬汁幾特別係花生味加麻辣😋食落好惹味雞絲份量唔算好多因為下面墊左好多青瓜🤣但味道係唔錯既😉-🌟評分:🏅🏅🏅🏅📍地址: 旺角西洋菜南街2T號添置商業中心1樓

#川巴面館 (旺角)與貢茶聯成的川巴麵食。買貢茶可以用半價買埋麵食。因為呢度可以坐低享用所以貢茶價格係比街邊舖貴一點，但係呢度唔急趕嘅關係， 個人覺得沖得好飲啲。麵食係以車仔麵嘅形式，揀咗麵底再揀餸。#秘製麻辣薯粉 $28平日食開酸辣粉，呢個就係冇咗酸味嘅麻辣粉。平時嗰啲咁重香料味。好適合唔鍾意食酸但鍾意辣同薯粉嘅朋友仔。薯粉彈性岩岩好，吸左湯，好野味。配左雲吞同餃子，細細粒，皮好薄，肉味重。#土雞絲擔擔麵 $38麵底係中國拉麵🍜比較軟身。鍾意佢個雞絲，好香雞味，吸左湯底嘅味，香口。湯底唔濃稠，偏稀身會無咁易濟。#巴蜀手撕雞 $38本身以為份量唔多，但點知成個小山丘咁，好適合兩個人用來做小食。手撕雞吸左麻胡醬，好開胃，食完一啖接一啖。底下仲會有手拍青瓜。慳返唔使嗌麻醬青瓜。#炸芝士腸餐肉扎肉拼盤 $58欣賞佢地炸完好漧身完全唔油膩。幾鍾意呢度環境好似Cafe咁，同朋友可以係度hea下傾多陣計。

環境好寬敞，見到有人帶住電腦黎坐，好似cafe咁，人又唔算好多，可以慢慢坐。旁邊仲有貢茶，食完辣野買貢茶飲就岩啦。🔸川巴蔥油拌稻庭烏冬 - 蔥油勁香，索哂d味落滑溜溜的烏冬，拌麵可以索哂湯底的精華，唔會好咸。🔸秘製麻辣酸辣粉 - 湯底好香麻香味，叫左中辣岩岩好，酸香味同辣味平衡得好，唔會有一邊搶味，鐘意食酸辣粉既人一定鐘意食~🔸巴蜀手撕雞 - 表層好多麻醬，底層有一層紅油浸住，食到麻醬香味又食到辣味，層次好豐富！雞肉尚算嫩滑，而且撕得幼幼，最緊要係d醬包住每一條手撕雞，正！令人夾完一舊又一舊！

旺角美食選擇太多，今日就黎左呢間樓上舖既川巴麵館食晚餐，雖然呢間餐廳既入口唔太起眼，但試到餐廳比較寧靜，而且坐bar枱可以望埋出面既街景😌主食有四款唔同既麵底，值得一提既係如果買貢茶既飲品，就可以有麵底半價既優惠，計返都幾抵食🤩😋川巴蔥油伴稻庭烏冬配午餐肉、金錢肚呢個麵值得一讚既係蔥油好香，再加少少日式既胡麻醬，加埋稻庭烏冬既滑嘟嘟口感非常夾，唔洗配料已經好夠味，金錢肚有切成一條條薄條，方便易咬，調味略微偏淡，可以更加入味😋土雞絲擔擔麵配墨魚丸、芝士腸擔擔麵既湯底偏麻辣，比較推介比鐘意食辣既朋友仔，擔擔麵既麵質爽口，墨魚丸好彈牙👍🏾😋小食：炸雜丸拼盤呢度既丸類全部麵係咬落彈牙爽口，吾會食到粉口，加埋甜酸醬減低膩感，而且份量都唔少，同朋友share更好😋巴蜀手撕雞雞肉質地有韌性唔會霉，加埋麻辣醬汁同胡麻醬夠哂惹味，雞肉份量足夠，下面鋪左爽脆青瓜，夾埋一齊食更有口感